Morgunblaðið - 17.03.1996, Síða 52
52 SUNNUDAGUR 17. MARZ 1996
MORGUNBLAÐIÐ
ÍÞRÓTTIR
KNATTSPYRNA
Ekkert leyndarmál
Morgunblaðið/Kristinn
BO Johansson, landsliðsþjálfari Dana, sagði í fyrirlestrl sínum á ráðstefnu Knattspyrnuþjálfara-
félags íslands að hann væri ekki sérfræðingur í knattspyrnu og vildi ekki vera nefndur sem
slíkur. Hlns vegar væri ekkert nýtt undir sólinni og engin leyndarmál í knattspyrnunni.
Bo Johansson, landsliðsþjálfari Dana
Skemmtilegt
og spennandi
Bo Johansson, fyrrverandi
landsliðsþjálfari Islands í
knattspyrnu, tekur við stjórn
danska landsliðsins eftir úrslita-
keppni Evrópumótsins í júní. í sept-
ember sem leið gerði hann samning
til tveggja ára með liðið en hóf
störf hjá Knattspyrnusambandi
Danmerkur 1. janúar. „Þetta er
spennandi verkefni og skemmtilegt
og ég hlakka til að takast á við
það,“ sagði Bo við Morgunblaðið á
25 ára afmælishátíð Knattspyrnu-
þjálfarafélags íslands í gær.
í tilefni afmælisins gekkst
Knattspyrnuþjálfarafélagið fyrir
ráðstefnu og var Bo einn frum-
mælenda. Hann átti að ræða um
varnarleik og gerði það vel en sló
á létta strengi eins og svo oft áður
og benti á kunna staðreynd, að
knattspyrna snerist um að gera
mörk. „í alþjóða knattspyrnu er í
auknum mæli lögð áhersla á skipu-
lagðan varnarleik og séræfingar
fyrir markmenn. Þetta hlýtur að
vera röng stefna því knattspyrna
snýst um að gera mörk,“ sagði
hann. Bo hefur fylgst með landslið-
um Dana frá áramótum, heimsótt
þjálfara og rætt við leikmenn en
sagði að hann yrði að fara varlega
í sakirnar því hann væri ekki enn
tekinn við stjórninni. „Richard
Moller-Nielsen ræður ferðinni en á
mótinu í Thailandi fyrir skömmu
vildi hann að ég væri með hópnum
frekar en að ég stæði utanvið.
Annars verð ég ekki meira með
a-liðinu fram að Evrópukeppninni
nema sem áhorfandi en fylgist þeim
mun betur með ungmennaliðinu.“
Danir komu óvænt inní úrslita-
keppni EM 1992 - fyrir Júgóslava
- en komu sjálfum sér og öðrum
á óvart og urðu Evrópumeistarar.
Þá voru engar væntingar til liðsins
og sagði Bo sama upp á teningnum
nú. „Danir gera sér grein fyrir að
um er að ræða keppni 16 liða og
vita að ekkert er öruggt. Þessi
hugsunarháttur hentar liðinu en
síðan kemur í ljós hvað gerist."
Að sögn Svíans eru nú 37 dansk-
ir atvinnumenn utan Danmerkur
sem koma til greina í landsliðið og
sagði hann mikilvægt fyrir sig að
kynnast þeim og ekki síður fyrir
þá að kynnast sér. „Þess vegna
verð ég mikið á ferðinni en svo
skemmtilega vill til að fyrsti lands-
leikurinn undir minni stjórn verður
gegn Svíum - í Gautaborg 14.
ágúst.“
GLIMA
■ Frumkvöðlar að Laugar-
vatnsmótinu í giímu voru þeir
Kjartan Lárusson og dr. Ingi-
mar Jónsson kennari við íþrót-
takennaraskólann.
■ Starfsmenn mótsins voru 15
talsins og var öll framkvæmd
þess til fyrirmyndar.
■ Dómarar á glímumótinu
voru: Hjálmur Sigurðsson, Jón
M. ívarsson, Rögnvaldur Ólafs-
son, Sigurður Jónsson, Sigurjón
Leifsson og Pétur Ingvarsson.
■ Sigurjón Leifsson hefur
ákveðið að hætta dómgæslu í
glímu. Laugarvatnsmótið var
að öllum líkindum hans síðasta
mót sem glímudómara.
