Morgunblaðið - 05.09.1997, Blaðsíða 12

12 FÖSTUDAGUR 5. SEPTEMBER 1997
MORGUNBLAÐIÐ
AKUREYRI
í dag eru liðin tíu ár síðan Háskólinn á Akureyri var fyrst settur og 31 stúdent hóf nám
Metnaðar-
fullt og fjöl-
breytt starf
HÁSKÓLINN á Akureyri var fyrst
settur fyrir 10 árum, 5. september
1987 og hófst þá kennsla í tveimur
deildum, heilbrigisdeild og rekstrar-
deild, en 31 nemandi hóf nám við
háskólann. Kennsla fór fram í
tveimur stofum í íþróttahöllinni. Þá
störfuðu við háskólann flórir starfs-
menn.
Miklar breytingar hafa orðið á
þeim 10 árum sem liðin eru, háskól-
inn hefur fengið til umráða framtíð-
araðsetur að Sólborg í miðri íbúðar-
byggð á Akureyri, nemendur era
460 talsins og kennarar og annað
starfsfólk er um 70 talsins. Fjárveit-
ingar til háskólans nema um 220
milljónum króna á ári. Alls hafa
400 kandídatar brautskráðst frá
skólanum.
Hæfir kennarar og góðir
nemendur
„Þeir sem hafa skapað Háskól-
ann á Akureyri eru áhugasamir og
hæfír kennarar og allir þeir góðu
nemendur sem brautskráðst hafa
frá háskólanum. Þeir hafa að mín-
um dómi sannað að metnaðarfullt
og fjölbreytt háskólastarf getur
þrifist utan höfuðborgarsvæðisins,"
sagði Þorsteinn Gunnarsson, rektor
Háskólans á Akureyri. Hann tók
við starfi rektors árið 1994 af Har-
aldi Bessasyni sem var fyrsti rektor
Háskólans á Akureyri.
Fyrstu nemendur háskólans voru
brautskráðir í júní 1989, alls 10
iðnrekstrarfræðingar en við athöfn
af því tilefni var bókasafn tekið í
notkun í viðbyggingu í húsakynnum
háskólans við Þingvallastræti.
Þriðja deild háskólans tók til starfa
í janúar 1990, sjávarútvegsdeild
sem er sú eina sinnar tegundar hér
á landi. Við stofnun sjávarútvegs-
deildar færði háskólinn út kvíarnar
og tók í notkun húsnæði við Glerár-
götu 36. Þar hefur starfsemi deild-
arinnar sem og rekstrardeildar far-
ið fram frá þeim tíma. Fyrstu sjáv-
arútvegsfræðingarnir voru braut-
skráðir árið 1994, en innan deildar-
innar eru nú tvær brautir, sjávarút-
vegsútvegsbraut og matvælafram-
leiðslubraut. Mikil eftirspurn hefur
verið eftir þeim sjávarútvegsfræð-
ingum sem útskrifast hafa frá deild-
inni.
Kennsla í iðjuþjálfun hafin
Fyrstu hjúkrunarfræðingarnir
voru brautskráðir frá háskólanum
sumarið 1991, alls 11. Nú í haust
hófst nám í iðjuþjálfun við heil-
brigðisdeild og eru nemendur á
fyrsta ári á milli 40 og 50 alls.
Samstarf Háskólans á Akureyri
við rannsóknarstofnanir atvinnu-
veganna hófst árið 1991 þegar
gerður var samningur um samstarf
við Hafrannóknastofnun. Nú á há-
skólinn einnig samstarf um kennslu
og rannsóknir við Rannsóknastofn-
un fiskiðnaðarins, Iðntæknistofnun
og Rannsóknastofnun landbúnaðar-
ins.
Stór áfangi náðist í starfsemi
háskólans þegar ný deild tók til
starfa haustið 1993, kennaradeild
og hóf þá nám við deildina stærsti
hópur sem byrjað hefur á fyrsta
ári eða 76 nemendur. Kennaradeild-
in hefur vaxið mjög og er nú næst-
fjölmennasta deild háskólans á eftir
heilbrigðisdeild. í deildinni er lögð
áhersla á störf í fámennum skólum
og raungreinakennslu. Síðasta
haust hófst við deildina kennsla
fyrir leikskólakennara og er það í
fyrsta sinn sem slík kennsla fer
fram á háskólastigi hér á landi.
