Morgunblaðið - 26.09.1997, Blaðsíða 16

16 FÖSTUDAGUR 26. SEPTEMBER 1997
MORGUNBLAÐIÐ
VIÐSKIPTI
Skrifstofustjóri fjármálaráðuneytis hissa á áliti Samkeppnisráðs
„Á TVR ekki í sam-
keppni við heildsala “
INDRIÐI H. Þorláksson, skrif-
stofustjóri fjármálaráðuneytisins,
segir þá niðurstöðu Samkeppnis-
ráðs, að núverandi fyrirkomulag á
fjárhagslegum aðskilnaði aðfanga-
deildar og söludeildar ÁTVR sé
ófullnægjandi, koma sér á óvart.
Segir hann að sér sýnist ráðið hafa
tekið undir rök Verslunarráðs án
ítarlegrar skoðunar. Segir hann
ÁTVR ekki eiga í neinni sam-
keppni við áfengisheildsala og því
muni stofnun hlutafélags um að-
fangadeild fyrirtækisins ekki
breyta neinu.
Indriði segir að ráðuneytið hafí
verið að fá þetta álit í hendur og
því hafi ekki verið tekin nein form-
leg afstaða til þess né ákvarðanir
um framhaldið. Málið sé hins vegar
í skoðun „Ég get hins vegar ekki
neitað því að ég er hissa á þessari
niðurstöðu og skil raunar ekki
margt í henni. Þau rök sem færð
eru fyrir þessu af hálfu Verslunar-
ráðs eru ekki mjög sterk og Sam-
keppnisráð virðist hafa, án þess að
fara í mjög ítarlega skoðun sjálft
tekið undir þau.“
Indriði segir að litið hafi verið
fram hjá því í áliti Samkeppnisráðs
að ÁTVR eigi ekki í neinni sam-
keppni. „ÁTVR er ekki í neinni
samkeppni við heildsalana því fyrir-
tækið selur ekki til veitingahúsa I
heildsölu."
Aðspurður hvort ÁTVR eigi ekki
í beinni samkeppni við innlenda
heildsala, í það minnsta í þeim til-
vikum sem fyrirtækið stundi inn-
flutning á sömu tegundum og inn-
lendir heildsalar flytji hingað til
lands, segir Indriði að í þessu felist
grundvallarmisskilningur á starf-
semi aðfangadeildar ÁTVR.
„Aðfangadeildin er bara þjón-
ustuaðili fyrir smásöluna. Það er
ekkert sölufyrirtæki sem ekki
kaupir sína vöru. Það breytir engu
þó svo að aðfangadeildin verði klof-
in burt og stofnað sé hlutafélag
um hana. Eftir sem áður stendur
að ÁTVR sem smásölufyrirtæki
þarf að kaupa sína vöru.“
Fleiri kærumál enn til
meðhöndlunar
Indriði segir að áhersla hafi ver-
ið lögð á að tryggja að starfsreglur
þær sem unnið væri eftir mismun-
uðu ekki neinum aðilum. „Við erum
tilbúin að endurskoða þessar reglur
ef menn telja að þær valdi ein-
hverri samkeppnisröskun og mun-
um að sjálfsögðu gera það í kjölfar-
ið á þessum úrskurði."
í það minnsta tvö kærumál sem
snerta ÁTVR eru enn til meðhöndl-
unar. Eftirlitsstofnun EFTA hefur
til meðhöndlunar kæru Verslunar-
ráðs vegna núgildandi laga um
ÁTVR. Snýr kæran m.a. að meint-
um ólöglegum ríkisstuðningi við
ÁTVR auk fleiri þátta sem taldir
eru skaðlegir frjálsri samkeppni.
Þá má einnig nefna málaferli þau
sem Evrópudómstóllinn hefur til
umfjöllunar kæru sænskra kaup-
manna gegn sænska ríkinu vegna
áfengiseinokunar þar í landi. Aðal-
lögmaður dómstólsins hefur þegar
skilað áliti í málinu þar sem hann
kemst að þeirri niðurstöðu að
áfengiseinokun í Svíþjóð bijóti
gegn þeim reglum sem gilda um
fijálst vöruflæði innan ESB og
EES. Vemdun á heilsu almennings
réttlæti heldur ekki ríkiseinokun
þar sem slíkum markmiðum megi
ná með öðrum og minna hamlandi
aðferðum. Verði niðurstaða dóm-
stólsins á sama veg mun hún einn-
ig gilda hér á landi.
Aðspurður hvort til athugunar
sé að aflétta einokun ÁTVR á
smásölu áfengis segir Indriði að
það sé annað mál sem stjórnmála-
menn verði að taka afstöðu til á
hveijum tíma.
Hlutafe Dags-
Tímans aukið
um 43 milljónir
Ágúst Einarsson þingmaður með 10% hlut
HLUTAFÉ Dagsprents sem gefur
út Dag-Tímann hefur verið aukið
um 43 milljónir króna að nafnvirði.
