Morgunblaðið - 22.04.1995, Blaðsíða 2
2 LAUGARDAGUR 22. APRÍL 1995
MORGUNBLAÐIÐ
FRÉTTIR
4 Bretar gengu frá Bjargtöngum að Gerpi
Leiðangrinum lauk 10
dögum á undan áætlun
BRETARNIR fjórir, sem lögðu
upp gangandi frá Bjargtöngum
4. mars sl., náðu takmarki sínu,
Gerpi, sl. þriðjudagskvöld, tíu
dögum á undan áætlun. Þeir eru
nú komnir til Keflavíkur og þar
var í gærkvöldi slegið upp veislu
þeim til heiðurs. Leiðangurinn
var farinn til að safna fé til styrkt-
ar mænusködduðum en ekki er
enn vitað hversu mikið hefur
safnast.
Bretamir voru í daglegu sam-
bandi við tvo tengiliði í varnar-
stöðinni í Keflavík, Steven Jones
og Ian Robinson. Þó Ientu þeir í
eitt skipti í vandræðum með far-
síma og Iiðu þá þrír dagar þar
sem þeir voru sambandslausir.
Björgunarsveitir Slysavarnafé-
lags íslands á hinum ýmsu stöðum
á Vestfjörðum, Norðurlandi og
Austfjörðum voru í sambandi við
leiðangurinn og færðu fjórmenn-
ingunum vistir með reglulegu
millibili.
Síðasti spölurinn erfiðastur
Bretamir hvíldu sig á Egilsstöð-
um í tvo daga og losuðu sig þar
við sleðana sem þeir höfðu dregið
á eftir sér frá Bjargtöngum. Þeir
settu nauðsynlegan búnað í bak-
poka sem þeir bám það sem eftir
var. Þeir fylgdu veginum til Eski-
fjarðar þaðan sem þeir lögðu á
fjöll. Að sögn Dave Thomas, eins
leiðangursmanna, var síðasti spöl-
urinn erfiðastur, m.a. vegna þess
hve þeir félagamir vom óvanir
að hafa farg á bakinu eftir að
hafa dregið allan búnaðinn.
Bretarnir komu að Gerpi og
fóru niður í fjömna í Sandvík á
miðvikudagskvöld kl. 9 og hafði
þá leiðangurinn tekið 46 daga og
sjö og hálfa klukkustund og lauk
tíu dögum á undan áætlun. Frá
Gerpi fóm þeir yfir i Viðfjörð þar
sem tekið var á móti þeim með
viðhöfn. Þaðan var farið með bát-
um til Neskaupstaðar þar sem
bæjarsljóri efndi til móttöku með
þeim, félögum þeirra sem sóttu
þá og Slysavarnafélagsmönnum.
Frá Neskaupstað var þeim ekið
til Egilsstaða þaðan sem flogið
var til Reykjavíkur.
Stuðningur þakkaður
Dave sagði að þeir félagamir
væra fegnir og mjög þreyttir eft-
ir gönguna. Hann vildi koma á
framfæri sérstöku þakklæti til
þeirra sem hefðu stutt þá og
nefndi sérstaklega hlýhug og góð-
an stuðning félaga og starfs-
manna Slysavarnafélags íslands.
Hann sagði að þeir yrðu á ís-
landi til 28. apríl og ætluðu að
nota þá daga sem eftir væra til
að vera venjulegir ferðamenn og
skoða sig um, fara í Bláa lónið,
að Gullfossi og Geysi og víðar.
Morgunblaðið/Andrew Chetty
BRETUNUM var vel fagnað þegar þeir komu til Viðfjarðar á fimmtudag og fengu þeir sína kampa-
vínsfiöskuna hver. Frá vinstri: Tim Welford, Dave Thomas, Sean Chapple og Alan Chambers.
Vilja tryggja stöðu
nýs borgarritara
BORGARYFIRVÖLD eru að velta
því fyrir sér, að beiðni Helgu Jóns-
dóttur aðstoðarbankastjóra við Al-
þjóðabankann, með hvaða hætti sé
hægt að tryggja stöðu hennar taki
hún við starfi borgarritara í sumar-
lok.
í kjölfar ráðningar Helgu lýsti
Ámi Sigfússon, oddviti sjálfstæðis-
manna í borgarstjórn, yfir að henni
yrði sagt upp um leið og nýr meiri-
hluti tæki við stjóm borgarinnar.
