Morgunblaðið - 17.03.1996, Qupperneq 56

varða
víðtæk
fjármálaþjónusta
Landsbanki
íslands
Bankl allra landsmanna
MORGUNBLAÐIÐ, KRINGLAN I, 103 REYKJA VÍK, SÍMl S69 1100, SÍMBRÉF 569 1181,
PÓSTHÓLF 3040, NETFANG MBL(a>CENTRUM.IS / AKUREYRI: HAFNARSTRÆTI 85
SUNNUDAGUR 17. MARZ 1996
VERÐ í LAUSASÖLU 125 KR. MEÐ VSK
Vepja í vorferð
VEPJUHÓPUR hefur sést af og
til í Vestmannaeyjum frá því í fyrri
viku. Sést hafa allt upp í sjö fugl-
ar í einu. Vepjurnar í Eyjum voru
Tíomnar í sumarskrúða og því
sannkallaðir vorboðar.
Vepjan er útbreidd í Evrasíu og
flækist langt til norðurs, en út-
breiðslumörkin í norðvestri eru
talin liggja um Bretlandseyjar.
Hópar af vepjum koma gjarnan
hingað í heimsókn á haustin og
stundum snemma vors.
Vepjan er algengur varpfugl á
skosku eyjunum og algengust í
Orkneyjum en verpir sjaldan í
Færeyjum og á íslandi. Vitað er
um nokkur skipti sem vepjur hafa
orpið hér og komið upp ungum
sunnanlands.
Fjögur skip á togararalli umhverfis landið
Vísbendingar um
meiri þorskgengd
ÓLAFUR Karvel Pálsson, fiski-
fræðingur og leiðangursstjóri í tog-
ararallinu sem nú stendur yfir, seg-
ir að svo virðist sem meira sé af
þorski á Vestfjarðamiðum nú en á
sama tíma í fyrra. Sigfús Schopka
fiskifræðingur segir að á Aust-
fjarðamiðum virðist einnig meira
vera af þorski núna en í togararall-
inu í fyrra.
Fjögur skip taka þátt í togara-
rallinu; Ljósafellið, Rauðinúpur,
Múlaberg og Brettingur. Leiðang-
urinn er rúmlega hálfnaður og er
fyrstu niðurstaðna að vænta í byrj-
un apríl.
Ólafur Karvel sagði of snemmt
að draga víðtækar ályktanir af þeim
gögnum sem búið væri að safna.
Leiðangrinum væri ekki lokið og
menn ættu eftir að bera saman
bækur sínar og skoða heildarmynd-
ina í samanburði við rannsóknar-
gögn frá fyrri árum.
„Menn hafa auðvitað orðið varir
við fisk. Ég treysti mér hins vegar
ekki til að svara því hvort þetta er
meira eða minna en í fyrra. Ég hef
ekki heildarmyndina fyrir mér. Mér
sýnist þó að það sé eitthvað meira
hjá okkur á Vestfjarðamiðum en í
fyrra,“ sagði Ólafur Karvel, sem
er um borð í Múlabergi.
Sigfús var einnig varkár í yfirlýs-
ingum, en hann er um borð í Ljósa-
felli fyrir austan land. Hann sagði
þó að það væri greinilega meira líf
í sjónum en í fyrra og svo virtist
sem meiri þorskur væri við landið
en í fyrra.
Varar við bjartsýni
Jakob Jakobsson, forstjóri Haf-
rannsóknastofnunar, sagði vara-
samt að draga ályktun á þessu stigi.
Togararallinu væri ekki lokið og
menn væru ekki komnir með heild-
armyndina. í fyrra hefðu menn t.d.
talið að útkoman í rallinu yrði betri
en síðan kom á daginn þegar öll
gögn höfðu verið skoðuð og dregin
saman. Hann sagðist því vilja vara
við of mikilli bjartsýni um útkom-
una úr rallinu sem nú stendur yfir.
teikningar
fundust
FUNDIST hafa á Borgarfirði
eystra teikningar frá árinu 1911
eftir Rögnvald Ólafsson húsa-
meistara af kirkju sem aldrei
hefur verið reist, en virðist hafa
verið ætlaður staður á Borgar-
firði. Teikningamar fundust eft-
ir að ábendingar bárust frá
brottfluttum Borgfirðingi.
■ Ekki vitað/4

