Morgunblaðið - 14.09.1995, Blaðsíða 18

18 FIMMTUDAGUR 14. SEPTEMBER 1995
MORGUNBLAÐIÐ
ERLENT
Kvennaráðstefnan í Peking
Samkomulag
um erfðarétt
Peking. Reuter.
FULLTRÚAR íslamskra ríkja á Alþjóðakvennaráðstefnunni í Peking féll-
ust í gær á málamiðlun í deilunni um erfðarétt kvenna og samkomulag
náðist einnig um orðalag ályktunar um ýmsa þjónustu, sem konum ætti
að standa til boða. Höfðu Vesturlönd haft fyrirvara í því efni þar sem
þau telja, að fátæk ríki verði sjálf að standa straum af sinni grunnþjónustu.
Tilraunirnar
á Mururoa
Frakkar
leyfa eftirlit
París. Reuter.
FRAKKAR komu í gær til
móts við bandamenn sína i
Evrópusambandinu, ESB, og
Japana sem hafa. gagnrýnt
kjamorkutilraunirnar á Mur-
uroa-eyju á Suður-Kyrrahafi.
Segjast frönsk stjómvöld
reiðubúin að taka á móti
sendimanni Tókýó-stjórnar
vegna málsins og jafnframt
fá sérfræðingar á vegum ESB
að kanna strax hvort geisla-
mengun hafi orðið vegna til-
raunanna.
Fram til þessa hafa Frakk-
ar aðeins viljað að sérfræðing-
arnir fengju að fara á staðinn
eftir að öllum tilraununum
lýkur en gert er ráð fyrir að
alls verði um 6-8 sprengingar
að ræða.
Nýhafinn er fundur 16 ríkja
á Suður-Kyrrahafi og verður
þar rætt í dag til hvaða að-
gerða hægt verði að grípa til
að fá Frakka ofan af því að
sprengja fleiri kjamorku-
sprengjur. Margir óttast að
bergið á Mururoa, sem er
kóralrif, geti spmngið vegna
tilraunanna og valdið mikilli
geislamengun þrátt fyrir allar
varúðarráðstafanir.
Orðalag lokaályktunar um
erfðarétt kvenna er þannig, að
þeim skuli tryggður ,jafn réttur
til erfða og jafn réttur til arftöku“
en jafnframt var lýst yfir, að með
orðalaginu væri fremur reynt að
koma í veg fyrir mismunun en að
tryggja nákvæmlega sama hlut
karla og kvenna í arfi.
Þessi túlkun gefur íhaldssömum
múslimum dálítið svigrúm en
írönsku konumar vora þó alls ekki
ánægðar með hana. „Sanngirni er
sjálfsögð en ekki jafnrétti," sagði
Turan Jamshidian. „Við hlítum
íslömskum lögum. Boðorðum guðs
er ekki unnt að breyta. Við munum
nú halda okkar leið,“ sagði hún
og gaf í skyn, að íransstjórn myndi
hafa einhvern fyrirvara á um sam-
þykktina.
Deilur milli íhaldssamra, ísl-
amskra ríkja með íran í farar-
broddi og vestrænna ríkja hafa
átt mestan þátt í hve illa hefur
gengið að koma saman lokaálykt-
un kvennaráðstefnunnar.
Alþjóðabankinn ætlar að auka
framlög sín til ýmissa framfara-
mála kvenna um 50% á næstu
þremur árum. Var skýrt frá þessu
í Kína í gær. Lánin nema nú um
3,5 milljörðum dollara á ári og
fara aðallega til mennta- og
mannfjölgunarmála, heilsugæslu
og landbúnaðar. Það svarar til
15% af útlánum bankans en fyrir
áratug var hlutfallið aðeins 5%.
Sagði fulltrúi bankans, Klas
Bergman, að kúgun kvenna væri
víða Þrándur í Götu efnahags-
legra framfara og því væri enn
meiri ástæða en ella til að bæta
hlut þeirra.
Reuter
KONUR frá Rómönsku Ameríku efndu til mótmælafundar í gær í anddyri byggingarinnar þar sem
kvennaráðstefnan í Peking er haldin. Kröfðust þær aukins stuðnings auðugra ríkja við rikin í Mið-
og S-Ameríku og vildu, að allar erlendar skuldir þeirra yrðu strokaðar út. Ráðstefnunni lýkur á morgun.
