Morgunblaðið - 15.06.1995, Blaðsíða 6

6 FIMMTUDAGUR 15. JÚNÍ 1995
MORGUNBLAÐIÐ
FIA og Flugleiðir semja
Launakostnað-
arauki Flug-
leiða um 6,5%
KJARASAMNINGUR Flugleiða
og Félags íslenskra atvinnuflug-
manna sem undirritaður var í gær
felur í sér launahækkanir til sam-
ræmis við það sem samið var um
á almennum vinnumarkaði í vor.
Samningurinn gildir til ársloka
1996.
Þá var samið um hagræðingu í
sambandi við flugmannaþjálfun og
bindiskyldu flugmanna á flugvéla-
tegundir sem felur í sér hækkun
sérstaks launaálags úr 6,33% í
10%.
Kristján Egilsson, formaður
FÍA, segir að menn séu ánægðir
með að ná þessum áfanga. Hann
kvaðst eiga von á því að flugmenn
samþykktu samninginn á fundi í
félaginu sem boðaður er nk. mánu-
dag.
Á sömu vélategund
Samkvæmt kjarasamningi og í
samræmi við alþjóðlegar venjur í
flugrekstri flytjast flugmenn milli
flugvélategunda hjá vinnuveitanda
með reglubundnum hætti. Þetta
kallar á mjög dýra og síendurtekna
þjálfun, segir í frétt frá Flugleið-
um.
Með samningi félagsins og FÍA
eru flugmenn bundnir við sömu
flugvélategundina í þrjú ár í stað
tveggja áður. Þetta og fleiri breyt-
ingar á þessum reglum leiða til
þess að útlagður kostnaður Flug-
leiða vegna þjálfunar lækkar að
jafnaði um allt að 15%. Að auki
var samið um skýrari reglur um
vinnutíma og vaktafyrirkomulag
sem er félaginu til hagsbóta, segir
í frétt frá Flugleiðum.
Flugleiðir áætla að launakostn-
aðarauki af völdum samningsins
verði um 6,5% þegar tekið hefur
verið tillit til sparnaðar sem hann
skapar félaginu. Félagið telur afar
mikilvægt að tekist hafi að ná
þessum samningi í jafn góðri sátt
og raun bar vitni nú í upphafi
ferðamannatímabilsins.
Orator
Auður Auðuns heiðruð
SUNNUDAGINN 11.
júní síðastliðinn veitti
Orator, félag laga-
nema, frú Auði Auð-
uns heiðursbarmmerki
félagsins, Grágás úr
gulli. Var Auði veitt
heiðursmerkið af því
tilefni, að þennan dag
voru 60 ár frá því
Auður útskrifaðist ur
lagadeild Háskóla ís-
lands, fyrst kvenna.
Með þessu vildi fé-
lagið votta Auði virð-
ingu sína og þakklæti
fyrir brautryðjenda-
starf hennar í þágu
kvenna í lagadeild og hlýhug henn-
ar til félagsins á liðnum árum.
Heiðursmerkið sem um ræðir,
Grágás úr gulli, hefur
einungis verið veitt sjö
sinnum áður frá því
Grágás var tekið upp
sem merki félagsins
árið 1966.
Auður Auðuns var
lögfræðingur Mæðra-
styrksnefndar 1940-
1960, borgarstjóri
Reykjavíkur 1959-
1960 og 1959-1974
var hún „ þingmaður
Reykjavíkur fyrir
Sj álfstæðisflokkinn.
1970-1971 var Auður
skipuð dóms- og
kirkjumálaráðherra,
en hún var fyrsta konan sem gegndi
ráðherraembætti í ríkisstjórn ís-
lands.
FRÉTTIR
FORYSTUMENN verkalýðsfélaga starfsmanna álversins á fundi
með Finni Ingólfssyni iðnaðarráðherra í gær.
