Morgunblaðið - 07.04.1995, Blaðsíða 11

MORGUNBLAÐIÐ
FÖSTUDAGUR 7. APRÍL 1995 11
FRÉTTIR
Alþýðubandalagið kynnir stefnuyfirlýsingxi nýrrar vinstri stjórnar
Jaðarskattar af meðal-
tekjum fari ekki yfir 55%
Morgunblaðið/Ámi Sæberg
N áttúralagaflokkurinn
EINN hinna nýju flokka, sem Efsti maður flokksins, Jón Hall-
bjóða fram fyrir þessar kosning- dór Hannesson, sést hér tala á
ar, er Náttúrulagaflokkurinn. fundi á Sólon Islandus.
Sjónvarpið og Stöð 2 í kvöld
Formenn flokkanna takast á
ÓLAFUR Ragnar Grímsson, for-
maður Alþýðubandalagsins, sagði
á blaðamannafundi í fyrradag, þar
sem drög að stefnuyfirlýsingu
vinstri stjórnar og hugmyndir um
aðgerðir fyrstu 100 dagana voru
kynnt, að forsenda þess að hægt
yrði að ráðast í útgjaldafrekar
tekjújöfnunaraðgerðir í gegnum
skattakerfið, sem fyrirhugaðar eru
á fyrstu 100 dögum nýrrar ríkis-
stjórnar, væri að hér næðist 3-4%
hagvöxtur á ári og tilfærsla innan
skattakerfisins.
í stefnuyfirlýsingunni væri rað-
að í forgang í hvaða aðgerðir ætti
að ráðast og þar væru fremstar
tekjujöfnunaraðgerðir, framlög til
menntamála og launamál kvenna.
Fram kom að aðgerðir í skatta-
málum sem fýrirhugað er að komi
til framkvæmda í ár og á næsta
ári og meðal annars felast í því
að jaðarskattar af meðaltekjum
fari ekki yfir 55% og að skatt-
leysismörk, barnabætur og vaxta-
bætur verði hækkaðar geti kostað
á bilinu 5-7 milljarða króna í aukn-
um útgjöldum. A móti er meðal
annars gert ráð fyrir að fjár-
magnstekjuskattur gæti skilað
1,5-2 milljörðum króna í auknum
tekjum.
Ólafur sagði að ástæðan fyrir
þvi að hafist hefði verið handa um
gerð þessarar stefnuyfirlýsingar
væri reynsla flokksins af stjórnar-
myndunarviðræðum 1988 og
1978. Ætlunin hefði ekki verið að
kynna öðrum þessa undirbúnings-
vinnu, en þegar Davíð Oddsson,
forsætisráðherra, hefði fyrir þrem-
ur vikum sett fram að þjóðin yrði
að velja milli ríkisstjórnar hans og
þriggja mánaða þófs um myndun
nýrrar ríkisstjórnar hefði verið
ákveðið að láta koma fram að
þessi vinna væri í gangi, en henni
hefði þá ekki verið iokið.
í þessari vinnu hefði verið haft
að leiðarljósi að annars vegar
væri um að ræða heilsteyptan
stjórnarsáttmála sem væri byggð-
ur á traustum efnahagslegum
grunni og væri hins vegar sam-
nefnari úr þeim stefnuáherslum
sem núverandi stjómandstöðu-
flokkar hefðu lagt fram í kosning-
unum, þ.e. Alþýðubandalag,
Framsóknarflokkur, Samtök um
kvennalista og Þjóðvaki. Ástæðan
fyrir að þetta væri birt nú væri
fyrst og fremst þær rangfærslur
og hræðsluáróður sem formaður
Sjálfstæðisflokksins hefði haft
uppi síðustu 2-3 daga eftir að ljóst
var að þessi yfirlýsing væri tilbúin.
Skorað á
forsætisráðherra
Ólafur Ragnar sagði að bæði
Alþýðuflokkur og Sjálfstæðis-
flokkur hefðu lýst því yfir að ef
stjórnin héldi meirihluta sínum í
kosningunum ætluðu þeir að
starfa áfram og því væri eðlilegt
að þeir legðu á borðið hvor fyrir
sig lýsingu á því um hvað slíkt
stjórnarsamstarf gæti snúist.
Þetta ætti einkum við um Sjálf-
stæðisflokkinn og því skoraði hann
á Davíð Oddsson að sýna þjóðinni
fyrir kosningar hver yrði grund-
völlur þeirrar ríkisstjómar.
Fyrir lægi tilraun til að sýna
hugsanlegan stjórnarsáttmála
vinstri stjórnar og skrá yfir að-
gerðir fyrstu hundrað dagana og
„ég skora á Davíð Oddsson að
gera slíkt hið sama ef það á að
hafa eitthvert lýðræðislegt inntak
að þjóðin veiti honum umboð á
laugardaginn til að halda áfram
núverandi ríkisstjórn," sagði Ólaf-
ur.
Ólafur Ragnar sagði aðspurður
að í 30 ár hefði Alþýðubandalagið
ekki útilokað stjórnarmyndun með
neinum flokki. Hins vegár lægi
það alveg fyrir hvers konar ríkis-
