Morgunblaðið - 25.05.1996, Blaðsíða 16
16 LAUGARDAGUR 25. MAÍ 1996
AKUREYRI
MORGUNBLAÐIÐ
Messur
AKURERYARKIRKJA: Há-
tíðarguðsþjónusta kl. 11 á
hvítasunnudag. Kór Akur-
eyrarkirkju syngur undir
stjóm Björns Steinars Sól-
bergssonar. Þeir sem fagna
fermingarafmæli eru sérstak-
lega boðnir velkomnin. Guðs-
þjónusta á FSA kl. 14, einnig
á sama tíma í Seli og kl. 16
er messa í Hlíð.
GLERÁRKIRKJA: Há-
tíðarmessa verður í kirkjunni
hvítasunnudag kl. 11. Ath.
breyttan messutíma.
HJÁLPRÆÐISHERINN:
Hermannasamkoma á morg-
un kl. 17, bænastund kl. 19.30
og samkoma kl. 20. Majorarn-
ir Junid og Knut Gamst ásamt
fleirum taka þátt.
HVÍTASUNNUKIRKJAN:
Hátíðarsamkoma á morgun,
ræðumaður Mike Beltamy,
forstöðumaður Winyard-
kirkjunnar á Keflavíkurvelli.
Lofgjörðarsveit kirkjunnar
syngur ásamt einsöngvurum,
kaffiveitingar að lokinni sam-
komu. Afmælistónleikar
verða annan hvítasunnudag
kl. 15, tónlistarfólk kirkjunn-
ar, kór, kvartett, tríó og ein-
söngvarar sjá um tónlistar-
veislu. Biblíulestur á miðviku-
dag og bæn og lofgjörð á
föstudag.
KAÞOLSKA KIRKJAN:
Messa í dag, laugardag, kl.
18 og á morgun, sunnudag,
kl. 11.
Jónas leik-
ur á píanó
JÓNAS Ingimundarson heldur
píanótónleika í Safnaðarheim-
ili Akureyrarkirkju næstkom-
andi þriðjudagskvöld, 28. maí,
kl. 20.30.
Á efnisskránni eru verk eft-
ir þijá meistara, Mozart, Beet-
hovern og Chopin. Fantasíu
og Rondó eftir Mozart, sónötu
í f-mo!I op. 57 eftir Beethoven
og eftir hlé flytur Jónas sjö
Polonesur eftir Chopin.
Um þessar mundir eru 30
ár liðin frá því Jónas Ingi-
mundarson lét fyrst í sér heyra
á tónleikum og minnist hann
þeirra tímamóta með þessum
hætti.
Kór Akureyrar-
kirkju
Vortónleikar
KÓR Akureyrarkirkju undir
stjórn Björns Steinars Sól-
bergssonar heldur árlega vor-
tónleika sína í kirkjunni á
hvítasunnudag kl. 17. Flutt
verður blanda af íslenskri og
erlendri tónlist, en öll verkin
verða sungin án undirleiks.
Kórinn flytur sömu efnisskrá
í Langholtskirkju miðviku-
dagskvöldið 19. júní næstkom-
andi.
Kórinn er á leið í tónleika-
ferðalag til Kanada í júní og
er efnisská tónleikanna á
morgun að uppistöðu sú sama
og flutt verður vestra. Áhersla
er lögð á kirkjutónlist, íslensk
ættjarðarlög og íslensk þjóð-
lög.
Upplestur á
Karólínu
LJÓÐAUPPLESTUR verður á
Kaffi Karólínu í kvöld, laugar-
dagskvöldið 25. maí og hefst
kl. 21.
Jónas Þorbjarnarson les upp
úr bók sem væntanleg er með
haustinu og Álfheiður Hanna
F'riðriksdóttir les úr nýútko-
minni bók, Spegill undir ljögur
augu, eftir móður sína, Jó-
hönnu Sveinsdóttur sem lést
af slysförum á síðasta ári.
lættum tónlistaratriðum verð-
ur fléttað inn í lesturinn.
Málverk í
Deiglunni
ERLINGUR Jón Valgarðsson
opnar málverkasýningu í
Deiglunni, Kaupvangsstræti í
dag, laugardag kl. 16. Sýning-
in stendur yfir í níu daga og
er opin daglega frá kl. 14 til
18.
Bygging þriðju hæðar ofan á Hótel Norðurland án lyftu
Kæra Sjálfsbjargar enn óaf-
greidd í umhverfisráðuneyti
Glerárgötu 28 - Akureyri
Áskriftarsími 462 4966
JÓN Ragnarsson eigandi Hótels
Norðurlands telur vinnubrögð
umhverfisráðuneytis við afgreiðslu
á kæru Sjálfsbjargar vegna fyrir-
hugaðrar byggingar þriðju hæðar
við hótelið forkastanleg. Sjálfs-
björg kærði málið síðasta haust,
þar sem lyfta var ekki í húsinu,
en það hefur ekki verið afgreitt
frá ráðuneytinu. Byggja átti hæð-
ina í vetur og var búið að bóka í
herbergin nú í sumar.
