Morgunblaðið - 25.02.1996, Blaðsíða 16
16 SUNNUDAGUR 25. FEBRÚAR 1996
MORGUNBLAÐIÐ
l
LISTIR
Björk Jónsdóttir og Signý Sæmundsdóttir í Borgarleikhúsinu
Rómantískir
ljóðadúettar
SÓPRAN SÖNGKONURN AR
Björk Jónsdóttir og Signý Sæ-
mundsdóttir halda tónleika í
Borgarleikhúsinu á þriðjudags-
kvöld kl. 20.30 þar sem þær
munu flyija rómantíska ljóðadú-
etta. A efnisskránni eru dúettar
eftir Purcell, dúettar og ein-
söngslög eftir Haydn og skoskir
þjóðlagadúettar sem ekki hafa
verið fluttir hér á landi áður.
Einnig verða fluttir dúettar eftir
Schumann og Brahms, einsöngs-
lög eftir Bizet og dúett eftir
Dvorák og Rossini. Undirleikari
verður Gerrit Schuil.
í samtali við blaðamann sagði
Björk Jónsdóttir að þær Signý
hefðu þekkst lengi eða allt frá
því þær hefðu verið saman í
námi. „Við höfum verið að syngja
saman öðru hverju við ýmis tæki-
færi en aðeins einu sinni áður
sungið saman dúetta og það var
í Sigurjónssafni fyrir fjórum
árum. Þeir tónleikar heppnuðust
mjög vel og okkur hefur alltaf
langað til að gera þetta aftur.
Það er eitt það skemmtilegasta
sem sögnvari gerir að syngja
dúett; sérstaklega auðvitað ef
söngvararnir ná vel saman. Við
Signý þekkjum mjög vel inn á
hvor aðra, skynjum hvor aðra
mjög vel og eigum auðvelt með
að syngja saman. Og svo hefur
Gerrit fallið mjög vel inn í hóp-
inn en hann er frábær undirleik-
ari.“
Björk sagði að það yrði róman-
tískur andi á tónleikunum. „Þetta
verður svona rómantískt og Ijúft
kvöld í leikhúsinu. Við ætlum að
syngja bæði dúetta og einsöngs-
lög í hinum rómantíska anda.
Einnig syngjum við skoska dú-
etta sem eru léttir og skemmti-
legir.“
Björk Jónsdóttir nam söng við
Tónlistarskólann í Kópavogi,
Tónlistarskólann í Reykjavík og
Söngskólann í Reykjavík og Iauk
þar námi vorið 1990. Björk hefur
síðan sótt fjölda námskeiða og
einkatíma. Björk hefur komið
fram með Sinfóníuhljómsveit ís-
lands og sem einsöngvari með
kórum. Hún hefur einnig haldið
fjölda einsöngstónleika, þar á
meðal ljóðatónleika í Gerðubergi
vorið 1994. Hún tók þátt í upp-
færslu Hvunndagsleikhússins á
Trójudætrum eftir Evrípídes við
tónlist Leifs Þórarinssonar en
verkið verður flutt aftur í vor á
Listahátíð í lengri útgáfu.
Signý Sæmundsdóttir stundaði
söngnám við Tónlistarskóla
Kópavogs og Söngskólann í
Reykjavík. Hún lauk tónmennta-
kennaraprófi frá Tónlistarskól-
anum í Reykjavík árið 1982 og
stundaði síðan framhaldsnám í
söng við tónlistarháskóla Vínar-
borgar. Signý hefur tekið þátt í
óperuuppfærslum hér heima og
erlendis. Hún hefur haldið fjölda
einsöngstónleika og komið fram
með Sinfóníuhljómsveit íslands
og sungið einsöng með kórum.
Einnig hefur Signý flutt töluvert
af nútímatónlist sem meðal ann-
ars hefur sérstaklega verið sam-
infyrir hana.
Morgunblaðið/Kristinn
SIGNÝ Sæmundsdóttir, Gerrit Schuil og Björk Jónsdóttir.
