Morgunblaðið - 13.12.1995, Blaðsíða 19

MORGUNBLAÐIÐ
MIÐVIKUDAGUR 13. DESEMBER 1995 19
„ ERLEIMT
Kosningar í Austurríki
Haider kveðst
viss um að verða
kanslari
Vín. Reuter.
JÖRG Haider, leiðtogi Frelsis-
flokksins, sem er lengst til hægri,
kvaðst í gær vera sannfærður um
að hann yrði kanslari Austurríkis
eftir tvö ár. Hann sagðist ætla að
beita sér fyrir því að ólöglegir inn-
flytjendur yrðu fiuttir á brott frá
Austurriki vegna þess að þeir ættu
sök á sívaxandi glæpum í landinu
og græfu undan samfélaginu. Hann
lagði hins vegar áherslu á að inn-
flytjendur, sem hafa fengið dvalar-
leyfi í Austurríki, yrðu ekki sviptir
réttindum sínum.
„Nauðsynlegt er að taka skýrt
fram að gera verður greinarmun á
hinum ýmsu útlendingum. Við höf-
um löglega útlendinga í Austurríki
og þeir njóta sömu réttinda og
Austurríkismenn,“ sagði Haider í
viðtali við fréttaritara Reuters. „En
ólöglega fólkinu í Austurríki fjölg-
ar. Þetta fólk á sök á glæpum og
nauðsynlegt er að draga úr áhrifum
þess og flytja það úr landi vegna
þess að það stefnir samfélaginu í
hættu.“ Frelsisflokkurinn er nú með
25% fylgi, ef marka má skoðanak-
annanir undanfarna mánuði. Þegar
Haider varð leiðtogi flokksins árið
1986 var fylgi hans 9% en í síðustu
þingkosningum, í október í fyrra,
var kjörfylgi flokksins 22,5%.
Frelsisflokkurinn er með 42 þing-
menn af 183 og er öflugastur þeirra
flokka á Vesturlöndum sem teljast
lengst til hægri í stjórnmálunum.
Velgengni Frelsisflokksins olli
miklu uppnámi meðal hinna ráðandi
afla í austurrískum stjórnmálum,
jafnaðarmanna undir stjóm Franz
Vranitzkys kanslara og hægri-
manna í Þjóðarflokknum.
Kanslari eftir tvö ár?
Samsteypustjóm jafnaðarmanna
og Þjóðarflokksins, sem er undir
forystu Wolfgangs Schússels utan-
ríkisráðherra, sprakk í oktbóber
vegna deilu um fjárlög næsta árs.
Fréttaskýrendur telja að margir
austurrískir kjósendur, sem eru
vanir stöðugleika í stjórnmálum
landsins, kunni að refsa stóru flokk-
unum tveimur fýrir að neyða þá að
kjörborði að nýju aðeins 14 mánuð-
um eftir síðustu kosningar. Þeir
segja líklegast að Frelsisflokkurinn
njóti góðs af þessari óánægju.
Haider kveðst sannfærður um
að jafnaðarmenn og Þjóðarflokkur-
inn myndi stjórn eftir kosningarnar
og deili sín á milli í tvö ár áður en
hann verði kanslari Austurríkis.
Haider sagði að meginmunurinn
á stefnu hans og stóru flokkanna
tveggja væri að hann vildi lækka
skatta. Hann vill afnema ýmsa rík-
isstyrki, t.a.m. styrki sem veittir
eru fjölmiðlum og nema 300 millj-
ónum schiliinga á ári, sem svarar
tæpum tveimur milljörðum króna.
Bildt stýrir uppbyggingu Bosníu
Gengur frá flokks-
málum heima fyrir
Kaupmannahöfn. Morgunbladid.
ÞRATT fyrir að flokksmenn sænska
Hægriflokksins séu missáttir við
fjarveru formannsins Carls Bildts
samþykkti stjórn flokksins áfram-
haldandi bráðabirgðastjórn, meðan
hann stýrir uppbyggingunni í Bosn-
íu. í kjölfar friðarsamninganna í
Dayton hafa vaknað vangaveltur
um þátt einstakra samningamanna.
Nú síðast hefur þáttur Bildts og
útnefning hans verið gagnrýnd í
New York Times. Þetta vekur
spurningar í Svíþjóð hvort einhver
háttsettur bandarískur embættis-
maður hafi horn í síðu Bildts og
hafi lekið upplýsingum um hann.
Margskipt forysta
Þegar Bildt var tilnefndur sátta-
semjari Evrópusambandsins í Bosn-
íudeilunni var forystu Hægriflokks-
ins skipt upp. Út á við hefur þetta
fyrirkomulag gagnast ágætlega og
viðkomandi hafa haft betra tæki-
færi en áður til að koma fram. Vin-
sældir flokksins hafa aukist undan-
farna mánuði. í þingkosningum fyr-
ir ári hlaut hann 22,5 prósent, en
í sköðanakönnunum undanfarið
hefur hann hlotið um 27 prósent,
sem þykir benda til að kjósendur
kunni að meta vegsemd Bildts á
alþjóðavettvangi.
Þótt flokksmenn séu stoltir af
því að Bildt skuli falin verkefni á
alþjóðavettvangi hafa ýmsir þing-
menn og aðrir leiðandi flokksmenn
kvartað undan flokkadráttum og
baráttu um athygli innan flokksins.
Þá er látið að því liggja að baráttan
um formannssætið sé hafin, þar
sem óvíst sé hvort Bildt muni snúa
heim. Sjálfur segist hann ekki hafa
annað í huga og hafi til dæmis
hafnað framkvæmdastjórastöðu í
WTO, alþjóða viðskiptasamtökun-
um, sem komið var á eftir GATT.
Hnýtt í Bildt frá
Bandaríkjamönnum
Eftir Dayton-samningana sagði
Bildt í samtölum við sænska blaða-
menn að Richard Holbrooke, aðal-
samningamaður Bandaríkjamanna,
hefði verið að niðurlotum kominn
og nánast búinn að gefa upp alla
von í lokin. Einnig hefur Bildt undir-
strikað að hann hafi alla tíð hvatt
Bandaríkjamenn til að taka deiluna
upp á sína arma og nánast látið
líta svo út að hann hafi komið þeim
í hinn eina rétta skilning um deil-
una.
í New York Times heldur banda-
ríski blaðamaðurinn Anthony Lewis
því fram að Bildt hafi verið óheppi-
legur málamiðlari, þar sem hann
hafi dregið taum Bosníu-Serba.
Samkvæmt Lewis hafi Bildt verið
mótfallinn loftárásum til að bjarga
Srebrenica. Einnig lætur Lewis í
ljós efasemdir um að Bildt geti
áfram skipt sér af sænskum stjórn-
málum ásamt því að leiða og sam-
hæfa uppbygginguna í Bosnlu.
í sænskum íjölmiðlum hefur ver-
ið vikið að því að samband Bildts
og Holbrookes sé ekki nema í með-
allagi gott.
Eftir skrif Lewis er látið að því
liggja í Svenska Dagbladet að hugs-
anlega hafi einhver háttsettur
Bandaríkjamaður lekið upplýsing-
um um Bildt, kannski bara til að
minna hann á að hann sé undir
eftirliti Bandaríkjamanna.
sokka buxu r
Desember tilboð
í apótekum
Þú kaupir 3 pör og færð
4. parið frítt!
Tilboð gildir 1.-31. des. í öllum apótekum sem selja Filodoro sokkabuxur og sokka
LXIRA
Frábær styrkur, frábær mýkt