Morgunblaðið - 28.11.1995, Blaðsíða 27
MORGUNBLAÐIÐ
LISTIR
ÞRIÐJUDAGUR 28. NÓVEMBER 1995 27
GRÁAR STÆRDIR
MYNPLIST
Önnur hæö
DÚKAR
Alan Charlton. Opið miðvikudaga
milli 14 og 18. Nóvember - desem-
ber. Aðgangur ókeypis.
GRÁTT er grátt, er grátt og
grátt, má segja um margvíslega
formaða dúka Alans Charlton í
sýningarsalnum önnur hæð að
Laugaveg 37.
Um er að ræða innsetningu í
rými þar sem ferningurinn, strend-
ingurinn og flatarmálslögmálin
ráða ríkjum, og þessum atriðum
raðað á ýmsan veg á tilfallandi
veggi í virkum og óvirkum hlutföll-
um. Óvirkum þegar ferningurinn
stendur einn og sér, en virkum
þegar strendingum er raðað skipu-
lega í röð, jafnvel þótt sjálfar hlut-
fallaandstæðurnar séu samvirkar
og þarmeð í sjálfu sér óvirkar.
Listamaðurinn, sem er fæddur
í Sheffield 1948 lifir og starfar í
London, en verk hans hafa víða
ratað og hann mun í dijúgu áliti
hjá þeim sem dýrka rýmið og inn-
setninguna öllu öðru framar. Fyrir
þeim er rýmið allur samanlagður
heimurinn, víðátturnar, fjarlægð-
irnar og stærðargráðurnar, og því
er óraunhæft að trufla skilningar-
vitin með hlutvakinni ímynd, eða
nokkurri tegund pensilskriftar.
Þannig er það ekki fínleiki né gróf-
leiki léreftisins sem. máli skiptir í
list Charltons, ei heldur sjúgandi
eða sléttur þekjandi grunnur, held-
ur sjálfur dúkurinn óg mjúk efnis-
áferð hans, og hér nægir að
strengja dúkinn á blindrammann
ALAN Charlton
og láta efnið sjálft, þögn þess og
dýpt hefja samræðurnar.
Myndverkin eru þannig ekki af
neinu, eða eigum við kannski að
orða það svo, að þau séu mismun-
andi þróunarferill af gráu tómi,
sem listamaðurinn víxlar í ýmsar
stærðareiningar. Ber í sér ýmsar
stemmningar, sem svo aftur fæða
af sér ákveðnar kenndir og hug-
myndir, sem eins og kallast á við
skoðandann, sértæka vitund hans
og upplag.
Það væri svo jafn rétt að nefna
þessa list nýju fötin keisarans, og
að upphefja hana sem hina einu
fullkomnu og alsæju nekt, því það
fer allt eftir afstöðu þess sem
meðtekur sannindin, menntunar-
legu upplagi og heimssýn . . .
Bragi Ásgeirsson
Trio Nordica
fær lofsam-
lega dóma
NÝÚTKOMINN geisladiskur
Trio Nordica hefur fengið góða
dóma í dagblöðum að undan-
förnu. Diskinum hefur verið
dreift á Islandi og í Svíþjóð og
hafa sænsk dagblöð gefið honum
góða dóma. Nýverið fékk Trio
Nordica mikið lof fyrir diskinn
í Dagens Nyheter.
í Svenska Dagbladet 8. nóvem-
ber sl. er dómur um diskinn með
fyrirsögninni: Ungt píanótríó
með frábært „debut“. Þar segir
m.a.: „Trio Nordica er píanótríó
sem hefur alla burði til að slá í
gegn. Það hefur hrífandi útgeisl-
un sem smitar frá sér jafnvel í
gegnum hátalarana og það fer
ekki framhjá neinum hve músík-
alskar þær eru ... Tríóið nálgast
Clöru Schumann með miklum
kærleik, Felix Mendelssohn með
djúpum tilfinningum og Franz
Berwald með ögrandi snilli. Al-
veg frábær diskur“
------» ♦ ♦----
Ný myndbönd
• KVIKMYNDIN Börnin í Öláta-
garði eftir sögu Astrid Lindgren
er komin út á sölumyndbandi
með íslensku
tali.
Aðalhlutverk
myndarinnar
eru í höndum
barna og þau
sem ljá sænsku
persónunum
raddir sínar á ís-
lensku eru: Mar-
grét Sigurðar-
dóttir, Þorvaldur Kristjánsson,
Árni Egill Ornólfsson, Arnar Sig-
mundsson, Theodóra Sigurðar-
dóttir, Birna Pálmadóttir og
Halla Björg Randversdóttir.
Leiksljóri íslensku talsetningar-
innar er Guðrún Þórðardóttir.
----------♦ ♦ ♦-----
SÆNSKI leikstjórinn Ingmar
Bergman tilkynnti á fimmtudag
að hann hygðist segja skilið við
leikhúsið á næsta ári og einbeita
sér þess í stað að skrifum. Berg-
man hefur starfað við leikhús og
kvikmyndir í hálfa öld en hann
er nú 77 ára. í samtali við dag-
blaðið Expressen segist hann
ætla að setjast í helgan stein á
eynni Farö næsta vor. „Eg finn
fyrir geysilegum létti eftir að ég
tók þessa ákvörðun,“ sagði hann.
„Eg þrái eyna og hugsa daglega
til hennar, eina staðarins á jörðu
sem mér finnst ég eiga heima á
. . . Þessi ákvörðun er svipuð
þeirri sem ég tók fyrir 13 árum
eftir að ég lauk við „Fanny og
Alexander", en þá strengdi ég
þess heit að gera ekki fleiri kvik-
myndir." Ástæðurnar fyrir
ákvörðun sinni segir Bergman
vera persónulegar, en eiginkona
hans til 24 ára, Ingrid von Ros-
en, lést i maí sl.
Söludeild Pósts og síma í Ármúla 27
hefur verið breytt og hún endur-
bætt. Af því tilefni verðum við með
símadaga í versluninni þar sem við
bjóðum afslátt af nokkrum úrvals
símum og faxtækjum.
Verið velkomin í glæsilega og endur-
bætta söludeild þar sem hægt er að
gera sannkölluð reyfarakaup.
Breyttur afgreiðslutími
Opið mán-fös. frá kl. 9-18
Benefon Delta
Jupiter
Ódýr og traustur borðsími.
Sanyo 980
Léttur og
traustur
þráðlaus sími .
24.980,-
Telepocket
Léttur og
traustur
þráðlaus
sími.
25.200,-
Sagem Safax 140 RC
Vandað faxtæki m/símsvara
og pappírsskera.
44.780,-
Beocom 9500 GSM
-3Sí*ka£-
PÓSTUR
OG SÍMI
Söludeild Pósts og síma Ármúla 27 - nýtt símanúmer: 550 7800 - nýtt faxnúmer: 550 7809
3
VISA - EURO RAÐGREIOSLUR