Ingibjörg Sólrún Gísladóttir
borgarstjóri sagði í samtali við
Morgunblaðið að eins og málum
væri háttað vofði það yfir Helgu
að verða „rekin úr starfi eftir þrjú
ár og mér vitanlega hefur enginn
borgarstarfsmaður verið ráðinn á
slíkum forsendum. Mér finnst að
það þurfi að bregðast við því með
einhveijum hætti og fínnst eðlilegt
að Helga geri kröfu til þess,“ segir
Ingibjörg Sólrún.
„Hún er með forsetaskipun í
stöðu skrifstofustjóra í forsætis-
ráðuneytinu núna og getur gengið
í hana aftur í haust. Staðan er
tryggð í lögum um Stjómarráð ís-
lands og hún því með mjög mikla
starfstryggingu í stjómkerfi ríkis-
ins,“ segir borgarstjóri.
Sérstakt tilvik
Ingibjörg Sólrún vildi ekki til-
greina hvaða möguleikar kæmu til
greina. „Ég hef farið í gegnum það
með borgarlögmanni hvaða mögu-
leikar em fyrir hendi. Fastráðningu
var hætt hjá Reykjavíkurborg árið
1978 en þetta er mjög sérstakt til-
vik og spurning hvort ekki þurfi
að bregðast við því með mjög sér-
stökum hætti,“ segir hún.
Helga Jónsdóttir sagði í gær að
hún væri í þeirri óvenjulegu stöðu
að eiga uppsögn yfir höfði sér áður
en hún hæfi störf og um leið og
nýr meirihluti tæki við völdum,
burtséð frá því hvernig hún þætti
hafa staðið sig. „Ég bað um að
þetta yrði athugað og gengið úr
skugga um að hægt væri að ráða
mig til starfa sem venjulegan emb-
ættismann á þeim kjömm sem þeir
eiga að venjast," sagði Helga.
Morgunblaðið/Theodór
STARFSFÓLK MSB og bæjarbúar mótmæltu því í gær
að Ieggja eigi mjólkursamlagið i Borgarnesi niður.
Borgnesingar mótmæla úreldingn MSB
Kaupfélagið endur-
skoði afstöðu sína
Borgarnesi. Morgunblaðið.
Á ANNAÐ hundrað manns tóku þátt í mótmælagöngu starfsfólks Mjólkur-
samlags Borgfirðinga - MSB - gegn fyrirhugaðri úreldingu Kaupfélagsins
á MSB. Gengið var upp Brákarbraut og vestur Egilsgötu að hótelinu þar
sem stóð yfir aðalfundur Kaupfélags Borgfirðinga.
Fyrir mótmælagöngunni stóðu
starfsmenn MSB, en margir bæj-
arbúar slógust í hópinn. Á spjöldum
göngufólksins mátti meðal annars
lesa: Eflum kaupfélagið, sundmm
því ekki og Nýja stjóm í kaupfélagið.
Á hóteltröppunum las Sigurbjörg
Viggósdóttir frá Rauðanesi, starfs-
maður MSB, upp mótmæli starfs-
manna fyrir Þóri Páli Guðjónssyni
kaupfélagsstjóra og Kristjáni Axels-
syni stjómarformanni KBB. Meðal
annars sagði Sigurbjörg að starfs-
menn vildu skora á aðalfund og
stjórn Kaupfélagsins að endurskoða
afstöðu sína og íhuga hagsmuni
starfsmanna. „Við viljum áfram geta
treyst því að KBB veiti okkur lífvæn-
lega atvinnu og við viljum einnig að
hagur þess fyrirtækis standi sem
best. Til þess að svo megi verða er
okkur ljóst að úrbóta er þörf. Við
drögum hins vegar stórlega í efa að
nokkur atvinnurekstur hér muni
reynast öflugri og traustari en úr-
vinnsla mjólkur úr hráefni sem fram-
leitt er í heimahéraði."
Eftir nokkra stund var mótmæl-
endunum hleypt inn á aðalfundinn
og þar las Sigurbjörg Viggósdóttir
aftur upp mótmælin.
Fram kom hjá Þóri Páli Guðjóns-
syni kaupfélagsstjóra að úreldingin
væri frágengið mál hjá stjórn KBB
og einungis beðið staðfestingar ráð-
herra.
Seðlabankinn hækkar ávöxtunarkröfu í spariskírteini
Ríkissjóður sætti
sig við vaxtahækkiin
SEÐLABANKI íslands hækkaði í
gær ávöxtunarkröfu sína í spari-
skírteini á Verðbréfaþingi um allt
að 0,55 prósentustig. Jafnframt
lýsti bankinn því yfir að óumflýjan-
legt sé að ríkissjóður sætti sig um
sinn við hærri vexti á uppboðum
spariskírteina.
