Morgunblaðið - 17.11.1996, Blaðsíða 41

MORGUNBLAÐIÐ
SUNNUDAGUR 17. NÓVEMBER 1996 41
I
;
I
i
i
1
í
í
(
1
<
BRÉF TIL BLAÐSIINIS
Rökþrot um LIN
Boð og bönn í
ferðamennsku
Frá Birni Bjarnasyni:
HINN 14. ágúst 1996 kom náms-
maður í Háskóla íslands á minn
fund og greindi mér frá vandræðum
sínum, sem tengdust í senn reglum
Lánasjóðs íslenskra námsmanna
(LÍN) og námsbrautar í hjúkrunar-
fræðum við Háskóla íslands.
Reglur námsbrautarinnar eru á
þann veg, að einungis námsmenn,
sem ljúka öllum prófum fyrsta miss-
eris með fullnægjandi árangri koma
til álita í sambandi við áframhald-
andi nám. Með öðrum orðum þarf
námsmaður að ljúka öllum prófum
fyrsta misseris til að geta haldið
áfram námi.
Samkvæmt lögum og úthlutunar-
reglum LÍN þarf námsmaður að
hafa skilað vottorði um tilskilda
skólasókn og námsárangur til að fá
veitt námslán. Tekur sjóðurinn mið
af reglum einstakra námsbrauta í
þessu tilviki.
Námsmaðurinn, sem ræddi við
mig 14. ágúst 1996, hafði ekki full-
nægt reglum námsbrautar í hjúkr-
unarfræðum um námskröfur og tók
LÍN afstöðu á þeirri forsendu. Var
beiðni um lán hafnað.
Er mér ekki kunnugt um, að nokk-
ur hafi gert tillögu um, að lánasjóð-
urinn starfi á annarri forsendu, þeg-
ar um nám á fyrsta misseri er að
ræða.
Reglur námsbrauta í Háskóla Is-
lands um námskröfur eru hinsvegar
mismunandi. Er það viðkomandi
námsbraut eða deild, sem gerir til-
lögu um þær.
Umræddur námsmaður skýrði mér
frá því, að hann hefði leitað eftir áliti
umboðsmanns Alþingis á erindi sínu
og afgreiðslu lánasjóðsins á því.
Daginn eftir heimsóknina hafði
ég aflað mér upplýsinga um málið
og sendi námsmanninum eftirfar-
andi_ bréf:
„Ég vísa til samtals okkar í gær
um samskipti þín við Lánasjóð ís-
lenskra námsmanna. Að því loknu
ræddi ég við framkvæmdastjóra LÍN
og hef nú fengið vitneskju frá honum
um, að svar sjóðsins til umboðs-
manns Alþingis verður sent á næstu
dögum.
Mun stjórn sjóðsins bíða eftir áliti
umboðsmanns.
Því miður sýnist mér, að ekki sé
unnt að hrófla við þeim reglum, sem
sjóðurinn fylgir. Allt frá öndverðu
hefur hann í þessu efni byggt á kröf-
um viðkomandi skóla. Hefðir þú
komist yfir þröskuldinn í einkunn
(fengið 6,0 í stað 5,5) en ekki lent
í 60 manna hópnum, hefðir þú feng-
ið lán.
Við verðum að sjá hvað umboðs-
maður segir. Ég virði baráttu þína
fyrir aukinni menntun en öll verðum
við að beygja okkur undir reglur,
sem stundum geta virst mjög ósann-
gjarnar, þegar þær bitna harðlega á
okkur.
Ég vona, að einbeitni þín og dugn-
aður dugi þér til að ná settu marki
og óska þér alls hins besta.“
Af minni hálfu var ekki ætlunin
að hafast frekar að í þessu máli,
fyrr en niðurstaða umboðsmanns
Alþingis lægi fyrir. Kynni mér þá
að verða nauðsynlegt eins og stjórn
LÍN að bregðast við áliti hans.
Ástæðan fyrir því, að þetta bréf er
ritað nú er sú, að umræddur náms-
maður kaus að vekja máls á því í
bréfi til Morgunblaðsins fimmtudag-
inn 14. nóvember. Sama dag gerði
hann það einnig í Helgarpóstinum
og Alþýðublaðinu, þar sem hann
naut fulltingis formanns Stúdenta-
ráðs Háskóla íslands. Skyldi vakin
athygli á útifundi námsmanna með
þessum hætti.
Var lögð áhersla á það af náms-
manninum og formanni stúdenta-
ráðs, að menntamálaráðherra væri
hlægilegur vegna afskipta sinna af
málinu. Er það til marks um annað
í þessum furðulega málatilbúnaði,
sem að mínu mati sýnir, að for-
manni stúdentaráðs er annað betur
lagið en færa málefnaleg rök fyrir
máli sínu.
