Morgunblaðið - 09.02.1995, Blaðsíða 40

40 FIMMTUDAGUR 9. FEBRÚAR 1995
MORGUNBLAÐIÐ
Dýraglens
BL/hjpX
AÐ/ /WG /
fístar upatít*a.lotsfdeba.
Otbar, &n w'tO kunnum.
aS syrída. /
Ljóska
ke.ttirerU' ókzppnusiu
Sfxprujr t, hejirLC
)
Ferdinand
VE5,MÁAM..U)E\/E MIS5ED
YOU AT SCHOOL.M TH0U6MT
MAYBE YOU'VE BEEN 5iCK..U)E
BR0U6HT /00 SOME FLOUIERS..
U/HO ARE U)E?
U)E'RE A COUPLE
OF YOUR 5TAR
PUPILS..
CHECK THE
ADPRE55
AGAIN,
MARCIE..
Já, kennari, við höfum sakn- Hver við erum? Gáðu aftur að Ég vissi það, þetta Hún hélt blóm-
að þín í skólanum, við héld- Við erum tveir heimilisfang- er rangt hús! unum.
um kannski að þú værir veik, bestu nemend- inu, Magga.
við færum þér nokkur blóm. urnir þínir.
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Orlofshúsa-
byggð í Súðavík?
Frá Einari Jónssyni:
HINIR hörmulegu atburðir í Súða-
vík hafa snert alla landsmenn beint
og óbeint. Þjóðin hefur brugðist
stórmannlega við og mikið fé hefur
safnast til handa hinu nauðstadda
fólki. Peningar bæta þó að sjálf-
sögðu aldrei þann missi sem þeir
hafa orðið fyrir sem horfa þurftu
á eftir ástvinum sínum við þessar
hamfarir. En lífið heldur áfram og
söfnunarféð getur vissulega hjálp-
að; meira þarf þó til. Málin standa
nefnilega þannig að segja má að
allir þorpsbúar hafi misst hús sín,
hvort heldur þau fóru undir flóðin
eða ekki, því ljóst er að af augljós-
um ástæðum treysta fáir eða eng-
ir sér til að búa þarna áfram nema
bærinn verði fluttur um breidd sína
inn fjörðinn þar sem er öruggt
svæði gegn ofanflóðum. Tilveru-
grundvöllur staðarins virðist þann-
ig standa og falla með því hvort
vilji eða möguleiki er á tilfærslu
íbúðarhúsanna.
Líklegt er að húsin verða trauðla
færð eða tekin niður og sett upp
annarsstaðar nema þá einstaka
timburhús. Eru þau þá verðlaus
og lítils virði? Svo þarf alls ekki
að vera ef hugsað er stórt og rót-
tækt en slíkt er nauðsynlegt því
ljóst er að stórfé kostar að byggja
upp þorpið á öðrum stað. Ekki er
nóg að vísa bara á Viðlagasjóð.
Hann er jú almannafé, en verkefn-
ið stórt, og því best að standa sem
skynsamlegast að hlutunum því
víðar er verk að vinna í sambandi
við snjóflóðavá en í Álftafirði.
Fýsilegur kostur
Hugmyndir undirritaðs eru þær
að gera orlofshúsabyggð úr Súða-
víkurhúsunum sem eftir standa.