mMm
-

Morgunblaðið/Þorkell
Þingmannaráð norðurheimskautssvæðisins
Stuðningur við
hvalveiðar
Á FUNDI þingmannaráðs norður-
heimskautssvæðisins var samþykkt
ályktun þar sem mælt er með skyn-
samlegri nýtingu sjávarspendýra.
„ Geir H. Haarde, alþingismaður og
formaður nefndar sem samdi álykt-
unina, segir þetta rnikilvægan stuðn-
ing við það sjónarmið Islendinga,
að stuðla beri að eðlilegri nýtingu
hvalastofna.
Þetta er annar fundur þing-
mannaráðs norðurheimskautssvæð-
isins og fór hann fram í Yellowknife
í Kanada. Fyrsti fundur ráðsins var
haldinn í Reykjavík árið 1993. Fund-
inn sóttu þingmenn frá öllum Norð-
urlöndunum, Grænlandi, Kanada og
Rússlandi. Fundurinn samþykkti að
stofnað yrði formlegt norðurheim-
skautsráð á vettvangi ríkisstjórna
landanna. Unnið hefur verið að
stofnun þess. í ályktun fundarins
var auk þess lögð mikil áhersla á
umhverfismál og sjálfbæra þróun.
í ályktuninni er vikið að hvalveið-
um og sagt að stuðla beri að sjálf-
bærri og skynsamlegri hagnýtingu
lifandi auðlinda hafsins, þar með
talin sjávarspendýr. Ályktunin var
samþykkt samhljóða.
Islendingur
sjósettur
LANGSKIPIÐ, sem Gunnar
Marel Eggertsson skipasmiður
hefur verið að smíða að undan-
förnu, var sjósett frá Miðbakka
í Reykjavíkurhöfn í gærdag.
Athöfnin hófst klukkan 11 og
stóð yfir í rúma klukkustund.
Við þetta tækifæri gaf frú Vig-
dís Finnbogadóttir, forseti ís-
lands, skipinu nafn og var það
nefnt tslendingur.
Kynnir við athöfnina var Guð-
mundur Kjærnested fyrrum
skipherra og ávörp fluttu Gunn-
ar Marel Eggertsson, Ingibjörg
Sólrún Gísladóttir borgarstjóri
og Halldór Blöndal samgöngu-
ráðherra. Síðan fór nafngjöfin
fram og að því búnu var skipið
sjósett, að sögn fyrsta sjósetning
víkingaskips á íslandi í 1.100 ár.
Likamsárás
í Vallarstræti
RÁÐIST var á tæplega fertugan
mann í Vallarstræti í Reykjavík í
fyrrinótt. Maðurinn var fluttur með-
vitundarlaus á gjörgæsludeild Borg-
arspítalans og gekkst hann þar
undir ítarlega rannsókn. Að sögn
Ragnars Finnssonar, læknis á gjör-
gæsludeild, er ekki talið að hann
hafi hlotið lífshættulega áverka.
Að sögn Geirs Jóns Þórissonar,
aðalvarðstjóra hjá Lögreglunni í
Reykjavík, var haft samband við
lögreglu um kl. 3:30 og tilkynnt um
mann sem lægi alvarlega slasaður
i Vallarstræti. Hann var strax flutt-
ur á sjúkrahús. Geir Jón sagði að
vitni hefðu verið að árásinni og að
sögn þeirra réðst hópur manna á
manninn og sló og sparkaði í hann.
Lögreglan var strax látin vita og
mætti á staðinn fljótlega eftir að
ráðist hafði verið á manninn.
Enginn hafði verið handtekinn
þegar síðast fréttist,
Ragnar Finnsson sagði að mað-
urinn hefði verið með sýnilega
áverka á höfði, skurð og mar. Hann
hefði strax verið sendur í ítarlega
rannsókn. Tölvusneiðmynd hefði
leitt í ljós, að hann væri ekki með
alvarlegan áverka á heila, en hugs-
anlega mar. Maðurinn yrði áfram
til rannsóknar, en ekki væri fyrir-
hugað að gera á honum aðgerð.
Hann var kominn til fullrar meðvit-
undar um hádegisbil.