Morgunblaðið - 13.12.1995, Blaðsíða 21

MORGUNBLAÐIÐ
LISTIR
MIÐVIKUDAGUR 13. DESEMBER 1995 21
Læti við
Scala
VINNUDEILUR urðu nærri því
til þess að fella þyrfti niður
sýningu á opnunarkvöldi Scala-
óperunnar fyrir skemmstu. En
á síðustu stundu tókst að leysa
málið og sýningin komst á fjal-
imar, þótt ekki væri laust við
læti. Mótmælendur notuðu
tækifærið til að fordæma
stjórnvöld og yfirstéttirnar.
Verkamenn í málmiðnaði, sem
sagt hafði verið upp störfum,
notuðu tækifærið til að veifa
rauðum fánum, baráttufólk fyr-
ir réttindum dýra hrópaði sví-
virðingar að óperugestum í ioð-
feldum og um 150 verkamenn
frá fyrirtækjum í Mílanó sem
óttast að þeim verði sagt upp,
formæltu Lamberto Dini, for-
sætisráðherra og öðrum tón-
leikagestum. Opnunarsýningu í
Scala hefur ekki verið frestað
í eitt einasta sinn frá því að
húsið var opnað árið 1778.
Verkföll starfsmanna óperunn-
ar urðu til þess að fella varð
niður fimm forsýningar í haust
en hljómsveit, kór og sviðs-
menn sömdu við yfirstjórn
óperunnar aðeins tveimur dög-
um fyrir opnun. Lætin á opnun-
arkvöldinu urðu engu síður svo
mikil að forsætisráðherrann,
Dini, varð að koma í lögreglu-
fylgd á sýningu á „Töfraflaut-
unni“ eftir Mozart. Ricardo
Muti stjórnaði en Paul Groves
og Andrea Rost sungu aðalhlut-
verk.
Kristni Sigmundssyni vel tekið í Bastilluóperunni
„Lék vel
ogsöng
yndislega“
KRISTINN Sigmundsson óperusöngvari fékk mjög
góðar viðtökur áheyrenda fyrir frammistöðu sína, þeg-
ar hin nafntogaða ópera Puccinis La Boheme var frum-
sýnd í Bastilluóperunni í París síðastliðið mánudags-
kvöld,' _að sögn Sverris Hauks Gunnlaugssonar sendi-
herra íslands þar í borg. „Kristinn stóð sig ákaflega
vel eins og alltaf - lék vel og söng yndislega. Það
var virkilega skemmtilegt að vera þarna.“
Kristinn syngur hlutverk Collines í uppfærslunni
og er meira og minna á sviðinu í þremur þáttum af
ijórum. „í ijórða þætti er Kristinn um tíma einn að
syngja á sviðinu og á frumsýningunni fékk hann mjög
góðar viðtökur áheyrenda fyrir þann kafla.“
Sverrir Haukur segir að sýningin hafi verið ánægju-
leg að öllu leyti. Hljómsveitin hafi verið frábær, sviðs-
myndin vel heppnuð og söngvararnir leikið á als oddi.
„Það gekk allt upp á þessari sýningu."
SjáJfur tekur Kristinn í sama streng: „Þetta gekk
mjög vel enda valinn maður í hverju rúmi.“ Ber. söngv-
arinn sérstaklega lof á hljómsveitarstjórann James
Conlon og leikstjórann Jonathan Miller, sem hann
segir að séu mjög færir á sínu sviði.
- Fyrirhugaðar eru tuttugu sýningar á La Boheme í
Bastilluóperunni en tveir hópar söngvara skipta þeim
á milli sín. Mun Kristinn syngja á tólf sýningum, þar
af tveimur með hinum hópnum sem átti að þreyta
frumraun sína í gærkvöldi. Fyrirhugað er að taka
sýninguna upp á myndband.
Meðal söngvara sem koma fram með Kristni eru
franski tenórsöngvarinn Roberto Alagna sem fer með
hlutverk Rodolfos og rúmenska sópransöngkohan
Leontina Vaduva sem syngur Mimi. „Það er mjög gam-
an að fá að syngja með þessu fólki," segir Kristinn.
„Þá er eitt af átrúnaðargoðum mínum í hópi franskra
KRISTINN Sigmundsson fer leiðar sinnar á
tveimur jafnfljótum í París enda er hann
ekki búinn að festa kaup á hjólaskautum.
söngvara, Jules Bastin, í litlu hlutverki í sýningunni.
Það hefur verið mjög ánægjulegt að kynnast honum."
Samgöngumál eru, sem kunnugt er, í ólestri þessa
dagana í París vegna verkfalla. Gerði Kristinn sér lít-
ið fyrir á mánudagskvöldið og gekk í 45 mínútur frá
íbúðinni sem hann dvelst í að Bastilluóperunni. „Þetta
var mjög hressandi, auk þess setn fátt annað kom til
greina þar sem ég er ekki búinn að fá mér hjólaskauta."
Þetta er í annað sinn á þessu ári sem Kristinn stígur
á fjalir Bastilluóperunnar. í fyrra skiptið söng hann í
Fordæmingu Fásts eftir Hector Berlioz. „Það gerði
hann líka með miklum sórna," segir Sverrir Haukur
sendiherra.
