Morgunblaðið - 11.02.1997, Qupperneq 8

8 ÞRIÐJUDAGUR 11. FEBRÚAR 1997
MORGUNBLAÐIÐ
FRÉTTIR
ÞAÐ verður áfram sól í firðinum elskurnar mínar. Mútta gamla sér
um rykið og Kári um reykinn . . .
SAMKVÆMT tillögu aðalskipulags Reykjavíkur 1996-2016, verða
gatnamót Miklubrautar og Kringlumýrarbrautar Iagfærð. Akrein-
um verður fjölgað og bætt við umferðarljósum.
Mislæg gatnamót við Miklubraut -
Kringlumýrarbraut
Fleiri akreinar
og umferðarljós
Vélsleðar ogjepp-
ar í Bláfjöllum
• •
Okumenn
virða ekki
reglur
TÖLUVERT hefur borið á
akstri vélsleða og jeppa við
skíðasvæði Bláfjalla í vetur,
að sögn Þorsteins L. Hjalta-
sonar, starfsmanns Bláfjalla-
nefndar, en samkvæmt reglu-
gerð um fólkvang í Bláfjöllum
er akstur vélsleða og annarra
ökutækja bannaður utan
vega í Bláfjallafólkvangi.
Þorsteinn segir að öku-
menn á vélsleðum og jeppum
sæki mikið í Bláfjallasvæðið
þegar snjólítið sé eins og hafí
verið í vetur og að skíðamenn
sem ætli að njóta friðsæld
náttúrunnar hafi kvartað
mikið yfir þeim að undan-
förnu. „Vélsleðunum fylgir
bæði hávaði og bensínstybba
og ergir náttúrulega þá sem
eru komnir til að hreyfa sig
í kyrrðinni í nágrenni fjall-
anna. Auk þess keyra vél-
sleðamenn þvers og kruss
yfir merktar gönguskíða-
brautir og eyðileggja þær þar
með,“ segir Þorsteinn. „Við
erum ekki með neina sérstaka
löggæslu á svæðinu, en höf-
um bent vélsleðamönnum á
þetta. Sumir taka þeim
ábendingum vel en aðrir
hunsa þær greinilega," bætir
hann við.
Þá segir Þorsteinn að einn-
ig hafi borið á akstri vélsleða
í sjálfum skíðabrekkunum
þegar lyftunum hafí verið
lokað og ítrekar hann að það
sé alls ekki leyfilegt. „Verið
er að reyna að halda þessum
fólkvangi sem útivistarsvæði
fyrir aðra en þá sem eru á
vélknúnum ökutækjum og fer
Bláfjallanefnd fram á að það
sé virt,“ segir hann að síð-
ustu.
ÁKVEÐIÐ hefur verið að falla frá
mislægum gatnamótum við Miklu-
braut og Kringlumýrarbraut sam-
kvæmt endurskoðuðu aðalskipu:
lagi Reykjavíkur 1996-2016. í
þeirra stað verður akreinum fjölg-
að og fleiri umferðarljós sett upp.
Ákvörðunin byggist á umhverfis-
sjónarmiðum og endurskoðuðu
arðsemismati.
Að sögn Guðrúnar Ágústsdótt-
ur, formanns skipulagsnefndar,
byggist ákvörðunin meðal annars
á umhverfisjónarmiðum. Auk þess
hafi mat á arðsemi mislægu gatna-
mótanna verið endurskoðað og þá
hafi komið í ljós að arðsemin var
ekki eins mikil og áður var talið.
Benti hún á að lengi vel hafí slys
ekki verið tekin með í reikninginn
þegar mat fór fram og umhverfis-
þátturinn hafi ekki skipt verulega
miklu máli.
Lagfæring án þess að
byggja brýr og slaufur
„Við ætlum að lagfæra gatna-
mótin án þess að byggja brýr og
slaufur. Umferðarsérfræðingar
okkar telja að það sé hægt,“ sagði
hún. „Það kom einnig í Ijós að
þeir sem reka Kringluna telja að
aðgengi að þessari stærstu versl-
unar- og menningarmiðstöð borg-
arinnar muni versna til muna
verði byggð mislæg gatnamót og
við verðum einnig að hlusta á
það.“
30-40 milljóna
kostnaður
Áætlaður kostnaður vegna Iag-
færinganna er um 30-40 milljónir
en áætlaður kostnaður við mislæg
gatnamót á þessum stað er um
500 milljónir.
Formaður Náttúrverndarráðs hins nýja
Gæta hófs á
báða vegu
A Náttúruverndar-
þingi skipaði um-
■L hverfisráðherra Ól-
öfu Guðnýju Valdimarsdótt-
ur arkitekt formann nýs
Náttúruverndarráðs, sem
stofnað er til samkvæmt
nýjum lögum. Náttúruvemd
ríkisins tekur við störfum
gamla ráðsins, en skv. nýju
stórnskipuninni skipar ráð-
herra nú sex menn að tillögu
Náttúrufræðistofnunar, HÍ,
Bændasamtakanna, Ferða-
málaráðs og skipulagsstjóra
og formann án tilnefningar,
en þrír eru kosnir á Náttúm-
vemdarþingi. Við tókum
hinn nýskipaða formann
tali.
- Af kynningunni má sjá
að þú hefur ekki mikið kom-
ið að náttúruverndarmáium.
Aðrir koma frá ákveðnum
fagstofnunum, fólk veltir
eflaust fyrir sér úr hvaða átt þú
kemur sem stjórnarformaður?
„Ég kem þar inn sem arkitekt.
Arkitektanám er fyrst og fremst
umhverfismenntun. Okkar starf
nær allt frá skipulagsvinnunni og
að húsagerð eða mannvirkjagerð.
