Morgunblaðið - 15.12.1995, Blaðsíða 35
MORGUNBLAÐIÐ
FÖSTUDAGUR 15. DESEMBER 1995 35
LISTIR
Islendingar í
óvenjulega franskri
Leðurblöku
Lyonóperan frumsýnir í
kvöld Leðurblökuna eftir
Johann Strauss. Gunnar
Guðbjörnsson og Ingveldur
Ýr Jónsdóttir syngja í upp-
færslunni og segja
Þórunni Þórsdóttur eitt
og annað af henni og
sjálfum sér.
TVEIR íslenskir söngvarar taka þátt í
sýningum Lyonóperunnar á Leðurblök-
unni eftir Strauss. Gunnar Guðbjörns-
son syngur hlutverk Alfredos og Ingveldur
Ýr Jónsdóttir er Orlovsky prins í þessari þekktu
óperettu. Frumsýning verður í kvöld og þar
syngur Ingveldur Ýr, en þau Gunnar standa
saman á sviðinu 22. desember. Sýnt verður
til áramóta og síðan tekið til við Töfraflaut-
una. Gunnar og Ingveldur syngja þar bæði
og segjast hlakka til. Eins til þess að koma
fram á tónleikum í Borgarleikhúsinu í Reykja-
vík ásamt tveim öðrum ungum einsöngvurum
þann 5. mars.
Johann Strauss yngri samdi Leðurblökuna
Ingveldur Ýr Gunnar
Jónsdóttir Guðbjörnsson
árið 1874 við afar flókna sögu eins og vera
ber. „Eiginlega er þetta ádeila á karlmenn,"
segir Gunnar, „aðalflagari sögunnar fær
sneypulega útreið.“ Ingveldur segir uppfærsl-
una óvenjulega og ef til vill heldur þunga fyr-
ir óperettutónlist. „Úrkynjun fólksins er undir-
strikuð," segir hún, „söngvarar hlaðnir púðum
svo þeir virðast akfeitir og látnir bera grímur
í samræmi við skrokkana." Gunnari þykir líka
uppsetningin alvarleg miðað við efnið, hann
segir það vandamál eitt og sér að syngja gegn-
um gúmmímaska á andlitinu. Eftir sem áður
sé tónlistin með þvi skemmtilegasta í óperett-
um.
Leikstjórinn, Pierre Strosser, setti sýning-
una upphaflega á svið Rínaróperunnar í Strass-
borg. Algengt er að uppfærslur fari milli húsa,
þannig sparast stórfé, en nýir söngvarar og
hljómsveit mæta vitaskuld til leiks á hveijum
stað. í Lyon hafa tveir hópar söngvara æft
Leðurblökuna og þannig vill til að Gunnar og
Ingveldur syngja ekki saman nema einu sinni.
Gunnar, sem flutti sig frá Wiesbaden til
Lyon í haust, hefur nýlokið sýningum á Ást-
ardrykk Donizettis, þar sem hann var skiptis
á við nýja stórtenórinn Roberto Allagna um
söng á aðalhlutverki Nemorinos. Á sama hátt
skiptir hann hlutverki Taminos í Töfraflaut-
unni með Hans Peter Blochwitz. Fleiri stórhlut-
verk eru framundan og Gunnar í mikilli upp-
sveiflu. Hann kveðst í raun feginn að þurfa
ekki að þenja sig mikið í Leðurblökunni, hans
karakter birtist áðeins í fyrsta og síðasta
þætti. Annan í jólum hefjist æfingar á Töfra-
flautunni. Fleiri mikilvæg hlutverk eru fram-
undan.
Ingveldur Ýr, sem einnig var ráðin í Lyonó-
peruna í haust, hefur byijað rólega og sungið
í Stravinsky-óperunni Rake’s Progress fram
að þessu. Hún verður önnur hirðmeyja Nætur-
drottningarinnar í Töfraflautunni og sér fram
á hlutverk Dorabellu í Cosi van tutte í apríl
og Mercedesar í Carmen í maí. „Mér líkar
rosalega vel hérna,“ segir hún aðspurð, „and-
inn í húsinu er mjög góður, ærlegt fólk, og
aðstaða eins og best gerist. Ég hef skellt mér
í frönskunám, fundið út úr íbúðarmálum og
öllu tilheyrandi og er hin ánægðasta. Æfingar
á Leðurblökunni hafa verið sérstakar og stað-
ið stutt. Þær síðustu farið fram án hljómsveit-
ar og kórs vegna verkfalla í Frakklandi."
