Morgunblaðið - 17.02.1996, Blaðsíða 19

MORGUNBLAÐIÐ
LAUGARDAGUR 17. FEBRÚAR 1996 19
UTI AÐ BORÐA MEÐ OLAFIU HRONN J0NS00TTUR
Það eru ekki til gúrkur,“ segir
þjónninn. „Skrýtið,“ svarar Ólafía
Hrönn, „ég hef lent í þessu
nokkrum sinnum, að ekki séu til gúrkur þar
sem maður hefði einmitt búist við að þær
væri að fínna.“
Kannski má bjóða henni eitthvað annað út
í Campari-glasið? ■
„Ó,“ segir þjónninn, „ég hélt að gúrkan
ætti að fara í púrtvínið," og gengur á hæl.
Ólafía Hrönn sýnir með látbragði hvernig
gúrkubita er þröngvað ofan í púrtvínsstaup.
Til hvers ergúrkan annars?
„Nú, hún tekur af þetta ailra beiskasta."
Hvað getur þú sagt af þínum
prívathögum ?
„Eg er móðir tveggja stráka,
fimm og tíu ára. Atti þann fyrri á
þriðja ári í Leiklistarskólanum, sem
auðvitað var ekki mjög sniðugt því
þetta er svo strangt nám. Eg fór í
viku barnsburðarleyfí. Það var al-
gert bull. Eg hálfsvaf allan veturinn
í skólanum og pabbinn kom með
strákinn til mín svo ég gæti gefíð
honum. Það endaði auðvitað með því
að ég missti mjólkina út af..."
„Afsakið get ég beðið ykkur um
að flytja ykkur inn í innri salinn við
erum í dálitlum vandræðum,“ segir
þjónninn.
Vodka er best.
„Rauðsprettuflök eru nokkuð
sem ég myndi að jöfnu ekki'fá mér,“
segir Ölafía Hrönn eftir drykklanga
þögn í innri sal.
„Voruð þið búnar að panta,“ spyr
þjónninn. „Það er reyktur lundi í
forrétt fyrir okkur báðar. Eg bið um
heilsteikt rauðsprettuflök í gráð-
ostasósu og hún ætlar að fá lúðu
með humarsósu," segir leikkonan af
öryggi.
Má bjóða ykkur vín með matnum ?
„Ég drekk ekki léttvín ætli ég fái
ekki bara það sama aftur,“ heldur hún áfram.
Spyrjandinn vill hins vegar fá að skoða
vínlistann og Ólafía Hrönn styttir þjóninum,
sem finnur sig knúinn til þess að bíða,
stundir á meðan. „Er alltaf jafn mikið að
gera,“ spyr hún. „Já, já. Þakka þér fyrir,“
svarar hann.
Hvert sæti er skipað, ýmist nokki'um út-
lendingum saman eða Islendingum að
skemmta slíkum, eða sjálfum sér, og fer sam-
ræðutækni spyrjandans nokkuð fyrir ofan
garð og neðan.
Finnst þérléttvín vont?
„Ha?“
Hvað hefurþú á móti léttvíni?
„Helst drekk ég bara vodka og svo er ég
búin að vera á sykur- og gerlausu fæði í vetur
þannig að ég má ekki drekka það.“
(Ids verrí gúdd híer heyrist af næsta
borði).
Ólafía Hrönn er ekki á sama máli og skilar
forréttinum, hráum og reyktum lunda, sem
fyrr var getið. Þjónninn kemur aftur að
vörmu spori með rækjurétt, sem hún hefur
frekar lyst á en ekki meira en svo.
Hvernig hófst samstarf ykkar Dóru
W'onder?
„Það var Sigurður Valgeirsson ritstjóri
Dagsljóss sem kom okkur saman. Við erum
sköpunarverk hans.“
Afhverju eruð þið hættar?
„Ég bara veit það ekki. Við áttum að vera
út veturinn, hélt ég, en Radíus-bræður voru á
lausu og þeir vildu þá frekar."
J lí Jj r t 'J’ Jj
mú í
Ég er búin að bíða í fjórar mínútur,“ segir aðspurð
--7------------------------------------------------
Olafía Hrönn Jónsdóttir leikkona, sem eyddi kvöld-
stund á veitingastaðnum Þremur Frökkum/Hjá Ulfari
með Helgu Kr. Einarsdóttur. Og tíminn er ekki hið
eina, sem tekið er föstum tökum. Hún eyðir aldrei út á
krít og sparar til mögru áranna. Stundum lætur hún
þó hafa sig út í eitthvað sem hún sér eftir.
Ertu tímabundin? «««■«««
„Ó, leit ég á klukkuna?“
Kvennagrín er ekkert
Srín
Þótti ykkar grín kannski ofmikið kvenna-
grín?
„Sumir hafa sagt við okkur eitthvað á þá
lund að þeim hafí ekki orðið Ijóst fyrr en þeir
sáu okkur Dóru að kvennahúmor væri öðru-
vísi. Síðan fékk ég líka að heyra að konur
væru bara ekkert fyndnar, því miður. Það
væri leitt en þær væru það bara ekki. „Þið
eruð með brjóst og það er ekki fyndið," var
sagt. Þetta er kannski asnalegt en ég veit
alveg hvað er verið að fara.