Einnig hefi ég starfað að skóg-
ræktarmálum. Hefí þó síðustu árin
lítið haft tök á að beita mér, en
umhverfismálin eru mér mikið
áhugamál.“
- Hvernig sérðu fyrir þér að
þetta nýja Náttúruverndarráð
starfi? Og hver verða þín helstu
áhersiumál?
„Það á eftir að koma í Ijós, ráð-
ið hefur ekki enn komið saman.
Lögum samkvæmt á það að vera
ráðgefandi og sjá um upplýsinga-
þáttinn í þessum málaflokki.
Áherslurnar liggja auðvitað víða.
Alls staðar í heiminum er mikil
umræða um náttúruvemdarmál í
kjölfar aukinnar mannvirkjagerðar
á öllum sviðum. Vissulega verður
að beita sér í náttúruvernd á sviði
líffræði, dýrafræði og vistfræði,
en það eru líka fleiri þættir sem
þarf að huga að. Hinn sjónræni
þáttur varðar umhverfismálin. Að
mínu áliti hefur kannski ekki verið
gefinn nógur gaumur að útliti
mannvirkja, þó það sé misjafn, eða
hvar og hvemig þau em sett niður
í landslaginu. Ljóst er að við viljum
búa í nútímasamfélagi með tækni.
Munum halda áfram að þróa nýj-
ungar og mannvirkjagerð halda
áfram. Ég held að varla verði
hægt að stöðva það. En vissulega
verðum við að móta stefnu til
framtíðar um hvernig á að takast
á við þetta verkefni. Þá er mjög
mikilvægt að náttúruverndarsjón-
armið séu höfð í heiðri. Að við
reynum að beita fullkomnustu
tækni, m.a. til þess að koma í veg
fyrir mengun. og annað _________
slíkt. Huga þarf betur
að þessum málum í upp-
hafí, á skipulagsstiginu,
eins og kom fram á
þessu þingi. Til mikilla
bóta eru lög um mat á umhverfis-
áhrifum, sem öll stór mannvirki
verða að fara í. Náttúruverndarráð
kemur þar inn í og þarf að vera
virkt og taka á því.“
- Nú voru mörg og stór mál
samþykkt á Náttúruverndarþingi,
um almannaréttinn og um raforku-
málin, þar sem sæstreng var hafn-
að, líka verksmiðju á Grundar-
tanga og endurskoðun verði á
Fljótsdalsvirkun. Ráðið hefur ekki
enn tekið neina afstöðu?
„Nei, þetta er ályktun þingsins
og þarf auðvitað að meta það í
víðara samhengi og fylgja eftir.
Alls staðar eru sérfræðingar sem
fjalla um þessi mál og síðan er
að meta og vega í hvert skipti
fómarkostnað og kostnað. Það er
Ólöf Guðný
Valdimarsdóttir
► Ólöf Guðný Valdimarsdóttir
er fædd 1954 og uppalin á Núpi
í Dýrafirði, dóttir Valdimars
Kristinssonar bónda og Áslaug-
ar Jensdóttur. Landsprófi lauk
hún frá Héraðsskólanum á Núpi
og stúdentsprófi frá Mennta-
skólanum á Isafirði 1976. Sam-
tímis tók hún tækniteiknara-
próf frá Iðnskólanum og vann
næsta ár við tækniteiknun. Að
loknu arkitektanámi í Árósum
1977-1983, var hún í ár við
landbúnaðarstörf heima á Núpi.
Hún hefur starfað sem arkitekt
frá 1984, lengst af með eigin
rekstur. Einnig lauk Ólöf 1991
námi í fjölmiðlun frá HÍ og
1993 réðst hún að blaðinu Arki-
tektúr, verktækni og skipulag.
Fyrir ári var hún kosin í stjóm
Arkitektafélag íslands og var
ráðin framkvæmdastjóri fé-
lagsins til þriggja ára. Ólöf býr
með tveimur dætur sínum, 5 og
12 ára.
Mannvirkja-
gerð tengist
náttúruvernd
ekki bara já eða nei, en allt þar
á milli líka. Náttúruvemdarþing
er mikilvægur vettvangur fyrir
skoðanaskipti í umhverfís og nátt-
úruverndarmálum. Þar koma flest
sjónarmið fram og þar er breiddin
í skoðunum. Við erum öll hluti
af þessu og verðum að umgang-
ast landið með virðingu. í heimin-
um í dag kemur siðfræðin víða inn
eða þessi huglægu gildi, sem eiga
ekki síður við í náttúruverndar-
málum en annars staðar. Það
þarf að setja hugmyndafræðina
um manneskjuna í umhverfínu í
samhengi. Mér finnst mikilvægt
að gæta hófs á báða vegu og fara
ekki of geist. Mengun fylgir
menningu og við erum hluti af
-------- menningunni. Þar kem-
ur inn í siðfræðiþátt-
urinn og hvemig við
viljum tengja menn-
ingu og umhverfí. Hvar
viljum við setja mörkin.
Það er hluti af hugmyndafræðini
á bak við þetta. Auðvitað höldum
við áfram að þróa okkur inn í
nútímann, en ber jafnframt skylda
til að skila landinu okkar með
góðri samvisku og reisn til kom-
andi kynslóða."
- Hvernig hugsarðu til þessa
starfs? „Ég held að þessi nýskip-
an, fyrst með tilkomu umhverfis-
ráðuneytis og nú með Náttúru-
vernd ríkisins, eigi eftir að gera
náttúruvemdarmálin skilvirkari.
Sjálf hlakka ég mikið til að tak-
ast á við þetta verkefni í sam-
starfi við þetta ágæta fólk í ráð-
inu og starfsfólkið í umhverfis-
ráðuneytinu og hjá Náttúruvernd
ríkisins, sem hefur mikla reynslu
á þessu sviði.