Morgunblaðið - 03.07.1998, Blaðsíða 14
14 FÖSTUDAGUR 3. JÚLÍ 1998
AKUREYRI
MORGUNBLAÐIÐ
Tveir stórviðburðir f íþróttum á félagssvæðum KA og Þórs
1
Morgunblaðið/Kristján
LEIKMENN Gróttu á Seltjarnarnesi taka létt dansspor í upphitun
fyrir leik á Esso-móti KA í gærdag.
SVISSNESKA liðið FC Signal tekur þátt í Esso-móti KA og er þetta í
fyrsta skipti sem erlent lið mætir til leiks. Strákarnir í Signal gáfu sér
tíma fyrir myndatöku fyrir leik gegn gestgjöfum KA í gær.
Um 1.400 knatt-
spyrnumenn
elta fótbolta
TVÖ af stærstu knattspyrnumót-
um landsins fara fram á Akur-
eyri þessa dagana, Esso-mót KA
og Pollamót Þórs og Flugfélags
íslands. Á félagsvæði KA reyna
leikmenn 5. aldursflokks með
sér, alls um 800 knattspyrnu-
menn og á félagssvæði Þórs mæt-
ast leikmenn 30 ára og eldri, sem
komnir eru af léttasta skeiðinu.
Rúmlega 600 knattspyrnu-
menn taka þátt í Pollamótinu og
því eru um 1.400 knattspyrnu-
menn að elta bolta í bænum. Því
til viðbótar eru þjálfarar, farar-
stjórar, systkini, foreldrar og
makar og má ætla að um 1.500
manns tengist hvoru móti, eða
um 3.000 manns í allt.
Alls taka 86 lið frá 24 félög-
um þátt í Esso-móti KA og hef-
ur þeim farið fjölgandi ár frá
ári. Félagið, sem kemur lengst
að, kemur frá Sviss en annars
koma liðin alls staðar að af
landinu. Esso-mótið var form-
lega sett á miðvikudagskvöld og
þá fóru fram setningarleikir.
Keppni var fram haldið í gær ojg
heldur áfram í dag, föstudag. A
morgun, laugardag, fara allir
úrslitaleikir mótsins fram og
verðlaunaafhending. I kvöld
verður farið í Kjarnaskóg, þar
sem dagskráin verður með að-
eins öðru sniði, farið í ýmsa
leiki og grillað í skóginum.
Keppt er í tveimur flokkum á
Pollamótinu, 30-40 ára og 40 ára
og eldri. Alls taka 63 lið þátt í
mótinu og þar af 18 lið í eldri
flokknum, eða Lávarðadeildinni
eins og flokkurinn er kallaður.
Keppni hefst kl. 9 í dag, föstudag,
og verður leikið fram á seinni
partinn á morgun, laugardag, en
þá fara úrslitaleikir mótsins
fram. í kvöld verður grillveisla
við Hamar og mótinu lýkur með
glæsilegu lokahófi og verðlauna-
afhendingu í íþróttahöllinni ann-
að kvöld, þar sem allir eru vel-
komnir. Þar verða einnig
skemmtiatriði og stórdansleikur
með Hljómsveit Geirmundar Val-
týssonar.
Formaður bæjarráðs segir uppsagnir hjá Foldu valda áhygg;jum
Mikilvægt að halda í öll störf
ÁSGEIR Magnússon formaður bæjarráðs og for-
stöðumaður Skrifstofu atvinnulífsins á Akureyri
segir uppsagnir starfsfólks ullariðnaðarfyrirtæk-
isins Foldu valda áhyggjum, en hann vonast til
þess að þær breytingar sem nú er verið að gera á
rekstrinum muni leiða til þess að sem flest starfs-
fólk verði endurráðið og reksturinn komist á við-
unandi rekspöl. Menn hafi verið að glíma samtím-
is við þungan rekstur og miklar skuldir án þess að
nýtt fjármagn hafí komið inn í fyrirtækið í mikl-
um mæli. „Eg vona að þær breytingar sem gerðar
verða á rekstri fyrirtækisins muni tryggja það til
lengri tíma,“ sagði Ásgeir. „Það er afar mikilvægt
að halda í öll þau störf sem við höfum.“
Engin þensla
Hann kvaðst ekki fyllilega sammála Þorsteini
Arnórssyni formanni Iðju, félags verksmiðju-
fólks, en hann sagði í blaðinu í vikunni að lítið
væri að gerast í atvinnulífinu á Akureyri. „Það er
út af fyrir sig rétt að góðærið hefur látið á sér
standa hér á svæðinu. Hætta af mikilli þenslu í
þjóðfélaginu, sem mörgum verður tíðrætt um að
slá þui-fí á, er ekki fyrir hendi hér, það er engin
ástæða til að slá á þenslu hér, þvi hún er ekki fyr-
ir hendi," sagði Ásgeir.