Er þessi hlutafjáraukning liður í
endurskipulagningu blaðsins í kjöl-
far þess að Alþýðublaðið og Viku-
blaðið hættu að koma út, að sögn
Eyjólfs Sveinssonar, stjórnarfor-
manns Dagsprents.
Sölugengi bréfanna er 1,7 og
söluvirði þessarar hlutafjáraukn-
ingar því rúmar 73 milljónir króna.
Nafnvirði hlutafjár Dagsprents að
lokinni hlutafjáraukningunni nemur
90 milljónum króna.
Eyjólfur segir að sala þessara
bréfa hafi gengið mjög vel og kaup-
endur hafi fundist að öllum bréfun-
um. Segir hann að nýr listi yfir
stærstu hluthafa blaðsins verði
kynntur um leið og fyrirhugaðar
skipulagsbreytingar.
Ágúst Einarsson í stjórn
Meðal þeirra sem auka munu
hlut sinn í Dagsprenti í hlutafjárút-
boðinu er Ágúst Einarsson, þing-
maður jafnaðarmanna í Reykjanes-
kjördæmi. Ágúst segir að kaup sín
muni nema á bilinu 10-15 milljónir
króna að söluvirði og muni hann
eiga u.þ.b. 10% hlut í útgáfunni að
lokinni hlutafjáraukningu, eða sem
samsvarar 9 milljónum króna að
nafnvirði. Segist hann þegar hafa
tekið sæti í stjórn blaðsins.
„Ég lít á þetta sem góða fjárfest-
ingu,“ segir Ágúst. „Þarna standa
yfir breytingar á blaðinu sem ég
tel vera mjög spennandi og ég hef
fulla trú á því fólki sem að þeim
stendur."
Endurskipulagningu lokið
innan 10 daga
Eyjólfur segir vinnu við þessar
breytingar ganga vel undir stjórn
ritstjóra blaðsins, þeirra Stefáns
Jóns Hafsteins og Elíasar Snælands
Jónssonar.
„Þessi vinna lýtur bæði að efnis-
tökum og útliti auk þess sem rit-
stjórnir hafa verið styrktar mjög.
Það er við því að búast að lesendur
hafi orðið þess varir þar sem þessir
blaðamenn eru komnir inn margir
hveijir. Þessari vinnu verður að öll-
um líkindum lokið innan viku til tíu
daga.“
Eyjólfur segir að ritstjórnir blaðs-
ins verði áfram á Akureyri og í
Reykjavík líkt og verið hafi til
þessa, en símsvörun blaðsins verði
hins vegar fyrir norðan.
Olíufélagið hyggur á frekari endur-
byggingu bensínstöðva
Stór þjónustu-
stöð verður reist
á Ártúnshöfða
OLÍUFÉLAGIÐ hf. hefur sótt um
leyfi bygginganefndar Reykjavík-
ur fyrir byggingu þjónustustöðvar
á Ártúnshöfða sem verður sú
stærsta sinnar tegundar á landinu.
Þar verður undir einu þaki rúmgóð
bensínstöð, hraðbúð Esso og veit-
ingaaðstaða. Nýja stöðin verður á
um 600 fermetra rými, en lóðin
sjálf er tæplega 6.000 fermetrar.
Framkvæmdir
hefjasteftir áramót
„Olíufélagið hefur á undanförn-
um árum verið að breyta bensín-
stöðum sínum vegna þess að
álagning á bensín er lág og sam-
keppni mikil á þeim markaði,“
sagði Þórólfur Ámason, fram-
kvæmdastjóri markaðssviðs Olíu-
félagsins, í samtali við Morgun-
blaðið. „Við höfum því verið að
leita annarra leiða til að auka
framleiðni og nýta betur sölustaði
okkar. í því skyni höfum við auk-
ið mjög vöruúrval á stöðunum.
Með auknu hreinlæti og aukinni
snyrtimennsku höfum við fengið
ívilnanir heilbrigðiseftirlits til þess
að selja matvöra.
Við mótuðum skýra stefnu fyrir
þremur til fjóram áram og frá
þeim tíma hafa hverfastöðvarnar
okkar verið endurbyggðar. Hins
vegar hafa stöðvarnar á leiðinni
út úr bænum setið eftir. í byijun
ársins keyptum við Nesti og öðluð-
umst þar með full yfírráð yfir lóð-
unum á Ártúnshöfða og í Foss-
vogi. Núna er afráðið að byggja
nýja stöð á Ártúnshöfða og fram-
kvæmdir era fyrirhugaðar í byijun
næsta árs. Þeim á að vera lokið
fyrir næsta sumar.“
Holtsbúð Garðarbæ - Útsýni
Fallegt raðhús á tveimur
hæðum ásamt innbyggðum
bílskúr á fallegum útsýnis-
stað. Möguleiki á allt að 5
svefnherbergjum. Tvennar
svalir, lítill garður. Vandaðar
innréttingar. Parket og flísar.
Verð 14,3 millj.