. . . heldur hinsegin
Söngur Pass-
íusálmanna í
Digranes-
kirkju
„PASSÍUSÁLMARNIR verða
sungnir með „gömlu lögunum"
alla sunnudaga í föstu, kl. 18,
í Digraneskirkju í Kópávogi
og hefst söngur þeirra sunnu-
daginn 25. febrúar. Þá verða
sungnir 7 sálmar í hvert skipti,
auk þess sem lesnir verða til-
heyrandi ritningarstaðir, en
söng þeirra lýkur á miðviku-
degi í Dymbilviku, 3. apríl kl.
18. Það er organisti Digranes-
kirkju, Smári Ólason, sem mun
leiða sönginn, en hann hefur
um langt árabil fengist við
'rannsóknir á þessum foma
sönghætti. Hann mun einnig
halda erindi um söng á „gömlu
lögunum“ við Passísálmana í
Digraneskirkju mánudaginn
1. apríl kl. 20.30.
í kynningu segir meðal ann-
ars; „Passíusálmar Hallgríms
Péturssonar hafa frá því á 17.
öld verið einn dýrmætasti and-
legur auður íslensku þjóðar-
innar. Þeir komu fyrst út á
prenti 1666, en hörð viðbrögð
fólks við breytingum á ein-
stöku sálmum í útgáfu þeirra
sem kom út í byrjun 18. aldar
sýnir best hve snemma þeir
voru orðnir að þjóðareign.
Sálmarnir voru sungnir við
húslestra á heimilum á föst-
unni, einn sálmur fyrir hvern
dag. Á 20. öldinni hefur þessi
gamli siður að mestu lagst af,
en Passíusálmarnir hafa verið
lesnir í útvarpinu á kvöldin á
og á síðustu árum hafa ein-
staka kirkjur einnig tekið upp
þann sið að lesa þá, bæði dag-
lega og eins í heild á föstudag-
inn langa.
LEIKUST
Mögulcikhúsíð
EKKI SVONA!
Höfundar: Aðalsteinn Ásberg Sig-
urðsson og Pétur Eggerz. Leikstjóri:
Pétur Eggerz. Tónlist: Björn Jör.
Friðbjömsson. Leikmynd og búning-
an Jón Þórisson. Lýsing: Bjami Ing-
varsson og Jón Þórisson. Tæknimað-
ur: Gunnar Om Hannesson. Leikar-
ar: Alda Amardóttir, Bjarai Ingvars-
son, Bjöm Jör. Friðbjömsson, Einar
Rafn Guðbrandsson, EUert A. Ingi-
mundarson, Erla Ruth Harðardóttir,
Ingrid Jónsdóttir, Jóhann G. Jó-
hannsson og Óskar Ogri Birgisson.
Fimmtudagur 22. febrúar.
ÞAÐ ER vel til fundið hjá Mögu-
leikhúsinu að færa upp verk sem
fjallar um sjálfsvíg unglinga. Þetta
er vandamál sem brýnt er að ræða
og tekst að flestu leyti vel til hér,
sérstaklega í seinni hluta verksins
og sérfræðiráðgjöf prests og geð-
læknis virðist hafa skilað sér.
Leikverkið hefst á því að fram-
haldsskólapiltur hefur framið
sjálfsmorð og lýsir það framanaf
viðbrögðum skólastjóra, nemenda
og foreldra við þessum atburði.
Kastljósinu er beint að einum ungl-
ingnum, því er lýst hvaða áhrif
þessi atburður hefur á hann og
hvernig hann missir síðan smám
saman það litla sjálfstraust sem
hann hafði í upphafi leiksins.
Sagan er að mörgu leyti trúverð-
ug, sérstaklega samskipti ungling-
anna - einkum má nefna partíat-
riðið - og í seinni hlutanum taka
við fallegir ljóðrænir kaflar sem
lýsa innri hugrenningum aðalsögu-
hetjunnar. Að þessu leyti gengur
verkið vel upp og það er hæfileg
blanda af gríni, til að létta umræð-
una, en ekki of mikil þannig að
boðskapurinn útvatnist.
