Morgunblaðið - 24.02.1998, Blaðsíða 60

Atvinnutryggingar
MORGUNBLAÐW, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKUREYRI: KAUPVANGSSTRÆTI1
ÞRIÐJUDAGUR 24. FEBRÚAR 1998
VERÐ í LAUSASÖLU 125 KR. MEÐ VSK
Talsmenn Myllunnar-Brauðs hf. í kjölfar úrskurðar Samkeppnisráðs
Afsláttur til stórmarkaða
hefur ekki nýst neytendum
Stórmarkaðirnir mótmæla
fullyrðingum Myllunnar
TALSMENN Myllunnar-Brauðs hf. sögðu í gær
að afsláttur Myllunnar og Samsölubakarís til
stórra matvöruverslana hefði aukist úr 10 í 40% á
undanfómum fjórum árum án þess að það hefði
skilað sér í lægra verði til neytenda. Stóru mat-
vörukeðjumar fengju 100 milljónir á ári í formi
afsláttar og álagningar á brauðmeti án þess að
^^það skili sér til neytenda.
Fulltrúar nokkurra stórmarkaða sem Morgun-
blaðið ræddi við í gær mótmæltu þessum fullyrð-
ingum. Segja þeir að afsláttur á brauðum hafí
skilað sér til neytenda í beinni lækkun, ýmsum
tilboðum og hagræðingu í verslununum. Óskar
Magnússon, forstjóri Hagkaups, segir að ef rætt
sé um 100 milljóna króna afslátt hjá Myllunni gefí
það einungis til kynna að verðlisti fyrirtækisins
sé endaleysa.
Samkeppnisráð ógilti síðastliðinn föstudag yf-
irtöku Myllunnar-Brauðs hf. á Samsölubakaríi hf.
sem tilkynnt var Samkeppnisstofnun 22. desem-
ber. Telur samkeppnisráð að yfirtakan leiði til
•■—"'*markaðsyfírráða Myllunnar og dragi verulega úr
samkeppni. Forsvarsmenn Myllunnar telja að
með úrskurðinum sé samkeppnisráð að draga
taum stórmarkaða og að horft sé framhjá hags-
munum neytenda.
Um 55% markaðshlutdeild
á Suðvesturlandi
Meðal helstu raka samkeppnisráðs fyrir ógild-
ingu samrunans er að Myllan og Samsölubakarí
selji framleiðslu sína nær eingöngu til matvöru-
verslana og annaiTa fyrirtækja og hafí matvöru-
verslanimar um 85% markaðshlutdeild á því
svæði sem fyrirtækin selja vörur sínar á. Þá segir
Morgunblaðið/Kristinn
SAMSÖLUBRAUÐ og Myllubrauð hafa
keppt um athygli neytenda í stórmörkuðum.
að samanlögð velta Myllunnar og Samsölubakarís
hafi á síðasta ári verið 14 sinnum meiri en þess
fyrirtækis sem næst komi þeim tveimur í sölu á
brauðvörum til matvöruverslana.
Samkeppnisráð telur að Myllan og Samsölu-
bakarí hafí um 55% hlutdeild smásölumarkaðar-
ins í brauði og kökum á Suðvesturlandi og að
næstu fyrirtæki hafi milli 3-5%. Þá telur sam-
keppnisráð augljóst að markmið Myllunnar með
yfirtökunni sé af markaðslegum toga og segir að
áætlanir fyrirtækisins um hagræðingu sýni að
hún verði aðeins óveruleg.
Forráðamenn Myllunnar íhuga að áfrýja úr-
skurði samkeppnisráðs en til þess hafa þeir fjög-
urra vikna frest. Kolbeinn Kristinsson, fram-
kvæmdastjóri Myllunnar, segir úrskurðinn von-
brigði. Fyrirtækið hafi selt eignir til að greiða
hluta kaupverðsins og byrjað hafi verið á lítils
háttar hagræðingu. Hann telur samruna eina
svarið við kröfu stórmarkaða um afslætti sem
hafi ekki skilað sér að fullu út í verðlagið og segir
að samkeppnisráð hafi algjörlega tekið afstöðu
með þeim en ekki neytendum.
Erlend samkeppni yfirvofandi
Þá telja forráðamenn Myllunnar að erlend
samkeppni muni aukast hérlendis. Hægt sé orðið
að framleiða brauðdeig og frysta þau hefuð og
geri ný ofnatækni það mögulegt að flytja þau
hingað og baka við einfaldar aðstæður.
A Fréttavef Morgunblaðsins á sunnudaginn
var greint frá úrskurði Samkeppnisráðs í máli
Myllunnar og Samsölubakarís. A Fréttavefnum
má finna úrskurð Samkeppnisráðs, viðbrögð
Myllunnar hf. og gi-einingu á ársreikningum
Samsölubakarís og Myllunnar. Slóð Fréttavefjar-
ins er www.mbl.is
■ Leiðir til/30-31
■ Kaupmenn/13
Eidur af
völdum
fikts
barna
MIKLAR skemmdir urðu
vegna sóts og reyks í tveggja
hæða einbýlishúsi á Arnarnesi í
gærmorgun eftir að eldur kom
þar upp. Tvö böm, 4 og 5 ára,
höfðu verið að fikta með eld-
færi, með þeim afleiðingum að
eldurinn barst í pappír á neðri
hæð hússins og breiddist út.
