Morgunblaðið - 13.09.1997, Blaðsíða 2
2 LAUGARDAGUR 13. SEPTEMBER 1997
FRETTIR
MORGUNBLAÐIÐ
Kennarar á Akranesi og
Egilsstöðum segja upp
KENNARAR við Grundaskóla á Akranesi og
grunnskólann á Egilsstöðum sögðu upp störfum
í gær. Ástæðan er óánægja með launakjör.
Þessar uppsagnir bætast við uppsagnir grunn-
skólakennara á ísafirði og í Bessastaðahreppi.
Guðbjartur Hannesson, skólastjóri Grunda-
skóla, sagði í gær að hann væri búinn að fá
yfir 20 uppsagnarbréf frá kennurum, en 36
kennarar starfa við skólann fyrir utan skóla-
stjóra. Hann sagði að í uppsagnarbréfunum
kæmi fram að ástæðu uppsagnanna mætti ekki
rekja til þess hvemig búið væri að kennurum
af hálfu skólans eða bæjaryfirvalda á Akra-
nesi. Kennaramir sættu sig hins vegar ekki
við launakjörin. I bréfunum kæmi fram að sá
ófriður, sem verið hefði um grunnskólann,
væri sömuleiðis óviðunandi fyrir þá og nemend-
ur. Ef menn vildu ekki lægja þær öldur væri
best að þeir vikju og fengju sér vinnu annars
staðar.
Vilja starfa
áfram við kennslu
Guðbjartur sagðist vita að allir þessir kennar-
ar vildu starfa við kennslu, en þeir væru hins
vegar ekki tilbúnir að gefa vinnu sína. Hann
sagðist vona að kennaramir myndu halda áfram
störfum ef viðunandi kjarasamningar næðust.
Tíu kennarar voru búnir að segja upp störf-
um við Egilsstaðaskóla um miðjan dag i gær,
en 28 kennarar starfa við skólann. Sigurlaug
Jónasdóttir, skólastjóri á Egilsstöðum, sagði
að þetta væra kennarar sem hefðu allt að 30
ára starfsreynslu að baki. Það væri því mikil
eftirsjá í þessum kennurum ef þeir hættu störf-
um. Hún sagði að sér hefði skilist á kennurum
að það myndi ráðast af niðurstöðu kjarasamn-
inga hvort þeir héldu áfram störfum við skól-
ann eftir áramót þegar uppsagnirnar taka
gildi.
Guðrún Ebba Olafsdóttir, varaformaður
Kennarasambandsins, sagði að margir kennar-
ar víða af jandinu hefðu haft samband við
skrifstofu KÍ til að fá upplýsingar um stöðu
sína ef þeir segðu upp. Hún sagði að miðað
við tóninn í fólki kæmi sér ekki á óvart þótt
fleiri uppsagnir bærust á næstu dögum.
Samkvæmt upplýsingum Morgunblaðsins
undirbúa fleiri tugir grunnskólakennara nú
uppsagnir sínar, m.a. í Hjallaskóla í Kópavogi,
í Neskaupstað og á Eskifirði.
16 ára
stúlku
nauðgað
AÐFARANÓTT föstudags tilkynnti
16 ára stúlka lögreglunni í Hafnar-
fírði að henni hefði verið nauðgað.
Stúlkan hafði verið á skólaballi í
Reykjavík og var stödd í Austur-
stræti þegar hún fékk far með bíl
í Hafnarfjörð. Ökumann bflsins
þekkti stúlkan ekki.
Hún sagði að maðurinn hefði
komið fram vilja sínum en henni
hefði tekist að komast út úr bílnum
og kalla á hjálp.
Lýsing stúlkunnar á manninum
leiddi til þess að 29 ára gamall
maður var handtekinn í gær og
hefur hann játað að hafa tekið hana
upp í bílinn. Að málinu unnu lög-
reglumenn frá Hafnarfirði og
Reykjavík og er það enn í rannsókn.
