Morgunblaðið - 26.02.1998, Síða 50

50 FIMMTUDAGUR 26. FEBRÚAR 1998
MORGUNBLAÐIÐ
Dýraglens
Grettir
Ljóska
Hevi+ivei?
BíSALLTAf-
AÐ SK.IPTA
UM KAs ?!
CLICK
CLICK 'O
click o
^ o
o
J V,'A<3 MOHU /ViySNAf? RNN/l
FyrejR REIE>I /VIINJM/
UAVfS 1) 29
Tommi og Jenni
&9 er ennþéij^ifluhoitað, þcu>
htísbandiCL.. í sjá. cúlir
Hæ, sætakrútt! Ég færi þér Er það einhvers virði í Ég efa það ... Ég er ekki sætakrúttið þitt!
Valentínusarkort! peningum?
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Stöðvum
ólöglega laxveiði
Frá Nils Viggó Clausen:
Á HVERJU sumri hef ég séð það
ljóta lögbrot að stunduð sé laxveiði
undir Gullinbrú í Grafarvogi. En
laxveiðar í sjó eru bannaðar og
hafa verið það frá 1932.
Þrátt fyrir að
66 ár séu liðin
frá þessari laga-
setningu ber
samt talsvert á
ólöglegri sjávar-
veiði við Gullin-
brú og annars
staðar á Suð-
vesturlandi, þar
sem laxgengd
hefur aukist síð-
astliðin ár. Laxveiði sem fram fer
á þessum stöðum er engin venju-
leg veiði.
Þarna eru menn að krækja í lax-
inn með stærðarinnar þríkrækjum
og sá lax sem verður fyrir slíkri
þríkrækju stórskaðast og jafnvel
drepst. Mest er þetta smálax, um
3-8 pund, en þó koma inn á milli
10-20 punda fískar. Mesti hlutinn
af þeim laxi sem kemur að Gullin-
brú á fjöru og voginn á flóði er
göngufiskur sem gengur upp í El-
liðaár og Korpu.
Laxveiði í sjó er mér teljandi
mjög alvarlegt lögbrot og ég tel
það mikilvægt að slík veiði verði
stöðvuð. Islenski laxastofninn er
ekki það stór að við getum eyðilagt
hann með þessum hætti.
Þessi þróun kallar á aukið eftir-
lit á slíkum svæðum og er það
hlutverk hins opinbera að sjá um
það. Það er afar sárt fyrir veiði-
menn að horfa upp á þetta athæfi
sem fram fer á slíkum stöðum.
Síðastliðið sumar bar ekki mikið á
slíkri veiði og var það sjálfsagt
vegna þess hve laxinn kom seint.
Mér finnst mjög mikilvægt að
ræða um þetta í fjölmiðlum, því
þetta er lögbrot sem hefur verið
erfitt að stöðva. Því tel ég nauð-
synlegt að herða eftirlit, hvernig
sem það er nú gert og kæra hvert
atvik fyrir sig. Því miður hef ég
oftar en einu sinni orðið var við að
lögreglan hefur aðeins rekið fólk í
burtu af veiðistað og síðan hafa
menn komið aftur til veiða næsta
dag.
Þetta verður að breytast. Lög-
reglan hefur þó oftast gert afla og
veiðarfæri upptæk.
Eg hvet alla til að fylgjast með
veiði við Gullinbrú og tilkynna lög-
reglu öll grunsamleg athæfi.
NILS VIGGÓ CLAUSEN,
áhugamaður um laxveiði,
Skaftholti, 801 Selfossi.
Nils Viggo
Clausen
Englaborg
og önnur hús
Frá Ingibjörgu Guðmundsdóttur:
VEGNA greina er voru birtar í
Mbl. 31. janúar, 5. og 7. febrúar sl.
um húsakaup á vegum Reykjavík-
urborgar.
I greininni 7. febrúar sl., „Hús
málarans og önnur hús“, er blandað
inn í umræðumar kaup á húseign-
inni að Laufásvegi 43 og talað um
húsasöfnun. Þar sem málið er mér
skylt vil ég taka fram, að litlar 8
milljónir króna fengum við erfingj-
amir (7 systkini) greitt fyrir húsið
ásamt stórri eignarlóð með gamal-
grónum trjám sem afi okkar gróð-
ursetti, þau eru meðal elstu trjáa í
borginni og em friðuð. Það var
mikið lagt að okkur erfingjunum af
Guðrúnu Jónsdóttur arkitekt að
borgin eignaðist þetta hús, sem er
eitt af elstu húsum Reykjavíkur, til
að gera það að minjasafni. Eins og
fram kemur í greininni hefur ekkert
verið gert og húsið látið grotna nið-
ur okkur til mikils ama. Við gátum
selt það óskyldum aðila fyrir hærra
verð, en vegna minningar um afa
okkar og ömmu og böm þeirra, sem
öll bjuggu þama til æviloka og við
áttum miklar og góðar minningar
um, vildum við að borgin fengi for-
kaupsrétt þrátt fyrir hið lága verð
sem við fengum í okkar hlut. Húsið
átti aldi’ei að fara í Árbæjarsafnið,
heldur láta það standa þar sem það
er og gera það upp ásamt garðinum
sem minjasafn frá gamla tímanum
til sýnis fyrir almenning og m.a.
talað um að hægt yrði að hafa kaffi-
sölu í garðinum.
Það má einnig koma fram og
sem aldrei er nefnt, að við gáfum
borginni allt innibúið sem í húsinu
var, húsgögn, borðbúnað og sem
því tilheyrir og er í stíl við húsið.
Einnig mjög verðmætt bókasafn,
sem m.a. er í þykka, góða skinn-
bandinu sem tíðkaðist í þá daga
með gyllingu og tilheyrandi, þ.á m.
gömlu Islendingasögumar ásamt
miklu magni af góðum og merki-
legum bókum, sem fengur er í fyrir
þá sem kunna að meta góðar bók-
menntir.
Þar sem við riðum ekki feitum
hesti frá sölu á allri eigninni og
þessi kaup fyrir borgina svara svo
sem til einna mánaðarlauna hjá
„sumum“, get ég ekki lengur orða
bundist og finnst óþarfi að skrifa
um þetta í hálfkæringi.
INGIBJÖRG
GUÐMUNDSDÓTTIR,
160235-3739.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.