Morgunblaðið - 05.03.1996, Qupperneq 4
4 ÞRIÐJUDAGUR 5. MARZ 1996
MORGUNBLAÐIÐ
Morgunblaðið/Nanna Sigurðardóttir
Gestur á Norðurlandi
ÞESSI silkitoppa virtist kunna
mæta vel við sig á Akureyri fyrir
skemmstu. Söngur silkitoppunnar
þykir einkar fagur og klingjandi,
en heimkynni hennar eru í furur-
skógum nyrst í Evrópu og Amer-
íku. Utan varptíma lifir hún á beij-
um og flakkar þá oft í hópum víða
um lönd, en nokkuð af silkitoppum
hefur sést hér á landi í vetur.
FRÉTTIR___________________________________ ->
Jóni Baldvin Hannibalssyni boðið til Eistlands I
landsforseta
FORSETI Eistlands, Lennart
Meri, sæmdi Jón Baldvin Hanni-
balsson fyrrverandi utanríkisráð-
herra Terra Mariana-orðunni í
Tallin í gær. Forseti Eistlands
stofnaði þetta heiðursmerki á síð-
asta ári vegna þess að þjóðin hef-
ur fengið sjálfstæði á nýjan leik.
Orðan er aðeins veitt erlendum
ríkisborgurum og segir Jón Bald-
vin að hingað til hafi hún ekki
verið veitt öðrum en þeim sem
með einhverjum hætti studdu
sjálfstæðisbaráttu Eista þegar
mest lá við.
„Eins og ég sagði forseta Eist-
lands, mínum gamla vini, Lennart
Meri, þá er hefð fyrir því í hinu
sósíaldemókratiska bræðralagi að
þiggja ekki heiðurspeninga. En
engin regla er án undantekninga.
Við höfum verið nánir vinir í
mörg ár og þegar hann sagði mér
það mjög einlæglega að hann vildi
fá að staðfesta þá vináttu með
þessum gjörningi og lagði áherslu
á að bjóða til Tallin af því tilefni
gat ég ekki neitað,“ sagði Jón
Baldvin um tildrög þess að hann
er staddur í höfuðborg Eistalands
LENNART Meri forseti Eistlands fagnar Jóni Baldvin Hannibals-
syni fyrrverandi utanríkisráðherra í forsetahöllinni í Tallin.
til að taka við þessari viðurkenn-
ingu.
Viðstaddir athöfnina í forseta-
höllinni í Tallin í gær voru utan-
ríkiráðherra Eistlands og forseti
þingsins. Einnig Bryndís Schram,
eiginkona Jóns Baldvins. Jón
Baldvin segir að þetta hafi verið
vinafundur þeirra Meris, þeir hafi
rætt saman í fjóra tíma að lokinni
hinní formlegu athöfn.
Réttur maður
„Mér varð það ljóst af fyrstu
kynnum við Lennart Meri að þar
fer enginn venjulegur stjórnmála-
maður," segir Jón Baldvin um
kynni þeirra Meris. Hann segir
að hann sé miklum gáfum gæddur
og hafi auk þess aðlaðandi húm-
or. Rifjar hann upp að Meri hafi
verið einn af leiðtogum sjálfstæð-
isbaráttunnar og síðan sigrað í
forsetakosningunum 1992. Segir
Jón Baldvin að hann njóti gríðar-
legrar virðingar og telur að í
augum umheimsins sé hann orð-
inn holdgervingur sjálfstæðisbar-
áttunnar, ekki aðeins i Eistlandi,
heldur í öllum Eystrasaltsríkjun-
um. „Mér finnst hann hafa verið
frá upphafi réttur maður, á rétt-
um stað, á réttum tíma,“ segir Jón
Baldvin.
Sæmdur
heiðurs-
merki Eist-
>
i
l
i
t
Fjórir unglingar brenndust í gassprengingu við Vatnsenda
Þrjú verða á
sjúkrahúsi
næstu vikur
Morgunblaðið/Jón Stefánsson
LÖGREGLAN í Kópavogi að störfum á vettvangi
aðfaranótt sunnudags.
