Morgunblaðið - 05.03.1996, Blaðsíða 4

Morgunblaðið - 05.03.1996, Blaðsíða 4
4 ÞRIÐJUDAGUR 5. MARZ 1996 MORGUNBLAÐIÐ FRETTIR Morgunblaðið/Nanna Sigurðardóttir Gestur á Norðurlandi ÞESSI silkitoppa virtist kunna mæta vel við sig á Akureyri fyrir skemmstu. Söngur silkitoppunnar þykir einkar fagur og klingjandi, en heimkynni hennar eru í furur- skógum nyrst í Evrópu og Amer- íku. Utan varptíma lifir hún á berj- um og flakkar þá oft í hópum víða um lönd, en nokkuð af silkitoppum hefur sést hér á landi í vetur. Jóni Baldvin Hannibalssyni boðið til Eistlands Sæmdur heiðurs- merki Eist- landsforseta FORSETI Eistlands, Lennart Meri, sæmdi Jón Baldvin Hanni- balsson fyrrverandi utanríkisráð- herra Terra Mariana-orðunni í Tallin í gær. Forseti Eistlands stofnaði þetta heiðursmerki á síð- asta ári vegna þess að þjóðin hef- ur fengið sjálfstæði á nýjan leik. Orðan er aðeins veitt erlendum ríkisborgurum og segir Jón Bald- vin að hingað til hafi hún ekki verið veitt öðrum en þeim sem með einhverjum hætti studdu sjálfstæðisbaráttu Eista þegar mest lá við. „Eins og ég sagði forseta Eist- lands, mínuni gamla vini, Lennart Meri, þá er hefð fyrir því í hinu sósíaldemókratiska bræðralagi að þiggja ekki heiðurspeninga. En engin regla er án undantekninga. Við höfum verið nánir vinir í mörg ár og þegar hann sagði mér það mjóg einlæglega að hann vildi fá að staðfesta þá vináttu með þessum gjörningi og lagði áherslu á að bjóða til Tallin af því tilefni gat ég ekki neitað," sagði Jón Baldvin um tildrög þess að hann er staddur í höfuðborg Eistalands Reuter LENNART Meri forseti Eistlands fagnar Jóni Baldvin Hannibals- syni fyrrverandi utanrikisráðherra í forsetahöllinni í Tallin. til að taka við þessari viðurkenn- ingu. Viðstaddir athöfnina í forseta- höllinni í Tallin i gær voru utan- ríkiráðherra Eistlands og forseti þingsins. Einnig Bryndís Schram, eiginkona Jóns Baldvins. Jón Baldvin segir að þetta hafi verið vinafundur þeirra Meris, þeir hafi rætt saman í fjóra tíma að lokinni hinní formlegu athöfn. Réttur maður „Mér varð það Hóst af fyrstu kynnum við Lennart Meri að þar fer enginn venjulegur stjórnmála- maður," segir Jón Baldvin um kynni þeirra Meris. Hann segir að hann sé miklum gáfum gæddur og hafi auk þess aðlaðandi húm- or. Rifjar hann upp að Meri hafi verið einn af leiðtogum sjálfstæð- isbaráttunnar og síðan sigrað í forsetakosningunum 1992. Segir Jón Baldvin að hann njóti gríðar- legrar virðingar og telur að í augum umheimsins sé hann orð- inn holdgervingur sjálfstæðisbar- áttunnar, ekki aðeins í Eistlandi, heldur í öllum Eystrasaltsríkjun- um. „Mér finnst hann hafa verið frá upphafi réttur maður, á rétt- um stað, á réttum tíma," segir Jón Baldvin. Fjórir unglingar brenndust í gassprengingu við Vatnsenda Þrjú verða á sjúkrahúsi næstu vikur FJÓRIR unglingar, 18 og 19 ára, sem fluttir voru á Landspítalann með mikil brunasár eftir að gas- sprenging varð í skúr við Vatns- endablett aðfaranótt sunnudags- ins, liggja enn á sjúkrahúsinu. Sá þeirra, sem mest hlaut bruna- sár, er enn á gjörgæsludeild, að sögn Ólafs Einarssonar, lýta- læknis á Landspítalanum. Að sögn lögreglu er talið að plastein- angrun úr lofti skúrsins hafí bráðnað við gassprenginguna og valdið brunasárum á andliti og höndum unglinganna. í hópnum, sem var í skúrnum þegar gassprenging varð í 11 kg gaskút sem tengdur var við gas- ofn, voru tvær stúlkur og tveir piltar. Ólafur Einarsson, sagði að annar piltanna hefði sloppið best og fengi hann sennilega að fara heim um næstu helgi. Stúlkurnar tvær ættu 2-3 vikna dvöl og meðferð á 'sjúkrahúsinu fyrir höndum og sá pilturinn, sem enn er á gjörgæsludeild, enn lengur. Hann erekki talinn í lífshættu að sögn Ólafs en er á gjórgæslu- deild vegna mikilla bólgna. Brunasár eru á um 14% líkamsyf- irborði hans. Öll eru ungmennin mest brennd á höndum og í and- liti. Þrjú þeirra eiga eftir að gang- ast undir aðgerðir næstu daga. Lögreglu var gert viðvart um gassprenginguna á fjórða tíman- um aðfaranótt sunnudags. Skúr- inn er nokkurs konar samkomu- ' Morgunblaðið/Jón Stefánsson LÖGREGLAN í Kópavogi að störfum á vettvangi aðfaranótt sunnudags. staður unglinga í hverfinu við Elliðahvamm og þar höfðu þau útbúið sér aðstöðu og komið fyr- ir húsgögnum og m.a. gasofni. Ekki var kveikt á ofninum en að sögn