■ Sigurður Karlsson og Jón
B. Valsson voru þeir einu sem
fengu að sjá spjöld hjá dómur-
um í keppninni.
■ Sigurður fékk tvö gul spjöld
og eitt rautt. Jón B. fékk fjög-
ur gul og eitt rautt.
■ Jón Birgir átti flest jafnglími
á mótinu eða fjögur, öll í seinni
umferðinni þar sem hann tap-
aði ekki neinni viðureign.
■ Vönduð leikskrá var gefin
út á mótinu með ýmsum tölu-
legum upplýsingum.
■ Jóhannes Sveinbjömsson
náði sinni fjögurhundruðustu
sigurglímu á þessu móti sem
var numer 101 á ferli hans.
Hann hefur nú unnið 402
keppnisglímur af 476, gert 18
jafnglími og tapað 56 glímum.
■ Aðeins Skarphéðinn Orri
Björnsson hefur keppt oftar en
Jóhannes, eða á 102 mótum.
Hann hefur sigrað í 238 keppn-
isglímum af 498, gert 33 jafn-
glími og tapað 73 glímum.
■ Þrír jafnaldrar kepptu á mót-
inu. Þeir Jóhannes, Jón Birgir
og Amgeir eru allir fæddir
1970.
■ Þyngsti keppandi mótsins og
jafnframt sá hæsti var Jóhann-
es, 122 kg og 194 cm.
■ Léttastí keppandi mótsins og
jafnframt sá lágvaxnasti var
Amgeir, 78 kg og 170 cm.
Jóhannes sigr-
aði á Laugar-
vatnsmótinu
Þriðjudagskvöldið 12. mars sl.
fór fram á Laugarvatni veg-
legt boðsmót í glímu á vegum ung-
mennafélags Laug-
dæla. Boðið var til
Kán mótsins sex bestu
skrifar ghmumonnum
landsins í fullorðins-
flokki og fjórum í unglingaflokki.
Jóhannes Sveinbjörnsson, umf.
Hvöt, sigraði á mótinu með 8 vinn-
inga af 10 mögulegum, en glímdar
voru tvær umferðir. Ingibergur Sig-
urðsson, Ármanni, varð annar með
7,5 vinninga og Skarphéðinn Orri
Björnsson úr KR varð þriðji með
6,5 vinninga. í unglingaflokknum
sigraði Ólafur Oddur Sigurðsson,
Ármanni, með 8,5 vinninga. Torfi
Pálsson, Laugdælum, varð annar
með 6,5 vinninga.
Glímunefnd Umf. Laugdæla hélt
mótið og bauð til leiks sex bestu
glímumönnum í fullorðinsflokki af
mótum vetrarins. Sérlega vel var
vandað til allrar umgjarðar kringum
mótið og verðlaun voru hin glæsi-
legustu. Sigurvegari fékk verðlaun
að andvirði 30 þúsund króna í ýms-
um vöruúttektum frá styrktaraðil-
um mótsins. Heildarandvirði verð-
launa var um 90.000 krónur. Áhorf-
endur á mótir.u voru um 200, þar
af fjöldi boðsgesta.
Glímustjóri mótsins, Kjartan Lár-
usson, sagði að yfirleitt hefði verið
glímt vel og nokkuð hraustlega á
köflum. Sex gul spjöld voru gefin
í mótinu öllu og tvö rauð. Glímdar
voru tvær umferðir í fullorðins-
flokknum og þijár í unglingaflokkn-
um. Vöktu viðureignir þeirra Jó-
hannesar Sigmundssonar, Hvöt, og
Arngeirs Friðrikssonar, HSÞ, mesta
athygli fyrir fegurð og snarpleika.
Jóhannes tapaði aðeins einni glímu
og það var fyrir Ingibergi, gerði
síðan jafnglími við Arngeir og Jón
Birgi Valsson, KR. Sigraði Jóhann-
es því með 8 vinninga alls.
Ingibergur Sigurðsson, Ármanni,
glímdi einnig vel og tapaði aðeins
tveimur glímum, fyrir Jóhannesi og
Skarphéðni Orra. Jafnglími Ingi-
bergs við Jón Birgi Valsson svifti
hann möguleikanum á gullinu, en
annað sætið var öryggt með 7,5
vinninga. Skarphéðinn Orri Björns-
son, KR, tapaði báðum viðureignum
sínum við Jóhannes, lagði Ingiberg
í fyrri umferðinni, lagði Arngeir í
báðum viðureignunum, einnig Sig-
urð Kjartansson, HSÞ, vann síðan
Jón Birgi í fyrri umferð en gerði
jafnglími við hann í þeirri síðari og
endaði í þriðja sæti með 6,5 vinn-
inga.
