Morgunblaðið - 07.11.1998, Síða 28

28 LAUGARDAGUR 7. NÓVEMBER 1998
MORGUNBLAÐIÐ
FRÉTTIR
Sýning á verkum íslenskra málara opnuð í Englakastalnum í Róm
ÓLAFUR Ragnar, Oscar Luigi Scalfaro, Helgi Þorgils Friðjónsson og
Kristján Davíðsson skoða verk Gunnlaugs Scheving, Bátur á heimieið.
ÓLAFUR Ragnar og Guðrún Tinna skoða 2.500 ára gamla styttu af
úlfynjunni, tákni Rómaborgar.
Islensk nútímalist
sýnd í fornum kastala
Opinberri heimsókn forseta íslands lauk
formlega í gær eftir að opnuð hafði verið
sýning á verkum fjögurra íslenskra málara
í Englakastalanum í Róm. Guðmundur
Sv. Hermannsson og Emilía Björnsdóttir
voru við opnun sýningarinnar.
OSCAR Luigi Scalfaro, forseti ítal-
íu, átti frumkvæði að íslensku sýn-
ingunni, en hann hreifst mjög af ís-
lenskri myndlist þegar hann kom í
opinbera heimsókn til íslands í júní
í fyrra. Sýningin var skipulögð af
Listasafni Islands í samvinnu við
Museo Nazionale di Castel Sa-
int’Angelo í Róm en íslensk fyrir-
tæki og stofnanir kostuðu sýning-
una. Valin voru 13 stór verk eftir
Jóhannes Sveinsson Kjarval, Gunn-
laug Scheving, Kristján Davíðson
og Helga Þorgils Friðjónsson og
ber sýningin yfirskriftina La Meta-
fora della Natura eða Myndlíking
náttúrunnar.
Englakastalinn í Róm, Castel
Sant’Angelo, er mikiifengleg bygg-
ing sem á sér nærri 2.000 ára sögu.
Bygging hans hófst árið 123 eftir
Krist og var upphaflega grafhýsi
Hadríans keisara og ættmenna
hans. Grafhýsinu var breytt í virkis-
borg á 3. öld og sagan segir að á
tímum drepsóttarinnar árið 590 hafí
Mikjáll erkiengill birst á turni kast-
alans. Af þeim atburði dregur
kastalinn nafn sitt. Um tíma var
kastalinn aðsetur páfa og var ís-
lensku myndunum valinn staður í
bókasafni Páls páfa III, sem er
skreytt með freskumálverkum frá
16. öld.
Virðingarvottur
„Að hýsa sýninguna í þessari
sögufrægu byggingu, sem er tákn
um forna sögu Rómar, Ítalíu og
Evrópu, er meiri heiður en við höf-
um getað átt von á. Þess vegna lít-
um við á staðinn þar sem sýningin
er sem virðingarvott í garð íslenskr-
ar menningar. Og þeir sem skoða
málverkin eftir þessa fjóra málara í
fornum sölunum munu sjá hvernig
litir hinnar fomu Rómaborgar fara
vel við liti íslands nútímans,“ sagði
Ólafur Ragnar Grímsson þegar
hann opnaði sýninguna í gær ásamt
Scalfaro. Hann sagði að ef Scalfaro
léti af embætti forseta Ítalíu yrði
það íslendingum heiður ef hann
gerðist menningarsendiherra ís-
lands í Róm.
Scalfaro sagði að hann hefði hrif-
ist af að sjá málverkin aftur. Þau
sýndu margræða ásjónu Islands:
hraun, kletta, eyðimerkur og græn
tún, og hin einstæða litadýrð sem
Morgunblaðið/Emilía
ÓLAFUR Ragnar afhenti Scalfaro íslenskan saltfisk, sem Sighvatur
Bjarnason, sljórnarformaður SÍF, og Sigurður Sigfússon, sölusijóri
SIF á Italíu, færðu honum. Með þeim á myndinni eru Marianna
Scalfaro og Guðrún Tinna Ólafsdóttir.
þar væri að fínna kæmi sérstaklega
vel fram í verkunum.
Kristján Davíðsson og Helgi
Þorgils Friðjónsson voru viðstaddir
opnunina. I samtali við Morgun-
biaðið minntust þeir báðir á hið sér-
stæða umhverfí sem málverkin eru
sýnd í. „Þótt ekki séu margar
myndir hér þá er umhverfíð svo
óvenjulegt, ekki sist fyrir íslenska
myndlist. Ég sé myndirnar, hverja
fyrir sig, á annan hátt en ég hef
gert áður, og er varla búinn að átta
mig á því til fulls enn hvemig þær
eru í afstöðu við málaðan múr og
hreint grjót og skemmda steina,
sem sjást alls staðar hér,“ sagði
Kristján. Helgi sagði að umhverfið,
með freskunum í loftinu, gerði
þessa sýningu allt öðruvísi en aðrar
sem hann hefði tekið þátt í.
Ólafur Ragnar sagðist í opnunar-
athöfninni einnig vilja halda loforð
sitt, sem hann gaf í kvöldverðarboði
Scalfaros á fimmtudag, og færa
honum íslenskan saltfísk að gjöf.
Forustumenn SÍF eru staddir á
Italíu í tengslum við heimsókn for-
setans og afhentu Scalfaro saltfisk-
flök. Að því búnu kvöddust forset-
arnir og Scalfaro þakkaði Ólafí
heimsóknina og þakkaði Guðrúnu
Tinnu, dóttur hans, sérstaklega og
sagði hana hafa staðið með aðdáun-
arverðum hætti við hlið fóður síns í
heimsókninni.
Blómsveigur að minnismerki
Gærdagurinn var annasamur hjá
forseta íslands og fylgdarliði í Róm.
