Morgunblaðið - 01.10.1997, Blaðsíða 13

MORGUNBLAÐIÐ
AKUREYRI
MIÐVIKUDAGUR 1. OKTÓBER 1997 13
Hausthrein-
gerning í
bjarginu
Grímsey. Morgunblaðið.
FUGLALÍFIÐ er Grímseyingum
gjarnan hugleikið og nú er sá
tími að renna upp að síðustu sum-
arfuglarnir yfirgefa eyjuna.
Bjargfuglagargið sem yfir-
gnæfir önnur hljóð á vorin og
er vorboði á sinn hátt er hljóðnað
um sinn. Bjargið er orðið autt
og líkast því að þar hafi verið
gerð hausthreingerning. Má-
varnir fara ekkert því þeir eru
hér yfir veturinn og sama má
segja um æðarfuglinn sem þó
nokkuð er af hér. Mönnum ber
þó saman um að sáralítið hafi
komist upp af æðarungum þetta
nýliðna sumar og í þetta sinn er
veðráttunni ekki kennt um held-
ur hefur vargfugli fjölgað stór-
lega. Þar er aðallega um að ræða
hvítmáv og silfurmáv.
Talsverð dúntekja þótt varpi
sé ekki sinnt sérstaklega
Talsverð dúntekja hefur verið
hér, þó er varpinu ekki sérstak-
lega sinnt í þeim tilgangi að efla
það og styrkja. Sigrún Oladóttir
á Básum fékk t.d. dún úr um það
bil 60 hreiðrum sem líklega er
um kíló. Það þykir ekki ýkja
mikið hjá þeim sem stunda þessa
atvinnugrein en verð á æðardúni
er allhátt um þessar mundir.
Seinni hluta sumars hefur orð-
ið vart við fugla eins og skarf,
skrofu og súlu en enginn þessara
fugla verpir hér svo vitað sé. Þó
verpti súlan hér fyrir 20-30
árum en fjöldi þessara fugla nú
er miklu meiri en áður og ástæð-
ur þess hugsanlega mun hlýrri
sjór en í langan tíma.
Ennþá eru mófuglar eins og
þúfutittlingur, lóa og hrossa-
gaukur hjá okkur en óðum stytt-
ist í að þeir yfirgefi eyjuna og
hverfi til heitari landa.
Brátt tekur skammdegið völd
og lægðirnar að sunnan senda
okkur misjöfn veður. Minnug
þess að alltaf vorar á ný og loft-
ið fyllist fuglasöng eftir langan
vetur og stundum strangan höld-
um við áfram að vinna því þeir
fiska sem róa.
RAFVEITA Akureyrar varð
75 ára í gær, þriðjudaginn 30.
september, og af því tilefni var
gestum boðið að heimsækja
höfuðstöðvar veitunnar við
Þórsstíg. Þar hafði verið sett
upp sögusýning sem vakti
verðskuldaða athygli, fræðslu-
erindi voru flutt, m.a. um
gjaldskrá Rafveitunnar sem er
með þeim lægstu á landinu, um
raforkunotkun heimilistækja
og hættur af völdum raf-
magns. Rafveitan ætlar að
minnast tímamótanna með
ýmsum hætti, m.a. hefur verið
ákveðið að veija 250 þúsund
krónum árlega næstu fimm ár
til skógræktar við Glerá, en
Glerárstöð í Glerárgili var
fyrsta rafstöð veitunnar. Þá
hefur veitan látið hannað
göngubrú yfir stífluna í Glerár
og mun hafa umsjón með fram-
kvæmdum við gerð hennar.
A myndinni er Þorvaldur
sem benti stoltur á mynd upp
á vegg og sagði að þarna væru
pabbi sinn, Snæbjörn og afi,
Þorvaldur sem báðir vinna hjá
Rafveitu Akureyrar. Taldi
Þorvaldur alls ekki ólíklegt að
hann mynd sjálfur í framtíð-
inni starfa hjá fyrirtækinu.
