Morgunblaðið - 04.05.1996, Blaðsíða 27

MORGUNB L AÐIÐ UHTTl LAUGARDAGUR 4. MAÍ 1996 27
M
VJil
UTI AÐ BORÐA MEÐ FRIMANNI STEFANSSYNI OG BIRKI MAGNÚSSY NI
Yndisfagra
Akureyrl
Upprennandi hagyrðingar fínnast enn í
menntaskólum landsins. Pétur Blöndal
komst að raun um það í ljóðrænu kvöld-
verðarspjalli á Fiðlaranum á þakióu.
UPPRENNANDI hagyrðitigar: Birkir og Frímann.
atseðill Fiðlarans á þakinu
hefst á hátíðarljóði eftir
Stefán Agúst sem ort var i tilefni af
aldarafmæli Akureyrar.
I'að er vel viðeigandi. Hendingin
„Yndisfagra Akurevri" er nefnilega
góð lýsing á þessum sólríka laug-
ardegi þegar Akureyri skartar sínu
fegursta. Einnig vegna þess að fra-
mundan er viðtal við mennta-
skólanemana Birki Magnússon og
Frímann Stefánsson, en þeir hafa
fengist við vísna- og limrusmíðar.
„Ahuginn á kveðskap hefur alltaf
verið til staðar hjá mér,“ segir
Frímann og virðir fyrir sér mat-
seðilinn. Birkir kinkar kolli og
segist hafa byrjað að semja vísur í
dönskutímum.
• Ádönsku?
„Nei.“
„Eg byrjaði líka að yrkja í
menntaskóla," segir Frímann.
„Eg hef aldrei lært bragfræði
heldur hef ég tilfinningu fyrir
henni,“ segir Birkir. „Það er í blóð-
inu.“
„Mér líst vel á gæsina," segir
Frímann sem hefur sökkt sér niður í
matseðilinn. Birkir er á annarri
'skoðun og segir við þjóninn: „Þá vil
ég heldur hreindýrasteik, - ég hef
aldrei bragðað hana.“
Þeir segjast ekki gera mikið af
]jví að fara út að borða og það má sjá
ánægjuglampa í augunum þegar
þeir panta sér koníaksbætta humar-
súpu með rjómatoppi í forrétt.
Hvað um fyrripartinn ?
Best að skjóta því að lesendum að
svohljóðandi fyrripartm’ hafði verið
lagður fyrir þá fyri’ um daginn:
I menntaskóla margur hefur
metnað til að yi’kja.
Frímann lifnar við og botnar:
Það ánægju og gleði gefur
gáfu þessa að virkja.
Hann heldur áfram og segir að
hringingin fyrr um daginn hafi
komið sér á óvart:
I hægindum ég heima sat
og hugðarefnum sinnti
er bauðst að verða að blaðamat,
- mig Blöndal til þess ginnti.
Birkir vill einnig koma vísu að og
velur eina um yfirburði Mennta-
skólans á Akureyri „að allri hóg-
værð slepptri":
Langbestur á landi hér
þó leitað yrði víðar
menntaskólum mjög af ber
MA,-fyrrogsíðar
Fáir jafnaldrar yrhja
„Það eru ekki margir að yrkja á
okkar aldri," segir Frímann. „Það
er samt áhugi fyrir þessu.
„Þegar vel er gert,“ skýtur Birkir
að.
„Við vorum með kvöldvöku fyrir
mánuði og fengum mjög góð
viðbrögð," segii’ Frímann.
„Það má orða það öðruvísi," held-
ur Birkir áfram. „Það var talað við
okkur daginn áður og við vorum
beðnir að fara með nokkrar stökur.
Við böðluðum saman einhverju sem
við létum flakka."
„Þar á meðal var kennarakvöld-
vakan,“ segir Birkir, íbygginn á
svip:
Kennaravakan var klén og rýr
kómíkin hæfir börnum.
Samt ég splæsi hugumhýr
hérumbil tveimur stjörnum.
Eftir hverjum eruð þið að líkja
hér?
