Morgunblaðið - 07.12.1995, Blaðsíða 14
14 FIMMTUDAGUR 7. DESEMBER 1995
MORGUNBLAÐIÐ
t
AKUREYRI
Varaformaður
leikhúsráðs
Ummælum
Sunnu vísað
ábug
HREINN Pálsson varaformaður leik-
húsráðs Leikfélags Akureyrar vísar
á bug þeim ummælum Sunnu Borg
formanns ráðsins að fyrst og fremst
sé við leikhúsráð að sakast varðandi
það að hún dró umsókn sína um stöðu
leikhússtjóra til baka. Moldviðri hafí
verið þyrlað upp í kjölfar umsóknar-
innar og málið hafi dregið á eftir sér
langan dilk.
Hreinn sagði að ráðinu hefði þótt
eðlilegt, þegar í ljós hafí komið að
Sunna var meðal umsækjenda, að
auglýsa stöðuna á nýjan ieik. Hún
sem formaður leikhúsráðs hafí veitt
umsækjendum upplýsingar og við það
væru leikhúsráðsmenn ekki sáttir.
Slík mál hafí áður komið upp og vak-
ið hörð viðbrögð. í þannig giyiju vildu
menn ekki faila. „Við viljum ekki láta
væna okkur um að hafa ekki veitt
hlutlausar upplýsingar," sagði
Hreinn.
„Eg veit því ekki hverjum er um
að kenna að svona fór,“ sagði hann,
„en það var okkar mat að hreinleg-
ast væri að taka málið upp aftur.
Auðvitað hefði málið litið öðruvísi
út ef Sunna hefði strax og starfið
var auglýst lýst yfir áhuga sínum á
því, þá hefði þessi vandræðalega
staða ekki komið upp.“
Hita- og vatnsveita Akureyrar
Gjaldskrá lækkuð um 13%
REKSTRARAÆTLUN Hita- og
vatnsveitu Akureyrarbæjar fyrir
næsta ár gerir ráð fyrir að rekstrar-
tekjur verði tæplega 595 milljónir
króna og gjöldin um 167 milljónir
króna. Fjármagnskostnaður er
áætlaður um 190 milljónir króna á
næsta ári og afskriftir 275 milljón-
ir. Áætlað er að um 36 milljóna
króna tap verði á rekstri veitnanna.
í máli Jakobs Bjömssonar bæjar-
stjóra við fyrri umræðu um fjár-
hagsáætlun bæjarsjóðs stofnana
kom fram að þrátt fyrir áætlað
rekstrartap að svigrúm skapist til
að lækka gjaldskrá veitunnar um
3% um næstu áramót og jafnframt
að haldið verður áfram að greiða
niður lán veitunnar eins og lána-
samningar gera ráð fyrir, eða um
rúmar 188 milljónir króna á næsta
ári. Eftir þessa lækkun hefur veitan
lækkað gjaldskrána um 13% frá
ársbyijun 1994.
Þá kom einnig fram að í áætlun
fyrir Rafveitu Akureyrar er einnig
gert ráð fyrir 3% lækkun gjald-
skrár heimilistaxta. Áætlað er að
hagnaður veitunnar verði um 25,6
milljónir króna sem er örlítið meira
en gert er ráð fyrir á þessu ári.
Jakob benti á að taxtalækkanir
hita-vatns- og rafveitu lækki orku-
reikninga bæjarbúa á næsta ári um
20 til 25 milljónir króna.
Óvenju miklar
nýfram-
kvæmdir
ÞAÐ er óvenju mikið að gera í ný-
framkvæmdum í dreifikerfi hita-
veitunnar, miðað við árstíma," seg-
ir Franz Árnason, hitaveitustjóri á
Akureyri. Hann segir það helgast
af því að miklar byggingafram-
kvæmdir séu í gangi í bænum.
Hitaveitan er einnig að leggja
hitavatnslögn frá Skipagötu yfír í
nýja skólpudælustöð við Glerárgötu
og segir Franz nauðsynlegt að koma
vatni í stöðina vegna þrifa á dælu-
gryfjum en þar safnast mikil fita.
AKUREYRI
í tilefni þess að 10 ár eru liðin frá því að Akureyrarskrifstofa Morgunblaðsins
var sett á laggirnar í Hafnarstræti 85 er ætlunin að vera með sérstaka útgáfu
fimmtudaginn 14. desember nk. sem helguð er Akureyri.
í þessu blaði verður meðal annars fjallað um hvaða breytingar hafa orðið á
Akureyri á síðustu 10 árum, rætt verður við fjölda Akureyringa og púlsinn
tekinn á atvinnumálum, pólitík, menningar- og menntamálum og íþróttum.
Einnig verður mannlífið á Akureyri skoðað.