Fyrst á dagskrá var fundur með
Nicolu Mancino, forseta ítölsku öld-
ungadeildarinnar, í Palazzo Gi-
ustiniani og að honum loknum lagði
Ólafur Ragnar blómsveig á grafhýsi
óþekkta hermannsins en það er á
svonefndu altari föðurlandsins á
risastóru minnismerki um Victor
Emmanuel II sem reist var á
Capitoline-hæð í byrjun þessarar
aldar.
Um var að ræða mjög formlega
athöfn þar sem hermenn úr öllum
deildum ítalska hersins stóðu heið-
ursvörð framan við minnismerkið
og á tröppum sem liggja upp að því.
Lúðrasveit lék þjóðsöngva íslands
og Italíu og hershöfðingi fylgdi
Ólafi Ragnari og íslensku sendi-
nefndinni upp tröppumar að graf-
hýsinu.
Næst var haldið í ráðhús Róma-
borgar þar sem Francesco Rutelli
borgarstjóri tók á móti forseta ís-
lands. Eftir stuttan fund þeirra
stóð til að skoða Forum Romanum
en hætt var við það vegna þess að í
gærmorgun rigndi í borginni. Þess
í stað skoðaði forsetinn og fylgdar-
lið hans torgið utan við ráðhúsið,
sem Michelangelo hannaði á miðri
16. öld, og Capitolino-safnið, sem
er elsta minjasafn heims. Þar er að
fínna stærsta safn af höggmyndum
sem varðveist hafa frá tímum
Rómaveldis og einnig er þar etrúsk
bronsstytta af úlfynjunni, tákni
Rómaborgar, frá 5. öld fyrir Ki'ist.
Tvíburunum Rómúlusi og Remusi,
sem eru að sjúga úlfynjuna, var
raunar bætt við á 15. öld. Myndin
hefur verið í viðgerð undanfarið ár
í safninu en íslensku sendinefnd-
inni var sýnd styttan á verkstæð-
inu.
Um hádegi var haldið til Villa
Madama, aðseturs Massimos
D’Alemos, forsætisráðherra ítala.
Þar átti Ólafur Ragnar viðræður við
ítalska forsætisráðherrann, sem tók
við embætti fyrir nokkrum vikum,
og snæddur var hádegisverður.
Leigubílaverkfall veldur
vandræðum
Nokkur fjöldi íslendinga er á
Italíu þessa stundina í tengslum við
heimsókn Ólafs Ragnars. Það hefur
sett talsvert strik í reikninginn hjá
þeim sem ekki hafa afnot af opin-
berum ökutækjum, að leigubílstjór-
ar í Róm hafa verið í verkfalli und-
anfama tvo daga, og gönguferðir
margra því orðið talsvert fleiri og
lengri en áformað var.
Islenska sendinefndin heldur í
dag til Napólí og þá heimsækir
Ólafur Ragnar einnig fiskmarkað í
smábænum Afragola nálægt
Napólí, þar sem íslenskur saltfiskur
er seldur.
Stækkun NATO eitt af umræðu-
efnum Olafs Ragnars og D’Alemas
MASSIMO D’Alemaj forsætis-
ráðherra Ítalíu, og Olafur
Ragnar Grímsson, forseti ís-
lands, áttu fund í Róm í gær og
þar kom fram að ítölsk stjórn-
völd hafa fullan skilning á
þeirri skoðun íslenskra stjórn-
valda að Eystrasaltslöndin eigi
að fá aðild að Atlantshafs-
bandalaginu þegar bandalagið
verður stækkað frekar.
D’AIema og Ólafur Ragnar
ræddu sameiginlega við ís-
lenska blaðamenn eftir fund
þeirra. Þar sagði D’AIemo að
þeir Ólafur Ragnar hefðu talað
um samvinnu landanna í tengsl-
um við frekari stækkun NATO
til að tryggja öryggi í álfunni
til frambúðar. ítalir teldu nú-
verandi stækkun, þar sem Pól-
land, Ungverjaland og Tékk-
land fá aðild, aðeins vera fyrsta
skrefíð í þessari þróun og þess
vegna skildu þeir áherslu Is-
lendinga á aðild Eystrsaltsland-
anna að bandalaginu í slíku
ferli.
Ólafur Ragnar sagði á eftir
að hann hefði ekki heyrt slíka
afstöðu fyrr hjá ráðamanni í
jafn öflugu Suður-Evrópuríki
og Italía er. Nokkuð hefði skort
á skilning ýmissa ríkja í suður-
hluta álfunnar á því að Eystra-
saltslöndin ættu slíkan rétt í
ljósi þess að þau voru áður inn-
an Sovétríkjanna.
_ D’Alemo sagði einnig að þeir
Ólafur Ragnar hefðu rætt um
væntanlegt forsæti íslands í
Evrópuráðinu á næsta ári og
sagði hann að Italir fögnuðu því,
í ljósi þess hve mikilvægt væri
að tryggja í sessi lýðræði og
mannréttindi. Þá hefðu þeir
rætt um nauðsyn þess að styrkja
enn frekar tengsl íslands og
Ítalíu á sviðum efnahagsmála,
viðskipta og menningar. „Við
teljum að heimsókn íslenska f
orsetans hingað sé mikilvægt
skref í þá átt,“ sagði D’Alemo.
Ólafur Ragnar bætti við að
þeir D’AIema væru báðir upp-
aldir í litlum fískiþorpum og
þeir hefðu á fundi sínum rætt
Morgunblaðið/Emilía
ÓLAFUR Ragnar Grimsson og Massimo D’Alima á fundi sínum í gær.
um þá sameiginlegu reynslu. einnig rætt um nýja ríkisstjórn
Hann sagði að þeir hefðu Ítalíu.