Morgunblaðið - 07.04.1995, Blaðsíða 26

Morgunblaðið - 07.04.1995, Blaðsíða 26
26 FÖSTUDAGUR 7. APRÍL 1995 MORGUNBLAÐIÐ LISTIR „Gullaldar- dægur- lögin" endurtekin TÓNLEIKAR með gömlum ís- lenskum gullaldardægurlög- um, sem haldnir voru í Kaffi- leikhúsinun sl. sunnudag, verða endurteknir næstkom- andi sunnudag og sunnudag- inn 23. apríl og hefjast þeir kl. 21. Það voru þau Ágústa Sigrún Ágústsdóttir sópran, Harpa Harðardóttir sópran og Reynir Jónasson harmonikuleikari sem stóðu fyrir tónleikunum. Húsið verður opnað kl. 20 og verður þá boðið upp á veitingar. Mörg laganna sem flutt verða gerðu garðinn frægan um mið- bik aldarinnar, þegar danslaga- keppni Skemmtiklúbbs templ- ara, SKT, var upp á sitt besta. Sýningum að ljúka SÝNINGU Jónasar Viðars Sveinssonar í Galleri Sólon ís- landus lýkur á mánudag. Á sýn- ingunni eru ellefu málverk mál- uð með blandaðri tækni. Nú er síðasta sýningarhelgi á myndlistarsýningu Sigtryggs Bjarna Baldvinssonar í Við Hamarinn, Strandgötu 50 í Hafnarfirði. Þar sýnir hann verk frá síðastliðnum þremur árum unnin með olíu á striga og vatns- litum. í Kirkjuhvoli, Akranesi, stendur yfir __ málverkasýning Sjafnar Har. Á sýningunni eru olíumálverk og myndir unnar á handgerðan pappír með bleki og lýkur henni á sunnudag. Marmúlaði NEMENDUR fjöltæknideildar Myndlista- og handíðaskólans verða með listviðburð um helg- ina í Nýlistasafninu undir heit- inu: Marmúlaði. í dag verður opnuð gern- ingahátíð kl. 18 þar sem framd- ir verða gerningar. Jafnframt verður sýning á verkum nem- endanna í húsinu og sýnd verða myndbandsverk. Hátíðinni lýkur á sunnudag. Húsið verður opið laugardag og sunnudag frá kl. 14-18. Textílsýning í Hafnarborg í TILEFNI af tuttugu ára af- mæli Textílfélagsins um þessar mundir standa félagsmenn fyrir sýningu á verkum sínum í Hafn- arborg, menningar- og lista- stofnun Hafnarfjarðar. Opið er frá kl. 12-18 alla daga nema þriðjudaga og stend- ur sýningin til 17. apríl. Múmínálf- arnir í Nor- ræna húsinu ÞRJÁR teiknimyndir um múmínálfana verða sýndar í Norræna húsinu á sunnudag kl. 14. Myndirnar eru byggðar á sög- um eftir Tove Jansson og eru 64 mín. að lengd, með sænsku tali. Allir eru velkomnir og að- gangur ókeypis. TOBACCO Road var sýnt fyrir fullu húsi á Húsavik um síðustu helgi. Morgunblaðið/Silli Tobacco Road á Húsavík líúsavík. Morgunblaðið. LEIKFÉLAG Húsavíkur frum- sýndi sjónleikinn Tobacco Road um síðustu helgi undir leikstjórn Maríu Sigurðardóttur fyrir fullu húsi. Höfundur leiksins er Erskine Caldwell en í leikgerð Jack Kirkland í þýðingu Jökuls Jak- obssonar. í leikhópnum eru bæði reynd- ir leikarar og nýliðar, en leik- mynd gerðu Sveinbjörn Magn- ússon, Sigurður Sigurðsson og María Sigurðardóttir, um lýs- ingu sáu Jón Arnkelsson, Einar H. Einarsson, Eiríkur Arnarsson og um tónlist sá Valmar Vah'a- ots. Formaður leikfélagsins er Jóhannes Geir Einarsson. Hnetu Jón og gvllgæsin TONLIST Hoí staðaskóla SKÓLATÓNLEIKAR Hnetu Jón og gullgæsin. Hofstaða- skóla. Þriðjudaginn 5. apríl 1995. ÞAÐ er í rauninni sorglegt, hversu fáir mikilsmetnir tónhöfundar hafa samið verk fyrir börn og ungmenni sem sömu börn og ungmenni geta flutt (Pétur og úlfurinn, Hljómsveitin kynn- ir sig og Childrens Corner eru bara fyrir unga hlustendur.) í hinni krampa- .kenndu sókn nútímatónskálda að tæknimörkum hins mögulega er engu líkara en að „virtúósinn" sé orðinn alisherjar hækja tjáningar og flóttaleið undan kjarna málsins; hvernig tónlist- in gerir sig sem félagslegt fyrirbæri án tæknibrellna og