Morgunblaðið - 13.06.1995, Blaðsíða 7
MORGUNBLAÐIÐ
ÞRIÐJUDAGUR 13. JÚNÍ 1995 7
FRÉTTIR
Norrænt þing heilaskurðlækna
ARON Björnsson heilaskurðlæknir tekur í öfluga smásjá sem er
tengd við sjónvarpsskjá og notuð á hveijum degi við skurð-
aðgerðir á Borgarspítalanum.
Fá svæði heilans enn ókönnuð
MIKLAR framfarir hafa átt sér stað
á síðustu misserum og árum í heila-
og taugaskurðlækningum að mati
Arons Björnssonar heilaskurðlæknis
á Borgarspítalanum. Þetta segir
hann að hafi endurspeglast ágæt-
lega á 47. ársþingi norrænna heila-
skurðlækna sem slitið var á Hótel
Loftleiðum um helgina. Á þinginu
voru ýmsar nýjar rannsóknir í fræði-
greininni kynntar og mörg erlend
fyrirtæki sýndu hiigbúnað og tæki
fyrir hin nákvæmu fræði heila- og
taugaskurðlækninga. Ráðstefnan
heppnaðist ákaflega vel að sögn
Arons sem var formaður fram-
kvæmdanefndar þingsins. 150 gestir
sóttu þingið frá 16 þjóðlöndum og
þykir það fjölsótt þing fyrir jafn
fámenna sérfræðilæknastétt.
Heilinn kortlagður
„Mjög fá svæði heilans eru enn
ókönnuð," sagði Aron í viðtali við
Morgunblaðið. „Miklar framfarir
hafa orðið í því að kortleggja heilann
og við þróun aðferða til að komast
að óeðlilegum hlutum í líffærinu.
Jafnvel þótt heilinn sé viðkvæmt
svæði hafa verið þróuð fíngerð tæki
til að kanna hin viðkvæmustu svæði
hans,“ sagði hann. Þannig séu á
Víkinga-
garði
vel tekið
yÍKINGAGARÐURINN rétt utan
Óslóar sem arkitektarnir Guðmund-
ur Jónsson, Guttormur Magnússon
og Ingunn Hafstað hönnuðu var
opnaður á miðvikudaginn var. Þykja
mannvirki í garðinum fagmannlega
unnin og trúverðug.
Víkingagarðinum er ætlað að
fanga anda víkingatímans og sýna
daglegt líf eins og menn telja það
hafa verið. í honum eru 14 mann-
virki, svo sem kaupvangur, bryggju-
sporður, víkingaskip, þingstaður,
haugur og gildaskáli fyrir gesti.
Einnig er starfsfólk garðsins klætt
í anda tímabilsins.
Greint var frá opnuninni í norsk-
um fjölmiðlum og var höfundur
umfjöllunar Aftenposten, sem Morg-
unblaðið vitnar til, í fylgd með forn-
leifafræðingi frá Óslóarháskóla, El-
len Hojgárd Hofseth.
Allir gestir fá fatnað að víkinga-
sið og þegar inn í garðinn er komið
blasir kaupvangurinn við. Þykir
fornleifafræðingnum fötin lítt
spennandi og úr sögulegu samhengi
við garðinn en lýkur lofsorði á mann-
virkin. „Byggingarnar eru nákvæm-
lega eins og talið er að þær hafi lit-
ið út. Byggingastíl vestur- og aust-
urhluta er fylgt til hins ítrasta og
víkingaskipið ber faglegri þekkingu
vitni,“ er haft eftir henni.
„Þegar kemur að dæmigerðu að-
setri jarls fyllist Hojgárd ákefð. „Þetta
er ein endurgerð af mörgum hugsan-
legum. Það er ekki ólíklegt að þeir
hafí búið með þessum hætti og mikið
af getgátum uppi. Það sem mér fellur
sérstaklega vel er að ekki er gefin
þessi frumstæða og margtuggna
mynd af víkingunum“,“ segir hún.
-----------» ♦ ♦-----
Átta teknir
fyrir ölvun
LÖGREGLAN á Húsavík tók átta
ökumenn grunaða um ölvun við
akstur eftir dansleik sem haldinn var
ídölum á föstudagskvöld. Að sögn
lögreglu var gífurlegur ölvunarakst-
ur á svæðinu. Talið er að 700-1.000
manns hafi verið á dansleiknum og
hafði lögreglan í ýmsu að snúast.
Engin óhöpp urðu þó þrátt fyrir
mikla ölvun.
RÆKTAÐU
ÞAÐSEM
GEFUR ÞÉR
MEST
og láttu okkur tryggja þér
stöðugar greiðslur
- allt að 10% á ári
Viltu tryggja...
þér stöðugar greiðslur af sparifé þínu?
Viltu nýta„.
bestu tækifæri sem gefast til fjárfestinga
hverju sinni?
Viltu auka...
fjárhagslegt öiyggi þinna nánustu
með fjárfestingarábyrgð?
Viltu vita...
af sparifé þínu hjá traustum aðila
sem veitir þér ítarlegar upplýsingar um
eign þína á þriggja mánaða fresti?
GRUNNVAL með fjárfestingarábyrgð
er ný og einstök þjónusta fyrir sparifjár-
eigendur sem enginn annar býður.
Komdu eða hringdu.
GRUNNVAL
- til að njóta lífsins betur.
. LANDSBREF HF.
Suðurlandsbraut 24, 108 Reykjavík,
sími 588 9200, bréfasími 588 8598.
Löggilt veröbréfafyrirtæki. Aöili aö Veröbréfaþingi íslands.
ráðstefnunni fyrirtæki sem sérhæfi
sig í þróun speglunarbúnaðar og
smásjáa sem þræddar séu inn í heila.
Megin viðfangsefni heilaskurð-
lækna um þessar mundir er að finna
leiðir til að stytta legutíma sjúklinga
og lina þrautir þeirra og erfiði. Aron
sagði að skurðiæknar einbeiti sér
að því að nota speglunarbúnað í rík-
ari mæli og jafnframt staðsetning-
aráhöld tengdum öflugum tölvum.
Slík áhöld geri þeim kleift að gera
minni skurði við aðgerðir.
Markmið skurðlækna er þannig
að gera minni aðgerðir sem aftur
valdi minni skemmdum. Læknar
geta nú að sögn Arons fylgst með
flestum skurðaðgerðum á tölvuskj-
ám, tekið myndir og skráð allar
hreyfingar sínar og aðgerðir.
Aron fullyrðir viðamikil tækjasýn-
ing erlendra fyrirtækja á þinginu í
skurðlækningum staðfesti að full-
komnar íslenskar skurðstofur séu
búnar mjög góðum tækjum. Nauð-
synlegt sé þó að halda vel á spöðun-
um og fylgjast með hraðri tækniþró-
un í heiminum. Tryggja þurfi að
tækjabúnaður úreldist ekki á ís-
lenskum skurðstofum.