Morgunblaðið - 01.10.1997, Blaðsíða 52

i
RÆát
9 8 í * « * *
V-
orolla
minni eyðsla - hreinni útblástur
meiri sparnaður
MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG RITSTJ@MBL.IS AKUREYRI: KAUPVANGSSTRÆTI1
MIÐVIKUDAGUR 1. OKTÓBER 1997
VERÐ í LAUSASÖLU 125 KR. MEÐ VSK
Morgunblaðið/Kristinn
JON Bjömsson verkstjóri í einu baðherberginu. Þaðan var klósetti, vaski og blöndunartækjum stolið.
Klósettum,
vaski og
eldavélum
stolið
BROTIST var inn í þrjár íbúðir í
nýbyggðu fjölbýlishúsi við Álfa-
borg í Grafarvogi í fyrrinótt og
stolið þaðan þremur eldavélum og
eldhúsviftum, eldhúsvaski, tveim-
ur klósettum og þremur hand-
laugum á baði. Enginn virðist
hafa orðið var við ferðir þjófanna,
en blokkin er í stóru, svo til
mannlausu hverfi, sem verið er að
byggja. Blokkin er í eigu Húsnæð-
isnefndar Reykjavíkur og stendur
til að afhenda íbúðirnar um miðj-
an þennan mánuð. Að sögn Jóns
Björnssonar verkstjóra er verið
að kanna hvort hlutirnir séu
tryggðir.
Svo virðist sem að minnsta kosti
tveir þjófar hafi verið að verki að
sögn Jóns og af ummerkjum að
UR þessu eldhúsi var stolið eldavél, eldhúsviftu og eldhúsvaski.
Þjófarnir brutu upp og smeygðu sér inn um eldhúsgluggann.
dæma tókst þeim að spenna upp
eldhúsglugga íbúðanna, losa
stormjárnið og smeygja sér inn.
Þar virðast þeir hafa gefið sér
góðan tíma til að losa um vaskana,
klósettin og vifturnar, því til dæm-
is þarf að losa um 10 til 20 festing-
ar á eldhúsvaskinum einum.
Þá virðist sem þjófarnir hafi
lagt bfl bakvið nokkuð háan mold-
arhaug norðan við veginn framhjá
blokkinni, að sögn Jóns, og því
þurft að bera þýfið fyrst yfir göt-
una og sfðan yfir moldarhauginn,
eins og reyndar mátti sjá af mold-
arsporum á gólfinu.
Að sögn Rúdolfs Axelssonar, að-
alvarðstjóra í Reykjavík, er alltaf
nokkuð um það að verkfærum,
klósettum og öðrum verðmætum
hlutum sé stolið úr nýbyggingum
eða nýbyggðum húsum.
Utgerðarmenn úthafsveiðiskipsins
Vydunas gengu á fund Landsbergis
Stjórnvöld Lithá-
en komi að lausn
ÍSLENSKIR útgerðarmenn sem
gerðu út litháíska úthafsveiðiskipið
Vydunas gengu í gær á fund
Vytautas Landsbergis, forseta iith-
áíska þingsins, og fóru fram á að
hann beitti sér fyrir því að litháísk
stjórnvöld kæmu að lausn deilu um
uppgjör milli íslensku aðilanna og
eiganda skipsins í Litháen. Alfreð
Steinar Rafnsson, sem var skip-
stjóri Vydunas, segir að Landsberg-
is hafi engin loforð viljað gefa.
Vydunas er í eigu Búnaðarbank-
ans í Litháen sem ríkið á að stærst-
um hluta. Það var leigt til fyrirtæk-
isins Juru Liutas, sem er í eigu Is-
lendinga og Litháa. Úthafsafurðir
hf. í Fellabæ á Héraði gerði fímm
ára samning við Juru Liutas um
stjórnun á veiðum og vinnslu skips-
ins og fjármagnaði útgerð þess að
nokkra leyti.
Skipið var að frysta makríl í
írskri lögsögu í mars 1996 þegar
eigandi þess ákvað að snúa því til
Litháens. Fjórir Islendingar voru
um borð í skipinu og voru þeir
fluttir nauðugir til Litháens pg
bannað að hafa samband til ís-
lands. íslensk stjórnvöld höfðu af-
skipti af málinu.
Skipverjarnir kærðu dómsmeð-
ferð í Litháen til Mannréttindadóm-
stólsins í Strassborg í september.
Málið er nú í vinnslu í Strassborg.
Alfreð Steinar segir að Úthafsaf-
urðir hafi reynt að leita eftir frið-
samlegri lausn en það virðist borin
von. Uppgjörsmálið verður tekið
fyrir hjá alþjóðlegum gerðardómi í
London í febrúar nk. Bankinn í
Litháen gerði þá kröfu að deilan
yrði tekin fyrir af dómstólum í Lit-
háen en tapaði þeirri kröfu fyrir
þremur dómstigum. Skipið hefur
legið bundið við bryggju í Klaipeda
síðan í mars 1996.
Alfreð Steinar segir að Úthafsaf-
urðir telji sig eiga búnað og birgðir í
skipinu að andvirði 570 þúsund
bandaríkjadollara, auk þess sem þeir
hafi kostað viðgerðir fyrir 547 þús-
und dollara. í skipinu var olía í eigu
Oliufélagsins hf. að andvirði um 300
þúsund dollarar. Alls séu því um
1.417.000 dollarar eða rámlega 100
milljónir ISK í eigu íslenskra fyrir-
tækja frystar í Litháen.