En það er eitt atriði sem stakk
í eyru. Framsögnin og textinn eru
að ákveðnu marki undarlega tví-
skipt. Yngri leikararnir, Einar
Rafn Guðbrandsson og Jóhann G.
Jóhannsson, standa sig með af-
brigðum vel og má jafnvel taka
svo djúpt í árinni að Jóhann sýni
fínlegan stjörnuleik. Björn Jör.
Friðbjörnsson og Óskar Ogri Birg-
isson leika félaga aðalpersónunnar
í hljómsveitinni og skila sínu hlut-
verki ágætlega.
Þessir fjórir eiga það sammerkt
að vera mjög eðlilegir í túlkun
sinni. Þeir eru trúverðugir sem
unglingar, ekki vegna þess að þeir
séu nær þeim í aldri en aðrir leik-
endur, heldur vegna þess að fram-
sögn þeirra er líkari því sem tíðk-
ast í daglegu máli og textinn virð-
ist vera sniðinn meira að þeim
persónum sem þeir eiga að leika.
Samt kemst textinn fullkomlega
til skila.
Hinir leikararnir eiga það sam-
eiginlegt að ná aldrei almennilega
tökum á hlutverkunum. Erla Ruth
Harðardóttir, Ingrid Jónsdóttir og
Alda Arnardóttir eiga góða spretti
en túlkun þeirra er á skjön við til-
burði fyrrnefndra leikara. í fyrra
atriðinu þar sem Alda og Jóhann
ræðast við kemur sú hugsun upp
í hugann að töluverður aldursmun-
ur sé á þeim, ef litið er til fram-
burðar og orðfæris.
Ætla mætti að Erla Ruth væri
að túlka barn en ekki ungling eins
og hún er í látbragði og útliti í
hlutverki sínu, ekki stúlku á fram-
haldsskólaaldri. Inger nær betur
unglingstöktunum en hún er ákaf-
lega stíf í hlutverki sínu sem móðir-
in. Hún nær ágætlega saman við
Bjarna Ingvarsson í hlutverki hans
sem faðirinn, en ef framsögn þeirra
er borin saman við Jóhann í hlut-
verki drengsins þeirra eru þau
ekki bara af allt annarri kynslóð
heldur annarri plánetu. Bjarni er
annars bestur í hlutverki skóla-
stjórans, þar sem hátíðlegur fram-
sagnarmáti hans á vel heima, en
hann er fuil-afkáralegur í hlutverki
kynnis í Tónabæ. Ellert A. Ingi-
mundarson leikur hinn sjálfsvegna
og vinnur á eftir því sem líður á
verkið. í upphafi virkaði hann allt-
of alvarlegur og stífur.
Það verður að vera hægt að
gera þá kröfu til menntaðra leik-
ara að þeir geti aðlagað framsögn
og látbragð þeim verkum sem ver-
ið er að fást við í hvert og eitt
skipti. „Leikhúsleg“ framsögn og
bóklegur texti á víða vel við, t.d.
í ýmsum h.áklassískum verkum,
verkum sem gerast í ævintýra-
heimi o.s.frv. En í leikriti um ungl-
inga fyrir unglinga gengur slíkt
ekki. Búast má við að slíkt hindri
væntanlegan áhorfendahóp við að
njóta leiksýningarinnar til fulls og
tileinka sér boðskap hennar og
hefði leikstjóri átt að greiða úr
þessum hnökrum á æfingaferlinu.
Benda má á tvö nýleg íslensk verk
þar sem þetta vandamál hefur ver-
ið farsællega leyst, Himnaríki eftir
Árna Ibsen og Skítt með’a eftir
Valgeir Skagfjörð.