stjörnuflutnings. Brúkunarstefna Hindemiths (Gebrauc- hsmusik) hefur því miður ekki náð þeirri útbreiðslu sem verð væri, ekki sízt með tilliti til hinnar sívaxandi mötunar á afþreyingarefni, sem virðist að óbreyttu ætla að gera næstu kyn- slóð að hlutlausum neyzlu-róbótum. í tilefni af 30 ára afmæli sínu í fyrra pantaði Tónlistarskóli Garðabæj- ar litla óperu við hæfi nemenda og Skólakórs bæjarins hjá Hildigunni Rúnardóttur og var verkið frumflutt í heild á mánudaginn var. Það kvað að vísu ekki venja á þessum síðum að gagnrýna skólatónleika, en þar sem verkið er nokkuð viðamikið miðað við aðstæður (rúml. hálftími að lengd og fyrir um 30 leikendur — þ.ám. ein- söngvarar, 34 manna hljómsveit og 43 manna kór) og eftir upprennandi faglært íslenzkt tónskáld, þótti við hæfi að bregða af venjunni með nokkr- um línum. Hnetu Jón og guhgæsin er samin við gamansamt þýzkt ævintýri, til- brigði við hið útbreidda flökkuþema um hinn glópalánsama kolbít sem stenzt prófraun og hlýtur kóngsdóttur að launum. Hápunktur farsans er þeg- ar fólk á fórnum vegi festist hvert við annað fyrir töframátt gullgæsarinnar og hendist reiðulaust um götur og torg í langri halarófu; notaði Hildi- gunnur tilefnið (auðvitað) til að láta krakkana kyrja keðjusöng, en annars mátti víðar heyra dæmi um ánægju Hildigunnar af kontrapunktískum vinnuaðferðum, enda vön vókal-meist- urum barokks og endurreisnar eftir áralanga þátttöku í kammerkórnum Hljómeyki. Stíllinn var ferskur og aðgengilegur og minnti í sumum söngatriðum á vaudeville-söngleiki 19. aldar, en þó hæfilega kryddaður ómstreitum vorra tíma á völdum stöðum. Hljómsveitin var nokkuð vel nýtt, einkum lúðrarnir (2 trompetar, 2 horn, 2 básúnur og túba), enda ,pjátrið uppsprettulind hreysti og karlmennsku. Ljúfmannlega skipuð tréblástursdeildin (2 blokkflaut- ur, 2 þverflautur og 2 klarínett) barst minna á, en lék snoturlega, og einnig 16 manna strengjasveitin, þar sem því miður vantaði kontrabassa. í slagverki bar mest á klukkuspili og hefði mátt spara jólaglinglóið meira, þrátt fyrir lýtalausan leik. Bernharður Wilkinson stjórnaði af rðggsemi og náði fram aðdáunar- verðri hljómfágun og samstillingu hjá hinum ungu spilurum, þó að meiri kraft vantaði stóku sinnum, einkum úr strengjum. Á óvart kom hversu lip- urt og hljómmikið sumir einsöngvar- arnir gátu sungið og Skólakór Garða- bæjar söng einnig fallega, en e.t.v. fullmikið á kostnað kraftsins. Stykkið var í heild sjarmerandi og þokkafullt, samíð af skynsemi-tempruðum metn- aði og er verðskulduð rós í hnappagat Hildígunnar. Ríkarður Ö. Pálsson Þrjár sýningar opnaðar á Kjarvalsstöðum ÞRJÁR sýningar verða opnaðar á Kjarvalsstöðum á morgun, kl. 16. í vestursal Kjarvalsstaða verður opnuð sýningin íslensk abstraktlist — endurskoðun; á sama tíma verð- ur opnuð sýning í miðsal á verkum Magnúsar Tómassonar og loks verður sýningin í hlutarins eðli, eftir Studio Granda, opnuð í vest- urforsal Kjarvalsstaða. I vestursal Kjarvalsstaða verður opnuð á morgun sýningin íslensk abstraktlist — endurskoðun. Á þessari sýningu gefst tækifæri til að skoða hvernig íslenskir sam- tímalistamenn hafa endurskoðað hið óhlutlæga myndmál og gætt það persónulegum hugmyridum. Eftirtaldir listamenn taka þátt í sýningunni: Daníel Þ. Magnússon, Erla Þórarinsdóttir, Haraldur Jónsson, Inga Þórey Jóhannsdóttir, Ingólfur Arnarsson, ívar Valgarðs- son, Kees Visser, Kristján Guð- mundsson, Kristján Steingrímur Jónsson, Ragna Róbertsdóttir, Ráðhildur Ingadóttir, Sigrún Ól- afsdóttir, Svava Björnsdóttir og Tumi Magnússon. Sýning