Morgunblaðið - 15.01.1999, Page 19

MORGUNBLAÐIÐ
FÖSTUDAGUR 15. JANÚAR 1999 19
LANDIÐ
Fjögurra barna móðir
Sunnlendingur ársins 1998
/
A tvo syni bundna
við hjólastól
Morgunblaðið/Sig. Fannar.
ANNA Gísladóttir Sunnlendingur ársins 1998 og fjölskylda hennar
ásaint Erni Grétarssyni ritstjóra Dagskrárinnar t.v. og Þóroddi Krist-
jánssyni útvarpsstjóra Útvarps Suðurlands t.h.
JÓN Gestsson umboðsmaður
Sjóvár-Almenna á Húsavík.
Umboðs-
mannaskipti
hjá Sjóvá-
Almennum
Húsavík - Hjá Sjóvá-Almennum á
Húsavík urðu umboðsmannaskipti
nú um áramótin er Reynir Jónasson
lét af störfum vegna aldurs eftir 27
ára starf. Við starfínu tók Jón Gests-
son.
Skrifstofan er flutt að Valholtsvegi
3 þar sem áður var afgreiðsla Vöru-
bílastöðvar Húsavíkur og hefur
húsakosti þar verið breytt og hann
allur endurnýjaður.
Selfossi - Það er orðin árleg hefð
á Suðurlandi að lesendur Dag-
skrárinnar og hlustendur Út-
varps Suðurlands velji Sunn-
lending ársins. Sunniendingar
völdu að þessu sinni Onnu Gísia-
dóttur, fjögurra barna móður á
Selfossi.
Astæða valsins er fyrst og
fremst sú að Anna hefur sýnt
mikinn dugnað við uppeldi
barna sinna og hvergi gefíð eftir
þrátt fyrir að eiga tvo drengi
bundna við hjólastól, en þeir eru
haldnir vöðvarýrnunarsjúkdómi.
Anna og Olafur Sigurmundsson
eiginmaður hennar eiga einnig
tvö önnur heilbrigð börn sem
einnig taka virkan þátt í að að-
stoða bræður sína. Vinnan í
kringum börnin hefur að mestu
verið á herðum önnu en Ólafur
starfar sem bóndi í Björnskoti í
Skeiðahrepp. Fjölskyldan hefur
búið á Skeiðum siðastliðin 12 ár
en rétt fyrir jólin 1998 fluttist
hún á Selfoss.
Fær mikla hjálp frá eldri
systkinunum
Fjölskyldan gerir allt til þess
að halda drengjunum heima og
m.a. fluttu þau á Selfoss þar sem
styttra er í alla þjónustu sem
drengirnir þurfa. Anna getur
ekki hugsað sér að senda strák-
ana á sambýli og vill frekar
leggja á sig þá vinnu sem fylgir
því að sinna þeim. Anna segir í
viðtali að sér þykir ekki mikið til
þess koma að stýra 6 manna fjöi-
skyldu. „Ég lít ekki á það sem
sérstakt afrek að sinna börnun-
um heima. Ég fæ mikla hjálp frá
eldri systkinum drengjanna. Ég
lít fyrst og fremst á það sem
skyldu mína að sinna börnun-
um,“ segir Anna Gísladóttir.
Anna er afar þakklát Sunn-
lendingum fyrir valið en það
kom henni mjög á óvart. Að-
spurð um hvernig nýtt ár legðist
í hana þá svarar Anna því til að
hún sé bjartsýn á framtíðina.
„Við eigum yndisleg börn og
tökuin hverjum degi með bros á
vör,“ segir Anna Gísladóttir
fjögurra barna móðir á Selfossi
sem var valin Sunnlendingur
ársins árið 1998.
Morgunblaðið/Finnur Pétursson
JÓN Þorgilsson, verkstjóri hjá Tálknaijarðarhreppi, og Björn Óli Ö.
Hauksson, sveitarstjóri, við moltunartromluna.