Vísinda- og fréttamenn gripu í tómt í gær
Loðna kynjaskepnan
á Flateyjardal horfin
KYNJASKEPNAN sem rak á land
norðvestur undir Eyrarhnjúk í Flat-
eyjardal við Skjálfanda fyrir
skömmu var horfin er ljósmyndari
Morgunblaðsins fór á staðinn í gær
ásamt Tryggva bónda Stefánssyni á
Hallgilsstöðum í Fnjóskadal, sem
hafði séð skepnuna og Erlendi Boga-
syni starfsmanni Hafrannsóknar-
stofnunar á Akureyri.
Tryggvi taldi skepnuna helst líkj-
ast hval en á skrokknum var gul-
hvít ullarkennd ló. Hausinn vantaði
á skepnuna en Tryggvi hafði séð
meirihluta skrokksins og sporðinn
er hann var þarna á ferð nýlega.
Einnig hafði komið upp í umræð-
unni að þarna gæti hafa verið sæ-
skrímsli á ferð, enda slík kvikindi
ekki óþekkt við Skjálfanda.
Skrímslasérfræðingar geta
haft það fyrir satt
„Við vorum aðeins of seint á ferð-
inni og sjórinn hefur tekið hann út
í nótt (fyrrinótt). Þar með geta
skrímslafræðingar og aðrir slíkir
haft það fyrir satt að þetta hafi
verið eitthvað mjög merkilegt og það
er ekki gott að taka slíkt frá mönn-
um. Þar sem er draugagangur er
best að hann fái að vera ef menn
geta ekki skýrt hann með eðlilegum
hætti,“ sagði Tryggvi, sem sjálfum
hafði ekki dottið neitt dularfullt í
hug varðandi þennan fund sinn.
Fréttin í Morgunblaðinu í gær um
kynjaskepnuna vakti mikla athygli,
enda fór það svo að ijölmiðlamenn
fjölmenntu á stórum jeppum í Flat-
eyjardal í gær en gripu í tómt. Höfðu
gárungarnir á orði það hefði helst
verið ónefnd bílaleiga á Akureyri
sem eitthvað hefði haft upp úr krafs-
inu.
Morgunblaðið/Kristján
TRYGGVI Stefánsson á Hallgilsstöðum t.v., Sigurður Ægisson, sóknarprestur á Grenjaðarstað og
Erlendur Bogason, á Hafrannsóknarstofnun, ræða málin í fjörunni í Flateyjardal og skoða bókina
íslenskir hvalir fyrr og nú, sem Sigurður og félagar hans eru höfundar að. Þeir voru að reyna að
gera sér grein fyrir því hvers kyns skepna þetta var, samkvæmt lýsingu Tryggva, með því að
skoða myndir af hvölum í bókinni en komust ekki að neinni niðurstöðu. Það sem vakti þó mesta
athygli þeirra Sigurðar og Erlendar var að hausinn skyldi vanta á skepnuna en sporðurinn hefði
verið nánast heill. Ferðin í Flateyjardal í gær var þó ekki alger fýluferð því Tryggvi fann hryggj-
arlið úr hval í fjörunni.
Héraðsdómur Norðurlands eystra
Skilorðsbundið
fangelsi fyrir
kynferðisáreitni
RÚMLEGA fimmtugur karlmaður
var dæmdur í fimm mánaða skil-
orðsbundið fangelsi í Héraðsdómi
Norðurlands eystra í gær fyrir kyn-
ferðisbrot gegn rúmlega fertuga
konu. Einnig var manninum gert
að greiða konunni miskabætur,
rúmlega 250 þúsund krónur auk
dráttarvaxta, sem og að greiða sak-
arkostnað.
