Morgunblaðið - 21.06.1998, Blaðsíða 14

14 SUNNUDAGUR 21. JÚNÍ 1998
MORGUNB LAÐIÐ
ÍÞRÓTTIR
Hans-Petter Buraas, ólympíumeistari í svigi, sem sló í gegn í skíðaheiminum síðasta vetur, heimsótti ísland
Morgunblaðið/RAX
NORSKI ólympíumeistarinn, Hans-Petter Buraas, tók sig vel út í veiðigallanum í Soginu. Þó svo að veiðin hafl ekki verið góð var hann ánægður með veruna hér í íslenskri náttúru.
Flutti
lög-
heimili
sitt til
Mónakó
BURAAS flutti lögheimili
sitt til Mónakó í vor til að
flýja skattana í Noregi.
Hann hefur þegar leigt
sér hús þar og segist
kunna vel við sig. Nokkrir
íþróttamenn hafa flúið
heimalönd sin af sömu
ástæðu og Buraas og flutt
í skattaparadísina í
Mónakó. Þeirra á meðal
eru sænsku skíðastjöm-
umar Pemilla Wiberg og
Ingemar Stenmark.
Tenniskappinn Bjöm
Borg flutti til Mónakó
þegar hann var á há-
punkti frægðar sinnar.
Eins búa þar nokkrir öku-
þórar úr Formula 1
kappakstrinum.
Buraas sagði það eðli-
legt að flytja lögheimilið
til Mónakó þegar það
skipti hann tugum millj-
óna króna í tekjur á ári.
„Skattarnir em allt of há-
ir í Noregi og því neyðist
ég til að flytja mig tU
Mónakó. Aðrir í norska
landsliðinu hafa ekki flutt
lögheimili sin en þeir hafa
mikið talað um það. En ég
læt mér ekki nægja að
tala um hlutina, heldur
framkvæmi þá,“ sagði
hann.
Hvar er laxinn?
Hans-Petter Buraas sló eftir-
minnilega í gegn í heimsbikar-
keppninni í skíðaíþróttum síðasta
vetur. Hæst bar sigur hans í svigi á
Ólympíuleikunum í Nagano þar sem
hann mætti til keppni með hárið lit-
að eldrautt. „Ég litaði hárið meira í
gamni, en eins til að fá smá athygli.
Eg gerði þetta stundum þegar ég
var yngri. Ég hafði þörf fyrir að
vera í sviðsljósinu. Eftir að ég fékk
óiympíugullið í Nagano hef ég ekki
þurft að leita eftir athygli. Eg vil
heldur vera í friði eins og hér úti í
náttúrunni á Islandi," sagði Buraas
sem var að búa sig undir að renna
fyrir lax í Soginu á fóstudag.
Stóð við stóm orðin
Hvernig tilfinning var það að
hampa ólympíugulli?
„Það var frábær tilfínnig. Ég get
ekki sagt að sigurinn hafi komið mér
á óvart því ég náði öðru sæti í síð-
asta svigmótinu fyrir ÓL sem fram
fór í Kitzbúhel. Eg gerði mér því
ákveðnar vonir og sagði reyndar við
fréttamenn eftir mótið í Kitzbúhel
að ég ætlaði mér sigur í næsta móti.
Svo skemmtilega vildi til að það
voru Ólympíuleikarnir. Það var því
skemmtilegt að geta staðið við stóru
orðin. Ég var ekki undir neinu álagi
í Nagano og þurfti ekki að sanna
mig fyrir einum eða neinum. Það var
mun meira pressa á félaga mína í
landsliðinu því við miklu var búist af
þeim, enda áttu þeir titla að verja
frá því á ÓL í Lillehammer."
Buraas er fæddur 20. mars 1975
og er því 23 ára gamall og keppir
fyrir skíðafélagið Bærum. Hann
endaði í þriðja sæti í stigakeppni
heimsbikarsins í svigi eftir síðasta
tímabil. Hann sýndi mikinn stöðug-
leika og komst fjórum sinnum á
verðlaunapall, tvisvar í öðru sæti,
tvisvar í þriðja sæti og þrisvar sinn-
Norski ólympíumeistarinn í svigi Hans-Petter
Buraas hefur dvalið hér á landi undanfarna daga.