FJÓRIR unglingar, 18 og 19 ára,
sem fluttir voru á Landspítalann
með mikil brunasár eftir að gas-
sprenging varð í skúr við Vatns-
endablett aðfaranótt sunnudags-
ins, liggja enn á sjúkrahúsinu.
Sá þeirra, sem mest hlaut bruna-
sár, er enn á gjörgæsludeild, að
sögn Ólafs Einarssonar, lýta-
læknis á Landspítalanum. Að
sögn lögreglu er talið að plastein-
angrun úr lofti skúrsins hafi
bráðnað við gassprenginguna og
valdið brunasárum á andliti og
höndum unglinganna.
í hópnum, sem var í skúrnum
þegar gassprenging varð í 11 kg
gaskút sem tengdur var við gas-
ofn, voru tvær stúlkur og tveir
piltar.
Ólafur Einarsson, sagði að
annar piltanna hefði sloppið best
og fengi hann sennilega að fara
heim um næstu helgi. Stúlkumar
tvær ættu 2-3 vikna dvöl og
meðferð á 'sjúkrahúsinu fyrir
höndum og sá pilturinn, sem enn
er á gjörgæsludeild, enn lengur.
Hann er ekki talinn í lífshættu
að sögn Ólafs en er á gjörgæslu-
deild vegna mikilla bólgna.
Brunasár eru á um 14% líkamsyf-
irborði hans. Öll eru ungmennin
mest brennd á höndum og í and-
liti. Þijú þeirra eiga eftir að gang-
ast undir aðgerðir næstu daga.
Lögreglu var gert viðvart um
gassprenginguna á fjórða tíman-
um aðfaranótt sunnudags. Skúr-
inn er nokkurs konar samkomu-
staður unglinga í hverfinu við
Elliðahvamm og þar höfðu þau
útbúið sér aðstöðu og komið fyr-
ir húsgögnum og m.a. gasofni.
Ekki var kveikt á ofninum en
að sögn lögreglu er talið að gas
hafi lekið út og síðan sprenging
orðið er gasið komst í kertaloga.
Að sögn lögreglu er talið að við
sprenginguna hafi eldur brætt
plasteinangrun í lofti skúrsins
og bráðið plast dropið niður á
unglingana og valdið brunasár-
unum.
Kemst ekki í
leikfimi vegna
hundasýningar
FAÐIR sex ára drengs í Hjalla-
skóla í Kópavogi hyggst fara fram
á það við bæjaryfírvöld að þau sjái
syni hans fyrir aðstöðu til íþrótta-
iðkunar næstu þijár vikur þar sem
hann getur ekki sótt leikfimitíma.
Drengurinn er með ofnæmi fyrir
hundum og á á hættu veikindi ef
hann fer í leikfimi í sínum skóla
því haldin var hundasýning í
íþróttasal skólans um helgina.
Sýningin var haldin í íþróttahúsi
Digranesskóla, sem Hjallaskóli nýt-
ir einnig, þrátt fyrir mótmæli að
sögn Óla J. Kristjánssonar föður
drengsins. „Ég frétti af sýningunni
á þriðjudegi, hringdi í Heilbrigðis-
eftirlit Kópavogs og fékk þau svör
að þetta hefði verið samþykkt með
naumum meirihluta hjá bænum
samkvæmt erlendum reglum,
dönskum að mig minnir, um hunda-
sýningar í leikfímishúsum og þrif
vegna þeirra. En þar sem þetta
hefur ekki verið gert hér áður í
hans tíð get ég ekki tekið þá áhættu
fyrir hönd sonar míns að hann veik-
ist i 1-2 mánuði. Hann er með hast-
arlegt ofnæmi og fær astma ef
hann smitast."
