Morgunblaðið - 18.03.1995, Qupperneq 24

24 LAUGARDAGUR 18. MARZ 1995
MORGUNBLAÐIÐ
ERLENT
Estóníu-slysið
Hraðinn
megin-
ástæðan
Kaupmannahöfn. Morgunbladid.
í SKÝRSLU rannsóknar-
nefndar um Estóníu-slysið,
þegar rúmlega 900 manns
fórust, segir að helstu ástæð-
ur slyssins hafi verið hraði
feijunnar, veður og hönnun á
stefni ferjunnar. í vikunni lét
yfirmaður sænsku siglinga-
stofnunarinnar af störfum,
vegna gagnrýni á störf hans.
Á meðan aðrar feijur í
Eystrasalti höfðu dregið úr
hraða vegna veðurs og sigldu
með 10-11 hnúta hraða, sigldi
Estónía með 14,5 hnútum.
Þessi mikli hraði við slæmar
aðstæður álítur rannsóknar-
nefnd slyssins að sé ein af
þremur meginástæðum slyss-
ins. Hinar tvær eru veðrið og
hönnun og frágangur stefnis-
ins.
Lokaskýrslan um slysið
verður ekki tilbúin fyrr en í
árslok. Fyrr verður ekki hægt
að skera úr um hvort mál
verður höfðað á hendur út-
gerðarfélaginu, skipasmíða-
stöðinni sem smíðaði feijuna
og fyrirtækinu sem sá um að
skoða skipið við útgáfu sjó-
hæfnisvottorða. Þessir aðilar
segja hraðann og aðgerðir
áhafnarinnar helstu ástæður
fyrir slysinu.
Ákveðið hefur verið að
steypa nokkurs konar skjöld
utan um skipið til að koma í
veg fyrir að kafað verði niður
að skipinu af óviðkomandi
aðilum. Ekki er ljóst hvort
þeir sem komust af og ætt-
ingjar hinna látnu muni hefja
skaðabótamál í kjölfar slyss-
ins, en margir þeirra hafa
fengið bréf frá bandariskum
lögfræðingum, sem sérhæfa
sig í skaðabótamálum. Fólk
hefur verið varað við að nýta
sér tilboð þeirra, því í hópi
þessara lögfræðinga séu ýms-
ir vafasamir náungar.
AZERSKIR stjórnarhermenn snúa til Bakú eftir að hafa kveðið niður uppreisn sérsveita
innanrikisráðuneytisins í gær.
Reuter
Blóðugir bardagar og valdabarátta í Azerbajdzhan
Uppreisn sérsveita
brotin á bak aftur
Alijev reynir að koma á stöðugleika í landinu
Bakú. Reuter.
STJ ÓRNARHERMENN í Az-
erbajdzhan kváðu niður tilraun til
valdaráns í gær eftir að uppreisnar-
menn í sérsveitum innanríkisráðu-
neytisins höfðu reynt að ráða for-
setann, Haydar Aliyev, af dögum.
Rovshan Javadov aðstoðarinnan-
ríkisráðherra, sem stjómaði upp-
reisninni, beið bana í bardögunum
þegar hermennirnir réðust á höfuð-
stöðvar sérsveitanna, átta km norð-
ur af höfuðborginni, Bakú. Sér-
sveitimar eru sagðar hafa reynt að
ráðast þaðan á forsetahöllina.
Um 700 liðsmenn sérsveitanna
veittu stjómarhermönnunum harða
mótspyrnu og voru vel vopnum
búnir. Aliyev sagði í sjónvarps-
ávarpi til þjóðarinnar að „fjöldi
manna“ hefði fallið í bardögunum.
Öryggismálaráðherra landsins,
Namig Abbasov, sagði að Javadov
hefði lagt á ráðin um uppreisnina
vegna þess að hann vildi verða inn-
anríkisráðherra. „Þeir ætluðu að
ná forsetanum og drepa hann,“
sagði Abbasov.
Javadov særðist illa í bardögun-
um og lést á sjúkrahúsi í Bakú.