Þörf á að hækka síma-
gjöld innan svæðis
STJÓRN Pósts og síma hf. er þeirr-
ar skoðunar að gjaldskrá fyrir innan-
svæðissímtöl sé of lág og standi ekki
undir kostnaði við staðbundna sím-
kerfíð. Því megi búast við að þessi
taxti hækki á næsta ári, en jafnframt
megi vænta þess að gjald fyrir utan-
svæðissímtöl og símtöl til útlanda
lækki verulega.
Pétur Reimarsson stjórnarfor-
maður Pósts og síma hf. segir að
þótt góður hagnaður sé af rekstri
Pósts og síma um þessar mundir sé
það spá manna að þessi hagnaður
minnki til muna á næstu árum eftir
því sem samkeppni í fjarskiptaþjón-
ustu harðni. Fjarskiptakerfíð sé að
opnast og mörg ný fyrirtæki séu að
koma inn í samkeppni.
Hér á landi séu menn að búa sig
undir þessar breytingar með ýmsum
hætti, m.a. með því að skilja að Póst
og síma í tvö fyrirtæki, Landssíma
íslands hf. og íslandspóst hf.
Aðskilnaður/27
Utlit er fyrir að ófremdarástand skapist á sjúkrahúsum 1. desember
Ungir læknar hætta
* að vinna yfírvinnu
103 UNGIR læknar á Landspítala
og Sjúkrahúsi Reykjavíkur til-
kynntu yfirstjórn spítalanna í gær
að þeir myndu hætta að vinna yfir-
vinnu frá og með 1. desember nk.
Þorvaldur Veigar Guðmundsson,
lækningaforstjóri á Ríkisspítölun-
um, segir að þetta muni hafa mikil
áhrif á starfsemi spítalanna og
raunar gangi starfsemin ekki upp
miðað við núverandi mönnun. Ekki
er óalgengt að ungir læknar vinni
150-200 yfirvinnutíma á mánuði.
58 ungir læknar á Landspítalan-
um og 45 ungir læknar á Sjúkrahúsi
Reykjavíkur skrifuðu undir bréf
þar sem tilkynnt er að þeir muni frá
og með 1. desember haga vinnutíma
sínum í samræmi við vinnutímalög-
gjöf Evrópusambandsins og aðeins
vinna 48 dagvinnutíma á viku.
„Þetta hefur veruleg áhrif á starf-
semi sjúkrahúsanna. Miðað við nú-
verandi mönnun er þetta ekki hægt.
í bréfinu bjóðast læknarnir til að
aðstoða við skipulagsbreytingar í
þeim tilgangi að aðlaga starfsemi
spítalanna þessari breyttu vinnutil-
högun. Þeir gera sér grein fyrir að
þetta getur aldrei komist til fram-
kvæmda á stundinni. Okkur vantar
fleira fólk til starfa, bæði unga
lækna og sérfræðinga ef það á að
fara að framfylgja þessum vinnu-
reglum," sagði Þorvaldur Veigar.
Kallar á meiri vinnu
sérfræðinga
Magni Jónsson, starfandi lækn-
ingaforstjóri á Sjúkrahúsi Reykja-
víkur, sagði að þessi ákvörðun ungu
læknanna kæmi til með að hafa mik-
il áhrif á starfsemi spítalans. Hann
sagðist gera ráð fyrir að reynt yrði
að leysa þetta með auknu vinnu-
framlagi sérfræðilækna. Það yrði
hins vegar spítalanum dýi-ara en ef
vinnan væri unnin af ungum lækn-
um og myndi þegar til lengdar lætur
skapa óviðunandi vinnuálag.
Helgi H. Helgason, formaður Fé-
lags ungra lækna, sagði að ástæður
þessarar ákvörðunar væru langvar-
andi óánægja með mikið vinnuálag
og hversu lítið ríkið hefði lagt sig
fram um koma til móts við óskir
ungra lækna um breytingar á
vinnutíma.
Ekki hefur verið gerður nýr
kjarasamningur við unga lækna, en
krafa um breytingu á vinnutíma er
ein meginkrafa lækna í viðræðun-
um. Helgi sagði að samningavið-
ræðurnar væru mjög skammt á veg
komnar og raunar hefðu þær ekki
hafíst fyrr en í september.
Lausn ekki á
valdi spítalanna
Magni sagðist ekki sjá að það
væri á valdi spítalanna að leysa þau
vandamál sem lægju að baki þessari
ákvörðun. „Þessi mál verða ekki
leyst nema að það sé búið að gera
gildan kjarasamning. Meðan ekki
hefur verið gerður kjarasamningur
við læknana er ekki hægt að vinna
þá skipulagsvinnu sem þarf til að
leysa þetta til frambúðar," sagði
Magni.
Morgunblaðið/Ásdfs
Laufin á
Laufásvegi
HAUSTLAUFIN eru tekin að
falla og fjúka enda haustlægðirn-
ar farnar að gera vart við sig
ineð tilheyrandi strekkingi og
kólnandi veðri. Hafa bæði garð-
eigendur og starfsmenn Reykja-
víkurborgar gripið í að sópa laufi
og setja í safnkassa eða á aðra
viðeigandi staði eins og Guðni
Hannesson gerði á Laufásvegin-
um í gær.