Morgunblaðið - 28.04.1995, Síða 41
MORGUNBLAÐIÐ
FÖSTUDAGUR 28. APRÍL 1995 41
BRÉF TIL BLAÐSINS
i
i
i
i
i
t
i
<
i
i
t
i
Skýr svör
óskast
Frá Hrafnhildi Guðmundsdóttur:
ÁGÆTUR Velvakandi fékk fyrir
nokkru línur frá mér vegna máls
Sophiu Hansen og dætra hennar.
Þar beindi ég spurningum til for-
sætis- og dómsmálaráðherra um
þeirra aðstoð til handa þessum
íslensku ríkisborgurum sem eiga
í miklum vanda.
Ekki hefur verið látið svo lítið
að svara, enda kannski ekki af svo
miklu að státa.
Nú hefur okkur birzt 20. apríl
furðuleg afgreiðsla tyrkneska
dómarans í þessu máli og enn og
aftur spyr ég: Ætla dómsmálaráð-
herra og forsætisráðherra endan-
lega að missa andlitið í þessu
máli með afskiptaleysi sínu?
Ég spyr aftur og óska skýrra
svara, hvers vegna hafa ráðherr-
arnir ekki stöðugt kynnt þetta
mannréttindamál í nágrannalönd-
um okkar? Og auk þess sett það
fyrir Evrópuráðið, þar sem Tyrkir
rembast við að komast í samfélag
Evrópu. Sá þrýstingur kæmi tyrk-
neskum stjórnvöldum ekki vel og
yrði kannski til að þau tækju á
máli konunnar af réttsýni og
hættu að leika sér að henni eins
og köttur að mús. Okkar fámenna
þjóð á kröfu á að dóms- og réttlæ-
tiskerfið íslenska standi vel að
baki hveijum einstaklingi sem á
því þarf að halda.
Heilsu konunnar eftir fimm ára
þrotlausa baráttu getum við ekki
bætt henni, en „skúffupeningar"
ráðherra geta greitt gjaldþrot
hennar.
HRAFNHILDUR GUÐMUNDSD.,
Markarflöt 37, Garðabæ.
Ofgert í
íþróttum
Frá Sigdóri Ó. Sigmarssyni:
HVAÐ er að gerast í íþróttahreyf-
ingunni hér í Reykjavík? Ósætti
og æsingur í hámarki; hvað er að
gerast? Höfum við smáþjóð eins
og íslendingar efni á því miðað
við stórþjóðir að láta íþróttir snú-
ast um embætti og fjármuni? Sem
betur fer hefur þessum íþrótta-
frömuðum fækkað á Alþingi og
úr borgarstjórn Reykjavíkur.
Samt sem áður píndi „íþrótta-
mafían“ í Reykjavík borgarstjóra
til að stækka Laugardalshöllina
fyrir þetta handboltamót. Vona
að því verði ekki klúðrað; margir
ætla sér að græða.
Hvað er að gerast? Þjálfunarfyr-
irtæki vaxa í tugatali eins og gor-
kúlur í höfuðborginni. Mikill part-
ur dagblaða með sama efni. Fjölg-
un fréttamanna hjá sjónvarpinu.
Hvað kostar fjölmiðla að snapa
allar íþróttafréttir utan úr heimi,
útvarp, sjónvarp, dagblöð, ferða-
lög keppenda og aðstoðarlið út um
allan heim?
Hvar eru nú allar þessar
kannanir sem dynja yfir? Hér er
sagt að efnahagur íþróttafélag-
anna sé bágborinn. Það eru ekki
þau sem græða; það eru aðrir.
Enda hafa skýrslugerðir og
skattaskýrslur verið götóttar hjá
sumum íþróttafélögum.
Nei, íþróttafrömuðir og íþrótta-
fólk, hættið að æsa fólk upp með
hrópum og auglýsingaskrumi.
Snúið ykkur að heilbrigðari íþrótt-
um einsog skíðaíþrótt, sundi,
róðraríþrótt, göngu og útiveru.
Góða fólkið láti dómarana dæma.
Hugsið um taugakerfið í ykkur.
SIGDÓR Ó. SIGMARSSON,
Skipasundi 79, Reykjavík.
Austan-
tj aldsmórar
Frá Jóhanni Gunnari Arnarssyni:
TILEFNI þess að ég ræðst fram á
ritvöllinn er grein sem Guðsteinn
Þengilsson læknir ritar í Morgun-
blaðið miðvikudaginn 8. mars sl. svo
og furðuleg viðbrögð fyrrverandi
(núverandi?) kommúnista við þætti
Áma Snævarr og Vals Ingimunda-
sonar í sjónvarpinu fyrir skemmstu.
Af viðbrögðunum mætti halda að
þessar hetjur SÍA-skýrslnanna og
fleiri sem um var fjallað hefðu verið
hópur nytsamra sakleysingja sem
urðu fyrir því „óláni“ að lenda í
námi austantjalds og njóta fyrirgre-
iðslu í einu eða fleiri „sæluríkjum“
kommúnismans.
