Morgunblaðið - 05.09.1997, Blaðsíða 46

46 FÖSTUDAGUR 5. SEPTEMBER 1997
MORGUNBLAÐIÐ
Tommi og Jenni
WHEN IM OUT WALKING. \
I ALWAY5 FEEL SAFER
Ss WITH MY 006 F0LL0WIN6
RI6HT BEHINP..

Þegar ég er á göngu er ég alltaf
öruggari ef hundurinn minn
fylgir á eftir mér.

er sama smnis.
BREF
TTL BLAÐSINS
Kringlan 1103 Reykjavík • Sími 569 1100 • Símbréf 569 1329
Þjóðlagamessa
í Hafnarfjarðar-
kírkju
Frá Þórhalli Heimissyni:
SUNNUDAGINN 7. september
verður haldin fyrsta „þjóðlaga-
messa“ vetrarins í Hafnarfjarðar-
kirkju og hefst hún kl. 20.30. Þjóð-
lagamessan er þýdd úr sænsku en
í Svíþjóð hefur hún náð miklum
vinsældum í þeirri endurnýjun
helgihaldsins sem þar hefur átt sér
stað. En hvað er þjóðlagamessa?
Fyrir nokkrum árum samdi sænska
tónskáldið og presturinn Per Harl-
ing þessa messu er fékk nafnið
„messa i viston" á sænsku eða
„þjóðlagamessa" á íslensku. Þjóð-
lagamessan er byggð á samnorr-
ænni þjóðlagahefð þar sem taktur
og tónar er tengjast vísnasöng eins
og hann gerist bestur einkenna
helgihaldið. Vísan og vísnasöngur-
inn er eitt aðal einkennið á nor-
rænni alþýðusönghefð. Um öll
Norðurlönd eru sungnar vísur, oft
við undirleik harmonikku eða fiðlu.
Vísurnar segja sögur af venjulegu
fólki og hetjum og tónlistin á sér
ævafomar rætur í söngvum Finn-
lands, Noregs, Svíþjóðar og Dan-
merkur. í þjóðlagamessunni eru vís-
an og vísnatónlistin gerð að und-
irstöðu helgihaldsins í kirkjunni.
Allir hinir hefðbundnu messuliðir
eru á sínum stað en þeir hafa verið
endursamdir að hætti vísnamenn-
ingarinnar. Auk þessa tengjast nýj-
ir sálmar messunni, sálmar sem að
sjálfsögðu byggjast á vísnahefðinni.
Þjóðlagamessan var sungin í fyrsta
sinn hérlendis í Hafnarfjarðarkirkju
í febrúar síðastliðnum í þýðingu
undirritaðs. Næsta sunnudag leikur
þjóðlagahljómsveit undir stjórn
Orns Arnarsonar og féragar úr
kirkjukór Hafnarfjarðarkirkju
syngja. Hinn finnski harmonikku-
leikari Tatu Kantoma mun taka
þátt í undirleik, en hann er mörgum
Islendingum góðkunnur vegna
færni á harmonikkuna. Þessi sami
hópur flutti messuna á liðnum vetri
og þekkir hana því orðið vel.
Allir sem áhuga hafa á nýsköpun
í helgihaldi kirkjunnar eru hvattir
til þess að mæta, taka þátt og gagn-
rýna að sjálfsögðu í kaffinu á eftir.
SR. ÞÓRHALLUR HEIMISSON,
PRESTUR VIÐ
HAFNARFJARÐARKIRKJU.
Kirkj‘an og mál 214
Frá Tryggva Hiibner:
UM ÞESSAR mundir standa fýrir
dyrum biskupskosningar. í tengsl-
um við þær fara fram umræður á
breiðum grundvelli um stöðu stofn-
unarinnar og af-
stöðu hennar til
ýmissa mála. Is-
lenska þjóðkirkj-
an hefur sýnt
það á ýmsum
sviðum að hún
er frjálslynd og
umburðarlynd
stofnun. Þó af-
staða stofnunar-
innar til samkynhneigðra og grín-
ista hafí að sumra áliti ekki alltaf
sýnt þetta frjálslyndi í raun, eru
önnur atriði sem virðast taka af öll
tvímæli þaraðlútandi. Dæmi um
slíkt er afstaða stofnunarinnar til
eins af sínum eigin þjónum. Vestur
á Snæfellsnesi starfar um þessar
mundir prestur nokkur sem nýtur
mikillar hylli, bæði meðal sóknar-
barna sinna og annarra sem til
starfs hans þekkja. Þessi ágæti
prestur var fyrst skipaður í embætt-
ið, síðan kosinn með fáheyrðum
yfirburðum og hlaut vígslu 30. júní
1996. Ekki væri þetta í frásögur
færandi nema e.t.v. vegna þess að
22. febrúar 1980 varð þessi ágæti
maður fyrir því óláni ásamt fjölda
annarra að vera dæmdur af Hæsta-
rétti íslands í frægasta sakamáli
íslandssögunnar. Þar sem þessi
sorglega staðreynd varð ekki að
neinu leyti til að torvelda biskupi
að veita prestinum blessun til starf-
ans, væri fróðlegt að fá fram af-
stöðu kirkjulegra yfirvalda til
mannsins og þess fræga sakamáls
sem hann var dæmdur í. í fljótu
bragði mætti ætla að kristilegt
umburðarlyndi kirkjunnar sé slíkt
að það þarfnist engrar umræðu að
maður með slíkan dóm hljóti prest-
vígslu. Fyrirgefning syndanna er
nokkuð sem öllum veitist fyrir náð
Drottins, að því tilskildu að menn
játi og iðrist. En þar sem umrædd-
ur kirkjunnar þjónn hefur gert hvor-
ugt, heldur lýst því í helstu fjölmiðl-
um hvernig hann var með einangr-
un og geðlyfjagjöf þvingaður til að
játa glæpi sem hann kom hvergi
nærri, getur aðeins verið ein skýr-
ing á fálæti kirkjulegra yfirvalda
hvað varðar þetta mál:
Að stofnunin hafi ekki fremur
en aðrir trú á málatilbúnaði á hend-
ur þessum manni hér fyrr á öldinni
í svonefndu Geirfínns- og Guð-
mundarmáli. Með hliðsjón af fram-
ansögðu er það eðlileg og skýlaus
krafa til ráðherra kirkjumála að
hann skipi sér þegar í stað í fylking-
arbijóst í baráttunni fyrir endur-
upptöku fyrrnefndra þátta Hæsta-
réttarmáls 214/1978.
TRYGGVI HÚBNER,
Kleppsvegi 6, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.