■m Ég vildi alltaf leika subbulegan
karl á nærbol eins og við gerðum í
upphafi en það féll ekki í mjög góðan jarðveg.
Við unnum atriðin ekki alveg nógu vel og
fyrsta daginn tókum við upp ein fimm, sem er
allt of mikið. Þetta gekk bara ekki upp.
Skúrinn sem við tókum upp í hentaði heldur
ekki alveg nógu vel, það var svo mikið suð
þar. Atriðin voru kannski ekki alveg nógu vel
skrifuð heldur,“ segir hún.
(Þögn).
Ertu nokkuðað verða lasin?
, „Ég er alveg hrikalega syfjuð. Fyrirgefðu.
Ég er alls ekki að reyna að vera leiðinleg.
Eiginlega sá ég svolítið eftir að hafa sagt já
við þig,“ segii' leikkonan og lætur í sái'abót
söguna af því þegar hún sofnaði í sæti sínu á
Hótel Borg eftir dýrindis máltíð í Perlunni
með manni sinum og hjónum sem hún var að
hitta í fyrsta sinn.
„Maturinn fær sex,“ segir Ólafía Hrönn
þegar máltíðinni lýkur. „Ekki meira, því
miður.“
Er það samdóma álit að þótt fískurinn hafí
augljóslega verið gott hráefni, skorti
talsvert upp á það að stuggað sé við
bragðlaukunum.
l/ildi fá að ráða
Hverju myndir þú vilja breyta í íslensku
leikhúsi?
(Færist öll í aukana.) „Mér fínnst
ofsalega gott að vera í Þjóð-
leikhúsinu og alveg æðislega gaman
en ég vildi óska þess að maður fengi
að ráða meiru. Það væri frábært ef
leikararnir fengju að vera með frá
byrjun, veldu leikrit, veldu sér
hlutverk og hvert ætti að stefna með
uppfærslunni."
Ertu þá að kvarta undan
miðstýringu?
„Jaá, hún er of mikil. Þegar
maður fer út í vinnu með frjálsum
leikhópi er það svo ofboðslega
nærandi, hvort sem um djúp verk er
að ræða eða ekki. Maður fær útrás
fyrir þessa þörf sem er inni í
manni.“
Hvenær byrjaðir þú svo að syng-
ja?
(Tekst á loft). „Ég vissi alltaf að
ég gæti orðið jass-söngkona, þótt ég
segi sjálf frá.
Hvernig vissir þú það?
„Ég veit það ekki. Ég hafði ekki
hlustað mikið á jass að vísu en vissi
að ég væri með breiða rödd og
ryþma. Ég bara vissi það.“
Það þarf ekki meira til?
„Jú, einhverja innri þörf. Ég var
svolítið stúrin yfir því að hafa ekki
látið reyna á þetta og sló því til eftir hvatn-
ingu frá manninum mínum. Ég var ömurleg
fyrst, það var allt að en ég hef nægan tíma.
Það er svo gott að fara úr leikhúsinu og
breyta til.“
Hvað langar þig til að fást við næst í
sönglistinni?
„Mig langar til þess að syngja meira afró.
Svona kongó-bongó-ryþmískan-bassa-jass,
sem ég heyri inni í mér.“
Myndir þú segja skilið við leiklistina ef þú
fengh• tækifæri til aðhelga þig söngnum?
„Já, já,“ segir hún með ákefð.
Ertu þá búin að skila því sem þú býrð yfír
á þeim vettvangi?
„Ég væri allavega til í að hvíla mig.“
Hvaðan kemur orðtakið að hlæja eins og
togari?
„Við vinkonurnar í frystihúsinu á
Hornafirði töluðum oft um að einhver reykti
eins og síðutogari. Þetta kemur svo í
framhaldi af því.“
Ólafía Hrönn leikur um þessar mundir í
Kardimommubænum, Don Juan, og Sápu 3 i
Hlaðvarpanum. Á heimleiðinni trúði hún
spyrjanda fyrir þeim sérkennilega kvilla að
vera poppkornssjúklingur með heiftarlegt
popp-óþol sem lýsir sér í algeru magnleysi.
Poppkorns hafði hún einmitt neytt fyi-r um
daginn og það var því með nokkrum létti að
henni var skilað, geispandi, að litju húsi við
Skólavörðustíg.
(Tjaldið.)
VISA korthafar íferðahugleiðingum eru í góðum málum.
PORTUGAL ALGARVE
5,00(1 kr
MAJORCA, 5/1 COMA
afsláttur á mann afsláttur á mann
Takmarkað sætaframboð.
Einstök kjör á ferðum til Algarve í Portúgal og Sa Coma á Majorca.
Kynnið ykkur brottfarardaga og skilmála.
OPIÐ ÁLAUGARDÖGUMkl.: 10-14
V/SA
Faxafeni 5 108 Reykjavík Sími: 568 2277 Fax: 568 2274
FERÐIR