♦ ♦ ♦--------------
Skákþing Islands
Fullt hús hjá
Jóhanni og
Hannesi
JÓHANN Hjartarson og Hannes
Hlífar Stefánsson hafa fullt hús
vinninga eftir fjórar umferðir á
Skákþingi íslands á Akureyri. Barist
var til þrautar í öllum skákum fjórðu
umferðar sem lauk í gærkvöldi.
Jóhann vann Jón Viktor Gunn-
arsson og Hannes vann Þorstein
Þorsteinsson.
Bragi Þorfínnsson vann Rúnar
Sigurpálsson, Jón G. Viðarsson
vann Sævar Bjarnason, Þröstur
Þórhallsson vann Áskel Öm Kára-
son og Arnar Þorsteinsson vann
Gylfa Þorsteinsson.
34. þing Sambands ungra sjálfstæðismanna sett í gær
Morgunblaðið/Golli
FRÁ setningu 34. þings Sambands ungra sjálfstæðismanna í Stapa í gær. Frá vinstri eru Ríkharður
Ibsen, formaður Félags ungra sjálfstæðismanna í Reykjanesbæ, Davíð Oddsson forsætisráðherra og
Guðlaugur Þór Þórðarson, fráfarandi formaður SUS.
Með auknu trausti fáum
við hagstæðari lán
VÍMUVARNANIFND
REYK)AVlKU#ÍORÍAR250flB^f
................... rf'*
MEÐ blaðinu í dag fylgir fjögurra
síðna auglýsingablað frá Vímu-
vamanefnd Reykjavíkurborgar.
34. ÞING Sambands ungra sjálf-
stæðismanna var sett í félagsheim-
ilinu Stapanum í Reykjanesbæ í
gær. Guðlaugur Þór Þórðarson,
fráfarandi formaður SUS, setti
þingið, en að því loknu fluttu Rík-
harður Ibsen, formaður Félags
ungra sjálfstæðismanna í Reykja-
nesbæ, og Davíð Oddsson forsætis-
ráðherra ávörp.
í ávarpi sínu sagði Davíð Odds-
son forsætisráðherra að mjög
margt hefði breyst til batnaðar frá
því Sjálfstæðisflokkurinn hefði
tekið við stjórnartaumum í landinu.
„Við getum vitnað til þess að um-
sagnir annarra ganga í þessa
vera,“ sagði hann. „Erlendir mæli-
stikumenn í efnahagsmálum gefa
íslandi sífellt hærri einkunn. Það
er ekki aðeins til að gleðjast yfir,
það er hreinn hagnaður fyrir ís-
land, íslendinga, fólkið og fyrir-
tæki. Því traustið hjá hinum er-
lendu aðilum vex og við fáum lán
með hagstæðari kjörum en fyrr,“
sagði forsætisráðherra.
Davíð sagði ennfremur: „Það er
hægt að finna að því að þættir,
eins og einkavæðing hafi ekki
gengið eins langt og vilji flokksins
hefur staðið til. En þó hefur árang-
urinn orðið töluverður og kannski
sá mestur að hinn hugmyndafræði-
legi grandvöllur hefur verið lagð-
ur. Okkar skilningur, okkar túlkun
hefur verið ofan á.
Frelsi - yfirskrift þingsins
Aðrir flokkar era farnir að taka
undir þessi sjónarmið. Og við eram
að stíga skref í þessum efnum sem
fyrir fímm eða sex áram hefði
verið algerlega óhugsandi," sagði
Davíð og vitnaði m.a. í það sem
hefði verið að gerast í banka- og
sjóðamálum á undanförnum dög-
um.
Yfirskrift þingsins er Frelsi og
sagði Guðlaugur Þór í setningar-
ræðu sinni að það ætti vel við
vegna þess að í því orði kristallað-
ist barátta ungs sjálfstæðisfólks í
nútíð, fortíð og þátíð. „Við höfum
unnið sigur á mörgum vígstöðvum
og á heildina litið er ekki hægt
að túlka hlutina öðruvísi en svo
að sigur hafi unnist í hugmynda-
baráttunni," sagði Guðlaugur Þór.