Eldurinn kom upp um klukk-
an 11 í gærmorgun. Samkvæmt
upplýsingum frá lögreglunni í
Hafnarfirði var talsverður eld-
ur í húsinu þegar slökkviliðið
kom að en búið var að ráða nið-
urlögum eldsins og reykræsta
um klukkutíma síðar.
Fullorðinn maður í húsinu
fékk snert af reykeitrun en
börnin sluppu með skrekkinn.
Út af í Norð-
urárdal
MAÐUR meiddist á höfði þegar
jeppi sem hann ók fór út af veginum
og ofan í skurð við Hraunsnef í
Norðurárdal um áttaleytið í gær-
kvöld.
Maðurinn fékk far í Borgarnes
með fólki sem átti leið hjá og ók
honum á heilsugæslustöðina en það-
an var hann fluttur á sjúkrahúsið á
Akranesi. Snjókoma var og hálka
þegar óhappið átti sér stað. Maður-
inn var einn í bflnum sem er mikið
skemmdur, að sögn lögreglu í Borg-
arnesi.
- Eldur í
sölu-
skála
ELDUR kviknaði í gömlum sölu-
skála Nestis við Ártúnsbrekku
um klukkan 14 í gær, þegar ver-
ið var að rífa hann. Skammt frá
söluskúrnum eru eldsneytistank-
ar en samkvæmt upplýsingum
frá slökkviliðinu í Reykjavík var
lítil sem engin hætta á að eldur-
inn næði til þeirra.
Verktakar voru að rífa skúrinn
og er talið að eldur hafi kviknað
út frá logsuðutæki eða slípirokk
sem notaður var til að skera
sundur járnbita í honum. Sam-
kvæmt upplýsingum frá slökkvi-
liði var aðkoman ljót vegna mik-
ils reyks og margir vegfarendur
héldu að bensínstöðin stæði í
björtu báli.
Tankbíll við höndina
Vegna þessa var viðbúnaður
slökkviliðs talsvert mikill. Hins
•^%vcgar var eldurinn viðráðanleg-
ur frá upphafi og réð þar miklu
að verktakarnir höfðu þá fyrir-
hyggju að leggja bifreið með
vatnstanki skammt frá skúrnum
og gátu þeir því sprautað vatni á
eldinn umsvifalaust eftir að hann
kom upp. Slökkviliðið í Reykja-
vík slökkti þann eld sem eftir var
-«og gætti þess að niðurrif skúrs-
ins gengi áfallalaust fyrir sig.
Morgunblaðið/Kristinn
MIKILL reykur myndaðist af völdum eldsins í skúrnum og héldu marg-
ir vegfarendur að eldurinn logaði í bensínstöð við hlið söluskálans.
Samningar lækna og TR dragast
Deilt um gjald-
skrá skurðlækna
ÁGREININGUR um gjaldskrá í
skurðlæknisgreinum er meðal þess
sem deilt er um í samningaviðræðum
sérfi-æðinga og Tryggingastofnunar
ríkisins. Kristján Guðjónsson, deild-
arstjóri sjúkratryggingadeildar TR,
og Guðmundur I. Eyjólfsson, for-
maður samninganefndar sérfræð-
inga, segja báðir að tæplega sé raun-
hæft að gera ráð fyrir að hægt verði
að skrifa undir samninga fyrr en um
næstu helgi.
Fyrir helgi sagði Guðmundur að
ekki væri hægt að skrifa undir samn-
inga vegna þess að ekki lægi fyrir
hvaða breytingar heilbrigðisráðu-
neytið hygðist gera á ferliverkum.
Hann sagði í gær að þessi mál hefðu
skýrst mikið og ekki væri lengur beð-
ið eftir ákvörðunum úr ráðuneytinu.
Það væru hins vegar nokkur erfið
mál eftir, sérstaklega þau sem tengd-
ust rekstri skurðstofa. Samninga-
menn væru núna að reyna að koma
sér saman um hvernig bæri að meta
kostnað af rekstri skui’ðstofa.
Vilja klára alla samninga
Erfiðlega hefur gengið að ná
samningum við lækna sem sagt hafa
upp samningi við TR eins og bækl-
unarskurðlækna og þvagfæralækna.
Guðmundur sagðist gera ráð fyrir að
reynt yi’ði að klára samninga við all-
ar sérgreinar, en þær eru 17. Það
yrði svo að koma í Ijós hvort læknar
myndu sætta sig við að vinna eftir
þessum samningum.
Kristján sagði að nokkur erfið mál
væru eftir m.a. í samningum við
lækna í skurðlæknisgreinum. Ófrá-
gengin atriði væru í öllum samning-
um, einnig þeim sem menn hefðu tal-
að um að væru á lokastigi. Hann
sagði að unnið yrði áfram að frá-
gangi samninga næstu daga, en það
væri tæplega raunhæft að gera ráð
fyrir að hægt væri að ljúka samning-
um fyrr en um næstu helgi.
---------------
Stýrið
hvarf í hafíð
STÝRI rækjubátsins Guðrúnar
Bjargar ÞH frá Húsavík losnaði og
hvarf í hafið í heilu lagi á miðunum
við Flatey á Skjálfanda sl. föstudag í
norðan 7 vindstigum og síðan hefur
hvorki sést af því tangur né tetur.
Skipverjum tókst að stýra bátnum
til hafnar með bómunni en Fram ÞH
kom þeim til aðstoðar og dró Guð-
rúnu Björgu síðasta spölinn til hafn-
ar á Húsavík. Fimm skipverjar voru
um borð en að sögn skipstjórans,
Óskars Karlssonar, voru þeir aldrei í
hættu.
■ Týndu stýrinu/14