Leðurblakan er flutt í frönsku í Lyon, þótt
yfirleitt séu sýningar þar á frummálinu. „Þetta
hefur kostað mikla vinnu,“ segir Ingveldur,
„í ofanálag á ég að vera rússneskur prins og
hafa viðeigandi hreim. En fólki þykir afar
rússneskt að heyra íslensk err.“ Gunnar hefur
líka þurft að taka til við frönskuna og segir
raunar að sjarminn minnki með þýðingunni.
Óperettan eigi að vera létt og freyðandi, veisla
hlaðin klækjum, misskilningi og hrifningu.
Þannig er Leðurblakan og í kvöld kemur í
ljós hvort uppfærslan í Lyon er nógu daður-
gjörn og áleitin til að heilla gestina.
Tónlistarskóli
Njarðvíkur
Blandað-
. írjola-
tónleikar
UM þessi jól heldur Tónlistarskóli
Njarðvíkur tvenna jólatónleika sem
báðir fara fram í Ytri-Njarðvíkur-
kirkju. Þeir fyrri verða laugardag-
inn 16. desember kl. 17. Á þeim
tónleikum leikur lúðrasveitin, eldri
deild, í upphafi tónleikanna og síð-
an rekur hvert atriðið annað, bæði
einleiks- og samleiksatriði. Seinni
tónleikarnir verða sunnudaginn 17.
desember og hefjast kl. 15. Þar
koma fram m.a. forskólanemendur
og Suzukinemendur auk þess sem
boðið verður upp á fjölda annarra
einleiks- og samleiksatriða.
Að þessu sinni eru jólatónleik-
arnir ekki skilgreindir sérstaklega
með styttra og lengra komnum
nemendum eins verið hefur um
árabil, heldur eru þeir nokkuð
blandaðir. Ástæðan fyrir því er sú
að þetta er fyrsta skólaárið sem
Tónlistarskóli Njarðvíkur er starf-
ræktur sem aldursskiptur skóli,
eingöngu fyrir nemendur á grunn-
skólaaldri, og því nauðsynlegt að
endurmeta það hvort og þá hvern-
ig heppilegast sé að skipta tónleik-
um skólans í framtíðinni. Þó eru
samleiksatriði yngstu nemend-
anna, forskóla- og Suzukinem-
enda, höfð á sunnudagstónleik-
unum. Aðgangur að báðum tón-
leikunum er að sjálfsögðu ókeypis
og öllum heimill.
-----» ♦ »
Fj ölskylduvandi Michelangelos
Róm. The Daily Telegraph.
MICHELANGELO var óumdeildur
snillingur en það sama verður seint
sagt um fjölskyldu hans, ef marka
má yfir 400 bréf sem fóru á milli
Michelangelos og nokkurra fjöl-
skyldumeðlima. Bréfin voru ný-
lega gefin út í Flórens og draga
upp skýrari og dekkri mynd af
einkalífi þessa mikla málara,
myndhöggvara
og arkitekts.
Þau eru skrif-
uð á um 60 ára
tímabili og inni-
halda að mestu
beiðnir um að
Michelangelo
sendi meiri pen-
inga heim. Sú ósk var í flestum
tilfellum uppfyílt eins og fram
kemur í bréfunum frá föðurnum
Ludovico, bræðrunum Buonarroto
og Gismondo og frændanum Leon-
ardo.
Fyrstu bréfín eru frá árinu 1503
þegar Michelangelo var 28 ára og
gekk allt í haginn í listsköpun sinni
og þeim lýkur við dauða hans
1564. í bréfunum furða ættingjar
hans sig á því að hann berist ekki
á þrátt fyrir velgengnina. Af bréf-
unum að dæma hefur stór hluti
þess ijár sem hann vann sér inn
farið til ættingjanna, sem eyddu
því í misheppnaðar fjárfestingar
og sólunduðu á annan hátt. Fyrir
kom að þeir sýndu þakklæti og í
bréfi til sonarins Buonarroto segir
Ludocvico: „Ég vildi allt til vinna
að geta rétt það sem ég hefi gert
á hluta hans.“
Síðasta sýn-
ingarhelgi
Þorgerðar
SÝNINGU Þorgerðar Sigurðar-
dóttur í Listasafni Kópavogs lýkur
nú á sunnudag.
Myndirnar eru þrykktar á papp-
ír, í einu eintaki hver, eftir trérist-
um sem allar voru unnar á þessu
ári.
Opið er daglega kl. 12-18.
INGOLFUR OG MARIA
ÁRITA BÓK SÍNA í
MÁLI OG MENNINGU
Ingólfur Margeirsson og María
Guðmundsdóttir árita bók sína
María - konan bak við goðsögnina
í Bókabúð Máls og menningar,
Laugavegi 18, í dag milli kl. 16-18.
Mál Iffl og menning
Laugavegi 18, sfmi 552 4240
Síðumúla 7 - 9, sími 568 8577
Sendum áritaðar bækur í póstkröfu!