Morgunblaðið - 15.06.1995, Blaðsíða 12

12 FIMMTUDAGUR 15. JÚNÍ 1995
MORGUNBLAÐIÐ
AKUREYRI
Göngrileiðir
merktar við
Nonnahús
í SUMAR verður fítjað upp á þeirri
nýjung að merkja gönguleiðir í
grennd við Nonnahús, sem er
minningarsafn um jesúítaprestinn
og barnabókahöfundinn Jón
Sveinsson.
Þar á meðal er ein elsta göngu-
leið á Akureyri, sem er stígurinn
frá kirkjunni upp í kirkjugarðinn,
en þangað voru líkkistur bornar
upp snarbrattan stíginn, oft við
erfíðar aðstæður.
Gengið að Nonnasteini
í kirkjugarðinum er hægt að
skoða leiði Sveins Þórarinssonar
föður Nonna, en Zontasystur létu
setja legstein á leiði hans í fyrra.
Þaðan liggur gönguleiðin að
Nonnasteini á höfðanum, en í bók-
inni Nonni lýsir hann því, þegar
hann hljóp upp í brekkuna til þess
að vera í næði, þegar móðir hans
hafði sagt honum frá boði franska
aðalsmannsins sem vildi kosta
hann til náms í Frakklandi. Hann
settist á stein sem stóð upp úr ilm-
andi grasinu og þar tók hann þá
ákvörðun að þiggja þetta boð.
Morgunblaðið/Rúnar Þór
SH hefur starf-
semi á Akur-
eyri í lok ágúst
FRAMKVÆMDIR við Linduhúsið
gamla eru í fullum gangi og verður
það afhent Sölumiðstöð Hraðfrysti-
húsanna upp úr miðjum júlímánuði.
Skrifstofur SH munu verða til
húsa á þriðju hæð, en þar er verið
að byggja nýja hæð um þessar
mundir. Á fyrstu og annarri hæð
verður svo umbúðaframleiðsla á veg-
um Umbúðamiðstöðvarinnar hf.,
sem er fyrirtæki í eigu SH. Það
húsnæði verður tilbúið til afhending-
ar síðsumars.
„Við stefnum á að geta hafið
starfsemi upp úr 20. ágúst, ef ekk-
ert kemur upp á,“ segir Gylfi Þór
Ægisson, sem er forstöðumaður
skrifstofunnar á Akureyri. „Mark-
miðið er að SH á Akureyri hafi að
minnsta kosti þrjátíu starfsmenn og
það verða starfsmenn sem tilheyra
öllum deildum fyrirtækisins. Af þeim
verða að minnsta kosti tuttugu og
einn sem þegar eru starfsmenn SH
og flytja norður.
Á bak við þessa starfsmenn eru
síðan um sextíu einstaklingar, mak-
ar og börn. Þessar fjölskyldur hafa
verið að vinna að því undanfarna
mánuði að finna sér húsnæði og
undirbúa flutning sinn norður. Um
það fólk sem þegar hefur ákveðið
að flytja norður má segja að menn
eru almennt jákvæðir gagnvart þess-
um flutningum og hyggja gott á
Akureyrardvöl."
Mörg hundruð
á skólahátíð MA
Aldrei fleiri skemmti-
ferðaskip á Akureyri
í SUMAR munu þrjátíu og níu
skemmtiferðaskip leggja Ieið sína til
Akureyrar, en þau hafa aldrei verið
fleiri. Áður höfðu þau verið flest árið
1993 eða tuttugu og sjö og í fyrra
voru þau tuttugu og fjögur. Fyrstu
skipin komu síðastliðinn laugardag
og verða komumar með reglulegu
millibil alveg fram í miðjan ágúst.
Föstudaginn 16. júní kemur hing-
að skipið Royal Viking Sun, sem er
talið eitt glæsilegasta skemmti-
ferðaskip í heimi. I nýlegri yfirlits-
bók yfir skemmtiferðaskip fær það
hæstu einkunn. Stefnt er að því að
taka skipið að bryggju og yrði það
þá lengsta skip sem komið hefur að
bryggju á Akureyri eða 204 metrar
að lengd.
