Morgunblaðið - 08.12.1998, Síða 58

58 ÞRIÐJUDAGUR 8. DESEMBER 1998
MORGUNBLAÐIÐ
HESTAR
VEL VAR mætt á aðalfundinn að þessu sinni enda mikil uppsveifla í öllu er viðkemur tamningum. Það er formaðurinn sem flytur tölu til fundarmanna.
Aðalfundur Félags tamningamanna
Sarakeppni
um menntun
FT-félaga
Hestamenn nota haustið fyrri hluta vetrar
til fundahalda. A laugardag hittust tamn-
ingamenn og brá Valdimar Kristinsson
sér niður í Laugardal á fund þeirra og
þaðan í Hestamiðstöðina Hindisvík þar
sem boðin voru upp hross.
SAMKEPPNI um nám og próf að
því loknu sem veitir aðild að Fé-
lagi tamningajnanna virðist í
uppsiglingu. Á aðalfundi félags-
ins, sem haldinn var á laugardag,
komu fram tvær tillögur þar sem
lagt er til að rýmkað verði um
ákvæði þau í lögum félagsins sem
kveða á um inngöngu í félagið.
Annarsvegar var um að ræða til-
lögu frá Magnúsi Þóri Lárussyni,
sem kennir hestamennsku við
Skógaskóla, og Erni Karlssyni,
sem hyggst ásamt fleirum hleypa
af stokkunum nýjum skóla á Ing-
ólfshvoli í Ölfusi, sem heitir
Hestaskólinn. Báðir þessir skólar
sækjast eftir að fá að mennta
vtrðandi félagsmenn í FT í ein-
hverri mynd.
Niðurstaðan varð sú að stjóm
FT lagði fram breytingartillögu
fyrir fundinn sem var samþykkt.
I henni segir ma. „Allir geta sótt
um að þreyta frumtamningapróf
FT sem lokið hafa búfræðiprófi
viðurkenndu af FT eða öðru sam-
bærilegu námi. Með sambærilegu
námi er átt við: Að námið sé við-
urkennt af menntamála- og land-
búnaðarráðuneytum sem nám á
sama skólastigi og búfræðipróf.
Einnig að innihalda námskrár og
að fagleg kennsla sé talin full-
nægjandi að mati reiðkennslu-
nefndar og sljórnar FT.“
Þá var samþykkt á fundinum
umboð til sljórnar að sjá um út-
göngu úr Landsambandi hesta-
mannafélaga. Með sameiningu
LH og HÍS þarf að gera breyting-
ar á lögum FT vilji félagið vera
aðili að sameinuðum samtökum
og meðal annars grein varðandi
inngöngu í félagið sem ekki var
viðunandi að mati fundarmanna.
í bréfí framkvæmdastjóra LH til
félagsins, þar sem skýrt er hvaða
greinum laga þurfi að breyta,
segir, að annar kostur sé að FT
|
Morgunblaðið/V aldimar Kristinsson
STARFSÖM stjórn Félags tamningamanna var endurkjörin en hana
skipa, aftari röð frá vinstri: Atli Guðmundsson, Hermann Þór Karls-
son, Eysteinn Leifsson og Sigurður Sigurðarson. I fremri röð frá
vinstri: Freyja Hilmarsdóttir, Ólafur H. Einarsson og Olil Amble.
og LH eigi náið samstarf þer sem
félagið verði leiðbeinandi aðili
hvað varðar ýmsa faglega þætti
og félagið tilnefndi menn í ýmsar
nefndir á vegum samtakanna. Þá
lýsir framkvæmdastjórinn yfir
áhuga LH á að vera áfram þjón-
ustuaðili fyrir félagið en margar
fyrirspurnir um félagið berast
inn á borð samtakanna.
Þess má geta að félagar í FT
eru nánast undantekningarlaust
félagar í hestamannafélögum
sem eru aðilar að LH og því ekki
brýn þörf fyrir félagið að vera
með fulla aðild að samtökunum.
Þá sparast um 360 þúsund krón-
ur á ári við úrsögn úr samtökun-
um.
Ólafur H. Einarson formaður
félagsins var endurkjörinn og
varamennimir Hermann Þór
Karlsson og Sigurður Sigurðar-
son sömuleiðis. Góður andi ríkti á
fundinum og virðist starfsemi fé-
lagsins í góðum farvegi.
Ráðstefna FEIF um kynbótadóma
Fullur áhugi á alþjóðlegri samræmingu
ÁGÚST Sigurðsson kynbóta-
fræðingur og hrossabóndi í
Kirkjubæ sat ásamt Víkingi
Gunnarssyni nýverið ráðstefnu
sem haldin var á vegum Al-
þjóðasambands eigenda ís-
lenskra hesta, FEIF, þar sem
fjaþað var um samræmingu
dóma íslenskra hrossa aðildar-
landa samtakanna. Einnig var
fjallað um söfnun upplýsinga um
dóma íslenskra hrossa á einn
stað sem yrði undirstaða fyrir
alþjóðlegt kynbótamat íslenska
hrossastofnins.
