Morgunblaðið - 11.05.1996, Blaðsíða 40

Morgunblaðið - 11.05.1996, Blaðsíða 40
40 LAUGARDAGUR 11. MAÍ 1996 MORGUNBLAÐIÐ BREF TIL BLAÐSINS Kringlan 1103 Reykjavík • Sími 5691100 • Símbréf 569 1329 • Netfang: lauga@mbl.is Upplýsingar til blaðamanna Frá Guðrúnu Þórsdóttur: MÁNUDAGINN 6. maí var haldin ráðstefna á vegum Rannís um Grænbók Evrópusambandsins. Tilefni þessa greinarkorns er ekki -annars ágæt ráðstefna, þar sem margt athyglisvert kom fram, heldur nokkur orð sem blaðamaður lét falla á síðustu mínútum hennar um tengsl atvinnulífs og skóla. Blaðamaðurinn kvaðst vera áhugamaður um tengsl atvinnu- lífs og skóla. í orðum hans kom fram að hann vissi bara um eitt fyrirtæki í Reykjavík sem tæki á móti nemendum í starfsfræðslu sem væri Grandi hf. Það er rétt hjá blaðamanni að Grandi tekur ekki bara á móti nokkrum nem- endum heldur heilu árgöngunum. Nú í vetur tók fyrirtækið á móti tveim heilum árgöngum þ.e. 11 ára fyrir jól og 12 ára eftir jól (vegna kennaraverkfallsins á síð- asta skólaári). Grandi er til fyrir- myndar fyrir þetta frábæra fram- tak og fyrirtækið hefur virkjað allt sitt starfsfólk til að taka á móti nemendum. Ég finn mig hins vegar knúna til að upplýsa áðurnefndan blaða- mann og aðra um að undanfarin 5 ár hafa yfír 130 stofnanir og fyrirtæki tekið á móti reykvískum nemendum í starfsfræðslu. Þar fer fram dýrmæt upplýsingamiðlun sem atvinnulífið leggur til nem- enda. Þessir fjölmörgu aðilar eiga miklar þakkir skilið. Upplýsingar Á upplýsingaöld þurfa allir að taka sig á til að miðla upplýsingum og taka við þeim. Rými fjölmiðla er ekki alltaf mikið til áð fjalla um skólamál þótt þess sjáist ótví- ræð merki að þar er að verða breyting á. Öll heimili landsins, sem hafa uppeldi barna og ungl- inga með höndum, tengjast skóla- málum ásamt þeim sem hafa at- vinnu af því að vinna í skólakerf- inu. Það er því ekki lítill markhóp- ur sem hefur bæði þörf og áhuga fyrir betri upplýsingar um skóla- heiminn. Gott tækifæri Ég lít á þetta tilefni sem kær- komið tækifæri til að koma á fram- færi fjöldaþátttöku atvinnulífs í að fræða nemendur. Óla Birni, blaðamanni, sendi ég þakkir fyrir að sýna góðan áhuga á tengslum atvinnulífs og skóla. GUÐRÚN ÞÓRSDÓTTIR, kennslufulltrúi á Fræðsluskrifstofu Reykjavíkur. Ohappaverk háskól- ans í Vatnsmýrinni Frá Jóhanni Óla Hilmarssyni og Ólafi K. Nielsen: HÚN er falleg sumargjöfin sem Háskóli íslands færir lífríki Tjarn- arinnar eða hitt þó heldur og þar teljum við að sannist hið forn- kveðna að sá sem á slíka vini hann þarf ekki á óvinum halda. Eins og borgarbúar vita er það í Vatns- mýrinni sem hjarta Tjarnarinnar slær; þaðan fær Tjörnin sitt vatn og þar eiga tjarnarfuglarnir varp- lönd. Fuglar eins og stokkönd, grágæs, stelkur, hrossagaukur, tjaldur, heiðlóa, sandlóa og margir fleiri fylla mýrina á vorin og sumr- in og garg þeirra, söngur og hátta- lag allt er til yndis öllum mönnum sem þangað koma í friði. Nú er þjófur í þessari paradís. I vor hóf háskólinn byggingar- framkvæmdir í einu blautasta stykkinu rétt austan Norræna hússins. Látum vera að þeir grafi sinn grunn og byggi sitt hús, en hvernig hafa þeir gengið frá byggingarsvæðinu? Öllum upp- grefti úr grunninum hafa þeir smurt þykkt yfir mýrina milli Norræna hússins og Eggertsgötu! Auðug varplönd eru nú auðn ein. Allt var þetta gert til að spara flutning á moldinni í burtu! Það kaldhæðnislega við þetta mál allt saman er að hið nýja hús á að hýsa jarðfræði- og líffræðiskorir háskólans, en þar sitja þeir menn sem hvað mest hafa tjáð sig um náttúruvernd á íslandi og er þeim væntanlega lítill greiði gerður með þessari umgengni. Allir vel- unnarar Tjarnarinnar hljóta að hafa skömm á þessu háttalagi háskólans og það er reyndar ill- skiljanlegt sérhverjum heilvita manni; svona gera menn einfald- lega ekki. Við viljum enda þetta bréf á því að skora á borgaryfirvöld að girða af strax í haust borgarfriðland í Vatnsmýrinni. Þetta er eina varp- landið sem eftir er í Vatnsmýrinni þar sem fuglarnir hafa möguleika á að vera í friði með egg sín og hreiður. JÓHANN ÓLIHILMARSSON, ÓLAFURK.NIELSEN, áhugamenn um verndun Tjarnarinnar og hafa starfað fyrir borgina sem eftirlitsmenn með tjarnarfuglunum. Mér þykir það Ieitt, Emelía. Það j næsta sem ég vissi var að mér og hundinum mínum var sparkað > út... Heyrðu! Hvað ertu að gera? Ég var ekki viss um að þú kæm- ir aftur svo að ég flutti svolítið af dótinu mínu yfir í þitt her- bergi... Allt efni sem birtist í Morgunblaðinu og Lesbók verður framvegis varðveitt í upplýsingasafni þess. Morgunblaðið áskilur sér rétt til að ráöstafa efninu það- an, hvort sem er með endurbirtingu eða á annan hátt. Þeír sem afhenda blaðinu efnitil birtingar teljast samþykkja þetta, ef ekki fylgir fyrirvari hér að lútandi.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.