Morgunblaðið - 02.02.1995, Blaðsíða 41

MORGUNBLAÐIÐ
FIMMTUDAGUR 2. FEBRÚAR 1995 41
BREF TIL BLAÐSINS
Fangelsismál
Frá Sveini Bjömssyni:
ÉG HEFI lengi vitað að fangelsis-
mál okkar væru í molum. Það
hefur ekkert verið hugsað um þau
lengi, þó margir hafi vitað það,
en þagað.
Fyrir u.þ.b. 15 til 20 árum var
vitað að afbrot myndu aukast
vegna fíkniefnanotkunar. Um það
leyti hafði maður í Hafnarfirði lent
í afbrotum og fékk töluverðan
fangelsisdóm, en var látinn laus á
skilorði og bið á því að hann yrði
látinn undir lás og slá. Maðurinn
stóð sig vel. Hann fór að búa og
átti börn og allt lék í lyndi, en um
tveim árum síðar var bankað hjá
honum og sagt, að hann ætti að
fara á Litla-Hraun á morgun.
Þetta var ógurlegt áfall fyrir fjöl-
skylduna, sem sagt allt sett í rúst
fyrir honum.
Nú skilst mér að töluvert á ann-
að hundrað manns bíði eftir fang-
elsisvist og enginn af þessum
ógæfumönnum veit hvenær það
skellur á og þeir gefa skít í allt
og alla og halda áfram afbrotum.
Það er ágætlega sagt frá þess-
um málum í DV 11. jan. sl.
Það er ekki mannlegt hvernig
er farið með þessa vesalinga, að
láta þá bíða lon og don eftir fang-
elsisvist gengur bara ekki lengur,
örvinglun grípur um sig hjá þorra
þessara afbrotamanna. Hann veit
ekki sitt ijúkandi ráð og hellir sér
í eitur og áfengi og meiri afbrot
til að gleyma sínum vondu málum.
Sumir lenda í svipuðu ástandi og
ég hefi nefnt og svo splundrast
allt hjá þeim.
Þessi fangelsismál hjá okkur
eru í algjöru rugli. Dómsmála-
ráðuneytið hefur ekkert gert í
þessum málum margt lengi og
þó þessi nýbygging á Litla-Hrauni
sé góðra gjalda verð, er hún eins
og dropi í hafinu. Það hljóta allir
að sjá að það verður að gera bet-
ur. Já, miklu betur. Láta hendur
standa fram úr ermum. Ekki í
orði heldur á borði. Það er ekki
hægt að líða að allir þessir af-
brotamenn gangi lausir, séu bara
á biðlista. Fangelsisleysið er auð-
vitað skýringin á því að lögreglan
er alltaf með sömu afbrotamenn-
ina undir höndum.
Ég sé ekki betur en það verði
nú þegar að finna hús, sem hægt
er að breyta í fangelsi. Nóg er til
af þeim bæði í Reykjavík og úti á
landi. Ég veit að það kostar mikið
en fólkið í landinu, sem borgar
alltaf brúsann, myndi verða ánægt
að losna við innbrot og þjófnað
og árásir dag og nótt, já og hræðsl-
una.
Dómsmálaráðherrar undanfarin
20 til 30 ár, sem ég nenni ekki
að telja upp, virðast ekki hafa
haft tíma né vilja til að geta eitt-
hvað í þessum málum, enda hafa
þeir haft alltof mikið á sinni könnu.
Dómsmál, sjávarútvegsmál og
kirkjumál, sem þeir komast hrein-
lega ekki yfir, þó þeir hafí aðstoð-
armenn og svo vantar viljann til
verksins. Mig minnir reyndar að
tekin hafí verið skóflustunga fyrir
fangelsi í Reykjavík fyrir langa
löngu með „pompi og prakt“ en
málið koðnað niður og orðið stórt
núll.
Ég hugsa að fólkið í landinu,
sem eitthvað hugsar um þessi
mál, hafi verið ánægt, að heyra
frá fangelsismálastjóranum sann-
leikann á þessu ófremdarástandi
í fangelsismálum 11. jan. sl. Hann
á heiður skilinn fyrir að segja fólki
sannleikann. Hann er alltaf sagna
bestur.
Það verður enginn betri af að
lenda í fangelsi, en samt ekkert
annað við suma að gera, best fyr-
ir þá sjálfa og alla. Kannski fara
sumir þeirra að athuga sinn gang,
einir í klefa sínum, fára að trúa á
heilbrigt líferni. Á sjálfa sig.
Hætta að hata þjóðfélagið.
SVEINN BJÖRNSSON,
rannsóknarlögreglumaður.
Enn um
fyrsta stál-
skipið
Frá Jóhanni Indriðasyni:
VÍSAÐ til greinar Hjálmars R. Bárð-
arsonar skipaverkfræðings og fyrr-
verandi skipaskoðunarstjóra í Morg-
unblaðinu 28. janúar 1995:
í grein minni frá föstudegi 20.
janúar féll niður smíðaártal dráttar-
bátsins Magna 1953-55. Með góðum
vilja mátti misskilja greinina eins
og Hjálmar R.'Bárðarson reyndar
gerði svo eftirminnilega.
Heiðurinn af að Magni var smíð-
aður í Stálsmiðjunni er að sjálfsögðu
Reykjavíkurhafnar, og það er fjarri
mér að ætla öðrum þann heiður, og
þeirra manna er verkið unnu.
Hafnarnefnd sýndi Stálsmiðjunni
mikið traust að takast á við svo mik-
ið verkefni og um leið varð Stálsmiðj-
an fyrsta stálskipasmiðja íslands.