Sagði Ágúst að fullur hugur
væri á að taka upp náið sam-
starf og sameiginlegt dómkerfi í
dómum á kynbótahrossum hjá
aðildarlöndum FEIF. Hefði
þessi ráðstefna skilað góðum ár-
angri þótt vissulega væri iangt í
land að takmarkinu væri náð.
Ágúst, sem gegnir sem kunn-
ugt er starfi hrossaræktarráðu-
nauts um þessar mundir, sagði
að hér væri aðeins um tíma-
bundna ráðningu að ræða. Hann
sagðist ekki vita hvert fram-
haldið yrði, hann hefði ekki gert
upp hug sinn hvort hann hefði
áhuga á starfinu til frambúðar.
„Eg hef verið í Svíþjóð í hálfan
mánuð og ekki leitt hugann neitt
að þessum málum,“ sagði Ágúst
að endingu.
Hestar/Fólk
■ SVEINN Guðmundsson á Sauð-
árkróki og sonur hans Guðmund-
ur notuðu heiðursverðlaunahest-
inn Stíganda frá Sauðárkróki á
flestar hryssur sínar síðastliðið
vor.
■ HRAFN frá Garðabæ, sem
efstur stóð af íjögun-a vetra hest-
um á landsmótinu, fékk þó eina
hryssu þeirra feðga til fyljunar og
þriggja vetra foli frá þeim feðgum,
Spegill, fyljaði nokkrar.
■ SpegiII þessi, sem er rauðbles-
óttur, er undan Hervöru frá Sauð-
árkróki og Fána frá Hafsteins-
stöðum og mun Guðmundur temja
hann í vetur.
■ GUÐMUNDUR, sem starfar við
kjötiðn, mun eftir áramót snúa sér
alfarið að tamningum í vetur en
mikið af ungum hrossum, bæði
stóðhestum og hryssum, bíður
tamningar hjá þeim feðgum.
■ DYNUR frá Hvammi verður
hjá þeim feðgum næsta vor og
hyggjast þeir nota hann á helst
allar hryssurnar sé þess kostur.
■ ORRI frá Þúfu er faðir Dyns en
móðir hans heitir Djásn, sem er
frá Gönguskörðum og undan
heimahrossum. Hann fékk 8,03 í
aðaleinkunn á landsmótinu í sum-
ar og vakti athygli fyi-ir góða fóta-
gerð og prúðleika.
■ HILMIR frá Sauðárkróki, sem
er í eigu Sveins, undan Ófeigi frá
Flugumýri og Hervu frá Sauðár-
króki, verður í þjálfun hjá Sigurði
Sigurðarsyni í Mosfellsbæ þar
sem megináhersla verður lögð á
að bæta töltið í klárnum, sem hef-
ur þótt í tæpasta lagi.
■ SIGURÐUR Sæmundsson
bóndi í Holtsmúla notaði Orra frá
Þúfu en búið er stærsti hluthafi í
honum með tíu hluti. Þá á búið
einnig stóran hlut í Pilti frá
Sperðli og þangað fór Sigurður
með fimm hryssur.
■ ESJAR frá Holtsmúla fékk
einnig notið nokkurra hryssna hjá
Sigurði og sömuleiðis Ypsilon frá
Holtsmúla, sem er enn einn OiTa-
sonurinn.
■ SIGURÐUR á einnig von á einu
folaldi undan Núma frá Þórodds-
stöðum, sem hann fékk í hryssu
sem hann keypti, en taldi ekki
ástæðu til að eyða fylinu þar sem
hryssan væri mjög góð eins og
Sigurður orðaði það.
■ KIRKJUBÆJARBÚIÐ notaði
aðallega Stíganda frá Sauðár-
króki og Loga frá Skarði á hryss-
ur búsins.
■ KYNDILL frá Kirkjubæ, sonur
Rauðhettu frá Kirkjubæ og
Trostans frá Kjartansstöðum, var
einnig notaður á nokkrar hryssur.
■ RA UÐHETTA var hjá Orra frá
Þúfu síðsumars og er þar reyndar
ennþá og hefur ekki enn verið óm-
skoðuð svo óvíst er hvort samvera
þeirra hafi borið ávöxt.
■ OTUR frá Sauðárkróki verður
að öllum líkindum notaður á
Kirkjubæjarbúinu næsta sumar
en einnig verður notaður foli á
þriðja vetur, Töfri.
■ TÖFRI sá er frá Kjartansstöð-
um undan hinni frægu stóðhesta-
móður Ternu frá Kirkjubæ og Óði
frá Brún, sem er sonarsonur
Ternu.
■ PENNI og Spegill, sem báðir
eru frá Kirkjubæ og fjögurra
vetra gamlir, verða í fram-
haldstamningu í vetur en þeir hafa
ekki verið sýndir.
■ KYNDILL ásamt þeim Spaða
og Grikki verða allir frumtamdir í
vetur en þeir fara á fjórða vetur.
■ SPAÐI er undan Trostan frá
Kjartansstöðum og Spes frá
Kirkjubæ en Grikkur er undan
Stormi frá Bólstað en móðirin er
Fluga frá Kirkjubæ.
mbl.is