Morgunblaðið - 14.05.1996, Blaðsíða 56
MORGUNBLAÐID, KRINGLAN 1, 103 REYKJAVÍK, SÍMl 569 1100, SÍMBRÉF 569 1181,
PÓSTHÓLF 3040, NETFANG MBUSCENTRUM.IS / AKUREYRI: HAFNARSTRÆTI 85
ÞRIÐJUDAGUR 14. MAÍ 1996
VERÐ í LAUSASÖLU 125 KR. MEÐ VSK
Félagsmálanefnd Alþingis gerir frekari breytingar á stéttarfélagafrumvarpi
Þröskuldar lækka og ekki
vísað til fjöldauppsagna
FÉIAGSMÁLANEFND Alþingis afgreiddi í
gærkvöldi frumvarpið um stéttarfélög og vinnu-
deilur. Nefndin gerði tvær breytingar á frum-
varpinu frá því, sem þegar var orðið. Annars
vegar eru „þröskuldar", þ.e. hlutfall félagsmanna
í stéttarfélagi sem þarf að taka þátt í atkvæða-
greiðslu tii að fella kjarasamning eða boða til
verkfalls, lækkaðir úr fjórðungí í fimmtung.
Hins vegar er ekki vísað sérstaklega til fjölda-
uppsagna þar sem vinnustöðvun er skilgreind.
Frumvarpið, með þessum breytingum, var
samþykkt með atkvæðum stjórnarliða gegn at-
kvæðum stjórnarandstöðunnar.
Eftir fyrri breytingar nefndarinnar á frum-
varpinu voru allir „þröskuldar" miðaðir við fjórð-
ung atkvæðaskrár í viðkomandi stéttarfélagi.
Nú lækkar nefndin þrjá þessara þröskulda í
fimmtung félagsmanna. Það stendur hins vegar
óbreytt að til þess að fella miðlunartillögu sátta-
semjara verður fjórðungur atkvæða samkvæmt
atkvæða- eða félagaskrá að vera á móti henni.
Þá er felld úr frumvarpinu sérstök tilvísun til
fjöldauppsagna, þar sem vinnustöðvun er skil-
greind. Það þýðir þó ekki, samkvæmt nefndar-
áliti meirihlutans, að fjöldauppsögnum sé aldrei
hægt að jafna til vinnustöðvunar.
Mikið tillit tekið til stéttarfélaga
Siv Friðleifsdóttir, varaformaður félagsmála-
nefndar og talsmaður stjórnarmeirihlutans, seg-
ir að gerðar hafi verið verulegar breytingar á
frumvarpinu í meðförum Alþingis og mikið tillit
tekið til athugasemda stéttarfélaga og ábendinga
Lagastofnunar Háskóla íslands. „Eins og frum-
varpið lítur út núna er það mjög í frelsisátt fyr-
ir þá, sem eru í stéttarfélögum," segir Siv. „Þetta
verður til þess, að fólki gefst sjálfu kostur á að
kjósa um hvort það vill fara í verkfall og um
afgreiðslu kjarasamninga."
Mun valda ósköpum næsta vetur
Frumvarpið er afgreitt úr nefndinni í algerri
óþökk og andstöðu verkalýðshreyfingarinnar,
að sögn Ara Skúlasonar, framkvæmdastjóra
ASÍ. Ari segir að ekki hafi verið komið á neinn
hátt til móts við sjónarmið stéttarfélaga; ASÍ
hafi aldrei beitt fjöldauppsögnum og það skipti
litlu hvort þröskuldar miðist við fjórðung eða
fimmtung félagsmanna. „Þetta mun valda hér
ósköpum næsta vetur og næstu kjarasamningar
munu snúast um þessi lög, ef þau verða sett,
og ekkert annað. Ríkisstjómin og stjórnarmeiri-
hlutinn geta ekki sagt að þau hafi ekki verið
vöruð við,“ sagði Ari.
