Morgunblaðið - 09.02.1995, Blaðsíða 21
MORGUNBLAÐIÐ
FIMMTUDAGUR 9. FEBRÚAR1995 21
AÐSEIMDAR GREINAR
Geysishúsið
BORGARYFIRVÖLD hafa á
undanförnum árum staðið að
ýmsum framkvæmdum og að-
gerðum í þeim tilgangi að efla
og styrkja miðbæ Reykjavíkur.
Einn liður í þessum framkvæmd-
um fólst í kaupum borgarinnar á
elsta verslunarhúsi í Reykjavík,
Aðalstræti 2, sem reist var af
Robert Tærgesen kaupmanni árið
1855. Einnig keypti borgin Vest-
urgötu 1. Þar var saltverkun eftir
síðustu aldamót á vegum H. P.
Duus kaupmanns, sem rak um-
fangsmikla verslun og útgerð í
Reykjavík á þeim tíma. í þessum
húsum var verslunin Geysir frá
janúar 1956 til ársins 1992.
Á fundi borgarráðs 21. janúar
1992 var eftirfarandi tillaga borg-
arstjóra samþykkt samhljóða:
„Borgarráð samþykkir að
ganga til samninga við forsvars-
menn Geysis hf. um kaup á fast-
eignum fyrirtækisins á horni Að-
alstrætis og Vesturgötu á grund-
velli tillögu framkvæmdastjóra
lögfræði- og stjórnsýsludeildar.
Húsin verði keypt með það fyr-
ir augum, að þar verði rekin
margþætt upplýsinga- og kynn-
ingarstarfsemi á vegum Reykja-
víkurborgar og í samvinnu við
aðrar stofnanir og fyrirtæki eins
og fyrirhugað hefur verið í svo-
nefndu Borgarhúsi við Ingólfs-
torg. Jafnframt verði ákveðið að
hverfa frá byggingu Borgarhúss
og tillit tekið til þessa í forsögn
væntanlegrar samkeppni um
skipulag Ingólfstorgs. Stefnt
verði að því að útlit húsanna á
horni Aðalstrætis og Vesturgötu
verði sem næst upphaflegri mynd,
en endanlegar ákvarðanir þar að
lútandi teknar á grundvelli
kostnaðaráætlana, sem bygging-
ardeild borgarverkfræðings er
falið að gera.“
Geysishúsið var því keypt j.
þeim tilgangi að koma þar á fót
sýningar- og upplýsingamiðstöð,
einskonar borgarhúsi í miðbæ
Reykjavíkur.
Reykjavík hóf starfsemi í
Geysishúsi í júní 1992 með það
að markmiði að nýta þessi hús í
þágu borgarbúa á sem fjölbreyti-
legastan hátt og skapa um leið
nýja möguleika til þess að efla
mannlíf og auka starfsemi og
umsvif í miðbænum.
Margar góðar og merkilegar
sýningar er tengjast sögu og
menningarlífi borgarinnar hafa
verið haldnar í Geysishúsi sl. tvö
ár og er áætlað að u. þ. b. 60
þúsund manns hafi komið í Geys-
ishús á þessu tímabili
Auk borgarinnar hafa hátt í
200 stofnanir, fyrirtæki, félaga-
samtök og einstaklingar lagt af
mörkum bæði vinnu, fjármagn
svo og lánað muni og tæki á sýn-
ingarnar. Sem dæmi um sýningar
má nefna „Reykjavík við stýrið",
sýningu um samgöngur á íslandi
og sem sett var upp í tilefni 50
ára afmælis lýðveldis á íslandi,
og „Handverk og iðnmennt", sýn-
ingu sem sjö félög og stofnanir
MEG frá ABET
UTANÁHÚS
FYRIRLIGGJANDI.
Þ.Þ0RGRÍMSS0N & C0
Ármúla 29 - Reykjavík - sími 38640
R-listinn hefur í hyggju
að leggja starfsemi í
Geysishúsi niður, segir
Vilhjálmur Þ.
Vilhjálmsson, og
hverfa frá samhljóða
samþykkt borgarstjóm-
ar um notkun þess í
þágu allra borgarbúa.
iðnaðarmanna, er
áttu merkisafmæli á
sl. ári, stóðu að. Þá
hefur á undanförnum
tveimur árum verið
efnt til fjölda smærri
sýninga og kynninga
þar sem m. a. hefur
verið kynnt ýmis
starfsemi á vegum
borgarinnar og fé-
lagasamtaka.
Allar þessar sýn-
ingar hafa verið fróðlegar og
áhugaverðar og opinberað fyrir
íbúum Reykjavíkur og öðrum
Vilhjálmur Þ.
Vilhjálmsson
landsmönnum marg-
víslega muni og tæki,
sem komið hafa við
sögu í atvinnu- og
menningarlífi
Reykjavíkur á liðnum
árum og áratugum.
Þessar sýningar hafa
sýnt okkur fram á
mikilvægi þess að
varðveita sem flesta
muni er tengjast lífi
og starfi í höfuðborg-
inni.
Nú hefur R-listinn
í hyggju að leggja
starfsemi í Geysishúsi
niður og hverfa frá
upphaflegri samhljóða samþykkt
borgarstjórnar Reykjavíkur um
notkun Geysishúss í þágu allra
borgarbúa. Stefnt er að því, að
tómstundastarf fyrir ungt fólk,
sem farið hefur fram í „Hinu
húsinu“ (áður Þórskaffi) verði
lagt niður og hluti þeirrar starf-
semi fluttur í Geysishús.
Ég er þeirrar skoðunar, að það
sé bæði skammsýn og óskynsam-
leg ákvörðun að hverfa frá sam-
hljóða samþykkt borgarstjórnar
um notkun Geysishúss. Fjölbreytt
starfsemi í Geysishúsi, opin öllum
borgarbúum og öðrum lands-
mönnum, er að mínu mati mikil-
vægur liður í þeirri viðleitni að
efla miðbæ Reykjavíkur, auðga
mannlífið og gera það fjölbreytt-
ara og áhugaverðara.
Höfundur er horgnrfulltrúi
Sjálfstæðisflokksins.