Hann benti aftur á móti á að flest fyrirtæki
hefðu næg verkefni og víða væri mikið að gera.
Það kæmi sér ekki á óvart að fólk vildi sjá meiri
hreyflngu, einhver stærri verkefni, en þau kæmu
ekki upp eins og hendi væri veifað, þau krefðust
undirbúnings sem tæki langan tíma. „Það sem
mér finnst jákvætt er að á flestum sviðum miðar
fram á við og atvinnuleysi hefur minnkað, þó svo
að maður hafl vitanlega áhyggjur af stöðunni
eins og hún er hjá Foldu,“ sagði Ásgeir.
Konum fækkar lítið
á atvinnuleysisskrá
UM síðustu mánaðamót voru 338
manns á atvinnuleysisskrá á Akur-
eyri, 88 karlar og 250 konur, sam-
kvæmt yfirliti frá Svæðisvinnumiðl-
un Norðurlands eystra. Atvinnulaus-
um fækkaði um 20 milli mánaða en í
lok maí voru 358 á skrá, 107 karlar
og 251 konur.
Á þessum tölum sést að atvinnuá-
stand kvenna er mun verra en hjá
körlum og fækkaði aðeins um eina
konu á skrá frá lok maí sl. og fram til
síðustu mánaðamóta. í lok júní í
fyrra voru 358 manns á atvinnuleys-
isskrá, 103 karlar og 243 konur.
Sigríður Jóhannesdóttir hjá Svæð-
isvinnumiðluninni sagði alltof marg-
ar konur á skrá og þeim fækkaði
nánast ekkert á milli mánaða. „Það
virðist vera mun meiri aukning í
svokölluðum karlastörfum, sem
helgast m.a. af uppsveiflu í iðnaði.
Við viljum hins vegar sjá miklu fæm
á skrá en raun ber vitni.“
Starfsemin flutt
Atvinnudeild Akureyrarbæjar hef-
ur verið lögð niður og ríkisvaldið
tekið yfir reksturinn undh' nafni
Svæðisvinnumiðlunar Norðurlands
eystra, sem sér um alla atvinnuleys-
isskráningu í kjördæminu. Þessa
dagana er verið að flytja starfsemina
úr Glerárgötu í Álþýðuhúsið að
Skipagötu 14 og verður opnað á nýj-
um stað nk. mánudag.
Morgunblaðið/Kristján
FANNEY, Vala, Guðný, Hildur og Berta, þátttakendur í Sumarlista-
skólanum æfa dansatriði.
Líf og fjör
í Sumarlistaskóla
Jörðin Hof í Svarfaðardal
er til sölu
Á jörðinni er nýtt fjós að hluta og endurbætt eldra fjós.
Framleiðsluréttur er fyrir 103.000 Itr (34 básar og geldneyti).
Fjárhús er fyrir 200 fjár ásamt hlöðu.
Bústofn og vélar fylgja.
Upplýsingar um eignina gefur Búnaðarsamband Eyjafjarðar
í síma 462 4477 fram til 10. júlí og aftur frá 27. júlí.
Tilboð í eignina óskast og skulu þau hafa borist fyrir 1. ágúst.
STARFI Sumarlistaskóla Arnar
Inga lýkur á sunnudag, 5. júlí,
og verður efnt til iokahátíðar af
því tilefni í íþróttasal Oddeyrar-
skóla sem hefst kl. 15.
Sett verður upp eins konar veit-
ingahús í salnum og boðið upp á
skemmtiatriði, dans, leiklist og
ýmislegt annað óvænt. Aðgangs-
eyrir er 300 krónur og eru veit-
ingar innifaldar. Hópurinn hitar
upp og mætir í göngugötuna í
Hafnarstræti í dag, föstudag kl.
17, og verður þar sem ijörugt
götuleikhús.