Áldeild Alusuisse-Lonza
Kurt Wolfensberg-
er ráðinn forstjóri
KURT Wolfensberger, sem er for-
maður viðræðunefndar Alusuisse-
Lonza vegna hugsanlegrar stækk-
unar álversins í Straumsvík, hefur
verið ráðinn forstjóri áldeildar Alusu-
isse-Lonza og tekur hann við stöð-
unni 1. júlí næstkomandi. Hann mun
eftir sem áður taka þátt í samninga-
viðræðunum við Islendinga og einnig
halda sæti sínu í stjórn ÍSALs.
Þetta var tilkynnt í aðalstöðvum
fyrirtækisins í gærmorgun. Wolfens-
berger tekur við forstjórastarfinu af
Vineent Assinis, sem gegnt hefur
stöðunni til bráðabirgða í rúmt ár.
Kurt_ Woifensberger hefur setið í
stjórn ÍSAL frá 1986 og að sögn
Rannveigar Rist, taismanns ÍSAL,
hefur hann mikinn áhuga á stækkun
álversins í Straumsvík. Hún segist
vera þeirrar skoðunar að ráðning
Wolfensbergers sem forstjóra ál-
deildar Alusuisse-Lonza undirstriki
þann áhuga sem fyrirtækið hefur
haft á stækkun álversins.
„Þetta er enn frekar til áréttingar
á því að mönnum sé og hafi verið
alvara með að stækka héma, þó svo
að atburðir líðandi stundar kunni að
breyta því. Hann [Wolfensberger]
ber mjög hag þessa fyrirtækis fyrir
btjósti og hann hefur komið hér oft
og þekkir allt og alla hérna og hefur
mikinn áhuga á þessu. Þetta undir-
strikar því enn. frekar að af hálfu
Alusuisse er alvara í málinu,“ sagði
Rannveig.
Klókur og fordómalaus
Wolfensberger er 55 ára gamall,
svissneskur og ástralskur ríkisborg-
ari. Hann hóf störf hjá Alusuisse í
Ástralíu um miðjan sjöunda áratug-
inn og hefur hann síðan gegnt ýms-
um trúnaðarstörfum þar og í höfuð-
stöðvunum í Zúrich, Sviss. I fréttatil-
kynningu um stöðuveitinguna er haft
eftir Theodor M. Tschopp, forstjóra
Alusuisse-Lonza, að Wolfensberger
sé vel heima í áliðnaðinum, hann sé
fordómalaus og klókur í viðskiptum.
Tschopp hafði sömu stöðu og Wolf-
ensberger hefur nú verið skipaður í
áður en hann varð forstjóri árið 1992.
Þrjár rekstrardeildir
Alusuisse-Lonza skiptist í þrjár
meginrekstrardeildir, en aðalforstjóri
Alusuisse-Lonza Holding Ltd. er Dr.
Theodor M. Tschopp. I fyrsta lagi
er um að ræða áldeildina, Alusuisse,
sem Kurt Wolfensberger mun stýra,
þá er umbúðadeild, Lawson Mardon
Packaging, en henni verður stýrt af
Henk van der Meent, sem tekur við
deildinni af Dominique Damon, sem
áfram verður aðalforstjóri rekstrar-
deildar Alusuisse-Lonza, og í þriðja
lagi er svo efnadeild, Lonza, sem
Dr. Peter Kalantzis veitir áfram for-
stöðu.
Aðalskrifstofur áldeildarinnar eru
í Singen í Þýskalandi. Mikilvægi ál-
framleiðslunnar innan fyrirtækisins
hefur minnkað á undanförnum árum,
en hún stendur nú jafnfætis efna-
og umbúðaframleiðslunni. Alls starfa
26.300 manns hjá alþjóðafyrirtækinu
Alusuisse. Söluvelta þess er 7,5 millj-
arðar svissn’eskra franka á ári.
Verkfallið í álverinu
Ráðherra
ræðir við
deiluaðila
„VIÐ höfum ekki náð neinu sam-
bandi við viðsemjendur okkar
öðruvísi en að bjóða þeim góðan
dag,“ segir Gylfi Ingvarsson, aðal-
trúnaðarmaður starfsmanna ál-
versins í Straumsvík. Ekki hefur
verið boðað til nýs viðræðufundar
með deiluaðilum.