Ekki rétt húsnæði
Faðirinn segir að skólayfirvöld
hafi lagt fram bókun á fundi bæjar-
yfirvalda þar sem fram kom að
hundasýning ætti ekki heima í leik-
fimihúsnæði. Hann hafi jafnframt
talað við aðstoðarmann landlæknis
og Hollustuvernd, máli sínu til
stuðnings. „Síðan hafði ég sam-
band við bæjaryfirvöld aftur en var
sagt að því miður væri búið að
ákveða þetta,“ segir Óli. Hann seg-
ir jafnframt að þótt samskonar
sýning hafi verið jialdin í húsinu
fyrir tveimur árum sé hann ekki
til þess búinn að valda syni sínum
ama og óþægindum.
„Þótt þeir segist ætla að þrífa
húsið er spurningin sú hvenær
búið sé að þrífa nóg til að koma í
veg fyrir ofnæmiseinkenni. Sonur
minn getur ekki umgengist börn
sem eiga hunda eða sótt afmæli
þar sem hundar eru, þetta háir
honum því mjög. Núna kemst hann
ekki í leikfimi í þijár vikur.
Það var hætt við að halda sýn-
ingu þarna í fyrra vegna mótmæla
og mér skildist þá að ekki yrði um
slíkt að ræða í framtíðinni. Núna
hefur það hins vegar gerst og því
ætla ég að fara fram á að íþrótta-
fulltrúinn í Kópavogi finni aðra
Ieikfimiaðstöðu fyrir son minn. Það
er búið að ganga á hans rétt,“
segir Óli J. Kristjánsson að lokum.
—
Breytingar t
á leikara- 1
hópi Borg-
arleikhúss
..
FOSTUM samningum sex leikara hjá
Leikfélagi Reykjavíkur hefur verið
sagt upp og tekur uppsögnin gildi
1. september næstkomandi. Jafn-
framt hefur leikhússtjóri borið upp í
leikhúsráði ráðningar nýrra leikara
og hlotið stuðning við þær tillögur.
Samkvæmt heimildum Morgun-
blaðsins hefur þeim Ara Matthías-
syni, Árna Pétri Guðjónssyni, Egg-
erti Þorleifssyni, Felix Bergssyni,
Guðmundi Ólafssyni og Jóhönnu Jón-
as verið sagt upp störfum, en þessir g
leikarar hafa verið á samningi í 1-2
ár fyrir utan Guðmund, sem verið
hefur á föstum samningi í ein fjögur
ár. Öllum nema Guðmundi var sagt
upp frá og með l.-mars, en samning-
ur hans hafði lengri uppsagnarfrest
en sex mánuðir. Felix mun hyggja á
nám erlendis næsta vetur og mun
vera óheimilt að vera á samningi á
meðan.
Átta nýir leikarar
Tillögur um ráðningar fela í sér
Benedikt Erlingsson, Björn Inga
Hilmarsson, Guðlaugu Elísabetu 01- I
afsdóttur, Kjartan Guðjónsson, Krist-
ján Franklín Magnús, Maríu Elling-
sen, Rösu Guðnýju Þórsdóttur og
Þórhall Gunnarsson. Tilboð um fastr-
áðningu felur í sér eins árs samning
og er meðalaldur þeirra leikara sem
fyrirhugað er að ráða talsvert lægri
en þeirra sem víkja. Endanlegar til-
lögur um ráðningar munu þó ekki |
iiggja fyrir.
Tveir leikarar hafa sagt samning-
um sínum lausum, þeir Sigurður j
Karlsson og Þröstur Leó Gunnarsson.
Samkvæmt heimildum blaðsins voru
tilboð um starfslokasamninga þriggja
leikara dregin til baka, þeirra Jóns
Hjartarsonar, Soffíu Jakobsdóttur og
Valgerðar Dan.
Ekki hefur verið rætt um aðrar
uppsagnir samkvæmt heimildum
Morgunblaðsins, hvorki á tækni- ■
mönnum né öðru starsfólki, né tillög-
ur gerðar um starfslok. Hins vegar |
mún uppsagnarfrestur þessara
starfsmanna almennt vera þrír mán- ’
uðir.