Morgunblaðið - 03.07.1998, Blaðsíða 11

MORGUNBLAÐIÐ
FÖSTUDAGUR 3. JÚLÍ 1998 11
FRÉTTIR
Sýknaður af ákæru um innbrot í verslun
Vörslu á sönnunar-
gagni ábótavant
HÉRAÐSDÓMUR Reykjavíkur
dæmdi í gær sex menn á aldrinum
22-38 ára til refsingar fyrir ýmis af-
brot, þar á meðal fyrir að hafa stolið
hraðbanka úr anddyii Kennarahá-
skóla Islands, fyrir innbrot á heimili
í Reykjavík og fyrir að hafa flutt inn
LSD til landsins. Einn mannanna,
frumkvöðull hraðbankaþjófnaðar-
ins, var í málinu sýknaður af ákæru
um innbrot í verslunina Straumnes í
Breiðholti þrátt fyrir að niðurstaða
DNA-rannsóknar benti til þess að
hann hefði reykt __ vindling sem
fannst á vettvangi. Astæða sýknun-
ar var einkum sú að dómaranum
þóttu slíkir annmarkar á meðferð
vindlingsins í vörslum lögreglunnar
að hafna yrði honum sem fullgildu
sönnunargagni.
Mennirnir sex voru dæmdir í
refsingu sem er frá því að vera 50
þúsund króna sekt og upp í fang-
elsi í tvö og hálft ár. •
Stálu hraðbanka
Sá sem þyngsta dóminn fékk,
Sigurjón Pétursson, 34 ára, var
dæmdur fyrir að vera höfuðpaur
þess að þrír mannanna sammælt-
ust um að fjarlægja hraðbanka frá
Búnaðarbanka Islands úr anddyri
húss Kennaraháskóla Islands við
Stakkahlíð hinn 31. janúar sl.
Mennirnir fjarlægðu bankann úr
húsinu og hugðust síðan brjóta
hann upp en í honum voru um 3,4
milljónir króna í reiðufé.
Þeir voru hins vegar handteknir
áður en af því gat orðið en þeir
höfðu notað debetkort eins úr
hópnum til að komast í gegnum
kortalesara í anddyrinu.
Sigurjón var einnig ákærður fyr-
ir að hafa brotist inn í verslunina
Straumnes hinn 30. júní 1997 og
fyrir að hafa stolið þaðan veski
með enskum pundum að verðmæti
80 þúsund krónur og brotið upp
peningaskáp og stolið úr honum
700-800 þúsund krónum.
Lögregla fann
ekki stubbinn
Hann neitaði sök en DNA-rann-
sókn sem fram fór í Noregi á vind-
lingastubbi, sem fannst í versluninni
tengdi hann við innbrotið, auk þess
sem hann var, að sögn lögreglu,
þekktur fyrir að opna peningaskápa
eins og gert var þetta skipti.
í niðurstöðum Guðjóns St. Mar-
teinssonar er Sigurjón sýknaður af
ákæru um innbrotið. í dóminum er
rakinn framburður lögreglumanns
um að starfsfólk verslunarinnar
hafí strax hinn 30. júní fundið vind-
lingastubbinn þegar það var að
hreinsa til eftir innbrotið en lög-
reglan hefði ekki fundið hann við
vettvangsrannsókn sína.
Innsigli rofíð
að þarflausu
Stubburinn hafi síðan verið
sendur rannsóknarstofu í réttar-
læknisfræði í innsigluðu umslagi
hinn 1. ágúst 1997 en áður hefði
einhver rannsóknaraðila rofið inn-
siglið á umslaginu sem stubburinn
var settur í strax 30. júní. Engin
skýring sé komin fram um það í
hvaða skyni innsiglið var rofið.
Niðurstaða DNA rannsóknar í
Noregi var að yfirgnææfandi líkur
væru á að Sigurjón hefði reykt
vindlinginn og telur dómarinn
sannað að svo hafi verið. Sigurjón
neitaði hins vegar sök en kvaðst oft
hafa verslað í Straumnesi en ekki
vita hvernig vindhngastubbur frá
sér hafi komist í verslunina.
I niðurstöðum dómarans segir að
dómurinn telji að gera verði strang-
ar kröfur um vörslu sýna og sönn-
unargagna. „Verður að vera unnt
að rekja óslitið alla meðferð þeiiTa
frá upphafi. Þessir starfshættir eru
alkunna við meðferð sýna, svo sem
blóðsýna. Ekkert liggur fyrir hver
fann vindlinginn og hvar nákvæm-
lega, en svo sem rakið vai- bar
ákærði að hafa iðulega verslað í
Straumnesi. Samkvæmt því er ekki
loku fyrir það skotið að hann hafi
þá skilið vindlinginn eftir í verslun-
inni,“ segir í dóminum.
Síðan er rakið að önnur sönnun-
argögn sem ákæruvaldið hafi fært
fyrir sekt Sigurjóns varðandi inn-
brotið þyki ekki til þess fallin að
ráða úrslitum. „Þegar allt ofanritað
er virt, og sérstaklega annmarkar
á vörslum vindlingastubbsins, telur
dómurínn að hafna verði því að
vindlingurinn sé fullgilt sönnunar-
gagn í máli þessu og er því ósannað
gegn eindreginni neitun ákærða að
hann hafi framið þá háttsemi, sem
hér er ákært út af, og ber að sýkna
hann,“ segir í dóminum.