Bana-
slysá
Sauðár-
króki
Sauðárkróki. Morgunblaðið.
ÁTJÁN ára gömul stúlka lézt
í hörðum árekstri á Strand-
vegi, nokkru austan Hegra-
brautar á Sauðárkróki, um
kl. 17 í gær.
Vörabifreið, hlaðin áburði,
var á leið austur Strandveg-
inn, en stúlkan ók fólksbif-
reið á leið til Sauðárkróks.
Ekki er vitað hvernig óhappið
varð, en talið er að stúlkan
hafi látizt samstundis.
Ekki er hægt að greina frá
nafni stúlkunnar að svo
stöddu.
Viðræður um norsk-íslensku síldina
ESB svarar boði
á næstu dögum
EVROPUSAMBANDIÐ mun svara
því á næstu dögum hvort það þekk-
ist boð íslands, Noregs, Rússlands
og Færeyja um að efna til viðræðna
um nýtingu norsk-íslenzka síldar-
stofnsins.
Fulltrúar síldveiðilandanna flög-
urra áttu í gær fund með embættis-
mönnum úr utanríkis- og sjávarút-
vegsdeildum framkvæmdastjórnar
Evrópusambandsins í Brussel. Að
sögn Guðmundar Eiríkssonar, aðal-
samningamanns Isiands, afhentu
löndin sameiginlega orðsendingu,
þar sem ESB er boðið til viðræðna.
I orðsendingunni er jafnframt lýst
áhyggjum af því að sambandið hafi
tekið sér síldarkvóta, sem hvorki
styðjist við sögulegar veiðar né dreif-
ingu stofnsins.
Fulltrúar Evrópusambandsins
sögðust ekki myndu taka afstöðu til
boðsins um viðræður á þessu stigi,
en að síldveiðilöndunum yrði gefið
svar á næstu dögum.
Aukinn styrkur strandríkjanna
„Það var styrkur að því að vera í
þessum félagsskap og geta talað í
nafni allra strandríkjanna í fyrsta
sinn,“ segir Guðmundur. „Ég fann
fyrir aðstöðumuninum og ég held að
Évrópusambandið hafí líka orðið vart
við styrkinn okkar megin.“
ANDLÁT
ÞÓRARINN
ÞÓRARINSSON
ÞÓRARINN Þórarins-
son, fyrrverandi rit-
stjóri og alþingismaður,
lést í gær, 81 árs að
aldri. Þórarinn var um
áratugaskeið afkasta-
mikill blaðamaður, rit-
stjóri Tímans í nærri
hálfa öld, og einn af
A^-Jéorystumönnum Fram-
sóknarflokksins.
Þórarinn var fæddur
í Ólafsvík 19. septem-
ber 1914. Foreldrar
hans voru Þórarinn
Þórðarson sjómaður og
Kristjana Magnúsdótt-
ir. Þórarinn var við nám
í Samvinnuskólanum 1931-1933. Að
námi loknu hóf hann starf sem blaða-
maður á Tímanum. Hann varð rit-
stjóri Nýja dagblaðsins 1936, aðeins
22 ára gamall. Árið 1938 var honum
falið að ritstýra Tímanum og því
't*r“Starfi gegndi hann til ársins 1984.
Hann var handhafi blaðamannaskír-
teinis númer 1.
Þórarinn tók virkan þátt í starfi
Framsóknarflokksins. Hann var
fyrsti formaður Sambands ungra
framsóknarmanna 1938-1944. Hann
var þingmaður Reykvíkinga 1959-
1978. Þórarinn sat í miðstjóm Fram-
sóknarflokksins í áratugi og var for-
maður þingflokks fram-
sóknarmanna 1971-
1978.
