Morgunblaðið - 13.12.1995, Blaðsíða 14
14 MIÐVIKUDAGUR 13. DESEMBER 1995
MORGUNBLAÐIÐ
AKUREYRI
LÚSÍU-
tónleikar
LÚ SÍ UTÓNLEIKAR Karlakórs
Akureyrar-Geysis verða haldnir í
Akureyrarkirkju í kvöld, miðviku-
dagskvöldið 13. desember, og í
Glerárkirkju föstudagskvöldið 15.
desember. Tónleikarnir hefjast kl.
20.30. Stjórnandi er Roar Kvam og
undirleikari Richard Simm.
Einsöngvari með kórnum er Elín
Ósk Óskarsdóttir sópransöngkona,
með hlutverk Lúsíu fer Sigríður
Margrét Ingimarsdóttir, þernur eru
stúlkur úr kór Menntaskólans á
Akureyri. í hléi syngur kór Mennta-
skólans á Akureyri undir stjórn
Ragnheiðar Ólafsdóttur.
-----» ♦ 4---
Bensínafgreiðsla
við Nettó
Engar at-
hugasemdir
ENGAR athugasemdir bárust
vegna tillögu um deiliskipulag
verslunarlóðar KEA-Nettó við Ós-
eyri 1, en í tillögunni er gert ráð
fyrir að sett verði upp bensínaf-
greiðsla á bílastæði norðan verslun-
arhússins.
Skipulagsnefnd Akureyrarbæjar
fjallar um málið á fundi á föstudag
og samþykkir þá væntanlega tillög-
una, en síðan fer lokaafgreiðsla
þess fram á fundi bæjarstjórnar
Akureyrar næsta þriðjudag. Erindið
verður þá sent skipulagsstjóra ríkis-
ins til staðfestingar.
-----» ♦-»---
Útgáfu-
tónleikar
Á HEITUM fimmtudegi í Deiglunni
annað kvöld heldur Tjarnarkvart-
ettinn útgáfutónleika, en hann hef-
ur nýlega sent frá sér geisladisk
með jólalögum.
Kvartettinn hefur verið á faralds-
fæti undanfarnar vikur, sungið á
leiklistarhátíð í Tampere í Finnlandi
og tekið þátt í verkefninu „Tónlist
fyrir alla“ á Suðurlandi þar sem
skólabörnum er kynnt tónlist frá
örófi alda til okkar dags.
UM eitt hundrað ær drápust í eldsvoðanum í Grjótgarði.
Mikið tjón í eldsvoða á Grjótgarði í Glæsibæjarhreppi
Um 100 kindur drápust í eldinum
UM EITT hundrað ær drápust
þegar eldur kom upp í hlöðu við
bæinn Grjótgarð í Glæsibæjar-
hreppi í gærmorgun. Kálfum sem
voru í fjósi áföstu hlöðunni tókst
að bjarga úr eldinum. Veggurinn
í hlöðunni er hlaðinn úr torfi og
gijóti.
Tómas Búi Böðvarsson slökkvi-
liðsstjóri sagði að tilkynning um
eldinn hefði borist frá lögreglu og
hefðu slökkviliðsmenn ekki haft
nægar upplýsingar um aðstæður
á vettvangi þegar farið var af stað.
Þá hefði Glæsibæjarhreppur ekki
sent inn ný gögn í upplýs-
ingamöppu um bæi í sveitarfélag-
inu, en í þeim er kort yfir bæina,
húsaskipan, úr hvers konar efni
hvert hús er og fjarlægð í næsta
vatnsból. Það hefði gert slökkvi-
liðsmönnum erfíðara fyrir við
slökkvistarfið. „Það er mjög mikil-
vægt að hafa góðar upplýsingar
áður en við förum af stað,“ sagði
Tómas Búi.
Húsið var alelda
„Aðstæður á eldstað voru ekki
góðar, húsið var alelda þegar við
komum á staðinn. Það var búið
að bjarga kúnum út og okkur tókst
að koma kálfunum út úr fjósinu,
en kindurnar voru allar dauðar,“
sagði Tómas Búi.
