Morgunblaðið - 14.05.1996, Page 46

46 ÞRIÐJUDAGUR 14. MAÍ 1996
MORGUNBLAÐIÐ
BRÉF • FORSETAKJÖR
I DAG
Opið bréf til ritstjóra
Morgiinblaðsins
Frá Sverrí Olafssyni:
UM ÁRABIL, hefur því verið haldið
því fram, með réttu, að Morgun-
blaðið geti státað af betra fjölmiðla
siðgæði, en flestir aðrir fjölmiðlar
á landinu. Sjálfur er ég þeirrar sömu
skoðunar, þó að þar séu auðvitað
undantekningar á. í Morgunblaðinu
eiga flest sjónarmið möguleika á
umfjöllun, innan eðlilegra siðgæðis-
marka. í ljósi þessa, brá mér heldur
í brún, þegar ég las grein eftir
Rannveigu Tryggvadóttur í Mbl. 7
maí sl. Mér segir svo hugur um,
að fleirum en mér hafí þótt siðgæð-
isþröskuldur Mbl. heldur hafa lækk-
að við birtingu þessarar dæmalausu
greinar. Rannveig ræðst með rætn-
um hætti að einum forsetafram-
bjóðendanna og vænir hann um að
vera málaliða sovésku leyniþjón-
ustunnar KGB. Hún hafi jú njósnað
og séð hvar hann hafi laumað sér
inn um hliðið við bústað sovéska
sendiherrans árið 1979. Þar með
er maðurinn orðin njósnari og leigu-
þý KGB. Ég hélt satt best að segja,
að rússagrýluhysterían sem þama
birtist, heyrði til liðinni tíð. Eitt af
vafsömum afrekum austur-þýskra
kommúnista, var að njósna um ná-
ungann og safna saman ótrúlegu
magni af óhróðri og bulli um eigin
þjóð, í stærsta skjalaskáp veraldar.
Þessu bulli var síðan beitt á seka
jafnt sem saklausa, þegar henta
þótti. Þessar sóðaaðferðir hafa síð-
an verið fordæmdar um allan hinn
siðmenntaða heim. Þetta virðist þó
hafa farið framhjá spæjaranum í
vesturbænum, Rannveigu Tryggva-
dóttur. Það er með öllu óskiljan-
legt, að Morgunblaðið skuli líða sið-
lausu fólki, að birta órökstuddar
og upplognar landráða- og
glæpadylgjur á sárasaklaust fólk,
með þeim hætti sem hér um ræðir.
Auðvitað dæma heimskuleg um-
mæli af þessu tagi sig sjálf dauð
og ómerk. Hitt er miklu alvarlegra,
ef sú breyting hefur orðið á rit-
stjómarstefnu stærsta dagblaðs
landsins, að forsetakosningum verði
hleypt upp í forarslag götulýðs með
annarlegar hvatir, með birtingu
slíkra skrifa. Því vil ég hreinlega
ekki trúa fyrr en ég tek á, en tel
að landsmenn eigi kröfu á svörum
ritstjómar þar um. Það sæmir ein-
faldlega ekki stöðu og virðingu
Morgunblaðsins meðal þjóðarinnar
að veita slíkum þvættingi brautar-
gengi. Það sama á auðvitað við um
aðra fjölmiðla landsins. Ábyrgð
þeirra er mikil og hana verða þeir
að axla af trúverðugleika en ekki
láta stjórnast af kæruleysi eða vafa-
sömum stundarhagsmunum. Það er
von mín og trú, að Morgunblaðið
verði, hér eftir sem hingað til, í
fararbroddi þeirra fjölmiðla sem ljá
rými máiefnalegum og drengilegum
málflutningi í kosningabaráttunni
sem framundan er, en hafni auvirði-
legum soraskrifum af því tagi sem
hér um ræðir. Þar er um að ræða
virðingu blaðsins og framtíðartiltrú,
ekki síður en virðingu þjóðarinnar
fyrir embætti forsetans, hver svo
sem að lokum kann að sigra I þeim
slag.
Með bestu kveðju.