lögreglu er talið að gas hafi lekið út og síðan sprenging orðið er gasið komst í kertaloga. Að sögn lögreglu er talið að við sprenginguna hafi eldur brætt plasteinangrun í lofti skúrsins og bráðið plast „dropið niður á unglingana og valdið brunasár- unum. FAÐIR sex ára drengs í Hjalla- skóla í Kópavogi hyggst fara fram á það við bæjaryfírvöld að þau sjái syni hans fyrir aðstöðu til íþrótta- iðkunar næstu þrjár vikur þar sem hann getur ekki sótt leikfimitíma. Drengurinn er með ofnæmi fyrir hundum og á á hættu veikindi ef hann fer í leikfimi í sínum skóla því haldin var hundasýning í íþróttasal skólans um helgina. Sýningin var haldin í íþróttahúsi Digranesskóla, sem Hjallaskóli nýt- ir einnig, þrátt fyrir mótmæli að sögn Óla J. Kristjánssonar föður drengsins. „Ég frétti af sýningunni á þriðjudegi, hringdi í Heilbrigðis- eftirlit Kópavogs og fékk þau svör að þetta hefði verið samþykkt með naumum meirihluta hjá bænum samkvæmt erlendum reglum, dönskum að mig minnir, um hunda- sýningar í leikfimishúsum og þrif vegna þeirra. En þar sem þetta Kemstekkií leikfimi vegna hundasýningar hefur ekki verið gert hér áður í hans tíð get ég ekki tekið þá áhættu fyrir hond sonar míns að hann veik- ist í 1-2 mánuði. Hann er með hast- arlegt ofnæmi og fær astma ef hann smitast." Ekki rétt húsnæði Faðirinn segir að skólayfirvöld hafi lagt fram bókun á fundi bæjar- yfirvalda þar sem fram kom að hundasýning ætti ekki heima í leik- fimihúsnæði. Hann hafi jafnframt talað við aðstoðarmann landlæknis og Hollustuvernd, máli sínu til stuðnings. „Síðan hafði ég sam- band við bæjaryfirvöld aftur en var sagt að því miður yæri búið að ákveða þetta," segir Óli. Hann seg- ir jafnframt að þótt samskonar sýning hafi verið jialdin í húsinu fyrir tveimur árum sé hann ekki til þess búinn að valda syni sínum ama og óþægindum. „Þótt þeir segist ætla að þrífa húsið er spurningin sú hvenær búið sé að þrífa nóg til að koma í veg fyrir ofnæmiseinkenni. Sonur minn getur ekki umgengist börn sem eiga hunda eða sótt afmæli þar sem hundar eru, þetta háir honum því mjög. Núna kemst hann ekki í leikfimi í þrjár vikur. Það var hætt við að halda sýn- ingu þarna í fyrra vegna mótmæla og mér skildist þá að ekki yrði um slíkt að ræða í framtíðinni. Núna hefur það hins vegar gerst og því ætla ég að fara fram á að íþrótta- fulltrúinn í Kópavbgi finni aðra leikfimiaðstöðu fyrir son minn. Það er búið að ganga á hans rétt," segir Óli J. Kristjánsson að lokum. Breytingar á leikara- hópi Borg- arleikhúss FÖSTUM samningum sex leikara hjá Leikfélagi Reykjavíkur hefur verið sagt upp og tekur uppsögnin gildi 1. september næstkomandi. Jafn- framt hefur leikhússtjóri borið upp í leikhúsráði ráðningar nýrra leikara og hlotið stuðning við þær tillögur. Samkvæmt heimildum Morgun- blaðsins hefur þeim Ara Matthías- syni, Árna Pétri Guðjónssyni, Egg- erti Þorleifssyni, Felix Bergssyni, Guðmundi Ólafssyni og Jóhönnu Jón- as verið sagt upp störfum, en þessir leikarar hafa verið á samningi í 1-2 ár fyrir utan Guðmund, sem verið hefur á föstum samningi í ein fjögur ár. Öllum nema Guðmundi var sagt upp frá og með l.-mars, en samning- ur hans hafði lengri uppsagnarfrest en sex mánuðir. Felix mun hyggja á nám erlendis næsta vetur og mun vera óheimilt að vera á samningi á meðan. Átta nýir leikarar Tillögur um ráðningar fela í sér Benedikt Erlingsson, Björn Inga Hilmarsson, Guðlaugu Elísabetu 01- afsdóttur, Kjartan Guðjónsson, Krist- ján Franklín Magnús, Maríu Elling- sen, Rosu Guðnýju Þórsdóttur og Þórhall Gunnarsson. Tilboð um fastr- áðningu felur í sér eins árs samning og er meðalaldur þeirra leikara sem fyrirhugað er að ráða talsvert lægri en þeirra sem víkja. Endanlegar til- lögur um ráðningar munu þó ekki iiggja fyrir. Tveir leikarar hafa sagt samning- um sínum lausum, þeir Sigurður Karlsson og Þröstur Leó Gunnarsson. Samkvæmt heimildum blaðsins voru tilboð um starfslokasamninga þriggja leikara dregin til baka, þeirra Jóns Hjartarsonar, Soffíu Jakobsdóttur og Valgerðar Dan. Ekki hefur verið rætt um aðrar uppsagnir samkvæmt heimildum Morgunblaðsins, hvorki á tækni- mönnum né öðru starsfólki, né tillög- ur gerðar um starfslok. Hins vegar mun uppsagnarfrestur þessara starfsmanna almennt vera þrír mán- uðir.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.