Ekki er sama hvernig að slíku er
staðið og óskynsamlegt að selja
húsin hveijum sem er í slíkum til-
gangi. Þetta gæti hinsvegar farið
þannig fram að Viðlagasjóður
bætti mönnum öll hús á staðnum
(byggði ný eða greiddi út). í stað-
inn tæki sjóðurinn heil hús manna
og/eða íbúðir á staðnum upp í
þessa fyrirgreiðslu. Síðan seldi
sjóðurinn félagasamtökum húsin
sem orlofshús á gangverði venju-
legra orlofshúsa í dag (3-5 milljón-
ir?), en með góðum greiðslukjörum
þannig að félögin væru vel fús til
kaupanna. Mörg þessara húsa eru
í raun stór einbýlishús sem hæg-
lega geta hýst tvær fjölskyldur í
orlofsdvöl. Það væri því fýsilegur
kostur fyrir félagasamtök að eign-
ast slík stór hús fyrir álíka verð
og venjulegt orlofshús (40-50
fm), en óraunhæft sýnist að setja
hærra verð á hús þarna hversu
stórt og glæsilegt sem það annars
kann að vera. Með þessum hætti
yrði hugsanlega til 45 húsa
(íbúða?) orlofshúsabyggð í Súðavík
sem þó væri aðeins notuð frá vori
til hausts. Slíkt kæmi ekki að sök
þar sem hugsunin er sú að fólk
annarsstaðar en af Vestfjörðum
myndi nota þessi hús mest, þannig
að ívera á öðrum árstímum kæmi
ekki til. Ekkert mælir þó á móti
því að félagasamtök á Vestfjörðum
ættu þarna hús en skiptust svo
gjarnan á dvalarrétti við félög í
öðrum landsfjórðungum en slíkt
er orðið algengt í dag enda fýsir
fólk oft út fyrir sína heimaslóð til
orlofsdvalar. í flestum landshlut-
um hafa risið stór byggðahverfi
orlofshúsa. í Vatnsfirði sunnan til
á Vestfjörðum er stór vísir að slíku.
Súðavík var orðið mjög fallegt og
vinalegt þorp. Orlofshúsbyggð á
þar vel heima og með henni mætti
hefja eða auka þama skógrækt
ekki síst til að græða það ljóta sár
sem flóðin skyldu eftir í hjarta
staðarins.
Þjóðin er að uppgötva ýmsar
náttúruperlur
Álftafjörður og aðrir firðir við
Isafjarðardjúp eru margir sann-
kallaðar náttúruperlur sem þjóðin
er í auknum mæli að „uppgötva“.
Ferðamannastraumur til Vest-
fjarða hefur fram að þessu verið
tiltölulega takmarkaður. Nú er sem
óðast verið að byggja þennan iðnað
upp og bjóða upp á fleira mögu-
leika fyrir ferðamenn svo sem
skoðunarferðir um Djúpið á bátum
o.fl. Stór orlofshúsabyggð í Súða-
vík þar sem fólk kæmi til vikudval-
ar í senn myndi vissulega vera vít-
amínsprauta fyrir ferðamannaiðn-
að á Vestfjörðum. Auk þess myndi
þetta skapa atvinnutækifæri og
þjónustu fyrir staðarmenn; nokkuð
mörg að sumri, en einnig 1-2
heilsársstörf því að eðlilega yrði
ætíð að vera þarna varsla og halda
þyrfti eignunum vel við.
Húsin þarf að sjálfsögðu að
kynda allt árið sem er dýrt víðast-
hvar á Vestfjörðum (rafmagns-
kynding) þannig að ljóst er að fáir
einstaklingar myndu ráða við þann
kostnað, sem eru enn ein rök fyrir
því að hér kæmu félagasamtök inn
í dæmið. Ef þessar fyrirætlanir
takast vel ættu hugsanlega að
verða til hátt í 200 milljónir kr.
sem auk dijúgs hluta af þegar
söfnuðu fé væri kúfurinn af því
sem það kostar að byggja upp
Súðavík á öðrum stað. Með því
móti „sparaðist“ mikið fé við upp-
bygginguna sem mætti nota til að
efla snjóflóðavarnir í öðrum byggð-
arlögum en í þeim málum hafa
flestir staðir dregið lappirnar
vegna fjárskorts. Ofangreindar
hugmyndir gætu því orðið þorra
manna til hagsbóta en ekki ein-
göngu Súðvíkingum.
Að lokum skal tekið fram að
þeir síðastnefndu mega ekki taka
þessum línum illa, þ.e. á þann hátt
að fara eigi að ráðskast með eign-
ir þeirra að þeim forspurðum. Hér
er verið að brydda upp á hugmynd
eða lausn sem verður aðeins að
veruleika ef vilji eða samþykki allra
viðkomandi er fyrir hendi.
EINAR JÓNSSON.
Allt efni sem birtist í Morgunblaðinu og Lesbók verður framvegis varðveitt i
Gagnasafni þess. Morgunblaðið áskilur sér rétt til að ráðstafa efninu þaðan,
hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari þar að lútandi.