stjórn Aiþýðubandalagið vildi
mynda. Það væri vinstri stjórn sem
væri grundvölluð á því sem sett
væri fram í stefnuyfirlýsingunni.
Sjálfstæðisflokkurinn hefði í þess-
ari kosningabaráttu sett fram
mjög skýra hægri stefnu og það
hefði komið mjög skýrt fram á
kosningafundum. Hann fagnaði
því að hér væri komin upp skýr
málefnaleg uppstilling í kosning-
unum á milli vinstri og hægri.
SJÓNVARPIÐ og Stöð 2 halda
sameiginlegan fund formanna
stjórnmálaflokkanna í beinni út-
sendingu á báðum stöðvum kl.
20.40 í kvöld, föstudag.
Þátturinn er lokakafli í kosn-
ingaumfjöllun sjónvarpsstöðvanna.
Formennirnir, sem takast á í
sjónvarpssal, eru Davíð Oddsson,
Sjálfstæðisflokki, Halldór Ás-
grímsson, Framsóknarflokki, Jó-
hanna Sigurðardóttir, Þjóðvaka,
Jón Baldvin Hannibalsson, Alþýðu-
flokki, Kristín Ástgeirsdóttir,
Kvennalista, og Ólafur Ragnar
Grímsson, Álþýðubandalagi.
Umræðunum stjórna Bogi Ág-
ústsson, fréttastjóri Sjónvarpsins,
og Elín Hirst, fréttastjóri Stöðvar
2.
♦ ♦ ♦--------
■ K-LISTINN verður með kosn-
ingavöku frá kl. 16 á kosningadag-
inn 8. apríl á Grensásvegi 8,
Reykjavík.
Skoðanakönnun Gallups á fylgi flokkanna
Sjálfstæðisflokkurinn
bætir við sig fylgi
SAMKVÆMT skoðanakönnun
Gallups sem Ríkissjónvarpið birti
í gær var fylgi Alþýðuflokksins á
landsvísu 11,5% og tapar hann
tæpu einu prósentustigi frá því í
fyrradag þegar síðasta Gallup-
könnun var birt. Framsóknarflokk-
urinn fengi 22% atkvæða sem er
einnig tæpu einu prósentustigi
minna en í síðustu könnun. Sjálf-
stæðisflokkurinn fengi 36,5% fylgi
eða tveimur prósentustigum meira
en í könnuninni sem birt var í
Morgunblaðið/Anna Ingólfsdóttir
Frambjóð-
endur sitja
fyrir svörum
Egilsstððum. Morgunblaðið.
TVEIR efstu menn á lista Sjálf-
stæðisflokksins á Austurlandi,
Egill Jónsson og Arnbjörg Sveins-
dóttir sem hér sést með ungum
kjósanda, sátu fyrir svörum á
Egilsstöðum nýverið. Fjölmargt
manna kom á skrifstofuna.
fyrradag. Alþýðubandalagið stend-
ur nánast í stað, heldur 11% fylgi.
Kvennalistinn nýtur stuðnings 6%
aðspurðra og Þjóðvaki stendur í
stað, fær 9,9% atkvæða. Önnur
framboð fengju samtals 2,7% at-
kvæða.
Þetta er fjórða skoðanakönnun
Gallups í þessari viku. Svarhlutfall
var 70% og í úrtakinu voru 1.880
einstaklingar á aldrinum 18-75
ára. 4,4% ætla að skila auðu eða
kjósa ekki og 19% neituðu að svara
eða eru óákveðnir.
Sjálfstæðisflokkur fengi 42,5%
á Reykjanesi
Fylgi Sjálfstæðisflokksins á
Reykjanesi mældist 42,5% í skoð-
anakönnuninni. Samkvæmt niður-
stöðum könnunarinnar nær hvorki
Ólafur Ragnar Grímsson formaður
Alþýðubandalagsins né fulltrúi
Kvennalista kjördæmakjöri eins og
í síðustu alþingiskosningum. Þeirra
í stað verða fulltrúar Þjóðvaka og
5. maður af lista Sjálfstæðisflokks-
ins kjördæmakjörnir.
Alls voru 626 spurðir á Reykja-
nesi, þar af vildi fimmti hver mað-
ur ekki svara eða var óákveðinn.
Rúmlega 460 tóku afstöðu.
Fylgi flokkanna á Reykjanesi
er þannig að Alþýðuflokkur fengi
17,5%, Sjálfstæðisflokkur 42,5%,
Alþýðubandalag 8,4%, Þjóðvaki
8,8%, Kvennalisti 4,7% og Fram-
sóknarflokkur 16,5%.
Kjördæmakjörnir menn skiptast
þannig að Sjálfstæðisflokkur fengi
5 þingmenn, Alþýðuflokkur 2,
Framsóknarflokkur 1 og Þjóðvaki
1. Á Reykjanesi eru þrir jöfnunar-
þingmenn og virðist fullvíst að
Ólafur Ragnar færi inn sem jöfn-
unarþingmaður.
GEFUM
ISLAND
IFERMINGARGJÖF
Vönduð mappa með góðum kortum í ýmsuum **
mælikvörðum; ferðakort, landshlutakort og sérkort.
Hugum að ungdómnum og gefum .
ferðafólki framtíðarinnar nytsama gjöf. \Zg1“Ö

LANQMÆLINGAR
ISLANDS

KORTAVERSLUN • LAUGAVEGI178 • 105 REYKJAVÍK • SÍMI 91 - 680 999