á verkum Magnúsar Tómassonar verður einnig opnuð á morgun og er hún í miðsal Kjarv- alsstaða. Magnús Tómasson var einn af stofnendum SÚM-hópsins á sjöunda áratugnum. Magnús er sagður í kynningu koma listunn- endum á óvart, oft með einkar gáskafullum skúlptúr-myndhvörf- um. Verk hans séu oft með frá- sagnarkenndum blæ, ýmist eins og lítil ljðð eða jafnvel stuttar frá- sagnir, full af svartri kímni, eða verk hans eru stór útiverk, unnin úr efniviði sjálfrar náttúrunnar. Á þessari sýningu verða eingöngu nýverk eftir listamanninn. í hlutarins eðli er heiti sýningar sem verður opnuð í vesturforsal Abstrakt, Magnús og Studio Granda Magnús Tómasson. Minnis- merki óþekkta embættis- mannsins. Steypt í brons 1994. Brons, basalt h. 2 m. Kjarvalsstaða. Um er að ræða nýmæli í starfsemi Listasafns Reykjavíkur, þar sem starfandi arkitektum og hönnuðum er boðið að sýna verk í sýningarrými Kjarv- alsstaða á hliðstæðum forsendum og listamönnum í öðrum greinum sjónlista, eins og segir í kynningu Kjarvalsstaða. í hlutarins eðli er sýning á h'ós- myndum, líkönum og tillöguverk- efnum eftir Studio Granda. Þessi hópur arkitekta var stofnaður árið 1987 af Margréti Harðardóttur og Steve Christer. Tímamót urðu á ferli þeirra árið 1987 er þau hlutu 1. sæti í samkeppni um Ráðhús Erla Þórarinsdóttir. Kort VII, 1991. Olía á striga. 180x180 sm. Reykjavíkur en í beinu framhaldi af þvi fluttust þau til Reykjavíkur og Studio Granda varð til. Árið 1989 hlaut tillaga Studio Granda 1. verðlaun í alþjóðlegri samkeppni ungra arkitekta um íbúðarhús í úthverfi Wiesbaden í Þýskalandi. Þá hlaut hópurinn 1. verðlaun í samkeppni um hús Hæstaréttar íslands árið 1993. í kynningu segir jafnframt: „Með yfirskrift sýningarinnar, „í hlutarins eðli", vilja höfundarnir beina sjónum að því huglæga og verklega vinnuferli sem er nauð- synlegur þáttur í tilurð hverrar byggingar. Með því að beina sjón- um að þessu atriði er leitast við að upplýsa þá sem ekki þekkja til hvernig einföld teikning á blaði verður að áþreifanlegu umhverfi. Jafnframt því að varpa ljósi á til- urð bygginga er athygli beint að eðli og sérstöðu listrænnar sköpun- ar á sviði byggingarlistar í sam- hengi við aðrar greinar sjónlista. Teikningar og líkön eru tæki arkitektsins til að miðla hugmynd- um til annarra, en þau eru ekki hin endanlega listræna afurð. Að þessu leyti eru sýningar um bygg- ingarlist takmörkunum háðar. Það sem fyrir augu ber er í flestum tilvikum vitnisburður um sköpun- arferli en ekki hinn raunverulegi afrakstur þess. Fyrst og síðast er það bygging- in sjálf sem máli skiptir, áhrif hennar á skynjun okkar í tíma og rúmi, með vitund um sögu hennar og samhengi, sem er hin raunveru- lega upplifun af byggingarlist. Engu að síður geta sýningar um arkitektúr verið mikilvæg hjálpar- tæki til að opna augu fyrir því sem í kring um okkur er og auka skiln- ing á því af hverju hlutirnir eru eins og þeir eru." í tengslum við sýninguna á Kjarvalsstöðum munu arkitektarn- ir Margrét Harðardóttir og Steve Christer halda fyrirlestur um verk Studio Granda mánudagskvöldið 10. apríl kl. 20 á Kjarvalsstöðum. Fyrirlesturinn er hinn síðasti í sam- eiginlegri fyrirlestraröð um bygg- ingarlist og hönnun, sem Árki- tektafélag Islands, Norræna húsið °g byggingarlistadeild Listasafns íslands hafa staðið fyrir í vetur. Aðgangur er ókeypis og öllum heimill. Allar sýningarnar þrjár verða opnar daglega frá kl. 10-18. Þeim lýkur 7. maí næstkomandi. s m m • • • • •
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.