Valur B. Jónatansson hitti hann við Sogið í
Grímsnesi þar sem hann var við veiðar ásamt
Kristni Björnssyni og Frakkanum Pierrick Bour-
geat og ræddi um keppnisferilinn og fleira.
um varð hann að gera sér fjórða
sætið að góðu. Hann á því enn eftir
að standa á efsta þrepi í heimsbik-
amum, en þarf líklega ekki að hafa
miklar áhyggjur af því eftir þennan
frábæra árangur á fyrsta ári í
heimsbikarkeppninni.
Fæddur sigurvegari
Hann byrjaði að æfa skíði þegar
hann var fjögurra ára í Heimsdal og
segist allt frá því hann steig fyrst á
skíði ætlað sér á toppinn. „Frá sjö
ára aldri var ég yfirleitt bestur í mín-
um aldursflokki í Noregi. Það má því
segja að ég sé fæddur sigurvegari.
En eftir því sem ég varð eldri varð
keppnin sífellt harðari en alltaf var
ég í toppbaráttunni. Skíðaíþróttin
krefst mikils aga og það þarf að æfa
mjög vel til að komast í fremstu röð.
Þetta eru ekki bara meðfæddir hæfi-
leikar, heldur vinna og aftur vinna.“
Morgunblaðið/RAX
KRISTINN fór fagmannlega að
við að hnýta flugu á stöngina.
Nú eru stór nöfn fyrir í norska
landsliðinu eins og Jagge, Furuseth
og Ámodt sem hafa verið lengi í
fremstu röð. Hvernig var fyrir þig
svona ungan að koma inn ílandsliðs-
hópinn?
„Það var mjög erfitt í fyrstu því
þeir eru nokkrum árum eldri en ég.
Þeir voru ekki alveg tilbúnir að taka
mér sem jafningja. En nú er þetta
breytt eftir að ég hef náð að kynnast
þeim betur og náð góðum árangri í
heimsbikarnum. Ég hef sannað til-
verurétt minn í landsliðinu. Það er
eftirsótt að komast í norska heims-
bikarliðið og því eins gott að standa
sig.“
Undirbúningurinn mikilvægur
Hvernig lítur þú á framtíð þína á
skíðunum?
„Ég hef ekki haft miklar áhyggj-
ur af framtíðinni hingað til og
skipulegg mig ekki of langt fram í
tímann. Eg hugsa því meira um að
taka einn dag fyrir í einu. Mikilvæg-
ast í dag er að æfa vel í sumar til að
vera vel búinn líkamlega undir
næsta keppnistímabil sem byrjar í
nóvember. Keppnistímabilið er
erfitt enda fylgja því mikil ferðalög
þannig að það er nauðsynlegt að
vera í toppæfingu þegar
skíðasirkusinn hefst.“
Kristinn æfði með Svíunum
KRISTINN Bjömsson æfði með
Svíunum í fjóra daga á jökli í Noregi
fyrir skömmu og var það fyrsta
skíðaæfing hans með Svíum. Hann
sagði að sér litist vel á samstarfið
við Svía, en sem kunnugt er hefur
verið gerður samningur milli
sænska og íslenska skíðasambands-
ins um samstarf í vetur. Kristinn
æfir í vetur með Martin Hanson
sem er besti svigmaður Svía um
þessar mundir. Þeir verða aðeins
tveir í svigliðinu og hafa með sér tvo
þjálfara og einn aðstoðarmann. Ann-
ar þjálfarinn er Haukur Bjarnason.
„Ég hef verið í stífum þrekæfing-
um undanfamar vikui' og það var
því gott að fá tækifæri til að koma
aðeins heim til íslands. Mér líst
rosalega vel á samstarfið við Svía og
það er gott að hafa Hauk Bjamason
með í þessu dæmi. Við náðum
þremur góðum dögum á jöklinum
og ég get ekki annað en verið bjart-
sýnn fyrir veturinn," sagði Kristinn,
sem var við veiðar í Soginu ásamt
félögum sínum í Rossignol-Iiðinu.
i
I
I
\
>
I
i