Telji formaður stúdentaráðs, að
LÍN hefði átt að veita lán í þessu
tilviki, gengur hann þvert á allar
yfirlýsingar um, að krefjast beri
námsárangurs, áður en lán er veitt.
Hitt er svo athyglisvert, að í bréfi
sínu til Morgunblaðsins tekur náms-
maðurinn það út úr bréfi mínu, sem
víkur að kæru hans til umboðs-
manns Alþingis. Þar með er lesend-
um Morgunblaðsins gefin alröng
mynd af því, sem í bréfinu stendur.
Jafnframt er ranglega látið í veðri
vaka, að menntamálaráðherra sé í
lófa lagið að breyta reglum LÍN og
hverfa frá því grundvallaratriði, _að
við ákvarðanir sínar taki stjórn LÍN
mið af kröfum viðkomandi skóla.
Loks samrýmist það ekki góðum
stjórnsýsluháttum, að ráðherra
grípi fram fyrir hendur á stjórn
LÍN, enda hefur stjórnin síðasta
orðið um þau mál, sem undir hana
heyra.
Umræðurnar um svonefndar sam-
tímagreiðslur úr LÍN taka á sig
ýmsar myndir, enda er hugtakið nú
skilgreint af talsmönnum þess eftir
því, sem hentar hvetju sinni. Hér
skal í sjálfu sér ekki gert lítið úr
vanda þeirra, sem reyna að fóta sig
á því, hvað í hugtakinu felst. Ég vil
hins vegar andmæla því, að afskipti
mín af málefnum LÍN eða viðskipta-
vina hans séu afflutt með þeim
hætti, sem gert var hér fimmtudag-
inn 14. nóvember.
BJÖRN BJARNASON,
menntamálaráðherra.
Frá Sigurjóni Elíassyni:
STUTT er síðan mikil leit var gerð
af tveimur íjúpnaskyttum. Höfðu
þær farið af stað illa búnar, án
áttavita og villst. Til allrar ham-
ingju fundust þær heilar á höldnu
eftir allnokkrar
hrakningar.
í kjölfarið
hafa orðið
nokkrar umræð-
ur um ferðalög í
óbyggðum og
þær hættur sem
þar leynast.
Komið hafa
fram m.a. þau
sjónarmið að
takmarka eigi
aðgang að hálendinu og að þeir sem
týnist eigi að borga kostnað við
leit og björgunarstörf.
Boð og bönn hafa aidrei þótt góð
tæki til að stuðla að bættri hegðan
manna, í hvaða samhengi sem þau
eru sett fram. Oftar en ekki hefur
reynst erfitt ef ekki útilokað að
fylgja þeim eftir og hafa þau þann-
ig gjörsamlega misst marks.
Aukin fræðsla ferðamanna og
aukin ábyrgð gagnvart sínum nán-
ustu og umhverfinu er það sem
skilar árangri í bættri ferða-
mennsku. Þennan árangur má sjá
nú þegar. Sífellt fleiri leggja leið
sína inn á háldendið til að njóta
töfra þess og er það ánægjuleg
þróun að íslendingar skulu vera
farnir að njóta þess að feðast um
sitt eigið land. Þrátt fyrir þessa
auknu umferð hefur tekist að
fækka óhöppum og slysum. Þetta
má að hluta rekja til betri útbúnað-
ar, s.s. bíla, fjarskipta- og staðsetn-
ingartækja og eins má ekki gleyma
að mikill áróður hefur verið rekinn
fyrir að ferðamenn fari varlega og
flani ekki að neinu.
Björgunarskóli Landsbjargar og
Slysavamafélags íslands stendur
fyrir opnum fræðslufundum og
námskeiðum í ferðamennsku, notk-
un áttavita, mati á snjóflóðahættu
og veðurfræði til fjalla, svo eitthvað
sé nefnt. Einnig hafa ferðalög,
skólar og fyrirtæki leitað til skólans
til að halda fundi fyrir sitt fólk og
er það góð viðleitni þeirra til að
auka öryggi á ferðalögum á sínum
vegum. Þá hafa björgunarsveitir
vítt og breitt um landið haldið slík
námskeið.
Með því að leita til þessara aðila
til að afla sér þekkingar aukum
við líkurnar á því að rétt vinnu-
brögð og góð ferðahegðun komist
til skila, því þarna býr geysileg
þekking og reynsla á öllum sviðum
ferðamennskunnar að sumri eða
vetri til.