HÚSAKAUP
sími 568 2800
fax 568 2808
Morgunblaðið/Halldðr
Lufthansa selurfjórð-
ungs hlut sinn í Cargolux
ÞÝSKA flugfélagið Lufthansa hef-
ur selt 24,5% hlut sinn í fragtflugfé-
laginu Cargolux í Lúxemborg til
SAirLogistics AG, sem er í eigu
Swissair. í framhaldi af kaupunum
verður gerður samningur um náið
samstarf félaganna. Þetta opnar
Cargolux aðgang að flutninganeti
Swissair, sem nær til um 170
áfangastaða í 65 löndum, en Swiss-
air tryggir sér aftur á móti samning
um verulegt flutningsrými í flugvél-
um Cargolux.
Með samstarfinu er einnig ætlun-
in að ná fram hagræðingu í sölu,
markaðssetningu, stjómun og tölvu-
vinnslu. Fyrirtækin munu halda sín-
um auðkennum, en sameiginlega
verða SAirLogistics, Cargolux og
Swisscargo einn af fimm stærstu
aðilunum í fragtflugi í heiminum.
Cargolux var stofnað árið 1970
og er stærsta fragtflugfélag Evrópu
og eitt af tíu stærstu fragtfélögum
heimsins. Félagið starfrækir átta
Boeing 747-vélar og hefur tekið
nokkrar nýjar vélar í notkun á und-
anfömum árum. Það jók tíðni sína
í flugi til íslands 7. september sl.
og hefur nú viðkomu hér á landi
þrisvar í viku. Tvívegis kemur vél
hingað á leið sinni frá Evrópu til
Bandaríkjanna og einu sinni á leið-
inni frá Bandaríkjunum til Evrópu.
Skuldabréfaútboð
Landsvirkjunar
Milljarður
útá 5 dögum
SKULDABRÉFAÚTBOÐI Lands-
virkjunar lauk í gær, en alls voru
seld bréf fyrir 1 milljarð króna.
Gekk sala bréfanna mun betur en
gert var ráð fyrir. Seldust bréfin
upp á fimm dögum en áætlað sölu-
tímabil var 4 vikur, að því er segir
í frétt frá íslandsbanka, er hafði
umsjón með útboðinu.
Jafnframt segir þar að stefnt sé
að skráningu bréfanna á Verðbréfa-
þingi íslands eftir u.þ.b. eina viku
og muni íslandsbanki annast við-
skiptavakt bréfanna.
----»-♦.♦---
Oxfam vill
gjaldeyrisskatt
London. Reuter.
BREZKA þróunarstofnunin Oxfam
hefur hvatt til þess að skattur verði
lagður á alþjóðlega gjaldeyrisflutn-
inga.
Með slíkum skati segir Oxfam
að koma megi í veg fyrir öngþveiti
vegna spákaupmennsku og leggja
grundvöll að kerfi til að draga úr
skuldum fátækra ríkja og styrkja
umhverfisvemd.
Bilun í póstkerfi Margmiðlunar
PÓSTMIÐLARI Margmiðlunar
stöðvaðist tímabundið aðfaranótt
miðvikudags vegna svokallaðrar
SPAM-sendingar eða fjöldasend-
ingar sem fyrirtækinu barst frá
öðrum netþjóni hér á landi.
Að sögn Stefáns Hrafnkelssonar,
framkvæmdastjóra Margmiðlunar,
hefur fyrirtækið hannað sérstakan
hugbúnað til að veijast slíkum send-
ingum. Þetta hafí hins vegar verið
í fyrsta sinn sem á búnaðinn hafi
reynt og hafi hann ekki brugðist
rétt við. Því hafi póstmiðlarinn dott-
ið út frá miðnætti og fram undir
morgun. Stefán segir að hins vegar
hafi enginn póstur glatast vegna
þessa. Lagfæringar hafi verið gerð-
ar á varnarbúnaðinum til að koma
í veg fyrir að þetta endurtaki sig.
Fjöldasendingar af þessu tagi eru
að sögn Stefáns óheimilar á netinu
samkvæmt notkunarreglum INTIS.
Þær innihaldi auglýsingaefni og séu
ætlaðar viðskiptavinum netþjón-
ustuaðila á borð við Margmiðlun.
Hann segist telja sendingar af þessu
tagi eina af mestu ógnunum við
Netið í dag. „Þetta eru auglýsingar
sem gera það að verkum að fóik
er að fá sendan ruslpóst sem stelur
frá því mikilvægum tíma. Ég tel 1
það því vera hlutverk netþjónustu-
aðila að koma í veg fyrir þetta.“
Stefán segir að sendingaraðilar
reyni að nota önnur og óskyld fyrir-
tæki sem upphafspunkt slíkra send-
inga, enda sé oft lokað fyrir sam-
skipti við þau fyrirtæki sem sendi
frá sér auglýsingar af þessu tagi.
í þessu tilfelli hafi sendingaraðili i
verið innlendur þjónustuaðili og j
hafi tímabundið samskiptabann ver-
ið sett á hann meðan verið sé að '
kanna málið.