Rússar lofa aukinni aðstoð og brottflutningi barna
Loftbrú hjálpar-
gagna til Belgrad
Moskvu. Reuter.
R!ÚSSAR tilkynntu í gær að þeir
hygðust reisa loftbrú til að flytja
hjálpargögn til Belgrad, höfuð-
borgar Serbíu.
Haft var eftir Sergei Shoigu,
neyðarástandsráðherra, að Rússar
myndu senda 15 flutningavélar til
að flytja lyf og matvæli. Shoigu
sagði jafnframt að Rússar væru
reiðubúnir til að hefja brottflutning
barna frá bardagasvæðum ef
nauðsyn krefði.
Þessi yfirlýsing siglir í kjölfarið
á ásökunum Rússa á þriðjudag um
að böm hefðu verið myrt í loftárás-
um Atlantshafsbandalagsins og
þær stefndu heilli kynslóð Serba í
útrýmingarhættu.
Kommúnistar gegn Jeltsín
Kommúnistar á rússneska þing-
inu hófu tilraunir sínar til að víkja
Boris Jeltsín, forseta Rússlands,
úr embætti vegna stefnu hans í
málefnum Bosníu að nýju í gær.
Hjá fréttafulltrúa þingsins feng-
ust þær upplýsingar að kommún-
istar hefðu gripið til þessa bragðs
vegna þess að forsetinn hefði virt
að vettugi fordæmingar á þeirri
stefnu, sem nú væri fylgt gagn-
vart Bosníu.
150 undirskriftir þarf til þess
að málið verði tekið formlega fyrir
í þinginu. Eftir það hefst mjög flók-
ið ferli til að víkja forsetanum úr
embætti og er harla ólíklegt að
kommúnistum takist ætlunarverk
sitt.
Þeir gripu til svipaðra aðgerða
á þingi eftir að Tsjetsjenar tóku
nokkur hundruð manns í gíslingu
í bænum Búdennovsk í júní, en
ekkert varð úr.
ÁRMÚLA 8, SÍMAR 581 2275 og 568 5375
Herflugvél ferst á Sri Lanka
Slæmt veður lík-
legasta ástæðan
Colombo. Reuter.
TALIÐ er, að um 80 manns hafi
farist þegar herflugvél hrapaði í sjó
skammt frá Colombo, höfuðborg Sri
Lanka, í gær. Þykir líklegt, að slæmt
veður hafi valdið slysinu en einnig
er verið að kanna hvort vélinni, sem
var af gerðinni Antonov-32, hafi
verið grandað með flugskeyti eða
sprengju.
I fyrstu voru yfirvöld viss um, að
vélinni hefði verið grandað en síðan
hölluðust þau að því, að veðrinu hefði
verið um að kenna. Flugvélin lagði
upp frá Ratmalan-flugvelli í Colombo
á hádegi í gær en skömmu síðar og
rétt áður en hún hrapaði ákváðu flug-
mennirnir að reyna að snúa við vegna
veðurhamsins.
Hugsanlegt er þó talið, að flugvél-
in hafi verið skotin niður með flug-
skeyti enda er svæðið fyrir norðan
slysstaðinn að miklu leyti á valdi
tamílskra skæruliða. Þeir skutu niður
tvær flugvélar stjórnarhersins í Sri
Lanka í apríl og eina í júlí og fórust
með þeim meira en 100 menn.
Frakkar handtaka 12
vegna sprengjutilræða
París. Reuter.
RANNSÓKN frönsku lögreglunnar á
sprengjutilræðunum, sem undanfarið
hafa verið gerð í Frakklandi, leiddi
í gær til þess að tólf menn voru
hnepptir í gæsluvarðhald. Mennirnir
voru handteknir í dögun í París og
Lyon þegar leit var gerð þar sem
grunur lék á að múslimskir bókstafs-
trúarmenn væru í felum.
Nafn eins hinna grunuðu var gef-
ið upp. Hann heitir Khaled Kelkai
og er frá Alsír. Fingraför hans fund-
ust á sprengju, sem komið var fyrir
nærri hraðlest skammt frá Lyon í
ágúst og sprakk ekki.
Lögregla hefur leyst 36 manns,
sem handteknir voru í París á mánu-
dag, úr haldi vegna skorts á sönnun-
argögnum um að þeir væru viðriðn-
ir sprengingarnar, sem á þessu ári
hafa leitt til dauða sjö manna og
sært rúmlega 130 manns. Átta
manns eru hins vegar enn í haldi í.
Lyon.