SVERRIR ÓLAFSSON,
Kirkjuvegi llb, Hafnarfirði.
Hverjir spila á skamm-
tímamiimi fólks?
Frá Birgi Þórarinssyni:
ÞAÐ ER ágætis grein í Dagbók
Morgunblaðsins þann 4. maí síðast-
liðinn eftir Guðrúnu Egilson, þá
ágætis konu, sem margt gott lætur
frá sér fara. Þetta er Rabb Lesbók-
arinnar og ber yfirskriftina „Spilað
á skammtímaminnið". Já, ef ég
mætti vitna í þessa ágætu grein frú
Guðrúnar Egilson, þar sem hún
bendir á þá kunnáttumenn, sem
spila á þennan veikleika fólks. „I
þeim hópi eru til dæmis snjallir
markaðsmenn og snjallir stjóm-
málamenn enda tala menn nú kinn-
roðalaust um að markaðssetja
stjórnmál og hugsjónastefnur." Svo
segir seinna í greininni: „Við meg-
um ekki láta skammtímaminni villa
okkur sýn.“ (Tilvitnun lýkur.) Já,
hverjir skyldu nú spila á þetta
skammtímaminni fólks á þessari
tækniöld? Skyldi það ekki vera nær
okkur en sumir vilja halda.
Nú þegar forsetakosningar eru
að nálgast virðast ótrúlega margir
vera haldnir skammtímaminni, ef
marka má skoðanakannanir. Og
frambjóðendur virðast spila á
skammtímaminni fólks með svo
ósvífnum hætti, að með ólíkindum
er. Ég nefni nokkur dæmi. Eru
kennarar búnir að gleyma því þegar
forsetaframbjóðandinn Olafur
Ragnar Grímsson setti á þá hin
frægu bráðabirgðalög? Er Banda-
lag háskólamanna búið að gleyma
því þegar frambjóðandinn Ólafur
Ragnar Grímsson setti á þá bráða-
birgðalög og svipti þá lögbundnum
launahækkunum? Eru framsóknar-
menn búnir að gleyma þætti Ólafs
Ragnars Grímssonar í Möðruvallar-
hreyfingunni? Eru kjósendur búnir
að gleyma því þegar frambjóðand-
inn Ólafur Ragnar Grímsson kom
fram í sjónvarpi 1989, þegar hinn
illræmdi einræðisherra Rúmeníu
Ceaucescu og kona hans voru tekin
af lífí? Þar lýsti nefndur Ólafur
Ragnar heimsókn sinni til Ceauc-
escu með öðrum „friðarþingmönn-
um“ að hans sögn, sem hann hafði
þó þagað vandlega yfír í 2-3 ár eða
þar til Ceaucescu var allur? Svona
má lengi telja.
í Viðskiptablaðinu er minnst á
þátt Ólafs Ragnars sem eins skraut-
legasta stjómmálamanns í mörgum
flokkum. Þar er minnst á götu-
stráksummæli hans, er hann segir
forsætisráðherra hafa „skítlegt
eðli“. Er þetta sá forseti sem þjóðin
vill sjá? Óg Viðskiptablaðið heldur
áfram: Sagt er að enginn einn aðili
hafi átt meiri þátt í gjaldþroti Haf-
skips hf. en hann. Nú veit ég um
fyrrverandi starfsmann Hafskips,
sem sagðist „ætla að kjósa Ólaf
Ragnar“. Er fyrrverandi starfsfólk
Hafskips hf. búið að gleyma þætti
Ólafs Ragnars í gjaldþroti þess?
Og ekki má gleyma framgöngu
hans gegn forseta Hæstaréttar,
Magnúsi Thoroddsen, í brennivíns-
málinu hér um árið, en þá þótti
hann sýna óvenjulegt kaldlyndi.
Eins og Viðskiptablaðið segir:
„Slóðinn sem Ólafur Ragnar dregur
á eftir sér er svo langur að hann
verðskuldar kannski manna síst að
verða forseti íslenska lýðveldisins."
BIRGIR ÞÓRARINNSSON,
Skildinganesi 60, Reykjavík.