Ég hvet alla þá sem sækja inn
á hálendið til að fara varlega og
gæta fyllsta öryggis á ferðum sín-
um, hættur leynast víða, veður
skiptast fljótt í lofti og slysin gera
ekki boð á undan sér. Verum viðbú-
in því versta. Þannig aukast líkurn-
ar á að við njótum þeirrar útivistar
sem við sækjumst eftir.
SIGURJÓN ELÍASSON
yfirkennari í Björgunarskóla Lands-
bjargar og Slysavarnafélags íslands.
FÉLAG ÍSLENSKRA STÓRKAUPMANNA
- félag milliríkjaverslunar og vörudreifingar -
NIÐURSKURÐUR OG ENDURSKIPULAGNING
í DANSKA VINNUVEITENDASAMBANDINU
Gerð viðræðuáætlana, þróun
kjaramála, sérhæfing og
valddreifing í samtökum
danskra vinnuveitenda er
meðal þess, sem Soren B.
Henriksen, framkvæmda-
stjóri Dansk Handel og
Service í Danmörku, mun
fjalla um á hádegisverðar-
fundi Kjararáðs FÍS
Soren B.
Henriksen
Skálanum, Hótel Sögu, mánudaginn
18. nóvember nk. kl. 12.00.
Félagsmenn eru hvattir til að mæta.
Þátttökugjald er kr. 2.500 með hádegisverði.
Vinsamlega tilkynnið þátttöku á skrifstofu
félagsins í síma 588 8910.
FUNDURINN ER ÖLLUM OPINN

L0KSINS KOMIN
ÚT Á ÍSLENSKU
- kjarni málsins!
Höfundur bókarinnar, Brian Tracy, er
einn af helstu sérfræðingum heims í
velgengni og persónulegum árangri
og talar til yfir 100.000 manna og
kvenna árlega á almennum
fyrirlestrum og einkanámskeiðum.
I Hámarks árangri setur hann fram
kraftmikið, sannreynt kerfi byggt
á 25 ára rannsóknum og reynslu
sem þú getur strax beitt til að
öðlast betri árangur á öllum sviðum lífs þíns. Þú
lærir hugmyndir, hugtök og aðferðir sem notaðar
eru af fólki sem nær hámarks árangri hvert á sínu
sviði um allan heim. Þú lærir að losa um
einstaklingsbundna getu þína til persónulegra
afreka. Þú verður strax jákvæðari, öðlast meiri
sannfæringarkraft og nærð að einbeita þér af
meiri krafti að öllu sem þú gerir. Margir þeirra
sem tileinkað hafa sér þessar aðferðir til námarks
árangurs, hafa stórlega aukið tekjur sínar og
bætt líf sitt á allan máta.
• Þú færð að vita hver er helsta hindrunin
í vegi fyrir velgengni.
• Þú kynnist lögmálunum sjö, sem eru alltaf
virk og hafa meiri áhrif á Iíf þitt en þig grunar.
• Þú lærir að setja þér markmið og það sem meira er um vert, Iærir
aðferðir til að ná þeim og halda áfram að setja þér ný markmið.
• Þú lærir margar nýjar aðferðir í samskiptum, en góð samskiptatengsl koma þér oft
lengra en mikil menntun.
• Þú lærir að tengjast inn á ótakmarkaða yfirvitund þína, sem er uppspretta allrar skapandi orku.
• Þú kemst að raun um að til að geta haldið fullri ferð inn í framtíoina, þarftu að gera upp við fortíðina.
• Þú lærir að undirstaða velgengni felst í því að taka fúlla ábyrgð á eigin lífi og beita einungis jákvæðum hugsunum.
• Þú lærir um mikilvægi fjölskyldutcngsla, hvetjandi barnauppeldis og frítíma.
• Þú sérð líf þitt frá nýju sjónarhomi, skynjar hvaða breytingar þarf að gera og fyllist strax kappi til að hrinda
þeim í framkvæmd.
Bók fyrir bæði kynin í öllum aldurshópum, í hvaða starfsstétt sem er, á hvaða aldri sem er - því það er aldrei
of snemmt eða of seint að leita eftir HÁMARKS ÁRANGRI.
Höfundur: Brian Tracy
Þýðing: Þorgerður Jörundsdóttir og Guðrún Sóley Guðjónsdóttir.
Verð kr. 3.490 - innbundin.
Fæst í öllum helstu bókaverslunum.
LKIÐARLJ S ehf.
Leiðandi í útgúfu ú sjdlfsnektunarefni
Okkar markmið er...
að hjálpa þér að ná þínu
Dreifingarsími: 567-3240 Brekkubæ - Hellnum, 355 Snæfellsbæ.
Sími 435 6800. Fax. 435 6801 Farsími: 855 2105. Afgreiðsla í Reykjavík: 567 3240. e-mail: leidar @aknet.is