í gær ræddi Finnur Ingólfsson
iðnaðar- og viðskiptaráðherra við
aðila álversdeilunnar til að kynna
sér sjónarmið þeirra. Ráðherrann
hitti fyrst fulltrúa starfsmanna og
síðdegis átti hann svo fund með
fulltrúum ÍSAL og VSÍ. Að sögn
Sigurðar Briem, fulltrúa ÍSAL, var
ráðherra eingöngu að afla sér
upplýsinga um málið. Sigurður
sagði að sér litist illa á stöðu deil-
unnar í dag og óvíst væri hvenær
boðað yrði til viðræðufundar.
Eftir hádegi boðaði ríkissátta-
semjari svo fulltrúa starfsmanna
á óformlegan fund, til að meta
hvort ástæða væri til að boða til
nýs viðræðufundar og mun hann
einnig ætla að ræða við forystu-
menn ÍSAL og VSÍ.
Framleiðsla í álverinu stöðvast
á miðnætti föstudagskvöldið 23.
júní, hafi ekki samist fyrir þann
tíma en þá á að hefjast vinnustöðv-
un 470 starfsmanna ÍSAL.
------♦--------
Ekið á pilt á
bifhjóli
FIMMTÁN ára gamall piltur
slasaðist í gærmorgun á gatna-
mótum Karlabrautar og Dals-
byggðar í Garðabæ.
Bifreið var ekið fyrir piltinn þar
sem hann ók léttu bifhjóli. Sam-
kvæmt upplýsingum lögreglu var
hann með opið beinbrot og einhver
önnur meiðsl en hann var með
hjálm sem forðaði honum frá al-
varlegri meiðslum.
Pilturinn var fluttur á slysadeild
með sjúkrabíl. Ökumaður bílsins
slapp ómeiddur.
Utandag’skrárumræða á Alþingi í gær um húsnæðismál og vanda heimilanna
Framsóknarflokkur
harðlega gagnrýndur
FRAMSÓKNARFLOKKURINN
var harðlega gagnrýndur af stjórn-
arandstæðingum fyrir áð hafa gefíð
fölsk fyrirheit í húsnæðismálum
fyrir kosningar í utandagskrárum-
ræðu um húsnæðismál á Alþingi í
gær. Félagsmálaráðherra upplýsti
að kostnaður við hækkun lánshlut-
falls úr 65% i 70% vegna kaupa á
fyrstu íbúð væru 850 milljónir
króna á ársgrundvelli og 1.700
milljónir króna ef lánshlutfallið
væri hækkað í 75%.
Jóhanna Sigurðardóttir, Þjóð-
vaka, hóf umræðuna og sagði að
Framsóknarflokkurinn virtist ætla
að salta stærstu skuldbreytingu ís-
landssögunnar, sem yfirlýsingar
hefðu verið gefnar um fyrir kosn-
ingar. Önnur mál virtust merkari.
Síðan lagði hún nokkrar spurningar
fyrir félagsmálaráðherra, meðal
annars varðandi það hverjir myndu
eiga rétt á hærra lánshlutfalli og
hver kostnaður væri því samfara.
Reglugerðin tilbúin
Fram kom hjá félagsmálaráð-
herra að reglugerð varðandi hækk-
un lánshlutfallsins væri tilbúin.
Hann vildi gefa nýrri stjóm Hús-
næðisstofnunar tækifæri til að sjá
hana, en ef til vill yrði hægt að
gefa reglugerðina út á föstudag.
Samkvæmt reglugerðinni hefðu all-
ir þeir sem ekki hefðu átt húsnæði
síðustu þijú ár rétt á hærra láns-
hlutfalli.