Þórarinn starfaði
mikið að utanríkismál-
um fyrir Framsóknar-
flokkinn. Hann sat í
utanríkismálanefnd Al-
þingis 1959-1978 og
var formaður nefndar-
innar 1971-1978. Hann
var fulltrúi í undirbún-
ingsnefnd hafréttarráð-
stefnunnar 1971-1973
og fulltrúi á hafréttar-
ráðstefnunni 1973-
1982. Hann sat margoft
sem fulltrúi íslands á
Allsheijarþingi Sameinuðu þjóðanna.
Þórarinn sat í fjölmörgum nefnd-
um og ráðum á starfsævi sinni. Hann
átti sæti í útvarpsráði í mörg ár, sat
í kosningalaganefnd, nefnd um end-
urskoðun á þingsköpum Alþingis og
í stjórn Fiskimálasjóðs.
Éftir Þórarin liggja fjölmargar
blaðagreinar um margvísleg efni.
Hann ritaði einnig sögu Framsókn-
arflokksins, sem út kom í þriggja
binda ritröð undir nafninu Sókn og
sigrar.
Eftirlifandi eiginkona Þórarins er
Ragnheiður Þormar. Þau eignuðust
þijú börn.
mui guiiuiauiu/ ivi lovjcvn ivi lovjcviioovii
GÍFURLEGA miklar torfur voru á síldarmiðunum um helgina, en síldin stóð nokkuð djúpt. Myndin
er tekin um borð í Súlunni frá Akureyri, en hún landaði í gærmorgun í Neskaupstað.
Islensk nótaveiðiskip fá góðan afla í Síldarsmugunni
Mörg skip koma í land
með rifnar síldarnætur
MÖRG nótaveiðiskipin, sem eru við
veiðar í Síldarsmugunni, hafa orðið
fyrir tilfinnanlegu veiðarfæratjóni.
Síldin stendur djúpt og eiga skip-
verjar í miklum erfiðleikum með að
fá hæfilega stór köst, sem síldar-
næturnar þola. Lárus Grímsson,
skipstjóri á Júpíter, segir að að-
stæður á miðunum séu þannig að
veiðin sé ekki nema fyrir stór skip
með öflugar og góðar nætur.
Síldin á hraðri leið norður
Rúmlega 30 íslensk skip hafa
hafið veiðar úr norsk-íslenska
síldarstofninum. Flest skipanna eru
búin að fara í eina veiðiferð. Júpít-
er kom til heimahafnar á Þórshöfn
í gær með tæplega 1.200 tonn, sem
skipið fékk í tveimur köstum um
320 sjómílur austur af Sléttu.
Lárus Grímsson sagði að síldin
væri á hraðri norðurleið og allt út-
lit væri fyrir að hún myndi ekki
hafa frekari viðdvöl í íslenskri lög-
sögu, en hennar var vart þar fyrir
helgi. Búast mætti við að íslensku
skipin myndu -veiða stóran hluta
síldarinnar í Jan Mayen-lögsög-
unni. „Það gætu þó fleiri síldartorf-
ur verið á leiðinni, sem gengju
lengra inn í íslénska lögsögu en
þessi virðist ætla að gera,“ sagði
Lárus.
Lárus sagði að síldin væri á miklu
dýpi stærsta hluta sólarhringsins.
Torfan væri mjög þétt og þess
vegna væri erfitt að eiga við hana.
Skipin væru ýmist að fá ekkert í
kasti eða svo gríðarlega mikið að
mikil hætta væri á að síldarnæturn-
ar rifnuðu.
Loðna austur af Langanesi
Síldveiðiskipið Svanur fann í gær
stóra loðnutorfu 30-50 mílur austur
af Langanesi. Lárus sagði þetta
vísbendingu um að ástand loðnu-
stofnsins væri gott og að búast
mætti við að gefinn yrði út mjög
stór loðnukvóti í sumar. Loðnuveið-
ar mega hefjast 1. júlí, en sjómenn
og útgerðarmenn þrýsta nú á
stjórnvöld að flýta upphafi vertíðar.
■ Nóg af síldinni/28-29