Leikmynd, ljós og búningar
buðu upp á sniðugar lausnir fyrir
leiksýningu sem á að vera hægt
að setja upp vítt og breitt. í heild-
ina er sýningin þarft innlegg í
umræðu sem er vart farin af stað
og íjallar á varfærinn hátt um við-
kvæmt vandamál. Án efa á þessi
sýning eftir að vekja umræður
meðal áhorfenda um sjálfsvíg, or-
sakir og afleiðingar, og vonandi
að koma vitinu fyrir einhveija sem
finnst þeir komnir á ystu nöf.
Sveinn Haraldsson.
»Hug-
vekja“á
Sóloni ís-
landusi
„HUGVEKJA" er yfirskrift
ljósmyndasýningar Önnu Maríu
Siguijónsdóttur sem opnuð
verður í dag, sunnudaginn 25.
febrúar á Sóloni íslandusi,
Bankastræti 7a.
í kynningu segir; „Þessi sýn-
ing samanstendur af 13 ljós-
myndum. Kjarnann í þessum
verkum er að finna í hugrenn-
ingum ljósmyndarans um efnis-
hyggju nútímans; stöðuga eftir-
sókn eftir efnislegum gæðum
sem fólk heldur að það þarfnist
til þess að öðlast hamingju en
einungis grefur undan líkam-
legri og andlegri tilveru þess.“
Anna María lauk BA prófi í
grafískri hönnun og ljósmyndun
1993 frá háskóla í Alabama og
mastersnámi í ljósmyndun frá
Savannah College of Art and
Design í Bandaríkjunum tveim-
ur árum síðar.
Jafnhliða mastersnámi starf-
aði hún sem ljósmyndari og tók
átt í samsýningum þar vestra.
Þetta er fimmta einkasýning
hennar hérlendis.
Sólarmegin í
Hallgríms-
kirkju
SÖNGHÓPURINN Sólarmegin
frá Akranesi heldur tónleika í
Hallgrímskirkju í Saurbæ næst-
komandi þriðjudagskvöld kl. 21.
Á efnisskránni eru lög úr
ýmsum áttum, innlend og, er-
lend. Sönghópurinn Sólarmegin
er skipaður fimm konum og
fimm körlum sem sungið hafa
í sex ár.
Hópurinn hefur komið víða
fram, bæði innanlands og utan.
Tónleikarnir eru þeir fyrstu
í tónleikaröð hópsins sem nú
vinnur að upptöku á geisladiski.
Leitað að
verkum Bar-
*
böru Arnason
í VOR mun Listasafn Kópavogs
efna til sýningar á verkum Bar-
böru Árnason. Ókunnugt er
hvar ýmis verk eftir hana eru
niður komin.
Því vill safnið góðfúslega
biðja þá sem eiga myndir og/eða
teppi eftir Barböru að hafa sam-
band við safnið hið fyrsta.
Bókamarkað-
ur í Perlunni
ÁRLEGUR bókamarkaður Fé-
lags íslenskra bókaútgefenda
var opnaður á fimmtudaginn.
Markaðurinn er í Perlunni og
mun standa fram til 3. mars. Á
markaðnum eru yfir 10.000 titl-
ar en sérstök áhersla er nú lögð
á barnabækur. Markaðurinn
verður opinn daglega frá kl.
10-19, líka laugardaga og
sunnudaga.
Slökkvi-
liðskórinn
syngur
SLÖKKVILIÐSKÓRINN held-
ur söngskemmtanir í Logalandi
í Borgarfirði 25. febrúar og í
Árnesi í Gnúpverjahreppi 3.
mars næstkomandi.
Einsöngvari er Þorbergur
Skagfjörð Jósepsson. Tvísöng-
ur; Kári Friðriksson og Þor-
bergur Skagijörð Jósepsson.
Stjórnandi er Kári Friðriksson
og undirleikari Jónas Sen.
I
I
I
í
I
í
\
1
1
i
I
«
t
I
i
f
i
i
if
i
\i
i
y
I
i
M
i
i