Elti konuna heim
eftir dansleik
Atburðurinn átti sér stað eftir
dansleik í félagsheimili á kauptúni
á Norðurlandi í apríl í fyrra. Konan
var ásamt sambýlismanni sínum á
dansleik, en hélt einsömul heim á
leið um kl. 3 umrædda nótt. Fylgdi
ákærði í humátt á eftir henni og
náði henni á lóðinni við heimili
hennar. Hafði hann að sögn kon-
unnar í frammi kynferðislega
áreitni, reyndi m.a. ítrekað að kyssa
hana, en hún taldi átök þeirra á
grasflöt lóðarinnar hafa staðið í um
15 mínútur. Sambýlismaður kon-
unnar kom á vettvang, færði mann-
inn inn í þvottahús og kallað eftir
aðstoð lögreglu.
Fyrir dómi kvaðst maðurinn ekki
hafa litið svo á að hann hefði beitt
konuna kynferðislegu ofbeldi.
í dómi héraðsdóms kemur fram
að sannað þyki að maðurinn hafi
veitt konunni eftirför er hún var
einsömul á heimleið eftir dansleik.
Ætlun hans hafi verið að leita eftir
blíðuhótum og hafi hann ítrekað
gegn vilja hennar reynt að kyssa
hans og við það hafi þau bæði fall-
ið til jarðar. Ekki þótti sannað að
hann hafi haft í fram frekari kyn-
ferðislega háttsemi en tilraunir til
kossa. Þótti því ekki nægilega sann-
að að ásetningur hans hafi verið
að þvinga konuna til samræðis við
sig gegn vilja hennar. Maðurinn
hefur ekki áður gerst sekur um
hegningalagabrot.
Saga Rafveitunnar
Grunurum
netaveiðar
SVO virðist sem árnar í svo-
kölluðum Fjörðum séu ekki
nægilega gjöfular á hefðbund-
in veiðarfæri. Um síðustu heigi
þegar bændur í Grýtubakka-
hreppi voru að ganga seinni
göngur sínar var komið að
áhugasömum veiðimönnum við
veiðar í og við Hvalvatn í Hval-
vatnsfirði og vöknuðu grun-
semdir um að hefðbundin veið-
arfæri hefðu ekki verið látin
duga við veiðarnar. Líkast var
að net hefði verið lagt í vatnið
en slíkar veiðar eru með öllu
óheimilar.
Haft var samband við hrepp-
stjóra í Grýtubakkahreppi sem
kvaddi lögreglu á staðinn. Hjá
lögreglu á Akureyri fengust
þær upplýsingar að málið hefði
verið afhent rannsóknardeild
lögreglunnar til rannsóknar.
í samtali við formann veiði-
félagsins Stanga í Grýtu-
bakkahreppi kom fram að í
nokkur skipti hafa menn verið
staðnir að verki við veiðar með
net í Fjörðum en málin látin
fara sína leið í dómskerfinu.
Samkvæmt veiðikortum veið-
ast árlega um 400 fiskar í Gilsá
og Hvalvatni i Hvalvatnsfirði,
mestmegnis bleikja.
Hjálmar
settir upp
ATHÖFN verður við syðri enda
göngugötunnar í Hafnarstræti
í dag kl. 17 í tilefni af því að
gildi taka reglur um notkun
hlífðarhjálms við hjólreiðar.
Hugmyndin er að hjólreiða-
menn mæti og setji upp hjálm-
inn, til að minna á mikilvægi
þess öryggis sem þeir veita.
Fulltrúar annarra, sem nota
hjálma við störf sín, munu
einnig mæta, t.d. lögregla,
slökkvilið, íslandsmeistarar í
íshokkí, hestamenn og fleiri.
Allir krakkar 7-14 ára, sem
koma með reiðhjólahjálm, fá
happdrættismiða. í vinning eru
m.a. hjólreiðavörur og pizzur.
Tryggingafélög gefa endursk-
insmerki og þá verður boðið
upp á sælgæti og svaladrykki.
Unglinga-
starfið hefst
FYRSTI fundur í unglingadeild
KFUM og K verður haldinn
annað kvöld, fimmtudags-
kvöldið 2. október, kl. 20.30 í
félagsheimilinu í Sunnuhlíð.
Fundirnir verða vikulega í vet-
ur og eru fyrir drengi og stúlk-
ur 13 ára og eldri.