Upplýsingar um auglýsingabirtingar í þessa útgáfu veita sölufulltrúar
Morgunblaðsins, Dóra Guðný Sigurðardóttir og Rakel Sveinsdóttir, í síma
569 1171 eða með símbréfi 569 1110 til 7. desember, en dagana 7. og 8.
desember verða þær staddar á Akureyri til frekari aðstoðar auglýsendum þar.
-kjarni málsins!
Morgunblaðið/Kristján
Vantar jóla-
snjóinn
ÞAÐ er ekki beint jólalegt um
að litast á Akureyri eftir að sunn-
anáttin hefur feykt í burtu öllum
snjó. Kaupmenn hafa ekki látið
það á sig fá og skreytt ríkulega
og þá eru starfsmenn umhverfis-
deildar í óða önn að færa bæinn
í jólabúning, eins og þau Ingólfur
Jóhannsson og Nanna Stefáns-
dóttir.
'ÞREKSTIGAR
TIL ATVINNUNOTA
Líkamsræktarstöðvar
Iþróttahús
Iþróttafélög
Skip
Hótelogfl.
Glómushf. 462 3225
Samningar
um sölu
Krossaness
á lokastigi
LOKASAMNINGSDRÖG um sölu
hlutabréfa Akureyrarbæjar í Krossa-
nesi liggja fyrir og samþykkt á fundi
bæjarstjórnar Akureyrar á þriðjudag
að heimila bæjarstjóra að ljúka gerð
samningsins.
Hlutabréf bæjarins eru að nafn-
virði 110 milljónir króna, en söluverð
þeirra er 150 milljónir. Við undir-
skrift verða greiddar 10 milljónir
króna, síðar í desember 20 milljónir
og það sem eftir stendur í þremur
greiðslum eftir áramót eða 120 millj-
ónir. Síðasta greiðsla er í lok maí,
40 milljónir króna.
Tryggingar sem kaupendur, Lán
hf. pg Fimman hf., leggja fram eru
frá ísfélagi Vestmannaeyja, Jóhanni
Pétri Andersen og Þórarni Kristjáns-
syni. Kaupendur skuldbinda sig til
að létta af fyrirtækinu bæjarábyrgð-
um sem nema um 280 milljónum
króna.
♦ » ♦
Bókmennta-
kvöld
BÓKVAL og Café Karólína efna til
bókmenntakvölds í Deiglunni í
kvöld, fimmtudagskvöldið 7. des-
ember, og hefst það kl. 20.30.
Rithöfundarnir Steinunn Sigurð-
ardóttir, Einar Már Guðmundsson,
Jón Hjaltason og Friðrik Erlingsson
lesa úr nýútkomnum bókum sínum.
Einnig lesa Steinunn S. Sigurðar-
dóttir, Jón Laxdal og Viðar Egg-
ertsson úr bókum Böðvars Guð-
mundssonar, Ingólfs Margeirssonar
og Þorsteins frá Hamri.
-----»-♦.♦---
Staða skattstjóra
Fimm sækja um
FIMM umsóknir bárust um stöðu
skattstjóra í Norðurlandsumdæmi
eystra, en frestur til að sækja um
stöðuna er nú runnin út.
Tveir umsækjenda óska nafn-
leyndar, en hinir eru Friðgeir Sig-
urðsson, lögfræðingur, Reykjavík,
Eyþór Þorbergsson, lögfræðingur,
Akureyri, og Sigríður Stefánsdóttir,
lögfræðingur, Reykjavík.
Skipulagsnefnd
Akureyrarbæjar
Kynningarfundur um
DEIUSKIPULAG MIDBÆJAR
Skipulagsnefnd Akureyrarbæjar boðar til kynningarfundar
um tillögu að deiliskipulagi norðurhluta Miðbæjar föstu-
daginn 8. desember nk. kl. 10.00 f.h. í húsi aldraðra,
Lundargötu 7.
Skipulagssvæðið nær frá Hofsbót í suðri að íþróttavelli í
norðri. Greint verður frá helstu markmiðum með endur-
skoðun deiliskipulagsins og meginatriðum tillögunnar, m.a.
hugmyndum um auka íbúðabyggð í miðbænum. Fundurinn
er öllum opinn en hagsmunaaðilum á svæðinu, húseigend-
um, íbúum og eigendum fyrirtækja er sérstaklega bent á að
kynna sér tillöguna á þessu stigi og taka þátt í umræðum
um hana. Ekki verður fjallað um umferð í göngugötunni á
fundinum.
í framhaldi af kynningarfundinum verður gengið frá endan-
legri skipulagstillögu, sem auglýst verður skv. skipu-
lagslögum, og gefst þá kostur á að gera formlegar
athugasemdir við tillöguna.
Skipulagsstjóri.