Morgunblaðið - 30.07.1998, Blaðsíða 14

14 FIMMTUDAGUR 30. JÚLÍ 1998
MORGUNBLAÐIÐ
LANDIÐ
Sérstakur póststimpill
í Vesturfarasetrinu
Þj 6 ðhátíðarundir-
búningur á lokastigi
Morgunblaðið/Áslaug Jónsdóttir
SÉRSTAKUR póststimpill Vesturfarasetursins.
Hofsósi -1 Vesturfarasetrinu á
Hofsósi var nýverið opnuð lítil
sýning um póstinn og póstsam-
göngur á tímum fólksflutninga
til Vesturheims. Er sýningunni
ætlað að minna á veigamikið
hlutverk póstsins fyrr á tíð og
margþætt gildi bréfanna sem
fóru milli Ameríku og íslands í
kjölfar vesturferða.
Við opnun sýningarinnar
flutti Einar Þorsteinsson, fram-
kvæmdastjóri Islandspósts,
ávarp, en sýningin er styrkt af
Islandspósti ehf. sem lét útbúa
sérstakan póststimpil fyrir
Vesturfarasetrið. Gestir Vest-
urfarasetursins geta nú fengið
bréf og póstkort stimpluð á
staðnum. Stimpillinn sýnir
gufuskip á siglingu og minnir á
að í farmi skipanna vestur um
haf voru mikilvæg bréf sem
fluttu milli heimsálfa langþráð-
ar fréttir, fjármuni og skjöl.
Við opnun póstsýningarinnar
voru bréf og kort einnig dag-
stimpluð og sýndu frímerkja-
safnarar þessum degi mikinn
áhuga.
Að lokinni opnun sýningar-
innar flutti Böðvar Guðmunds-
son rithöfundur fyrirlestur um
íslensku Ameríkubréfin. I fyrir-
Iestrinum dró Böðvar upp
mynd af margvíslegu innihaldi
og efni bréfanna; bar þau sam-
an við Ameríkubréf í öðrum
löndum og fjallaði um sérstöðu
þeirra. í fyrirlestri Böðvars
kom glöggt fram að í bréfunum
eru fólgnar mikilvægar heim-
ildir, auk þess sem málsögulegt
gildi þeirra er einstakt.
I Vesturfarasetrinu er vísir
að safni Ameríkubréfa, en setr-
inu hafa verið gefín frumrit og
afrit af bréfum, sem eru eins
og öll rit í bókasafninu að-
gengileg fyrir gesti og fræði-
menn. Að sögn starfsfólks er
stefnt að frekari söfnun, enda
mikill fengur í bréfunum og
gera þar góð afrit sama gagn
og frumrit.
Sýningin um póstinn, sem er
í anddyri og verslun Vestur-
farasetursins, er opin alla daga
frá 11 til 18.
Vestmannaeyjum - Þjóðhátíðar-
undirbúningur í Herjólfsdal er nú á
lokastigi. Hann hefur gengið afar
vel enda hefur veðrið leikið við
Eyjamenn í sumar. Búið er að reisa
Tjamarsvið, Brekkusvið og sölu-
búðir auk þess sem kínverska hofið,
myllan, vitinn og brúin yfir Tjörn-
ina eru komin á sinn stað.
Mikið er lagt í skreytingar sem
hafa sjaldan verið íburðarmeiri og
brennan á Fjósakletti bíður þess að
í henni verði kveikt á_ miðnætti á
föstudagskvöld. Það er IBV sem sér
um undirbúning hátíðarinnar og
hafa sjálfboðaliðar lagt nótt við dag
að gera Dalinn sem glæsilegastan.
Mikið er lagt upp úr skemmtidag-
skránni að þessu sinni og er nánast
stanslaus dagskrá frá hádegi til
morguns alla daga. Stuðmenn verða
í aðalhlutverki á dansleikjum á
Brekkusviðinu en Geirmundur
verður á Tjarnarsviðinu. Lúðrasveit
Vestmannaeyja, Hálft í hvoru, Her-
mann Ingi og Helgi Hermannssyn-
ir, Páll Oskar, Ómar Ragnarsson,
Bubbi Morthens, Bergþór Pálsson
og Brúðubfllinn verða meðal fjöl-
margra skemmtikrafta sem koma
fram á Brekkusviðinu að ógleymd-
um Áma Johnsen sem stjórnar
Brekkusöngnum og varðeldinum
auk þess að vera kynnir þjóðhátíð-
ar. Mikil flugeldasýning verður á
Brúað yfír
Morsá í
Skaftafelli
Hnappavöllum - Nú fyrir skömmu
var lokið við að fullgera nýju göngu-
brú á Morsá í þjóðgarðinum í Skafta-
felh. Brúin er innundir jökullóninu,
svo nú er hægt að komast yfir Morsá
á tveim stöðum, sem gefur möguleika
á að ganga hring um Morsárdal.
Byrjað var á brúnni í fyrra, en þá
tókst ekki að koma öllu efninu á stað-
inn. Það voru félagar í Björgunar-
sveit SVFI sem kláruðu biúna, þ.e.
fluttu efnið á staðinn í vor þegar lítið
vatn var í ánum, og fóru síðan gang-
andi og smíðuðu það sem eftir var.
Morgunblaðið/Sigurður Gunnarsson
NÚ gefst ferðalöngum færi á að ganga hring um Morsárdalinn,
Morgunblaðið/Sigurgeir Jónasson
UNNIÐ við undirbúning þjóð-
hátíðar í Eyjum. Hér er Sigfinn-
ur Sigfinnsson skreytimeistari
að störfum.
laugardagskvöld, sú stórfengleg-
asta sem sést hefur í Dalnum, að
sögn forsvarsmanna þjóðhátíðar-
innar í Eyjum, og önnur flugelda-
sýning verður á sunnudagskvöld.
Nánast allt klárt í Dalnum
Að sögn Birgis Guðjónssonar,
foi-manns þjóðhátíðarnefndar, hefur
undirbúningur hátíðarinnar gengið
vel og allt er nánast klárt í Dalnum.
Hann segir að farið hafl verið út í
talsverðar varanlegar framkvæmd-
ir, m.a. hafi verið keypt stórt nýtt
veitingatjald og hellulagt hafi verið
þar sem það stendur og umhverfis
það. Birgir á von á miklu fjölmenni
á þjóðhátíð og segir að hún sé fjöl-
skylduskemmtun þar sem kynslóða-
bilið sé brúað og allir skemmti sér
saman í sátt og samlyndi. Þótt þjóð-
hátíð hefjist ekki formlega fyrr en á
föstudag er þjófstartað með Húkk-
araballinu í félagsheimili IBV við
Hástein á fimmtudagskvöld þar
sem unglingamir byrja þjóðhátíðar-
stuðið.
Ferðafólk tók að streyma til Eyja
í byrjun vikunnar og þunginn í
flutningunum eykst eftir því sem
nær líður helginni. Allt gistirými í
Eyjum er fullt um helgina og tjald-
búðir fara að rísa í Herjólfsdal á
fimmtudag en á fimmtudagskvöld
tjalda Eyjamenn hústjöldum sínum
í Dalnum.
Á næstunni mun milljónasti gesturinn
heimsækja vefinn mbl.is.
Á þeim tímamótum átt þú möguleika
á ferð fyrir 2 með Flugleiðum til
heimsborgarinnar Minneapolis.
Farðu inn á mbl.is, skráðu þig og þú
gætir verið á leiðinni til Minneapolis.
FLUGLEIÐIR
www.icelandair.is
www.mbl.is