Arngeir Friðriksson, HSÞ, náði
jöfnu við Jóhannes í fyrri glímunni,
vann báðar á móti Sigurði og sigr-
aði Jón Birgi í fyrri umferð en gerði
jafnglími við hann í þeirri síðari.
Arngeir endaði með 4 vinninga.
Jón Birgir Valsson, KR, fékk
einnig 4 vinninga eins og Arngeir.
Hann sigraði Sigurð í báðum viður-
eignum þeirra og gerði síðan jafn-
glími við alla aðra í seinni umferð-
inni. Jón Birgir var sá glímumaður
sem fékk flest aðvörunarspjöld á
mótinu, fjögur gul og eitt rautt
spjald.
Sigurður Kjartansson, HSÞ, tap-
aði öllum sínum viðureignum á
mótinu. Hann var þó nærri því að
leggja Skarphéðin Orra í þeirra við-
Morgunblaðið/Kári
SIGURVEGARAR í karlaflokki í Laugarvatnsmótinu í glímu,
sem fram fór í vikunni Jóhannes Sveinbjörnsson, Hvöt, í 1.
sæti, Ingibergur Sigurðsson, Ármanni, í öðru sæti og Skarp-
héðinn Orri Björnsson, KR, í þrfðja sæti.
ureign þegar hann náði, svo að
segja á flautunni, hægrifótar hæl-
krók og setti Orra á bakið. Byltan
var dæmd ógild fyrir svokallað
hnésbótarbragð.
í unglingaflokknum glímdu að-
eins fjórir keppendur,_ en glímdar
voru þrjár umferðir. Olafur Oddur
Sigurðsson, Ármanni, bar höfuð og
herðar yfir alla í unglingaflokknum.
Hann gerði aðeins eitt jafnglími,
við Torfa Pálsson, en vann allar
aðrar viðureignir. Þetta ár er síð-
asta ár Ólafs í unglingaflokknum
enda auðséð að hann á orðið fullt
erindi í fullorðinsflokkinn.
Torfi Pálsson, Laugdælum, varð
annar af unglingunum og féll að-
eins fyrir Ólafi í tveimur viðureign-
um en sigraði bæði Svein Rúnar
og Pétur. Pétur Eyþórsson, HSÞ,
varð þriðji með tvo vinninga sem
hann fékk á móti Sveini Rúnari.
Sveinn Rúnar Júlíusson, Hruna-
mönnum, náði einum vinningi á
mótinu, það var á móti Pétri í síð-
ustu viðureign þeirra. Sveinn Rúnar
kom inn í mótið á síðustu stundu
þegar ljóst var að Lárus Kjartans-
son gæti ekki keppt sökum meiðsla.
Skemmtiiegt
„ÞETTA er virkilega skemmtileg
umgjörð, skreytingar og tónlist og
fjöldi áhorfenda. Það skiptir veru-
legu máli að hafa áhorfendur,“
sagði Jóhannes Sveinbjörnsson,
sem sigraði í flokki fullorðinna.
Heldur þú að vegleg verðlaun
hafi hleypt meiri hörku í glímuna?
„Já, kannski einhverri, það voru
náttúrulega ljótar glímur inn á milli
eins og vill verða. En ég segi fyrir
mig að maður tók þetta svona með
ennþá meiri yfirvegun fyrir bragðið.
Þetta var frekar jöfn og erfið keppni
og úrslit réðust ekki fyrr en í síð-
ustu glímunni þegar Ingibergur og
Jón Birgir voru að glíma, ef Ingi-
bergur hefði unnið hefðum við þurft
að fara í úrslitaglímu."
Þetta eru fleiri glímur en venju-
lega, ekki satt?
„Jú, við erum oft að glíma þessir
sex sem eru hér, en nú voru tvær
umferðir og það reynir miklu meira
á menn. Kannski græðir maður þá
á reynslunni þó hún sé kannski
ekki miklu meiri en þeirra.“