Morgunblaðið - 30.08.1998, Blaðsíða 28

28 SUNNUDAGUR 30. ÁGÚST 1998
MORGUNBLAÐIÐ
ERU ÞEIR AÐ FÁ’ANN?
Urriði með
hagamús í
aðalrétt

\ ! k
! * |v ,*
-
SÍÐARI barna- og unglingadagur SVFR í Elliðaánum var í síð-
ustu viku. Þátttakendur voru 30, en aðeins tveir laxar veiddust
að þessu sinni, Július B. Bjarnason, 12 ára, t.v. veiddi 5 punda
lax á svarta Frances í Efri-Kistu og Sigurður R. Steinarsson, 15
ára, veiddi 8 punda lax í Grænugróf, einnig á svarta Frances.
Lax Sigurðar var „maríulax".
ÞAÐ hefur löngum gengið fjöllun-
um hærra að urriðinn sé djarf-
tækur þegar matur er annars veg-
ar. Græðgi hans er annáluð og
kunnar eru sögumar um tilhneig-
ingu hans til að tína æðarunga af
yfirborði Laxár í Aðaldal. Stund-
um fleiri en einn. Mögnuð er líka
sagan sem skráð var eftir Garðari
heitnum Svavarssyni, stórveiði-
manni, um 22 punda urriða sem
veiddist á stöng í Langavatni á
Mýrum og hafði gleypt með húð
og fiðri sjö hálfvaxna toppandar-
unga. Enn taka urriðar freklega
til matar síns, en magnið er gjam-
an í stíl við stærðina þó stundum
þyki mönnum nóg um. Nýjasta
sagan er frá Geirlandsá á Síðu og
var að fmna í Víkurfréttum 20.
ágúst síðastliðinn.
Þeir sem sáu kvikmyndina um
hagamúsina Óskar muna eflaust
eftir hrikalegri lífsreynslu litla
músarkarlsins er hann steyptist
ofan í hyl á smálæk og stórsilung-
ur réðst þegar í stað að honum.
Óskar slapp með skrekkinn, en
frændi hans eða frænka austur á
Síðu hafði ekki heppnina með sér.
í Víkurfréttum er þessi frásögn
höfð eftir Óla Þór Kjartanssyni,
sem var við veiðar í Geirlandsá
fyrir stuttu: „Mér fannst fiskurinn
eitthvað skrýtinn, horaður en
bólginn. Þegar ég gerði að honum,
kom í ljós að hann hafði kokgleypt
hagamús."
Margir stórir
Þeir sem fylgjast með fréttum
af bökkum laxveiðiánna hafa ekki
farið varhluta af fregnum af stór-
löxum. Sérstaklega hafa þessir
stóru veiðst í norðlenskum ám. Og
alveg sérstaklega í Laxá í Aðaldal.
Tveir 26 punda og einn 25 punda
hafa veiðst, tveir þeirra á Nes-
veiðum og einn á svæðum Laxár-
félagsins. Fyrir fáum dögum töldu
menn 15 laxa í bókum Laxárfé-
lagsins sem voru 20 punda eða
þyngri. Sá nýjasti í hópinn var 21
punds hængur sem Jarlstaða-
menn veiddu á Breiðeyri. Þeir
náðu öðrum 18 punda á sama stað.
Þessir laxar veiddust á bænda-
dögum og það sýndi sig að fáir eða
engir hafa meiri þekkingu á ánni
heldur en heimamenn sjálfir. Jarl-
staðamenn veiddu t.a.m. tíu laxa
þennan dag á meðan stöngin á
svæðinu á móti þeim fékk einn lax
og voru þeir menn þó alls ekki að
koma í Laxá í fyrsta eða annað
sinn.
Að viðbættum umræddum 15
löxum má bæta næstum öðru eins
á Nes- og Núpaveiðum og nú eru
íslenskir veiðimenn að veiða á
maðk í Nesi, sama hollið og hefur
verið þar um árabil og er alltaf í
stórlaxi.
Birtingurinn feitur...
Stórar smálaxagöngur víða um
land í sumar hafa staðfest fréttir
um gott og batnandi árferði í haf-
inu. Laxinn gengur sem kunnugt
er út í hafsauga. Víða eru sjóbirt-
ingsgöngur að ágerast þessa dag-
ana og það sem m.a. fréttist af
þeim er að fiskur sé óvenju búst-
inn og glæsilegur og segir það
mönnum að góðærið í hafinu nær
inn á grunnsævi, en gagnmerkar
rannsóknir Magnúsar Jóhanns-
sonar og Jóhannes Sturlaugsson-
ar fiskifræðinga hafa sýnt að sjó-
birtingur stundar kappát sitt í
sjónum á grunnsævinu og fer
sjaldnast langt frá ósi heimaárinn-
ar. Til marks um ágæti birtingsins
þessa dagana sagði Þórarinn
Kristinsson, veiðimaður og einn
eigenda Tungulækjar, í samtali
við Morgunblaðið fyrir skömmu
að fiskur væri óvenjulega fallegur
þessa dagana. „Það eru mörg ár
síðan ég hef séð hann svona fín-
an,“ sagði Þórarinn sem hafði ný-
lokið við að landa 10 punda birt-
ingi í „Faxanum", neðst í Tungu-
læk og sagðist vart hafa veitt feg-
un-i fisk.
„Var kominn tími til“
Góðar göngur smálaxa í sumar
hafa haldið uppi veiðinni og hefði
þetta sumar langra þurrka og
vatnsleysis í ám orðið verulega
rýrt ef árgangurinn hefði ekki
skilað sér vel úr hafi. Guðni Guð-
bergsson fiskifræðingur hjá Veiði-
málastofnun sagði í samtali við
Morgunblaðið að hann væri ekki
að svo stöddu reiðubúinn að fjalla
um sumarið, það væri of snemmt
og hann vantaði forsendur og upp-
lýsingar sem felast m.a. í aflestri
merkja o.fl. „Það hefur nú þó ver-
ið þannig síðustu árin að oft hafa
ýmis ytri teikn gefið tilefni til að
vænta betri veiði heldur en síðan
varð raunin og höfum við á stund-
um þurft að velta mikið vöngum
yfir hvað kom fyrir. Það virðist þó
ljóst að það er bati núna og það
eina sem ég vil segja um það í bili
er, að það var kominn tími til.“

Fyigstu daglega með
öflugustu úrvalsdeild
í heimi á mbl.is
Boltavefur mbl.is vlndur enn upp á
sig með ítarlegri og lifandi umfjöllun
um enska boltann í vetur. Fréttir af hverri
einustu umferð á meðan leikirnir fara fram.
Liðin, leikirnirog leikmennirnir. Heimasíður
félaganna, nýjar fréttir á hverjum degi, nánast
allar upplýsingar sem hægt er að finna
sSW* a um árangur allra liða. Fylgstu með
frá upphafi. Enski boltinn er byrjaður
að rúlla á mbl.is
mbl.is/boltinn/enski
yFtjn
/ / /
Enski boltinn á mbl.is - þar sem hlutirnir gerast hratt!