Nú eru þetta allt saman saklaus
brek ungra manna, saklaus brek
eftirstríðsárakynslóðarinnar sem
trúði á eitthvað annað en gæði
Marshall-hjálparinnar, veitta undir
grímu kapítalismans. Hver man ekki
orðalagið?
í dag er það illmennska að rifja
þetta upp þegar gríma kommúnist-
ans er fallin og helgríman hrotta-
legri en öll „Morgunblaðslygin"
blasir við.
I dag hafa þessir sömu menn
gleymt því að þeir sjálfir jafnvel
stunduðu rannsóknarblaðamennsku
gegn mönnum eins og Davíð Ólafs-
syni, Birgi Kjaran, Siguijóni Sig-
urðssyni og þeim öðrum sem glöpt-
ust til að dást að einkavini Stalíns,
Hitler.
Nú á ekki að fletta upp í gömlum
skjölum og nudda mönnum aðeins
upp úr sannleikanum
Nú má ekki minna menn á morð-
æði Stalíntímans, eða jafnvel að
þeir hinir sömu sem gegna
ábyrgðarstöðum í íslensku samfé-
lagi í dag lögðu drög að byltingu á
íslandi og sáu logann í austri sem
bjarma yfír Sovét-íslandi og spurðu
eins og skáldið „Hvenær kemur
þú?“. Sem betur fer kom það aldrei.
Ef þetta er rifjað upp þá er það
kallað að kynda undir kolum kalda
stríðsins og það má ekki vegna
hinna nytsömu sakleysingja, mór-
anna, sem enn eru á ferð í samfé-
lagi okkar.
„Jarmaðu nú Móri minn,“ segir
Guðsteinn Þengilsson læknir og
fínnst mér þar, sem hann snúi mál-
inu upp í andhverfu sína. Því hverj-
ir eru „mórarnir" aðrir en þeir sem
á sínum tíma voru þess albúnir að
selja föðurland sitt undir ok þræla-
ríkisins í austri?
Hafi menn verið kommúnistar þá
víkja þeir sér ekkert undan því og
þeirri ábyrgð frekar en nasistamir
gömlu.
Þeir sem sjá að sér biðjast afsök-
unar og reyna að byggja upp hörm-
ungina sem kommúnisminn hefur
skilið eftir sig um allar jarðir.
Hinir, sem aldrei læra neitt, halda
áfram að lifa í heimi blekkingarinn-
ar, og birtast í annarri sauðargæru.
JÓHANN GUNNAR ARNARSSON,
nemi.
Gættu réttar þíns
Sköttum aflétt af
lífeyrisiðgjöldum
Með kjarasamningum landssambanda innan Alþýðusambands íslands og
atvinnurekenda frá 21. febrúar sl. fylgdi yfirlýsing ríkisstjórnarinnar um niður-
fellingu skatta á lífeyrisiðgjöldum (þ.e. afnám tvísköttunar lífeyrisiðgjalda) í
áföngum á næstu tveimur árum. Frá 1. apríl sl. átti að draga 2% af 4%
framlagi launafólks í lífeyrissjóði frá tekjum fyrir álagningu skatta í staðgreiðslu.
Þessi breyting tekur til launa fyrir aprílmánuð og á að vera komin til
framkvæmda gagnvart öllu launafólki í síðasta lagi nú um mánaðamótin.
Alþýðusamband íslands hvetur allt launafólk til þess að vera vel á verði gagnvart
því að þessi frádráttur komi til framkvæmda. Frádrátturinn mun ekki koma
skýrt fram á launaseðli, heldur á að taka tillit til hans við ákvörðun skattstofnsins.
Af þessari ástæðu er sérstaklega mikilvægt að launafólk fýlgist vel með fram-
kvæmdinni og leiti eftir leiðréttingu ef þörf krefur.
Viðkómandi stéttarfélög eru reiðubúin til þess að aðstoða félagsmenn sína við að
fylgjast með framkvæmdinni og aðstoða að öðru leyti ef þess verður óskað.
Hinn 1. maí halda 65.000 félagsmenn ASÍ og þölskyldur þeirra hátíðlegan al-
þjóðlegan baráttudag launafólks. Alþýðusamband íslands var stofnað 1916 og
hefur nú í hart nær átta áratugi barist fyrir bættum kjörum, góðum aðbúnaði á
vinnustöðum, starfsmenntun, jafnrétti og áhyggjulausu ævikvöldi, svo nokkur
dæmi séu tekin. Mörg verkefni bíða úrlausnar, en mikill árangur hefur náðst í
baráttu samtaka launafólks fýrir betri kjörum og auðugra mannlífi. Dæmið hér að
ofan er enn ein sönnun þess að ASI stendur vörð um hagsmuni launafólks.
Baráttukveðjur á 1. maí.
ALÞÝÐ USAM BAN D ÍSLANDS
Samstáðan er afl