Fyrstu grunnskólakennararnir voru
brautskráðir vorið 1996, alls 24.
Framtíðarstaður við Sólborg
Öðrum stórum áfanga í 10 ára
sögu Háskólans á Akureyri var náð
í apríl árið 1995 þegar húsnæði
vistheimilisins á Sólborg var afhent
en þar er framtíðaraðstetur háskól-
ans. Húsnæði, sem fyrir er á Sól-
borg, er um 3.000 fermetrar en
gert er ráð fyrir að nýbyggingar
rísi í nánustu framtíð, þannig að
húsnæði verði um 7.500 fermetrar
Morgunblaðið/Kristján
ÞORSTEINN Gunnarsson, rektor Háskólans á Akureyri. Að baki honum
sést í hluta af húsnæði háskólans að Sólborg.
KENNSLA hófst í iðjuþjálfun innan heilbrigðisdeildar háskólans
nú í haust og eru nemendur á bilinu 40 til 50.
í allt. Alls er lóðin um 10 hektarar
en Sólborg er í miðri íbúðarbyggð
á Akureyri. Miðað er við að nokkru
eftir næstu aldamót verði nemendur
háskólans um 700 talsins. Háskóla-
menn bíða nú afstöðu stjórnvalda
til frekari uppbyggingar háskólans
við Sólborg. „Það sem helst strand-
ar á að okkar mati er að geta haf-
ið byggingaframkvæmdir á þessu
nýja og glæsilega háskólasvæði.
Við höfum fram til þessa ekki getað
farið út í aðrar framkvæmdir en
bráðnauðsynlegar endurbætur, en
það er orðið nauðsynlegt að hér
rísi húsnæði undir kennslu,“ sagði
Þorsteinn. Á Sólborg eru nú aðal-
skrifstofur háskólans til húsa, há-
skólabókasafn verður opnað þar
formlega á morgun og einnig fer
þar fram t.d. kennsla í eðlisfræði,
félagsaðstaða nemenda hefur verið
útbúin þar og Rannsóknastofnun
Háskólans á Akureyri, sem stofnuð
var árið 1992, flytur þangað innan
skamms, en hún hefur frá upphafi
einbeitt sér að því að efla tengsl
háskólans og atvinnulífsins.
Starfsemi háskólans dreifist enn
á nokkra staði í bænum, heilbrigðis-
deild og kennaradeild eru við Þing-
vallastræti, rekstrardeild og sjávar-
útvegsdeild við Glerárgötu, þá eru
fyrirlestrar haldnir í Oddfellowhús-
inu og kennt er í Fjórðungssjúkra-
húsinu á Akureyri.
Félagsstofnun stúdenta á Akur-
eyri á og rekur námsmannaíbúðir
sem eru á tveimur stöðum í bænum.
í Útsteini við Skarðshlíð eru 10
íbúðir og 14 einstaklingsherbergi
og í stúdentagörðum við Klettastíg
eru 18 íbúðir og 12 einstaklingsher-
bergi.
Hlutdeild fjarkennslu aukin
Hvað framtíðina varðar sagðist
Þorsteinn sjá fyrir sér að náms-
framboð deilda yrði fjölbreyttara. í
rekstrardeild væri horft til náms í
ferðaþjónustu og upplýsingatækni,
aukin áhersla yrði lögð á matvæla-
framleiðslu í sjávarútvegsdeild,
heilbrigðisdeild hefði tekið upp nám
í iðjuþjálfun sem einhvern tíma
tæki að þróa og sama giiti um leik-
skólabraut í kennaradeildinni, og
lægi einnig beint við að auka nám
á sviði listgreina í deildinni í sam-
starfi við listaskóla í bænum. „Við
höfum einnig stefnt að því að auka
hlutdeild flarkennslu í samvinnu við
Verkmenntaskólann á Akureyri og
aðra skóla á háskólastigi," sagði
Þorsteinn. Hann sagði að með því
að hagnýta sér nútímaupplýsinga-
tækni muni háskólinn styrkjast enn
frekar. „Við stefnum að því að ná
betri tökum á upplýsingatækni og
að aðstaða kennara og nemenda til
að nýta sér hana verði eins nútíma-
leg og framast er unnt.“
Háskólabókasafn opnað
í nýjum húsakynnum
Morgunblaðið/Kristján
SIGRÚN Magnúsdóttir, yfirbókavörður á bókasafni Háskólans
á Akureyri, í nýjum húsakynnum safnsins á Sólborgarsvæðinu.