Guðlaugur gerði störf ríkis-
stjórnarinnar að umtalsefni sínu.
Hann sagði að margt hefði áunn-
ist á undanförnum árum, en það
væri hins vegar ekki viðunandi
að ríkisstjórn undir forystu Sjálf-
stæðisflokksins væri að auka rík-
isútgjöld. „Og við hljótum að þurfa
að beijast gegn því,“ sagði hann.
í dag fyrir hádegi hefst starf í
málefnanefndum og mun því ljúka
á morgun.
Varnir geg-n
hamfarahlaupum
Nefnd um
stöðu í
stjórn-
kerfinu
Á FUNDI ríkisstjórnarinnar í
gær var samþykkt tillaga um-
hverfisráðherra um að skipa
nefnd umhverfis-, samgöngu-,
dómsmála- og viðskiptaráðu-
neytis undir forystu forsætis-
ráðuneytisins til að skoða hvar
í stjórnkerfinu málaflokkurinn
varnir gegn hamfarahlaupum
ætti helst heima. Að sögn Guð-
mundar Bjamasonar umhverf-
isráðherra hefur verið uppi um
það umræða í ríkisstjóminni í
kjölfar hamfaranna í Vatna-
jökli sl. vetur og áframhaldandi
óróa á því svæði, hvemig hægt
sé að bregðast við slíkum uppá-
komum og halda uppi einhvers
konar vömum.
Eins og sakir standa nú er
hvergi haldið utan um mála-
flokkinn á einum stað. Þannig
heyra lög um varnir gegn snjó-
flóðum og skriðuföllum undir
umhverfisráðuneyti, viðlaga-
trygging undir viðskiptaráðu-
neyti, almannatryggingalög
undir dómsmálaráðuneyti og
vegalög undir samgönguráðu-
neyti.
Umhverfisráðherra segir
nauðsynlegt að skoða stöðu
þessa máls í stjórnkerfinu og
koma því þannig fyrir að hægt
verði að halda utan um það á
einum stað. Ef þörf reynist á
verði síðan gerð tillaga um
lagasetningu eða lagabreyting-
ar. Á þessu stigi séu þó engar
áætlanir uppi um stórfram-
kvæmdir eða fjárveitingar, að-
eins sé verið að ræða um að
hafa stjórnsýsluna í betra
formi.
Aframí
gæslu vegna
árásar
KARLMAÐUR um fertugt var
í gær úrskurðaður í áframhald-
andi gæsluvarðhald til 30. sept-
ember. Hann er grunaður um
að hafa ráðist á mann á veit-
ingastað í miðbænum þriðju-
daginn 2. september. Sá hlaut
töluverða áverka, m.a. blæddi
inn á heila. Samkvæmt upplýs-
ingum lögreglu mun hann vera
á batavegi.
Meintur árásarmaður, sem
hefur áður komið við sögu lög-
reglu, var handtekinn nokkru
eftir atburðinn. Þá var hann
úrskurðaður í gæsluvarðhald,
sem rann út í gær. Lögreglan
fór fram á áframhaldandi
gæslu vegna alvarleika brotsins
og var fallist á þá kröfu í hér-
aðsdómi í gær.
Rætt um Hval-
bak í Kaup-
mannahöfn
EMBÆTTISMENN frá íslandi
og Danmörku hittust á fundi í
Kaupmannahöfn á fimmtudag
og ræddu annars vegar gerð
formlegs samnings um lög-
sögumörkin á milli íslands og
Grænlands í framhaldi af sam-
komulagi ríkjanna, sem tókst í
júní, og hins vegar um afmörk-
un hafsvæðisins milli íslands
°g Færeyja. Niðurstaða fékkst
ekki á fundinum.
Enn er ósamkomulag um
stöðu Hvalbaks sem lögsögu-
mörkin gagnvart Færeyjum eru
miðuð við af íslands hálfu.