Jarðgerð á líf-
rænum úrgangi
Tálknafírði - Tekinn hefur verið í
notkun búnaður hjá Tálknafjarðar-
hreppi, sem jarðgerir lífrænan úr-
gang frá heimilum. Um er að ræða
tromlu sem nefnist „ALE - trumm-
an“ gerð T 120 og er smíðuð í Sví-
þjóð. Upphaflega byrjuðu 22 heim-
ili að halda lífræna úrganginum sér,
en þess er vænst að flest heimili
verði farin að flokka þegar kemur
fram á nýtt ár.
Eftir því sem best er vitað er
Tálknafjarðarhreppur annar í röð-
inni af sveitarfélögum, sem tekur
slíkan búnað í notkun. I Andakíls-
hreppi hinum forna, hefur verið
jarðgert með þessum hætti um
nokkurt skeið. Það Ríkharð Bi-ynj-
ólfsson oddviti hins nýja ónefnda
sveitarfélags borgfirsku dalanna,
sem hefur haft frumkvæðið að
vinnslunni þar.
Síðast liðið vor gerði Tálkna-
íjarðarhreppur samning við Olíufé-
lagið hf. um yfirtöku á húsnæði því
sem áður var söluskáli félagsins á
Tálknafirði. Markmiðið var að
breyta húsnæðinu í endurvinnslu-
og flokkunarstöð fyrir sorp. Þegar
sumri tók að halla var farið að
vinna að endurbótum á húsnæðinu
og breyta því til samræmis við nýtt
hlutverk. Fljótlega var flösku- og
dósamóttakan flutt úr áhaldahúsi
sveitarfélagsins á nýja staðinn og í
byrjun desember var einnig byrjað
að taka á móti dagblöðum og raf-
hlöðum þar. Dagblöðum hafði verið
safnað í gám við Mettubúð áður.
Geta íbúar stungið blöðum, pappír
og rafhlöðum í gegnum merktar
lúgur á húsinu, þar sem ílát fyrir
hvern flokk standa fyrir innan.
Um miðjan nóvember var byrjað
að afhenda sorpílát sem sérstak-
lega eru ætluð til notkunar á heimj
ilum þar sem flokkun á sér stað. í
byrjun fengu 34 heimili slíkan bún-
að og af þeim hafa 28 heimili, nú
hafið flokkun á lífrænum úrgangi.
Einnig er lífrænum úrgangi sem til
fellur hjá Mettubúð haldið sér og
hann settur í tromluna.
Lífrænt
niðurbrot
Þann 19. desember var síðan sett
í tromluna í fyrsta skipti og hafði
þá verið safnað úrgangi í þrjár vik-
ur. í tromlunni á sér stað lífrænt
niðurbrot við nokkuð háan hita og
tekur vinnsluferlið u.þ.b. 10 - 14
daga. í úrganginn er bætt þurrk-
efnum (sag - spænir - pappír). Við
gerjunina sem á sér stað, þornar
efnið og þegar það kemur út, sem
molta, er það einungis 10 - 15% af
upprunalegu rúmtaki sínu.
Verkefnið hefur gengið vel og
ekki annað að heyra en ánægju með
framtakið.
Enn á þó eftir að leysa geymslu-
vandann við heimilin, þ.e. fá heppi-
legar tunnur til þess að hafa úti við.
Er stuðst við skammtímalausnir
eins og er, en stefnt að því að leysa
málið með varanlegum hætti eins
fljótt og auðið er. Þegar vinnslan
verður komin í góðan farveg og bú-
ið að yfirstíga byrjunarörðugleika
verður gengið í það að fá fleiri til
þess að hefja flokkun.
starfsemi á Sauðárkróki
Sauðárkróki - Formleg opnun
skrifstofu Ibúðalánasjóðs á Sauðár-
króki fór fram sl. miðvikudag að
viðstöddum Páli Péturssyni félags-
málaráðherra, framkvæmdastjóri
og stjórnarformanni íbúðalána-
sjóðs, þeim Guðmundi Bjarnasyni
og Gunnari S. Björnssyni, svo og
sveitarstjórnarmönnum í Skagafirði
og fjölda gesta.