„Súpan er alveg afbragð," svarar
Birkir og lætur sem hann heyri ekki
spurninguna.
„I Menntaskólanum hefur kveð-
skapurinp alltaf lifað,“ segir Fri-
mann. „í svona grónum skóla er
reynt að halda í gamlar og nýjar
hefðir. Það er þannig í MA að ef eitt-
hvað er gert tvisvar er strax farið að
tala um hið árlega þetta og hið ár-
lega hitt.“
Eigið þið ykkur eftirlætisskáld?
„Það verður að liggja aðeins yfir
þessu,“ svarar Birkir.
„Það væri nú hallærislegt að segja
pabbi, er það ekki?“ segir Frímann
og hlær, en faðir hans er Stefán
Vilhjálmsson, kunnur hagyrðingur.
„Eg er mjög hrifinn af þessum
félagslegu raunsæisskáldum eins og
Steini Steinarr og Jóhannesi úr
Kötlum,“ bætir hann við.
„Eg les ekki svoleiðis kommún-
istaskáldskap," heyrist í Birki.
„Ég held einnig upp á Dag
Sigurðarson," heldur Frímann
áfram.
„Stefán Þorláksson, mennta-
skólakennari, er í mestu uppáhaldi
hjá mér,“ segir Birkir. „Hann hefur
komið með nokkrar góðar vísur - og
kann víst Einar Benediktsson utan
að.“
Hvernig er sósan ?
Birkir fær sér bita og tyggur
þenkjandi: „Það er passlega milt
villibragð af henni.“ Hann tekur svo
aftur til við að borða.
„Markmiðið er að geta komið
fram á hagyrðingakvöldi, en ég held
að það takist ekki í náinni framtíð,"
segir Frímann. Eftir smáþögn
bætir hann við - brosandi: „En það
er kannski erfitt að verða atvinnu-
hagyrðingur.“
Þegar talið berst að afþreying-
unni segist Frímann lítið gera af þvi
að fara út á næturlífið. „Ég hangi
mest með listamafíunni á Karólínu.
Þar sitjum við nokkrir vinstrimenn
saman í hóp og brjótum heimsmálin
til mergjar."
',,Ég eyði ekki kvöldunum
hangandi inni á Sjalla heldur fer á
Fiðlarann og þá aðallega í boði ein-
hvers,“ segir Birkir kokhraustur.
Er Akureyrarkirkja fallegasta
kirkja á landinu?
„Já,“ segir Frímann.
„Allavega eru kirkjutröpgurnar
þai' flestar,“ bætir Birkir við. í þeim
töluðum orðum er hann að velta fyrir
sér skreytingunni á eftirréttinum:
„Ætli maður eigi að borða þetta?“
Hvernig bragðast?
„Mjög gott,“ segja báðir.
Nú farið þið sjálfsagt heim að
yrkja?
„Já, við erum svo háttstemmdir
núna.“
MMSGOm
K A N A D A
.sjS x >> /

Viðskipti í Nova Scotia
einstakt sóknarfæri!

■

Fj'rirtæki af öllum stærðum o§ gerðum í Nova
Scotia leita eftir samstarfi við íslendinga.
Aðstæður til viðskipta í Nova Scotia eru mjög
hagstæðar. Flugleiðir munu hefja áætlunarflug
þangað 14. maí, tvisvar í viku. Þetta er einstakt
tækifæri fyrir framsækin íslensk fyrirtæki sem vilja
sækja á ný mið!
'JMk
Frekari upplýsingar:
Aðalræðisskrifstofa Kanada.
Suðurlandsbraut 10, 108 Reykjavík.
Merkt: Nova Scotia/Iceland Program
Sími: 568 0820.
Fax: 568 0899.
msm
Láttu sjá þig á Nova Scotia dögunum
sem haldnir verða dagana 22. - 24. maí nk. Hingað fjölmenna
fulltrúar ferða-, atvinnu- og menntamála með ítarlegar upplýsingar
urn land og þjöð í rnáli og niyndum.