Morgunblaðið - 26.04.1998, Blaðsíða 64

|T|N|T| Express
Worldwide
. 580 1010
íslandspóstur hf
Hraðflutningar
MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF5691181
PÓSTHÓLF 3040, NETFANG: RITSTJ@MBL.IS, AKUREYRI: KAUPVANGSSTRÆTI1
SUNNUDAGUR 26. APRÍL 1998
VERÐ í LAUSASÖLU 125 KR. MEÐ VSK

Vatnstjón
í Hamra-
borg
MIKIÐ tjón er talið hafa orðið í
fimm íbúðum í fjölbýlishúsi í
Hamraborg 32 í Kópavogi um
sjöleytið í gærmorgun þegar
slanga í þvottavél gaf sig með
þeim afleiðingum að vatn flæddi
um ganga og milli íbúða.
Sameiginlegt þvottahús er á
annarri hæð hússins og gaf sig
slanga í þvottavél sem þar var.
Vatn komst inn í fjórar íbúðir á
þeirri hæð og í eina íbúð á næstu
hæð fyrir neðan. Einnig komst
vatn í stigahúsið og niður í kjall-
ara. Gólfefni skemmdust á þeim
fimm íbúðum sem flæddi inn í.
Teppi og parket voru á gólfum í
íbúðunum og var unnið að því í
gærmorgun að meta skemmd-
irnar.
Slökkvilið kom á staðinn með
Morgunblaðið/Ámi Sasberg
UNNIÐ var að því í gær-
morgun að fjarlægja parket
af gólfum sem skemmst hafði
af völdum vatnsins.
vatnssugu og tók mesta vatnið af
gólfum og tóku síðan starfsmenn
á vegum tryggingafélaganna við.
Ahrif sjómannaverkfalls á Utgerðarfélag Akureyringa
Afkoman versnar um
40-50 milljónir króna
VELTA Útgerðarfélags Akureyr-
inga hf. minnkaði um 140 milljónir
króna vegna sjómannaverkfallsins
og afkoma félagsins versnar um
40-50 milljónir króna vegna þess.
Guðbrandur Sigurðsson, fram-
kvæmdastjóri ÚA, segir að ljóst sé
orðið að sjómannaverkfallið hafi
haft veruleg og neikvæð áhrif á
rekstur fyrirtækisins. „Eg er
óánægðastur með að sjá sjómenn
okkar, sem við höfum átt mjög gott
samstarf við í áratugi, fara í verk-
fall vitandi að það gefur þeim ekki
neitt í aðra hönd en við berum
mjög skarðan hlut frá borði,“ sagði
Guðbrandur. Hann benti á að
vegna verkfallsins hefði landvinnsl-
an stöðvast í tvígang og 21 veiði-
dagur skipa ÚA fallið niður, sem
hefði veruleg áhrif á rekstur fyrir-
tækisins.
Velta í landvinnslunni minnkaði
um 100 milljónir króna
I innanhússfréttabréfi ÚA sem
út kemur næstkomandi mánudag
kemur fram að vegna verkfallsins
minnkaði velta í landvinnslu um
100 milljónir og um 40 milljónir á
frystitogurunum, samtals varð
veltutap 140 milljónir kr. Til við-
bótar tapi á framlegð vegna minni
veltu kemur mikið óhagræði í land-
vinnslunni.
„Það skiptir mjög miklu máli í
bolfiskvinnslunni í landi, sem er
langstærsti þátturinn í rekstrinum
hjá okkur um þessar mundir, að
halda stöðugleika og jöfnu flæði í
gegn. Sem dæmi má nefna að fyrir
verkfallið komu öll skipin inn og
við fengum mikla aflatoppa inn í
móttökuna. Það leiddi til þess að
næturvinna varð mun meiri en eðli-
legt getur talist og hlutfall hávirð-
isafurða verður minna eftir því sem
frá líður vegna þess að við erum að
vinna sífellt eldra hráefni," sagði
Guðbrandur.
Hann kvaðst vera þess fullviss
að sjómannaverkfallið setti með
svipuðum hætti mark sitt á rekstur
annarra sjávarútvegsfyrirtækja
sem væru í svipaðri aðstöðu og ÚA
og byggðu reksturinn á fersku hrá-
efni.
Lögregla
veitti
eftirför
LÖGREGLAN í Reykjavík veitti
ungum manni eftirför aðfaranótt
laugardagsins.
Maðurinn sinnti ekki stöðvunar-
merkjum lögi'eglu en bfll hans var
án afturljósa. Maðurinn ók gegn
rauðu umferðarljósi og gegn akst-
ursstefnu meðan á eftirfórinni stóð
en náðist loks á Sæbraut. Hann er
grunaður um ölvun við akstur.
------------
Bakvandamál
Kostnaður
þjóðfélagsins
milljarðar kr.
BAKVANDAMÁL kosta þjóðfélag-
ið nokkra milljarða á ári, en spara
mætti tugi milljóna króna eingöngu
með því að draga úr ónauðsynlegum
rannsóknum, að mati Jóseps Ó.