Frumdrögin af Magna eru að
sjálfsögðu gerð af Hjálmari R. Bárð-
arsyni, en hvarf til annarra starfa
áður en verkið var hálfnað, en við
tóku tæknimenntaðir menn, sem
smiðjan réði til sín og luku þeir verk-
inu með miklum sóma ásamt starfs-
mönnum smiðjunnar.
Vona svo að enginn misskilningur
eigi sér stað í skrifum mínum.
JÓHANN INDRIÐASON,
stálskipasmiður.
Stretsbuxur
kr. 2.900
Mikið úrval af
allskonar buxum
Opið á laugardögum
kl. 11 - 16
Arctic
Odýru
kuldagallarnir
komnir aftur
Arctic kuldagallarnir fást í tveimur litum;
dökkbláu og grænu.
Gallarnir eru fáanlegir meö dömusniði.
Pantanir óskast sóttar sem fyrst.
Verslun athafnamannsins frá 1916
Grandagarði 2, Reykjavík, sími 28855, grænt númer 800-6288.
Hvemig verður málum
geðfatlaðra háttað?
Frá Gísla Helgasyni:
ÉG HEF eins og margir aðrir
fylgst með undirbúningi stjórn-
málaflokkanna vegna væntan-
legra alþingiskosninga nú á vori
komanda.
Mér er ofarlega í huga aðstaða
framsóknarmanna á Vestfjörðum,
en þar hafa mál þróast þannig að
maður úr Reykjavík, Gunnlaugur
Sigmundsson, framkvæmdastjóri,
hreppti fyrsta sætið, en Pétri
Bjarnasyni var hafnað, en hann
lenti í öðru sæti.
Mér finnst það ógæfa margra
stjómmálaflokka að hafa menn á
boð við Gunnlaug Sigmundsson
innanborðs og þá sérstaklega fyrir
Framsóknarflokkinn, sem kennir
sig við félagshyggju og jafnrétti.
Því miður er álit mitt þetta eftir
framgöngu Gunnlaugs í Þverárs-
elsmálinu svokallaða, en fyrir
nokkrum árum gekk Gunnlaugur
hvað harðast fram í því að meina
geðfötluðu fólki búsetu í einu
hverfí Reykjavíkurborgar, þar sem
hann býr sjálfur, og hafði það
m.a. sem röksemd að hættulegt
væri að hafa fólk nálægt sér, þar
sem fötlunin sæist ekki utan á því.
Hvernig ætlar Gunnlaugur að
beita sér í málefnum fatlaðra Vest-
firðinga í framtíðinni?
GÍSLI HELGASON,
Reynimel 22, Reykjavík.
Innréttingatilboð
vegna breytinga seljum við allar
innréttingar úr sýningarsal okkar
með verulegum afslætti.
Verslunin METRÓ
Álfabakka 16, sími 670050.
NUPO-létt
eini læknisfræðilega kannaði
megrunarkúrinn
Hvers þarf að gæta til að viðhalda grönnum og heilbrigðum líkama?
Eru megrunarkúrar hættulegir?
Já, þeir megrunarkúrar, sem uppfylla ekki þarfir líkamans fyrir alla nauðsynlega næringu,
geta reynst mjög hættulegir. NUPO-létt inniheldur öll þau næringarefni, sem líkaminn
þarfnast og er því hættulaus (Ath. að fæstir megrunarkúrar uppfylla öll þessi skilyrði).
Hvers vegna á ég að nota duft, en ekki venjulegan mat?
NUPO-létt er venjulegur matur, sem í raun er ekki frábrugðinn t.d. osti eða pasta. Það er
bara ekki hægt að búa til svo næringaríkan en um leið hitaeiningasnauðan mat, úr
venjulegum matvælum.
Eru ekki allir duftkúrar eins?
Nei, alls ekki. Oftast skortir talsvert á að aðrir kúrar uppfylli næringarþörf líkamans.
T.d. er ekki leyft að selja kúra eins og Herbalife í Danmörku og Svíþjóð, nema að uppfyllt-
um ströngum skilyrðum og alls ekki sem kúra sem einir og sér uppfylla fullkomlega
daglega næringarþörf líkamas.
Er það rétt að vöðvar og bein rýrni við að nota NUPO-létt?
Þar sem NUPO-létt er próteínríkt duft, sem uppfyllir þarfir líkamans fyrir próteín, rýrna
vöðvar og bein ekki (lean body mass, LBM) meira en eðlilegt er. Umframþyngd krefst
aukins LBM við aukna áreynslu, sem stafar af aukakílóunum. Við megrun getur LBM
tapið orðið allt að 25% af þyngdartapinu, sem er innan eðlilegra marka.
Óvandaðri megrunarkúrar stuðla að mun meira tapi á LBM.
Ef þú þarft að losna við einhver kíló, hvort sem þau eru færri eða fleiri, eða vilt bara
viðhalda þeirri þyngd, sem þú ert í - þá er NUPO-létt rétta leiðin fyrir þig.
Kynntu þér NUPO-létt
Þriðjudaginn 31. janúar nk. kl 18.00 hefst aðhald í megrun. Þar verður vigtað, gefnar ráðleg-
gingar um mataræði og skipst á upplýsingum, allt fólki að kostnaðarlausu.
Mótsstaður verður í LYF hf., Garðaflöt 16-18, Garðabæ.
Allir sem vilja léttast eru velkomnir.
Upplýsingar í síma 565 7479