TÍU ÁR eru í dag, föstudaginn
5. september, frá því háskóla-
kennsla hófst á Akureyri og verð-
ur tímamótanna minnst með ýms-
um hætti nú í haust. Hátíðardag-
skrá verður á Sólborg, framtíðar-
svæði Háskólans á Akureyri á
morgun laugardag og verður há-
skólabókasafn opnað formlega í
nýju húsnæði þar. Málþing verða
haldin á vegum allra deilda skól-
ans nú í haust og fyrirlestrar.
Sigrún Magnúsdóttir yfirbóka-
vörður bókasafns Háskólans á
Akureyri er jafnframt formaður
afmælisnefndar en hún sagði
marga hugsa hlýlega til háskólans
nú á þessum tímamótum.
Hátíðardagskrá í tjaldi
Hátíðardagskráin fer fram í
tjaldi við húsnæði háskólans á
Sólborg og sagði Sigrún það að
nokkru leyti táknrænt því háskól-
inn hefði ekki yfir að ráða sal sem
rúmaði samkomuna, „þannig að
við erum að vissu leyti að benda
Hátíðardagskrá
í tilefni af
tímamótunum
á húsnæðisvanda háskólans með
því að hafa dagskrána í tjaldi,“
sagði Sigrún.
Meðal þeirra sem flytja ávörp
á samkomunni eru dr. Þorsteinn
Gunnarsson, rektor háskólans,
Davíð Oddsson, forsætisráðherra,
Þórarinn E. Sveinsson, forseti
bæjarstjórnar Akureyrar, Guðni
Gunnarsson, fulltrúi stúdenta, og
Árni Laugdal, stjórnfræðingur,
fulltrúi brautskráðra kandidata.
Þá flytur Sigrún Magnúsdóttir
ávarp í tilefni opnunar endur-
byggðs háskólabókasafns. Davíð
Oddsson forsætisráðherra opnar
safnið formlega að lokinni hátíð-
ardagskrá.
Sigrún sagði að opnun safnsins
væri í raun algjör bylting, en það
hefur verið til húsa í viðbyggingu
í húsnæði háskólans við Þingvalla-
stræti, alls í 150 fermetrum en
nýja húsnæðið á Sólborg er 1070
fermetrar að brúttóstærð. Rými
hefur því aukist umtalsvert.
Vinnuaðstaða fyrir gesti og
starfsfólk sem ekki var til staðar
áður er góð á nýja staðnum. Alls
eru vinnurými fyrir 64 í sal og
eru þau öll tölvutengd. Við opnun
safnsins verða tölvur komnar upp
á 16 borðum og verður þeim
smám saman fjölgað. Þá verður
pláss fyrir 18 manns í lokaðri les-
stofu og í fræðimannarými verður
ha»g1 að fá aðstöðu til lengri eða
skemmri tíma. Þar er rými fyrir
fjóra og er það ætlað fólki sem
vinnur að fræðistörfum af ýmsu
tagi.
Myndlistarsýningar
Sigrún sagði að í kjölfar opn-
unar háskólasafnsins og aukins
rýmis yrði lögð áhersla á að bjóða
öllum almenningi að sækja safnið,
en til að mynda væri úrval tíma-
rita gott og aðstaða til að skoða
þau ákjósanleg. „Vegna plássleys-
is höfum við haldið að okkur
höndum fram til þessa, að kynna
safnið almenningi, við gátum
varla tekið á móti fólki en nú er
annað upp á teningnum og því
viljum við bjóða bæjarbúa vel-
komna hingað á safnið," sagði
Sigrún.
Á Háskólabókasafninu er fyr-
irhugað að halda myndlistarsýn-
ingar með reglulegu millibili og
verður sú fyrsta opnuð í dag, sýn-
ing á verkum Sigrúnar Eldjárn.
„Með því að bjóða upp á myndlist-
arsýningar erum við jafnframt
að undirstrika að hingað eru allir
velkomnir. Við teljum myndlistina
lifga upp á, málverkunum fylgir
nýr andblær og hver myndlistar-
sýning mun hafa áhrif á umhverf-
ið,“ sagði Sigrún.