Ertu með bakveúZ
Kosmodisk
Kosmodisk er búnaður sem minnkar eða stillir sársauka í hryggnum.
Meðferðin tekur yfirleitt um 20 daga ef Kosmodisk-búnaðurinn er notaður í 3 klst. á dag.
► í fóum orðum sagt: Kosmodiskur er einfaldur í notkun og
hentar í amstri dagsins, í vinnu, heima, í bílnum og í íþróttum.
Upplýsingar og pöntun í síma 552 4945
VELVAKANDI
Svarar í síma 569 1100 frá 10-12 og 14-16
frá mánudegi til föstudags
Netfang: lauga@mbl.is
Kirkjumunir
GETUR einhver sagt
mér hvað varð af verslun
Sigrúnar Jónsdóttur,
Kirkjumunir, í Kirkju-
stræti, eða hvar ég get
keypt munina sem voru
til sölu í versluninni. Geti
einhver liðsinnt mér er
hann beðinn að hringja í
síma 557-4138.
Tapað/fundið
Video-myndavél
tapaðist
RICHO myndbandsupp-
tökuvél í svartri tösku
með filmu í tapaðist við
verslun í Dugguvogi fyrir
u.þ.b. mánuði síðan. I
töskunni voru m.a. raf-
hlöður, fílmur, heyrnar-
tæki o.fl. Viti einhver um
vélina er hann beðinn að
hringja í síma 553-3367.
Húfa tapaðist
SVÖRT húfa merkt „Or-
lando Magic“ tapaðist í
Laugardalnum fimmtu-
daginn 2. maí sl.
Finnandi er vinsamlega
beðinn að hringja í síma
568-5984 eftir hádegi.
Gullúr tapaðist
GAMALT kvengullúr
tapaðist 8. maí í Gnoðar-
vogi. Vinsamlegast hafið
samband í síma
581-1069.
Gullnæla
tapaðist
GULLNÆLA með stafn-
um P tapaðist að öllum
líkinum fyrir utan Garða-
holt í Álftanesi 6. maí sl.
Finnandi vinsamlegast
hafi samband við Huldu
565-6332.
Hanskar
töpuðust
SVARTIR kvenleður-
hanskar töpuðust í Foss-
vogi laugardaginn 4. maí
sl. Finnandi vinsamlega
hringi í síma 553-2884.
Gæludýr
Týndur köttur
KOLSVÖRT, eyma-
merkt læða með gula
hálsól fór frá Vallengi 1
sl. föstudag, en hún flutti
þangað með eigendum
sínum þann sama dag.
Hún þekkir sig því ekk-
ert í hverfínu og hefur
alltaf verið inniköttur.
Það er ekert víst að hún
láti nokkurn ná sér, en
hafi einhver orðið ferða
hennar var er hann beð-
inn að hringja í síma
586-1084.
Farsi
SKÁK
Umsjðn Margeir
Pétursson
HVITUR leikur
og vinnur
Staðan kom upp á al-
þjóðlegu kvennamóti í
Belgrad í vor í viðureign
tveggja fyrrverandi
heimsmeistara kvenna,
sem báðar eru frá Georg-
íu. Maja Tsjíburdanidze
(2.515) hafði hvítt og átti
leik, en Nona Gaprindas-
hvili (2.380) var með
svart.
14. Hh8+! - Kxh8 15.
Rxf7+ - Hxf7 16.
Dxd8+ - Kg7 17. Rxf6
— Rxf6 18.0-0-0 og Nona
gafst upp, því hún hefur
alltof litlar bætur fýrir
drottninguna.
Þessar tvær
skákkonur
tefldu einmitt
spennandi ein-
vígi um heims-
meistaratitilinn
árið 1978 og
einnig þá hafði
Maja betur.
Hún missti titil-
inn árið 1991 til
kínversku stúlk-
unnar Xie Jun,
sem tapaði hon-
um nú í febrúar til Zsuzsu
Polgar, elstu Polgar-syst-
urinnar.
Úrslitin í Belgrad: 1.
Chiburdanidze 9 v. af 11,
2. Pia Cramling 8 v., 3.
Galliamova-ívantsjúk,
Úkraínu 7‘A v., 4—5.