Aðstæður bjóða
upp á stækkun
Jón keypti hótelið fyrir tveimur
og hálfu ári og hefur rekstur þess
gengið vel þann tíma. Á hótelinu
eru 28 herbergi, en Jón sagði að
menn hefðu séð ákveðna hagræð-
ingu í því að fjölga herbergjum
og allar aðstæður byðu upp á
stækkun þess með því að byggja
eina hæð ofan á það og fjölga
herbergjum um 11, þannig að þau
yrðu alls 39. Yrði það skilyrði sett
að lyfta þyrfti að vera í húsinu
sagði Jón fjárhagslegan grundvöll
sta kkunar brostinn. Auk þess að
hækka kostnað við bygginguna
um eina milljón króna á herbergi
yrði að taka þrjú herbergi undir
lyftuna sem gerði að verkum að
alls ekki borgaði sig að leggja út
í framkvæmdir.
Bygginganefnd Akureyrarbæj-
ar og bæjarstjórn samþykktu á
liðnu hausti byggingu hæðarinnar
án þess að lyfta yrði sett í húsið.
Eigendur hótelsins létu þá teikna
viðbótarbyggingu og sömdu við
verktaka um smíðina. Sjálfsbjörg,
félag fatlaðra kærði málið til um-
hverfisráðuneytis síðla árs og
sagðist Jón hafa gert mönnum í
ráðuneytinu grein fyrir því að
brýnt væri að fá úrskurð þess hið
fyrsta. Yrði ekki fallist á bygging-
una án lyftu hefði hann hug á að
snúa sér að öðrum verkefnum. „Ég
óskaði eftir því að afgreiðslu máls-
ins yrði hraðað, en það hefur ver-
ið teygt í allan vetur og fram á
vor og ekki verið afgreitt enn,
þetta eru að mínu mati forkastan-
leg vinnubrögð,“ sagði Jón.
Hann sagðist vissulega
hafa samúð með sjónarm-
iðum Sjálfsbjargar, það
væri slæmt að aðgengi
fatlaðara væri ekki betra.
Húsið hefði verið byggt á
þeim tíma þegar ekki var
tekið mið af aðgengi fyrir
fatlaða sérstaklega og þó
svo að byggð væri hæð
ofan á hótelið nú væri
ekki um að ræða skref
aftur á bak hvað varðar
aðgengi fatlaðra um hús-
ið. Hann hefði beðið um
álit sérfræðinga, sem voru
á einu máli um að ekki
væri hægt að bæta að-
gengi fatlaðra um húsið
nema með ærnum til-
kostnaði sem kippti
grundvelli undan rekstri
hótelsins.
Jón sagði að tafir á
framkvæmdum þar sem
úrskurð ráðuneytis vantar hefðu
valdið mikilum vandræðum og
álitshnekki, en bókað var í her-
bergin á þeim tíma sem menn
töldu að leyfi hefði fengist fyrir
byggingunni.
Morgunblaðið/Kristján
LINDA Björk með dóttur sinni Þórunni Björk, en þær sluppu
með skrekkinn þegar hliðið féll ofan á höfuð systur Lindu.
Fellihlið lenti á
höfði unglingsstúlku
Laus úr
gæslu-
varðhaldi
ÁBÚANDI á bæ í Öxnadal sem
setið hefur í gæsluvarðhaldi
undanfarið vegna láts konu heima
á bæ hans var látinn laus á fimmtu-
dagskvöld, en gæsluvarðhaldsúr-
skurður rann út í gær.
Gæsluvarðhald
tvívegis framlengt
Bóndinn kallaði til lækni og
sjúkrabifreið að bæ sínum laugar-
dagskvöldið 27. apríl síðastliðinn
en systir hans sem var gestkom-
andi hjá honum var þá látin. Að-
stæður á vettvangi þóttu benda til
að dauða hennar hefði ekki borið
að með eðlilegum hætti og var
maðurinn úrskurðaður í gæslu-
varðhald meðan á rannsókn máls-
ins stóð. Það hefur tvívegis verið
framlengt í Héraðsdómi Norður-
lands eystra.
Niðurstaða réttarkrufningar
liggur fyrir en ekki þykir fyllilega
ljóst hver dánarorsök var. Talið er
að nokkrir samverkandi þættir
hafi leitt til dauða konunnar, m.a.
fundust á henni áverkar en einnig
er bent á að hún hafi verið astma-
sjúklingur.
Rannsókn málsins er að ljúka
og verður það sent ríkissaksóknara
fljótlega eftir helgina, en hann tek-
ur ákvörðun um framhald þess,
hvort ákært verður í málinu eða
ekki.
UNGLINGSSTÚLKA slasaðist á
höfði þegar hún varð undir fjar-
stýrðu fellihliði sem var að lokast
og lenti á höfði hennar um miðjan
dag í gær. Stúlkan var flutt með
sjúkrabifreið á slysadeild FSA en
fékk að fara heim að lokinni að-
hlynningu.
Fellihliðið er í sundinu á milli
Skipagötu 14 og 16 og þar er mik-
il umferð gangandi fólks. Stúlkan
gekk undir hliðið á eftir bifreið sem
þar fór í gegn en hliðið fellur sjálf-
krafa niður þegar ekið er út úr
stæðinu, en því er fjarstýrt þegar
ekið er inn á bílastæðið.
Systir stúlkunnar, Linda Björk
Sævarsdóttir, var með henni þegar
slysið varð, ásamt dóttur sinni,
Þórunni Björk Steingrímsdóttur.
Lindu Björk var að vonum brugðið
en hún sagði að systir sín hafi ver-
ið með rænu þegar sjúkrabíllinn fór
með hana en átt erfitt með gang.
Margir telja þetta fellihlið mikla
slysagiídru og í að minnsta kosti
tvígang áður hafa orðið svipuð slys,
eftir því sem Morgunblaðið kemst
næst.