KARL Sigurvinsson bóndi í Grjótgarði hófst strax handa við að hreinsa til í rústum útihúsanna
og voru notaðar stórvirkar vinnuvélar til verksins.
Farið var með dælu í vatnsból
við bæinn en það þurrkaðist fljótt
upp, þannig að færa þurfti dæluna
í á nokkuð lengra frá bænum og
tafði það slökkvistarfið. Mikið verk
var að hreinsa til í rústum útihús-
anna. Töluvert skemmdist af heyi,
en fjölskyldan á Gijótgarði er
sæmilega birg af rúlluböggum.
Morgunblaðið/Kristján
BÚSETI er að byggja við Hafnarstræti, en þar voru þeir Guðmundur Bergsveinsson,
Jóhann Þórðarson og Haraldur Gunnþórsson að störfum í blíðunni á dögunum.
ÞREKSTIGAR
TIL ATVINNUNOTA
Líkamsræktarstöðvar
ípróttahús
Iþróttafélög
Skip
Hótelogfl.
Glómus hf. 462 3225
- kjarni málsins!
Byggingafram-
kvæmdir í blíðunni
TÍÐ hefur verið einstaklega góð
undanfarnar vikur og nokkuð líf-
legt í kringum byggingafram-
kvæmdir sem víða eru í fullum
gangi.
„Menn eru enn að vinna í jarð-
vegsvinnu og það er reytingur í
steypusölunni. Þetta er nokkuð
óvanalegt, á þessum árstíma hefur
verið meira að gera í snjómokstr-
inum en jarðvinnunni," sagði
Hólmsteinn T. Hólmsteinsson,
framkvæmdastjóri hjá Möl og
sandi. „Verkefnastaðan er mun
betri en oft áður á þessum árs-
tíma, þetta er virkilega góð tíð
og við erum ánægðir meðan hún
helst.“
Hólmsteinn sagði menn í at-
vinnulífinu yfirleitt jákvæðari en
áður, „það er betra hljóð í mönn-
um núna, enda finnst mér margt
benda til að við séu á leið upp úr
öldudalnum."
Tímamót í skólastarfi í Hrísey
Grunnskólinn
dreifir kynning-
arriti í öll hús
Hrísey. Morgunbladið.
TÍMAMÓT hafa verið í skóla-
starfi í Hrísey á árinu og verður
haldið upp á þau á litlu jólunum
í grunnskólanum.
135árliðinfráþví
kennsla hófst í Syðstabæ
Liðin eru 135 ár frá þvi
heimakennsla var hafin á
Syðstabæ, en hún hófst árið
1860. Þá eru liðin 10 ár frá því
núverandi skólahúsnæði var
byggt, en í því eru Grunnskólinn
í Hrísey og Tónlistarskólinn í
Hrísey til húsa. Þá varð leik-
skólinn Smábær 10 ára.
Á næsta ári verða liðin 90
ár frá því opinbert skólahald
hófst í eynni, en það var árið
1906, þegar Kristinn Bene-
diktsson var ráðinn til kennslu
þar.
Kynningarrit gefið út
á tímamótunum
Skólinn hefur af þessu tilefni
gefið út kynningarrit, þar sem
saga skólastarfs og reksturs er
rakin allt frá árinu 1860 til
dagsins í dag. Sagt er frá þrem-
ur byggingum, sem hýst hafa
barnakennsluna. Loks eru taldir
upp þeir skólastjórar og kennar-
ar sem starfað hafa við skól-
ana, jafnvel stunda- og forfalla-
kennarar.
Kynningarritið er eftir Sig-
urð H. Þorsteinsson, skólastjóra
í Hrísey, og verður því dreift í
Öll hús í eynni. Auk þess geta
þeir sem þess óska fengið það
sent, en panta þarf eintak í
skólanum.