„Á laugardaginn kemur hinn
gamli góði Maxim Gorkí, sem venur
komur sínar hingað fjórum sinnum
á ári og er alltaf jafn glæsilegur,"
segir Gunnar Einarsson hafnarvörð-
ur. Á sunnudaginn kemur svo Oriana
sem er aðeins nokkurra vikna gam-
alt og er þetta jómfrúarferð þess til
íslands. Þetta er stærsta skip sem
komið hefur til Akureyrar. Það er
260 metra langt, vegur 67 þúsund
tonn og rúmar um átján hundruð
farþega.
Til gamans má geta þess að um-
ferðin um Eyjafjörðinn verður svo
mikil að 23. júní verða fjögur skip á
Akureyri. Tvö þeirra verða við
bryggju og tvö munu varpa akkerum
á pollinum.
Morgunblaðið/Rúnar Þór
SKEMMTIFERÐASKIPIÐ Russ kom til Akureyrar á þriðjudag.
Kyningarfundur
um tilraunaverkefnið
„íbúð á efri hæð“
Fulltrúar frá Reykjavfkurborg og Þróunarfélagi
Reykjavfkur kynna verkefnið „íbúð á efri hæð“
á almennum kynningarfundi á Hótel KEA föstudaginn
16. júní kl. 10.00. í verkefninu felst að auðu og illa
nýttu húsnæði í miðborg Reykjavíkur er breytt í íbúðir.
Verkefnið er m.a. áhugavert í ljósi hugmynda um aukna
íbúðarbyggð í miðbæ Akureyrar.
Skipulagsdeild Akureyrar.
Glerárbrú
opnuð í dag
UNNIÐ hefur verið sleitulaust
að viðgerðum á Glerárbrú síðan
gróf undan henni á mánudag.
Umferð hefur verið opnuð yfir
efri brúna eða vestari akreinina,
en neðri brúin var enn lokuð í
gær.
Guðmundur Guðlaugsson bæj-
arverkfræðingur bjóst við að
opnað yrði fyrir umferð um neðri
brúna í dag. Annars sagði hann
að hitabylgjan hefði ekki angrað
Akureyringa að öðru leyti: „ Allt
annað í sambandi við hlýindin
er hið besta mál, því hér er allt
að verða al-laukað á aðeins örfá-
um dögum."
MENNTASKÓLANUM á Akureyri
verður slitið í 115. sinn laugardaginn
17. júní og fer athöfnin fram í
íþróttahöllinni.
Að lokinni skrúðgöngu frá Gamla
skóla hefst hátíðardagskráin klukk-
an tíu á tónleikum nemenda sem eru
að ljúka námi af tónlistarbraut. Þá
tekur við ræða Valdimars Gunnars-
sonar skólameistara og ávörp af-
mælisstúdenta. Loks verða 145 stúd-
entar brautskráðir frá skólanum og
einn þeirra flytur ávarp.
Þess má geta að rúmlega þúsund
manns eru jafnan viðstaddir skóla-
slitin. Síðar um daginn verður svo
boðið upp á kaffiveitingar í Gamla
skóla frá klukkan 15-17. Þá verða
um átta hundruð manns í hátíðar-
kvöldverði í íþróttahöll Akureyrar
um kvöldið.
Að kvöldi 16. júní verður fagnað-
ur afmælisárganga úr MA í íþrótta-
höllinni og er búist við að þar verði
saman komnir um sex hundruð
gamlir stúdentar við kvöldverð,
skemmtun og dans.
Á þriðjudaginn var fóru stúdents-
efni MA í hefðbundna skógræktar-
ferð að Þelamörk undir stjórn og
handleiðslu Hallgríms Indriðasonar
skógræktarstjóra og Tómasar Inga
Olrich alþingismanns og fyrrum
frönskukennara við skólann. Á Þela-
mörk hafa verðandi stúdentar við
MA gróðursett tijáplöntur á tölu-
verðu svæði um margra ára skeið.