Listmuna-
uppboð á
Hótel Sögu
GALLERÍ Borg heldur listmunaupp-
boð á Hótel Sögu fimnvtudaginn 14.
desember kl. 20.30. Á uppboðinu
verða boðin upp um 80 verk eftir
flesta þekktustu listamenn þjóðar-
innar. Þar má nefna verk eftir Ás-
grím Jónsson, Jóhannes S. Kjarval,
Jón Stefánsson, Þórarin B. Þorláks-
son, Gunnlaug Scheving, Gunnlaug
Blöndal, Jóhann Briem, Jón Engil-
berts, Svavar Guðnason, Þorvald
Skúlason, Mugg, Kristínu Jónsdótt-
ur, Júlíönu Sveinsdóttur, Nínu
Tryggvadóttur, Alfreð Flóka, Eirík
Smith, Karólínu Lárusdóttur, Erró,
Hörð Ágústsson, Baltasar, Braga
Ásgeirsson, Karl Kvaran, Ragnheiði
Ream og Valtý Pétursson.
Uppboðsverkin verða sýnd í Gall-
erí Borg við Austurvöll í dag mið-
vikudag og á morgun fimmtudag frá
kl. 12-14.
---------------
Einsöngur,
samsöngur og
kórsöngur
NEMENDUR söngdeildar Tónlistar-
skólans í Keflavík koma fram á tón-
leikum í Ytri-Njarðvíkurkirkju í kvöld
kl. 20.
Á efnisskránni má finna einsöng,
samsöng og kórsöng. 15 nemendur
stunda söngnám við skólann í vetur
undir handleiðslu kennaranna Áma
Sighvatssonar og Ragnheiðar Guð-
mundsdóttur.
Undirleikur er í höndum Ragnheið-
ar Skúladóttur og Krystynu Cortes.
Aðgangur að tónleikunum er
ókeypis og ölium heimill.
Endurskoðuð
útgáfa Kjar-
valskvers
Matthías Jóhannes S.
Johannessen Kjarval
„LISTIN er einstæð-
ingur og vantar stund-
um fyrirvinnu til að
brúa bilið milli stað-
reyndanna og þess
sem gæti verið til, ef
ekki yrði allt húmors-
leysi að bráð.“
Svo farast Jóhann-
esi S. Kjarval m.a. orð
um listina í Kjarvals-
kveri Matthíasar Jo-
hannessen, en Kjar-
valsstaðir hafa nú end-
urútgefið bókina.
Kjarvalskver var fyrst
gefið út 1968 og síðan
í aukinni og endur-
bættri útgáfu 1974 og
eru báðar útgáfur
löngu uppseldar. Bókin hefur að
geyma í einu lagi þau viðtöl er
Matthías átti við Jóhannes S. Kjarv-
al listmálara auk frásagnar af síð-
asta fundi þeirra 1969.
í tilkynningu frá Kjarvalsstöðum
segir:
„Viðtöl Matthíasar Johannessen
við Jóhannes Kjaival gefa ómetan-
lega innsýn í hugarheim lista-
mannsins og eru samtímis merkileg
heimild um hinn frumlega persónu-
leika hans. Viðtölin taka yfir vítt
svið og margbreytilegt. Hin sér-
staka gamansemi Kjarvals jafnt
sem djúp alvara og heimspekilegar
vangaveltur hans eru þar festar á
blað. í viðtölunum endurspeglast
viðhorf Kjarvals til myndlistar, ljóð-
listar, rnenningar og menningar-
leysis. Hann fjallar um samtíma-
menn sína og segir frá æsku sinni,
svo fátt eitt sé nefnt. í viðtölunum
kemur glöggt í ljós hinn næmi og
persónulegi skilningur Kjai’vals á
íslenskri náttúru og þau sterku
bönd er tengja list hans við íslenskt
menningarumhverfi."
HUdigunnur Gunnarsdóttir hann-
aði bókina. Bókin er 112 blaðsíður,
prýdd ljósmyndum af listamannin-
um. Bókin fæst í Safnverslun Kjar-
valsstaða á Kjarvalsstöðum og í
Ásmundarsafni við Sigtún. Verð kr.
1.490. Safnverslun Kjarvalsstaða
er opin daglega frá 10 - 18. Ás-
mundarsafn er opið daglega frá 13
- 16.
- kjarni málsins!
Upplýsingar um Honda Civic 5 dyra '96:
- krafcmikill 90 hestafla léttmálmsvél
-16 venta og bein innsprautun
- hraðatengt vökva- og veltistýri
- þjófavörn
- rafdrifnar rúður og speglar
- viðarinnrétting í mselabörði
- 14 tommu dekkjastaerð
- útvarp og kassettutaeki
- styrktarbitar í hurðum
- sérstaklega hljóöeinangraður
- fáanlegur sjálfskiptur
- samlæsing á hurðum
boðar breytta tima
MO!\rDA Gunnat Betnhard hf., Vatnagörðum 24, Reykjavík, simi 568 S90Q

jT mJ