Nana Ioseliani, Georgíu
og Alisa Maric, Júgó-
slavíu 7 v. Gaprindashvili
varð í níunda sæti af 12
keppendum með fjóra
vinninga.
Með morgunkaffinu
Ást er...
6-5
... aðgeta hlaupiðí
fang einhvers þegar
úti eru þrumur og
eldingar.
TM Reg U.S. P«t Oft. — all nghta rMervad
(C) 1996 Loa Angeles Timea SynOcate
VAKNAÐU góurinn! Hér
er maður frá „Góðu út-
faraþjónustunni“ sem vill
eiga við þig orð.
NEI, pabbi minn
er ekki heima.
HVERNIG finnst þér að
vera búinn að fá eigin
skrifstofu?
Yíkveiji skrifar...
VÍKVERJI hefur furðað sig á
því undanfarnar vikur, hvað
mikið er um endursýningar á Stöð
2 og á hvaða tímum vikunnar þær
eru. Þetta veldur mikilli óánægju
þeirra, sem á annað borð horfa á
sjónvarp eitthvað að ráði. Það væri
til bóta fyrir áhorfendur, ef þess
væri getið í sjónvarpsdagskrám, að
um endursýningu væri að ræða,
hvenær myndin hafi verið sýnd í
fyrsta sinn og hvenær hún hafi
verið sýnd í annað sinn. Þess er
getið, þegar um lokasýningu er að
ræða, sem væntanlega er þá í þriðja
sinn.
Ætla hefði mátt að aukin sam-
keppni á sjónvarpsmarkaðnum
leiddi til betra myndefnis í sjón-
varpsstöðvum. Svo virðist ekki vera.
Hvað veldur? Er samkeppnin orðin
svo dýr, að kostnaðarauka af henn-
ar völdum verði ekki mætt nema
með því að sýna ódýrara efni?
VÍKVERJI hefur hvað eftir ann-
að orðið fýrir því, að ferskur
ananas, keyptur í Hagkaupsbúðinni
í Kringlunni síðustu tvær vikur eða
svo, hefur reynzt óhæfur til neyzlu.
Hvað veldur?
xxx
ENN furða sig á því fyrir-
komulagi, að utankjörstaða-
atkvæðagreiðsla vegna forsetakosn-
inga er hafín, þótt framboðsfrestur
sé ekki runninn út. Fram hefur kom-
ið, að þetta kerfí var tekið upp með
lagabreytingu á árinu 1987 að ósk
framkvæmdastjóra stjórnmála-
flokka.
Sennilega hefur þetta vakið litla
athygli til þessa vegna þess, að
óvænt framboð hafa ekki komið
fram á síðustu stundu vegna þing-
kosninga. Öðru máli gegnir nú í
forsetakosningum, þegar allt getur
gerzt fram á síðasta dag. Þá kemur
bezt í ljós hversu fáránlegt þetta
ákvæði er. Einhver framtakssamur
alþingismaður ætti að taka þetta
mál til umræðu á Alþingi nú í vor
og kanna jarðveg fýrir breytingum
á lágaákvæði sem er út í hött.
XXX
OKKURRAR óánægju gætir
hjá þeim, sem starfa að und-
irbúningi forsetakosninga fyrir ein-
staka frambjóðendur, að fjölmiðlar
sinni þeim lítt fram að þessu. Auðvit-
að er ljóst, að fjölmiðlum ber skylda
til að sinna forsetakosningum þann-
ig að frambjóðendur geti komið sjón-
armiðum sínum á framfæri.
Reynsla fjölmiðlanna er hins vegar
sú, að lesendur og áhorfendur og
hlustendur eiga erfitt með að sætta
sig við, að fjölmiðlar séu undirlagðir
í kosningabaráttu vikum og jafnvel
mánuðum saman, eins og tíðkaðist
fyrir nokkrum áratugum. Þess vegna
má búast við því, að kosningabarátt-
an vegna forsetakosninganna tak-
markist að mestu við síðustu 2-3
vikumar fyrir kjördag.