Félagsmálaráðherra Páll Péturs-
son bauð gesti velkomna og lýsti
þeim húsakosti sem hér væri tekinn
í notkun, einnig kom fram í máli
hans að starfsfólk stofnunarinnar
hefði þegar hafið störf og væri sér
ánægja að geta þess að mjög vel
hefði gengi þessa fyrstu daga. Sagði
ráðherra að hér sannaðist að árvök-
ult frumkvæði heimamanna hefði
skilað þeim árangri að þessi stofnun
væri nú að hefja starfsemi. Færði
hann starfsmönnum svo og heima-
mönnum árnaðaróskir með þennan
áfanga og kvaðst þess fullviss að
þessi stofnun yrði héraðinu og ekki
síður þeim sem til hennar þyrftu að
leita til heilla.
Næstur tók til máls Guðmundur
Bjarnason, framkvæmdastjóri
Lánasjóðsins, og lýsti einnig
ánægju sinni með að þessi hluti
Lánasjóðsins væri nú að hefja starf-
semi hér á Sauðárkróki. Rakti hann
í nokkrum orðum sögu þeirra flutn-
inga stofnana frá Reykjavíkursvæð-
inu út á landsbyggðina sem hann
hefði átt aðild að og taldi að slíkt
myndi gerast í auknum mæli á
næstu mánuðum og árum. Flutti
hann heimamönnum og starfsfólki
stofnunarinnar hamingjuóskir og
kvaðst hlakka til samstarfsins.
Næstur tók til máls Gunnar S.
Björnsson, stjórnarformaður íbúða-
lánasjóðs, og þakkaði hann frum-
kvæði heimamanna varðandi það að
bjóða þá aðstöðu sem þurfti til þess
að taka við þeirri þjónustu sem
sjóðurinn vildi flytja frá Reykjavík.
Sagði Gunnar það augljóst að auð-
velt væri að flytja hluta starfsemi
eins og hér væri gert þar sem ekki
væru neinir annmarkar á að tengj-
ast öllum þeim þáttum bankakerfis-
ins sem þyrfti.
Sagði Gunnar að þegar væri
starfsfólk hinnar nýju stofnunar
búið að ganga í gegnum fyrstu
eldraunina, þegar símkerfi stofn-
unarinnar í Reykjavík hefði bilað,
og öllum símtölum hefði sjálfvirkt
verið vísað hingað og hefði hann
vissu að þeir sem á þurftu að halda
fengu hér góða þjónustu. Sem og
aðrir færði hann starfsfólki og
heimamönnum árnaðaróskir.
Síðastur tók til máls sr. Gísli
Gunnarsson, oddviti sveitarstjórnar
Skagafjarðar og sagði hann að nú á
skömmum tíma væru menn að hitt-
ast við opnun nýrrar þjónustumið-
stöðvar í héraðinu og væri það ein-
staklega ánægjulegt þar sem hér
væri um að ræða að skapa ný störf
og aukna þjónustu.
Tæknileg atriði leyst
Forstöðumaður hinnar nýju
skrifstofu á Sauðárki-óki er Svan-
hildur Guðmundsdóttir og sagði
hún að starfsemi stofnunarinnar
hefði hafist um sl. helgi og hefst
starfsfólkið verið að koma sér fyrir
og leysa ýmis tæknileg atriði til
þess að þjónustan geti gengið vel og
snurðulaust. Sagði Svanhildur að
skrifstofan myndir hafa með hönd-
um umsýslu og varðveislu fast-
eignaverðbréfa auk þess að veita
upplýsingar um einstök lán og stöðu
þeirra. Sagðist hún einnig sjá fyrir
sér að starfsemin gæti aukist í þá
veru sem tengdist innheimtu og
frekari upplýsingaráðgjöf.
Starfsmenn skrifstofunnar eru
sjö í sex störfum en auk þeirra eru
tveir starfsmenn í útibúi Búnaðar-
bankans á Sauðárkróki.
Morgunblaðið/Björn Björnsson
FRÁ formlegri opnun skrifstofu Íbiíðalánasjódsins á Sauðárkröki.
Ibúðalánasjóður hefur