Jóhanna Sigurðardóttir sagði að
í svörum félagsmálaráðherra, í
umræðunni, hefði verið staðfest að
flokkurinn sem hefði ætlað að ráð-
ast í björgunarðagerðir og í stærstu
skuldbreytingu íslandssögunnar
ætlaði ekkert að gera í þessum
málum á næstu mánuðum og ekki
fyrr en í fyrsta lagi næsta vetur.
Varpaði hún því fram hvort ekki
mætti tala um stærstu blekkingu
íslandssögunnar.
V araði hún við þeirri framkvæmd
sem fyrirhuguð væri varðandi það
hveijir ættu rétt á hærra lánshiut-
falli og sagði að í því væri fólgin
mismunun sem ætti eftir að valda
gífurlegum sárindum. Þannig gætu
þeir sem hefðu misst húsnæði sitt
staðið frammi fyrir því að eiga ekki
rétt á hærra lánshlutfalli. Þá taldi
hún að hækkun lánshlutfallsins
kallaði á aukna útgáfu húsbréfa.
Ögmundur Jónasson, Alþýðu-
bandalagi, sagði að ástæðuna fyrir
greiðsluerfíðleikum fólks vegna
húsnæðiskaupa mætti rekja til
ýmislegs annars en húsnæðiskerfis-
ins þröngt séð. Komið hefði fram í
könnun Félagsvísindastofnunar
hvað þessi efni snerti að fólk í
greiðsluerfiðleikum væri það fólk
sem hefði orðið fyrir mestri skerð-
ingu vegna svokallaðra jaðarskatta.
Þannig væri lausnar á greiðsluerfið-
leikunum ef til vill að leita utan
húsnæðiskerfisins sjálfs.
Sagði hann að stjórnarflokkarnir
hefðu mikið rætt um þessar skerð-
ingar fyrir kosningar og því hefði
komið á óvart að í stefnuyfírlýsingu
ríkisstjórnarinnar væru ekki fyrir-
heit um að ráða bót á þessu fyrr en
í fyrstá lagi 1997. Ef félagsmála-
ráðherra væri sammála þessu
myndi hann þá ekki beita sér fyrir
endurskoðun á þessum atriðum við
gerð fjárlaga.
Falskar vonir verri en engar
Jón Baldvin Hannibalsson, Al-
þýðuflokki, sagði að verra væri að
gefa falskar vonir en engar vonir.
Betra væri að sleppa slíkum loforð-
um og vitnaði þar til orða rekstrar-
stjóra Húsnæðisstofnunar í blaða-
grein. Sagði hann að Framsóknar-
flokkurinn væri á skipulegu undan-
haldi frá loforðum sínum í þessum
efnum í kosningabaráttunni. Flokk-
urinn stæði ekki við neitt af þeim
loforðum sem hann hefði gefið, auk
þess sem hann héfði greint vandann
sem við væri að glíma með röngum
hætti.
Húsbréfakerfið væri ekki vand-
inn. Það hefði verið mikil framför
frá því sem kerfi sem áður var við
lýði eða því kerfi sem var þegar
Framsóknarflokkurinn hefði síðast
farið með húsnæðismál. Rifjaði
hann upp að 8.000 manns hefðu
verið í biðröð eftir lánum í 86 kerf-
inu þegar því hefði verið lokað.
Kristín Ástgeirsdóttir, Kvenna-
lista, vakti athygli á því að skuldir
heimilanna stöfuðu ekki eingöngu
af öflun eigin húsnæðis. Athygli
vekti hátt hlutfall námslána af
skuldum hneimilanna og þetta hlut-
fall ætti eftir vaxa í framtíðinni
vegna breytinga fyrri ríkisstjórnar
á námslánakerfinu. Auk þess væru
neyslulán h'ka ótrúlega mikil. Megi-
norsök vanskilanna væri sá tekjus-
amdráttur sem orðið hefði í þjóðfé-
laginu á undanförnum árum, at-
vinnuleysi, samdráttur í yfirvinnu
og hækkun jaðarskatta. Vanskilin
væru afleiðing láglaunastefna sem
hér hefði ríkt um áraraðir.