Hann er sagður hafa notið stuðn-
ings Ayaz Mutalibovs, fyrrverandi
forseta, og Surets Huseinovs, fyrr-
verandi forsætisráðherra, sem Aliy-
ev neyddi til að segja af sér eftir
að hafa bendlað hann við valdaráns-
samsæri. Talið er að þeir séu báðir
í Moskvu.
Aliyev forseti er 71 árs og hefur
verið við völd í Azerbajdzhan frá
því í júní 1993. Áður átti hann sæti
í stjórnmálaráði sovéska kommún-
istaflokksins.
Vonir um olíugróða
Aliyev er að reyna að koma á
stöðugleika í landinu eftir að Azer-
ar fóru halloka í stríðinu gegn Arm-
enum um héraðið Nagorno-Kara-
bakh. Azerbajdzhan er þriðji mesti
olíuframleiðandi sovétlýðveldanna
fyrrverandi og gerði í fyrra 470
milljarða króna samning við vest-
ræn fyrirtæki um olíuvinnslu í
Kaspíahafí.
UTVARPIÐ í Kabúl skýrði frá
því í gær að stjórnarher Afg-
anistans hefði hrakið liðsmenn
Taleban-hreyfingarinnar frá
nokkrum mikilvægum stöðum
sunnan við höfuðborgina í hörð-
um bardögum í gær og fyrradag
Afganskir námsmenn hörfa
og drepið um 100 þeirra. Jafn-
framt því að hrekja liðsmenn
Taleban frá þremur mikilvægum
hæðum var hald lagt á tvo skrið-
dreka, brynvagn og sjö vopna-
búr. Ekki tókst að fá þessar full-
yrðingar staðfestar af hlutlaus-
um aðila. Taleban-hreyfingin er
Reuter
einkum skipuð heittrúuðum
námsmönnum og hún hafði sótt
að borginni til að freista þess
að steypa bráðabirgðastjóm
Burhanuddins Rabbanis forseta.
Á myndinni er særður Afgani
borinn á sjúkrahús í Kabúl.
Dauða-
sveit maf-
íunnar
handtekin
LÖGREGLAN á Sikiley kvaðst
í gær hafa handtekið 16
meinta liðsmenn mafíunnar,
sem taldir eru sekir um nokkur
þeirra morða sem framin hafa
verið á undanförnum vikum.
Lögreglan fann einnig vopn
og lista yfir menn sem ætlunin
var að ráða af dögum. Á listan-
um eru meðal annars þrír lög-
reglumenn.
Um 500 lögreglumenn tóku
þátt í handtökunni og lögregl-
an notaði einnig þyrlur og leit-
arhunda. Fyrrverandi félagi í
dauðasveitinni hafði veitt lög-
reglunni upplýsingar um hana,
en hann var handtekinn fyrr
í mánuðinum. Yngsti sakborn-
ingurinn er 21 árs og sá elsti
73 ára.
Gekk með
steinbarn
í 60 ár
AUSTURRÍSK kona lést fyrir
skömmu, 92 ára gömul og
nokkru fyrr komust læknar
að því að hún hafði gengið
með steingerðar leifar af fóstri
í 60 ár. Fóstrið hafði náð að
lifa í 31 viku. Sonur hennar
segir móður sína hafa orðið
barnshafandi, hún hafi fengið
mikla iðraverki en síðan náð
hestaheilsu að öðru leyti en
því að hún varð ófijó; blæðing-
ar hófust á ný með eðlilegum
hætti.
Ronnie Kray
látinn
BRESKI morðinginn Ronnie
Kray, annar Kray-tvíburanna
svonefndu, er látinn, 61 árs
að aidri. Bræðurnir, Ronnie
og Reggie, stjórnuðu einhveij-
um alræmdasta glæpahring í
London en voru 1969 dæmdir
í ævilangt fangelsi fyrir morð-
ið á glæpaforingjanum Jack
„The Hat“ McVitie. Ronnie var
fyrst 10 ár í Parkhurst-fang-
elsi á eynni Wight en var úr-
skurðaður geðsjúkur árið 1979
og sat síðan í Broadmoor.