Blöndal, yfirlæknis St. Fransiskus-
spítalans í Stykkishólmi.
Jósep gagnrýnir í viðtali í blaðinu
að of mildð sé um ónauðsynlegar og
gagnslausar meðferðir, sjúkraþjálf-
un sé oft rang- og misnotuð og að
iéleg tjáskipti og skilningur sé milli
sjúkraþjálfara og lækna. Þá veltir
hann einnig fyrir sér hvort líkams-
og heilsurækt, eins og hún hefur
þróast, sé blekking, viðskipti eða
hvort tveggja.
■ Dýrasta/10-12
------♦-♦-♦---
Akureyri
Drengurinn
úr lífshættu
SEX ára gamall drengur, sem fannst
meðvitundarlaus á botni Sundlaugar
Akureyrar á föstudag, er talinn úr
lífshættu.
Drengurinn var fluttur á gjör-
gæsludeild FSA og var haldið sof-
3,ndi. Hann er enn í öndunarvél en er,
sem fyrr segir, talinn úr lífshættu.
Vorverkin í
garðinum
VEÐUR hefur verið með ein-
dæmum gott suðvestanlands
undanfarna daga og hefur fólk
notfært sér það óspart til nauð-
synlegra vorverka í görðum
sínum.
Þau Jytte og Birgir voru
komin út í garð sinn við Elliða-
vatn eldsnemma í gærmorgun
með garðverkfærin.
iviui gun uiauiu/tvi iu ocuuerg
Viðhorfskönnun Félagsvísindastofnunar meðal foreldra
40% telja kennslu-
stundir of fáar
MEIRIHLUTI foreldra, 57,6%, tel-
ur að barn sitt fái hæfilega margar
kennslustundir í grunnskólanum yf-
ir skólaárið en um 40% telja þær
frekar of fáar eða allt of fáar.
Þetta kemur fram í könnun Fé-
lagsvísindastofnunar Háskóla ís-
lands fyrir Samfok um viðhorf for-
eldra í Reykjavík til málefna grunn-
skóla. Þar kemur einnig fram að
85,6% foreldra vilja að lögð sé
nokkru eða mun meiri áhersla á
tölvu- og upplýsingatækni í grunn-
skólum.
Spurt var um viðhorf foreldra til
þess þegar kennsla er felld niður,
t.d. vegna starfsdaga eða foreldra-
viðtala. Tæpur helmingur svarenda
var frekar eða mjög óánægður.
Þá kom í ljós í könnuninni að 63%
foreldra vilja að lögð sé meiri
áhersla á raungreinar í skólum.
26,9% töldu að þáttur raungreina
mætti vera mun meiri, 36,5% töldu
að hann mætti vera nokkru meiri og
35,9% töldu hann vera hæfílega mik-
inn. Einnig kom fram vilji til að
auka veg erlendra tungumála. 32,4%
vildu leggja mun meiri áherslu á
þann þátt, 31,5% nokkru meiri og
36,1% töldu hann hæfilegan.
Rúmur helmingur svarenda,
57,6%, taldi hins vegar þátt móður-
málsins í grunnskólanum hæfilegan,
en 42% foreldra vilja að lögð sé
nokkru eða mun meiri áhersla á
móðurmál.
Opinn fundur um
grunnskólann í Reykjavík
Samfok, Samband foreldrafélaga
og foreldraráða í skólum Reykjavík-
ur á grunnskólastigi, efnir til opins
fundar með oddvitum D-lista og R-
lista á Grand Hóteli nk. þriðjudags-
kvöld. Þar munu Árni Sigfússon og
Ingibjörg Sólrún Gísladóttir kynna
áherslur og framtíðarsýn og hvem-
ig listarnir hyggjast framkvæma
stefnu menntamálaráðuneytisins í
grunnskólamálum.
Fjölmennt
var í mið-
bænum
UM 2.000 manns voru í mið-
bænum aðfaranótt laugar-
dagsins þegar mest var.
Að sögn lögreglu var veður
milt og giskaði hún á að um
200 erlendir sjóliðar hefðu
verið í miðbænum og var
framkoma þeima í góðu lagi.
Vista þurfti tólf manns í
fangageymslum vegna ölvun-
ar eða annarra óspekta. Olv-
un í miðbænum þótti í meðal-
lagi.
Þá lagði lögregla hald á
tæplega 40 lítra af landa í
austurbænum í götueftirliti.
Patreksfjörður
Háanes
hf. kaupir
togara
HÁANES hf. á Patreksfirði hefur
keypt rækjufrystitogarann
Hrafnseyri ÍS 10 af Þorbimi hf.
Grindavík.
Togarinn, sem fær nafnið Guð-
rún Hlín BÁ 122, hefur yfir að ráða
1.300 tonna þorskígildiskvóta að
sögn Guðfinns Pálssonar, fram-
kvæmdastjóra Háaness hf. Kaup-
verð fékkst ekki uppgefið.