Sumarlistaskólinn er nú starf-
ræktur í sjöunda sinn og eru þátt-
takendur frá Hellu, Selfossi, Gr-
indavík, Ólafsfirði, Eskifirði og
Akureyri. Unnið hefur verið í
leiklist, myndlist, dansi og götu-
leikhúsi og fleiru. Mikil starfs-
gleði hefur verið ríkjandi og fjör
þær tvær vikur sem hópurinn hef-
ur átt saman í skapandi starfi og
góðri viðkynningu.
Líflegt á
fæðingar-
deild FSA
MJÖG líflegt hefur verið á fæðing-
ardeild Fjórðungssjúkrahússins á
Akureyri fyrstu seX mánuði ársins
en þar urðu alls 219 fæðingar á
tímabilinu, eða 20 fleiri en á sama
tímabili í fyrra. Þar af hafa verið
þrjár tvíburafæðingar.
Ingibjörg Jónsdóttir yfirljósmóð-
ir sagði tímabilið frá maí til septem-
ber jafnan stærstu mánuði ársins
og hefði júní sl. til að mynda verið
óvenjustór. Þá fæddust 50 börn í 49
fæðingum en í sama mánuði í fyrra
fæddust 30 börn á deildinni. Ingi-
björg sagðist reikna með að júlí yrði
einnig stór mánuður og hún gerir
ráð fyrir að fæðingar á árinu öllu
verði fleiri í ár en í fyrra en þá
fæddust 419 börn í 410 fæðingum.
Skemmtilegt í vinnunni
„Það hefur verið mikið álag á
starfsfólkinu, enda ekki möguleiki á
afleysingafólki en þetta hefur allt
gengið mjög vel. Það er líka gaman
að fá svona margar fæðingar og
vinnan verður mun skemmtilegri og
meira spennandi fyrir vikið.“
Ingibjörg sagði að heldur fleiri
stúlkur en drengir hafí fæðst á ár-
inu en yfírleitt jafnaðist talan áður
en árið er úti og yfírleitt væri mun-
urinn á fjölda stúlkna og drengja
ekki mikill.
------♦♦-♦----
FM 95,7 hefur
útsendingar á
Akureyri
ÚTVARPSSTÖÐIN FM 95,7 náðist
á Akureyri og nágrenni í gær, en í
dag, fóstudag, mun útvarpsstöðin
senda út frá Ráðhúskaffi á Ákureyri
og stendur útsendingin frá kl. 7 um
morguninn til 19 um kvöldið.
Jón Gunnar Geirdal, kynningar-
stjóri Fíns miðils, sagði að heilsað
yrði upp á Akureyringa með viðeig-
andi hætti, en í gærkvöldi var mikið
um dýrðir á Ráðhúskaffí og m.a. lék
hljómsveitin Skítamórall. „Við
bjóðum Akureyringa velkomna í
hóp okkar hlustenda," sagði Jón
Gunnar, en meirihluti hlustenda út-
varpsstöðvarinnar er í yngri kant-
inum, eða frá 15 til 35 ára. Hann
átti von á að samkeppni við
Frostrásina, útvarpsstöð heima-
manna, yrði hörð, „en þetta er
spennandi verkefni og við erum
ánægðir með að hafa nú stækkað
okkar útsendingarsvæði," sagði Jón
Gunnar. „Við ætlum að taka púls-
inn á mannlífínu á Akureyri í dag
en það verður mikið um að vera, tvö
stór fótboltamót, Esso-mótið á KA-
svæðinu og Pollamótið hjá Þór
verða í fullum gangi, þannig að það
verður nóg um að vera.“
------♦♦♦-----
Ferðafélag Akureyrar
Raðganga
ANNAR hluti raðgöngu sumar-
sins, sem Ferðafélag Akureyrar
stendur að, verður á morgun,
laugardaginn 4. júlí. Gengið verðui'
frá Hámundastaðahálsi og
meðfram ströndinni um þétt-
býlisstaðina Litla-Árskógssand og
Hauganes að Víkurbæjunum.
Lagt verður af stað frá skrifstofu
Ferðafélags Akureyrar kl. 9, en þar
fást upplýsingar um ferðir félagsins
og skráning í ferðir er virka daga
frá kl. 16 til 19. Skrifstofan er við
Strandgötu 23.
Messur
LAUFÁSPRESTAKALL:
Guðsþjónusta í Svalbarðskirkju
á sunnudagskvöld, 5. júlí kl. 21.
Ræðuefni: Verið miskunnsamir.
1