Búast má við að mörg hundruð
manns leggi leið sína til Akureyrar
vegna skólahátíðarinnar. Hún setur
því mikinn svip á bæjarlífið og veld-
ur því að þjóðhátíðardagurinn er
stærri í sniðum á Akureyri en víðast
hvar annars staðar.
Á húðkeip umhverfis Grímsey
.. Morgunblaðið/Hólmfríður
BJORN Guðmundur Markússon reri á húðkeip kringum Grímsey.
Grimsey. Morgunblaðið.
NÝLEGA fór Björn Guðmundur
Markússon á húðkeip kringum
Grímsey í einstaklega góðu veðri
og dólaði þetta á þremur klukku-
stundum.
Húðkeipurinn er bandarisk
framleiðsla og ber nafnið Folbot
en er hannaður eftir grænlenskri
fyrirmynd. Björn er mjög ánægð-
ur með hann og segir hann henta
vel til róðra með ströndinni.
„Þessir húðkeipar voru fyrst
framleiddir árið 1933 og eru lítið
breyttir í dag,“ segir hann.
„Grindin er úr áli, svokölluð felli-
grind, og er klædd utan með
næloni og gúmmíi, alls fjórum
lögum.“
Þeir eru framleiddir bæði eins
og tveggja manna. Eins manns
húðkeipur vegur um 20 kíló og
tveggja manna um 30 kíló. Burð-
argetan er tíföld þyngd þeirra.
Auðvelt er að ferðast með þá því
það er hægt að koma þeim fyrir
í tösku sem er á við stóra íþrótta-
tösku og er þar með „lögleg“
stærð í farangursgeymslu flug-
véla. Húðkeipurinn er gerður fyr-
ir einfait segl og stýri og eru all-
ir tveggja manna húðkeiparnir
með stýri. Seglin eru lítil, aðeins
tveir fermetrar, og svo einföld
að það þarf ekki sérlega mikla
siglingakunnáttu til að nota þau.
Það er hægt að ferðast á Folbot
niður erfiða jökulá, eins og sagt
er, fjórðu gráðu á, en erfiðastar
eru árnar sex gráður. Þá ristir
hann ekki dýpra en 10-15 sentí-
metra.
Fyrsta húðkeipinn eignaðist
Björn fyrir fjórum árum en nú á
hann sjö. Hann hefur reyndar
einkaleyfi fyrir Folbot í allri Evr-
ópu. Hann hefur ferðast nokkuð
um á húðkeip og lengsta ferð
hans stóð í eina viku. Hann hefur
farið um Mexíkóflóa, Colorado,
Maine, New Hampshire auk þess
sem hann hefur ferðast hérlendis,
mest með strandlengjunni og seg-
ir það alveg afskaplega gaman.
Kajakklúbburinn
Eiríkur rauði
í vor stofnaði Björn kajak-
klúbbinn Eirík rauða. Nafnið
finnst honum hæfa þar sem hann
er sannfærður um að Eiríkur
rauði sé fyrsti íslendingurinn sem
hafi séð húðkeip. Kajakklúbbur-
inn er ætlaður öllum sem hafa
áhuga á útiveru og vilja prófa
eitthvað nýtt og sjá náttúruna frá
nýju sjónarhorni.
I sumar ætlar Björn að standa
fyrir námskeiðum fyrir þá sem
vilja læra að róa húðkeipum og
þá sem hafa áhuga á að gerast
fararstjórar í slíkum ferðum. Þá
er hann fyrst og fremst með í
huga öryggismálin í sambandi við
þessar ferðir. Núna starfar hann
sem markaðsráðgjafi fyrir Mýr-
dæling í Vík í Mýrdal þar sem
m.a. eru reknir tveir hjólabátar
auk ferðaþjónustu. Þar verður
hann með aðstöðu og möguleika
til þjálfunar fyrir leiðsögumenn
og vonast til að geta komið á fjór-
um helgarnámskeiðum í sumar.
Björn er bjartsýnn á að nýta húð-
keipana í ferðaþjónustunni og er
þess fullviss að það sé framtíð í
þessu.