Morgunblaðið - 23.08.1996, Blaðsíða 10

10 FÖSTUDAGUR 23. ÁGÚST 1996
MORGUNBLAÐIÐ
FRÉTTIR
Morgunblaðið/Ásdís
BORGARSTJÓRINN í Reykjavík, Ingibjörg Sólrún Gísladóttir,
læsir farskjóta sínum fyrir utan Ráðhúsið í gærmorgun.
RAGNHEIÐUR Steindórsdóttir og sonur hennar, Steindór Grétar
Jónsson, voru á hjólunum sínum niðri á Austurvelli. Ragnheiður
kvaðst hjóla mikið, yfirleitt væri maðurinn hennar á bílnum.
Henni þykir hjálmurinn ekki fallegt höfuðfat og var fljót að svipta
honum af sér fyrir myndatökuna, en sagði þó að það hvarflaði
ekki að sér annað en að nota hann.
Hvíldardagur einkabílsins í Reykjavík
Bílarnir fengu
litla hvíld
HALDIÐ var upp á hvíldardag
einkabílsins í Reykjavík í gær.
Borgaryfirvöld höfðu hvatt fólk til
að skilja bílinn eftir heima og nota
þess í stað strætisvagna, hjóla eða
ganga. Ekki var þó um að ræða
neins konar bann við notkun bíla.
Samkvæmt upplýsingum frá lög-
reglunni í Reykjavík var ekki merkj-
anlegur munur á bílaumferð um
götur borgarinnar_ og sömu sögu
hafði Runólfur Ólafsson, fram-
kvæmdastjóri Félags íslenskra bif-
reiðaeigenda, að segja.
Vegfarendur, sem blaðamaður
og Ijósmyndari Morgunblaðsins
hittu í miðbænum í gærdag, kváð-
ust þó margir hvetjir hafa hjólað,
gengið eða tekið strætó í vinnuna,
en voru ekki jafnvissir um að á því
yrði framhald að átakinu loknu. Þó
virtist sem margir hefðu vaknað til
umhugsunar um ferðamátann.
Þá fengust þær upplýsingar hjá
Strætisvögnum Reykjavíkur að
mjög merkjanleg aukning hefði orð-
ið á fjölda farþega í gær.
Víða um borgina voru uppákom-
ur í tilefni dagsins. Má þar nefna
morgunleikfimi á skiptistöðvum
SVR, götuleikhús í strætisvögnum,
þolpróf og blóðþrýstingsmælingar,
reiðhjólaviðgerðir, hjólreiðafím-
leika, gönguferðir og bátsferðir.
Borgar-
stjórinn
hjólaði í
vinnuna
INGIBJöRG Sólrún Gísladóttir
hvíldi borgarstjórabílinn og
hjólaði til vinnu sinnar í Ráðhús-
inu í gærmorgun.
Borgarsfjórinn blés ekki úr
nös þegar þangað kom, enda
ekki nema um fimm mínútna
hjólatúr frá heimili hennar á
Hagamel.
Ingibjörg Sólrún er ekki óvön
því að hjóla. „Ég hjólaði alltaf
þegar ég var niðri í þingi. Það
lagðist þó að mestu af þegar
ég varð borgarstjóri. Ég var
alltaf að lenda í vandræðum
með að koma bílnum á milli
staða. Þegar ég hjólaði niður í
ráðhús, þurfti ég kannski á bíln-
um að halda til að skjótast eitt-
hvað og þá var hann heima.
Stundum fór ég á bílnum í vinn-
una og labbaði heim - og þurfti
svo að nota bílinn um kvöldið,
en gat það ekki, því að hann
var niður frá! Þannig að vanda-
málið var ekki að koma sjálfri
mér á milli staða, heldur bíln-
um,“ sagði borgarstjórinn.
Morgunbladiö/Asdis
ÞEIR félagarnir Gunnar Kjartansson og Jóhann Haraldsson voru
mættir niður á Ingólfstorg í hádeginu á fjallahjólum sínum. Þeim
bar saman um þáð að á vinnustöðum beggja, Borgarskipulagi
Reykjavíkur og Seðlabanka íslands hefði orðið helmings aukning
á reiðhjólanotkun á hvíldardegi einkabílsins.
Morgunblaðið/Jón Svavarsson
BOÐIÐ var upp á bátsferðir milli Nauthólsvíkur og Kópavogshafnar. Veðrið lék við bátsverja og
íslenski fáninn blakti fallega í golunni.
Morgunblaðið/Ásdís
Morgunblaðið/Ámi Sæberg
HÉR má sjá hluta gönguhóps félagsstarfs aldraðra í Hraunbæ. Frá vinstri: Sigríður Magnúsdóttir,
Lilja Siguijónsdóttir, Andrea Þórðardóttir, Stefán Jónsson, Dóra Halldórsdóttir, Jastrid Pétursdótt-
ir og Asa Sæmundsdóttir. Þau tóku strætisvagn úr Arbænum niður á Hlemm og gengu svo niður
Laugaveginn og niður á Ingólfstorg í tilefni dagsins.
ÁRNESIÐ lét úr höfn í Hafnarfirði árla morguns á hvíldardegi
einkabilsins. Innanborðs voru tíu Hafnfirðingar á leið til vinnu
sinnar í Reykjavík, sumir höfðu reiðhjól meðferðis, aðrir skildu
bílinn eftir - á bryggjunni.