Eftir þessa hækkun er kaup-
ávöxtunarkrafan í spariskírteini á
þinginu á bilinu 5% til 5,8%. Þannig
hækkaði ávöxtunarkrafan í 10 ára
spariskírteini í nýjasta flokki þeirra
í gær úr 5,30% í 5,85% og fimm
ára skírteini hækkuðu úr 5,30% í
5,8%.
Seðlabankinn dró úr viðskiptum
sínum með langtímaverðbréf á síð-
asta ári og hefur gengið erfiðlega
að selja spariskírteini á eftirmark-
aði frá þeim tíma. Þá hafa uppboð
á ríkisverðbréfum gengið treglega
og íjárhæð útistandandi ríkisvíxla
dregist verulega saman. Síðustu
mánuði hefur ríkissjóður því einkum
aflað lánsfjár erlendis.
Seðlabankinn telur mikilvægt að
styrkja innlenda lánsfjáröflun ríkis-
sjóðs og því sé óumflýjanlegt að
ríkissjóður sætti sig við hærri vexti
á uppboðum spariskírteina. í þessu
sambandi er bent á að öllum höml-
um á flutningi flármagns milli ís-
Iands og annarra landa hafi verið
aflétt og þar með sé innlendur lána-
markaður orðinn mjög tengdur er-
lendum. í Ijósi þess og vaxtahækk-
ana á erlendum mörkuðum frá því
á fyrri hluta síðasta árs megi draga
þá ályktun að ávöxtun spariskír-
teina ríkissjóðs þurfi við ríkjandi
aðstæður að vera hærri en verið
hafi að undanförnu.
Vextir lækki með
nýrri stjórn
Bæði Davíð Oddsson, formaður
Sjálfstæðisflokks, og Halldór Ás-
grímsson, formaður Framsóknar-
flokks, segja að komið verði í veg
fyrir vaxtahækkun eftir að ný ríkis-
stjórn tekur við. Davíð segir að
vextir ættu að lækka af markaðs-
ástæðum eftir að stjórnarsáttmál-
inn kemur fram en Halldór segir
að stýritækjum verði beitt til að
hafa áhrif á vextina.
■ yonir standa/6
■ Ávöxtunarkrafa/14
Kennarar
samþykktu
KENNARAR í KÍ samþykktu
nýjan kjarasamning með rúm-
lega 67% atkvæða. Þá sam-
þykktu 74,5% kennara innan
HÍK samninginn.
Atkvæði greiddu tæp 93%
félagsmanna KÍ og felldu rúm
26% samninginn. Eiríkur Jóns-
son formaður KÍ sagði að úr-
slitin hafi verið á þann veg sem
hann hafi búist við. Hann
sagðist ennfremur telja að þó
nokkur hópur kennara hafi
samþykkt samninginn á þeim
forsendum að það hafí verið
skárri kostur en að fella hann,
ekki vegna ánægju með niður-
stöðuna.
85,4% kennara innan HÍK
greiddu atkvæði, eða 976. 727
samþykktu, eða 74,5%, 20,7%
voru á móti, auðir seðlar og
ógildir voru 4,8%.
Kennarar innan HÍK, sem
starfa við Verslunarskólann,
greiddu sérstaklega atkvæði
um samning þeirra við skóla-
nefnd. Af 59 kennurum
greiddu 48 atkvæði, já sögðu
81,2%, nei 16,7%, einn seðill
var auður.
Flug’freyjur
Verkfall í maí
ef ekki semst
SÁTTAFUNDUR í kjaradeilu
Flugfreyjufélagsins og Flug-
leiða stóð enn um miðnætti í
nótt, en hann hófst kl. 19.
Flugfreyjur hafa ákveðið að
fresta fyrirhuguðu fjögurra
daga verkfalli í byijun næsta
mánaðar um tvo daga.
Erla Hatlemark, formaður
Flugfreyjufélagsins, sagði að
enn væri allt á huldu í samn-
ingamálum, en flugfreyjur
hefðu þó metið stöðuna svo,
að eðlilegt væri að fresta verk-
falli. „Það er verið að vinna í
ákveðnum málum og við vilj-
um sjá hvemig þau þróast."
Hjá Flugleiðum veitti Mar-
grét Hauksdóttir þau svör, að
eitthvað miðaði í samkomu-
lagsátt, en þó væru engin
samningsdrög á borðinu.
Slasaðist á
fjöllum
WRLA Landhelgisgæslunnar
sótti í gær slasaðan vélsleða-
mann í Jökuldali við Fjalla-
baksleið syðri og flutti á
sjúkrahús í Reykjavík.
Maðurinn hafði fallið af
sleða sínum og var meiddur á
bijóstkassa og baki.