Morgunblaðið - 11.10.1997, Blaðsíða 14
14 LAUGARDAGUK 11. OKTÓBEK 1997 MORGUNBLAÐIÐ
Til hvers eru O Hverjir hagnast á Af hverju er ég skyldaður
lífeyrissjóðirnir? lífeyrissjóðunum? 0 til að borga í tiltekinn
lífeyrissjóð? Q
Hvað gera lífeyrissjóðirnir
fyrir mig?
Til hvers eru lífeyrissjóðirnir?
— Öll þurfum við að hafa tekjur til að fram-
fleyta okkur. Líka eftir að við hættum að
vinna, hvort sem það verður vegna aldurs eða
skertrar starfsorku. hess vegna söfnum við í
sjóði sem eru ávaxtaðir til að tryggja okkur
lífeyri í framtíðinni.
Markmið lífeyrissjóðanna er að tryggja þér
ævilangan verðtryggðan ellilífeyri sem nemur
70% af tekjum þínum. Þetta markmiö mun
nást á næstu áratugum þegar sjóðirnir hafa
náð fullum þroska.
Um það leyti sem fyrstu sjóðfélagarnir hafa
lokið starfsævi sinni munu sjóðirnir tryggja
þeim ríflegan ellilífeyri til æviloka án þess að
auka byrðar þeirrar kynslóðar sem þá verður
á vinnumarkaði.
^ Hverjir hagnast á lífeyrissjóðunum?
— Allir sjóðfélagar, sem eru meginþorri
þjóðarinnar, njóta góðs af iðgjaldagreiðslum
sínum. Mánaðarleg upphæð lífeyrisgreiðslunnar
ræðst af iðgjöldunum sem þú greiðir á starfs-
ævinni, en heildarupphæð lífeyrisins fer eftir
því hvað þú lifir lengi. Alla jafna munu þeir
sem lifa lengst fá mest út úr sjóðunum, enda
er hlutverk sjóðanna að tryggja öllum fjárhags-
legt sjálfstæði alla ævi.
Komandi kynslóðir munu einnig hagnast á
lífeyrissjóðunum. Framfærslukostnaður okkar
lendir ekki á þeim og afkomendur okkar
munu geta tryggt sína eigin framtíð rétt eins og
við erum að gera núna - með lífeyrissjóðunum!
Af hverju er ég skyldaður til að borga í
tiltekinn lífeyrissjóð?
— Aðild að lífeyrissjóði er hluti af umsömdum
kjörum hverrar starfsstéttar eða starfshóps. Á
móti skylduaðild þinni kemur að lífeyris-
sjóðurinn er skyldugur til að taka við iðgjöldum
þínum og tryggja þér réttindi til jafns við alla
aðra.
Afnám skylduaðildar leiðir ekki til frelsis
launafólks til að velja lífeyrissjóð heldur þvert
á móti til frelsis lífeyrissjóða til að velja sér
félaga. Lífeyrissjóðir í harðri samkeppni þurfa
að verðleggja hvern einstakling. Sjóðfélagar
yrðu metnir á grundvelli aldurs, atvinnu,
kynferðis og heilsufars.
í sameiningu getum við tryggt öllum lífeyri
því áhættan dreifist jafnt á alla sjóðfélaga.
Skylduaöildin er forsenda þeirrar sam-
tryggingar sem við íslendingar búum við og
erum hreykin af.