Auk þessa innbrots og brott-
náms hraðbankans voiu fjórir
menn dæmdir í málinu fyrir ýmis
brot; tveir fyrir að hafa komið að
innflutningi á 400 skömmtum á of-
skynjunarlyfinu LSD, haft ýmis
fíkniefni og tæki til neyslu þeirra í
fórum sér í nokkur skipti er lög-
regla handtók þá og tveir fyrir að
hafa brotist inn í einbýlishús í
Reykjavík og stolið þaðan hljóm-
flutningstækjum, borðbúnaði, pen-
ingum og ýmsum verðmætum.
Þýðingarlaus
sönnunargögn
Þeir fjórmenningar voru dæmdir
í 8, 12, 18 og 24 mánaða fangelsi,
sem allt er óskilorðsbundið. Fimm-
ti maðurinn var dæmdur í 50 þús-
und króna sekt. Sá hafði meðal
annars verið ákærður fyrir þátt-
töku í brottnámi hraðbankans og
fyrir innflutning á 400 skömmtum
af LSD en var sýknaður af hvoru
tveggja. Varðandi LSD-málið finn-
ur dómarinn einnig að sönnunar-
færslu ákæruvaldsins. „Meðal
gagna málsins er óvenjumikill
fjöldi upplýsingaskýrslna lögreglu,
þar sem greint er frá ónafngreind-
um upplýsingaaðilum lögreglu,"
segir í dóminum. „í skýrslunum
segir frá „aðila sem áður hefur gef-
ið upplýsingar sem reynst hafa
með öllu réttar". Upplýsingar hafi
borist frá „aðila sem ekki vildi láta
nafns síns getið“. Upplýsingar frá
„aðila sem þekkir vel til á fíkni-
efnamarkaðinum“. Upplýsingar
hafi borist AFD „frá aðila sem
óskaði nafnleyndar“. Onafngreind-
ur maður „mjög áreiðanlegur upp-
lýsingaaðili hafi haft samband við
lögreglu" o.s.frv. í þessum skýrsl-
um er lýst að öðru leyti upplýsing-
um um meint fíkniefnamisferli
ákærðu á þeim tíma, sem hér um
ræðir. Skýrslur þessar kunna að
hafa eitthvert gildi á rannsóknar-
stigi máls, en þær hafa hins vegar
ekkert sönnunargildi eins og hér
stendur á og er þeim hafnað sem
sönnunargögnum. Dómurinn telur
framlagningu slíkra skjala af hálfu
ákæruvaldsins þýðingarlausa að
óbreyttum lögum og réttarfram-
kvæmd um sönnun í opinberum
málum,“ segir í dómi Guðjóns St.
Marteinssonar.
Maðurinn var því sýknaður af
ákæru um innflutning á LSD en fé-
lagi hans sem játað hafði eigin sök
var dæmdur sekur um það brot og
þátttöku í brottnámi hraðbankans
og fleirum.
Dómurinn var kveðinn upp í
Héraðsdómi Reykjavíkur í gær og
við þinghaldið lét dómarinn bóka
aðfinnslur við það að hvorki sækj-
andi málsins né verjendur fimm
sakborninganna væru viðstaddir
dómsuppsöguna þrátt fyrir að hafa
verið boðaðir til hennar.
P€DROULO*
Aflmikíar dælur í ýmsum stæróum!
Rafknúnar dælur
0,37 til 15 kw
Hringrásardælur, brunndælur, sjódælur úr
kopar, neysluvatnsdælur með
jöfnunarkút,olíudælur, smúldælur o.fl.
Dæmi um verð á dælum - 1 eða 3 fasa (verð m/vsk.):
PK alhliða dælur 4 0 lítra/mín. 40 m.v.s. kr. 7.180,-
CKolíu-eðavatnsdælur 50 lítra/mín. 47 m.v.s. kr. 19.340,-
JSW neysluvatnsdælur 16 0 lítra/mín. 60 m.v.s. kr. 33.850,-
SVbrunndælur 60 0 lítra/mín. 12 m.v.s. kr. 55.500,-
F bruna-ogsmúldælur 7 00 litra/mín. 55 m.v.s. kr. 83.780,-
Úrvalsdælur á ótrúlega góðu verði. VELASALAN
Sendum um land allt. » ÁNANAUST 1, REYKJAVÍK. SÍMI 552 6122.
Morgunblaðið/Rax
Brúin yfir Holtsá
breikkuð
BRÚIN yfir Holtsá undir Eyjafjöll-
um verður orðin tvíbreið þegar
vegavinnuhópur undir stjórn Jóns
Valmundssonar hefur lokið þar
störfum. Jón segir þá langt komna,
líklega sé um hálfs mánaðar vinna
eftir. Undir hans verkstjórn vinna
tíu manns frá Vík en flokkurinn
heldur til í skúrum við Holtsá.
Einar Bárðarson og Kristján
Þórðarson Iétu vel af lífinu í vega-
vinnunni.
- frábær föt fyrir flotta krakka
og enn höldum við áfram að bjóða frábær föt á góðu verði
Hermannabuxur..........................1.390 kr.
Galla smekkbuxur.......................1.990 kr.
Brasilíubúningurinn (stuttb.+ bolur). .1.490 kr.
Manchester, Arsenal og
Liverpool búningar (stu«b.+boiur)...w 1.490 kr.
Motion jakkar..........................2.990 kr.
Galla stretchbuxur með blómamynstri.... 2.290 kr.
Flíspeysur.............................1.990 kr. |
AMICO bómullarpeysur....................990 kr. í
Laugavegi 20 og Fjarðargötu 17 í Hafnarfirði